Aug 11

NgaaBo 2017-08-11

今年係本命年,無論發生咗啲咩都好,我一直覺得我仲沒黑到貼地,我一直都相信今年會係我嘅lucky年。

回想下,上一個星期,我仲有份好穩定嘅工作,雖然工資一般般,但相對於嚟講,可以早落班,可以hea住做,同事又咁nice,個個都認為工資係ok㗎喇,仲好羨慕我。但係,可能我身在福中不知福,想要嘅嘢太多、顧慮嘅嘢太多、思考嘅嘢太多,加之高層嘅所做所為令我壓力爆煲,雖然我可以唔理會,但我嘅個性決定我無辦法唔去唸,所以毅然決定辭職。

原來唸住我係搵到一份好嘅公司,所以我先膽敢講「辭職」二字。但係,冇唸過會令自己如此失望。

今個星期返咗兩日工,已經無法忍受如此工作氛圍「壓抑」。工作環境好好,係創意園裡面,又近屋企,講真,我一直都好期待係咁嘅環境下工作,我會好開心好畀心機做嘢。但係,係公司裡面,所有人都埋頭苦幹,唔吹水、唔飲水(少見)、唔去廁所(少見)、唔起身走動(除咗傾公事),一直坐著一直敲打鍵盤(靜音),雖然有人係到開會係到討論公事,但係公司係某種程度嘅「安靜」,係「安靜」得「可怕」,「可怕」得「壓抑」。每次我敲打鍵盤發出聲響,總害怕會唔會妨礙到他人,嗯,其實會;有次關返個櫃,唔小心發出「bang」一聲,所有人望過來,嗯,好大壓力;有日早上係電梯,見到幾個同事之間除咗say個嗨然後就冇然後,電梯散發一股尷尬風,忍唔住返到公司問同桌,好冷漠回答,嗯,幾尷尬;落班嘅時候,個個仲埋頭苦幹、不願離去,嗯,好勤力。係公司講嘢除咗要細聲,最好就互加微信傾計,否則後果就係畀吖頭訓話。落班後,順利勾搭兩個同事了解一下公司情況,先發現,雖然冇加班費或餐補,落班之後大家都自願加班到8點幾但會好鄙視早走嘅人;雖然話雙休,但偶然間要加班;雖然表面睇同事唔吹水,但吃飯嘅時候會互相吐槽;雖然老闆睇起身好好,但其實好孤寒好縮骨,各種把柄扣工資。講真,加班冇加班費接受唔到,以某種形式綁架他人接受唔到,一入職除咗索要我嘅資料同簡單介紹公司同事、冇基本用具或其他嘢分配接受唔到,每日落班腰都會坐到痛接受唔到,每日同事如此安靜接受唔到。

所以吖,咁多接受唔到,週三早上應該返工嘅時候,一直遲遲唔願意起身,就係因為我自己知道自己有咁多嘢接受唔到,如果繼續工作落去,只會令自己變得唔開心、壓抑,屁屁變大、身體變差,我唔想我唔想。雖然一直糾結、害怕呢個決定,但我覺得我唔會後悔,我應該要遵循內心選擇。係對他人唔負責任,但起碼對自己負咗責任。雖然唔知道要搵咩工,亦害怕將來,但我決定咗先放飛自我一排,再努力拼搏,如果繼續搵工,我覺得自己只會重蹈覆轍。嗯,我嘅計畫又一次畀自己打亂咗。希望將來嘅我唔會後悔呢家嘅我做嘅任何一個決定,希望將來嘅我可以搵到自己鍾意做嘅嘢自在咁生活。

銘記兩句話:

Are you living your life or just waiting to die?

Waiting for life is waiting to death.

哈哈,唸起我親愛嘅電腦,係屋企嘅時候,無論點都少罷工。係公司嘅時候,就兩日!兩日!各種罷工,唔係開唔到機就一直卡一直出現各種問題,同事企隔離等得我都尷尬起身。自辭職之後,電腦又恢復一切正常,至少沒試過開返機嘅時候一直卡。原來我親愛的都唔鍾意我繼續呢份工。XD

查看更多主题的豆瓣日记和相册

NgaaBo
作者NgaaBo
13日记 7相册

全部回应 0 条

添加回应

NgaaBo的热门日记

值得一读

    豆瓣
    我们的精神角落
    免费下载 iOS / Android 版客户端