Concert YY Bluray Commentary Track Disk 1
粤->国：http://music.douban.com/review/5727770/
Disk 2：http://www.douban.com/note/258918726/
Disk 3：http://www.douban.com/note/258918789/
01. Opening + 02. YY Speech 1
黄伟文（以下简称Y）：欢迎大家，我系黄伟文。如果你听到呢段录音嘅话咧，你应该就已经买咗Concert YY嘅蓝光碟喇。咁呢个系我哋呢张碟嘅特别嘅feature，我哋会系度陪大家几个钟头，咁就算系爆料或者系分享下一d即系做呢个演唱会嘅时候一d不为人知或者已经好多人知不过仲想讲嘅一d部分，即等于大家睇果d美剧或者电影里面有d commentary咁样嘅嘢。点解话我哋咧，因为除咗我自己之外，我仲请咗个特别嘉宾嘅，因为我觉得自己讲就有d斋，所以头先你听到笑声喇。咁我哋隆重欢迎香港舞台剧王子——梁祖尧先生！
梁祖尧（以下简称祖）：（低沉磁性地）Hello.（笑......）
Y：哇，吓死人，未见过你咁样。我谂，因为我自己系度讲嗮所有嘢，就有种自闭老人嘅感觉，虽然有d说话我又觉得自己一个人就容易讲d嘅，譬如我宜家对住你我又觉得有d肉麻，不过都讲喇。
祖：有咩肉麻嘢未听过咧，尤其系呢刻我哋揸住两只酒杯~
Y：系喇。希望大家睇嘅时候都可以揸住d你哋想揸住d嘢喇。呢个演唱会其实系一个好有趣嘅经验，咁因为我唔系果种社交达人，咁多年来我都冇尝试过去变成友谊先生嘅。只系要写歌词嘅时候，出于对写歌词嘅爱，哇好肉麻，就畀心机写。所以突然之间要做呢场演唱会嘅时候，反而觉得呢个系人生好重要一个考验，因为要面临去试下究竟咁多年来合作d人，系咪真系合作愉快咧，如果合作唔愉快嘅时候咧，我就唔系好知点算。
祖：一阵间有冇内幕听下咧，有冇话边d系特别唔愉快嘅咧？
Y：唔愉快嘅反而冇乜，不过，总之你问我讲喇。
祖：好啊，我就系饰演一个...话嗮呢个演唱会其实我都睇过三晚嘅，虽然我冇办法睇嗮咁多晚，但系三晚里面我都坐唔同嘅座位，都听到一d观众系度吱吱斟斟嘅，系时候八番畀你听果d zizan系乜嘢喇。
Y：反而其实本来阿祖应该唔止睇三场嘅，其实本来佢有多d参与，点解咧？其实我做呢场演唱会嘅时候，我唔知道去到最后会有几多人肯嚟，所以我就谂有d部分如果预定多少节目就好喇，咁五十几个电话我完全都会打嘅，咁五十几个单位我都完全会邀请嘅，咁但系邀请完之后我其实本来预得十来个来咁样嘅啫...
祖：你咁睇轻自己吖...
Y：我唔关睇唔睇轻事，而系，啊系啦...
祖：时也命也喇，或者果d，唔得闲喇出咗阜喇呢样果样喇，控制唔到d嘢喇...
Y：毕竟呢d叫做咩啊，不可抗命之力。咁喇，所以就惊冇咁多人嚟喇，咁然之后曾经有一个太平门，就系希望邀请阿祖嚟唱一d歌嘅，咁样...
祖：乜阿，你同我讲...
Y：我哋本来要唱Single Ladies嘅！
祖：唔系唱，系跳阿！
Y：系跳...跳！
祖：原本谂住，你话有一日开红馆你一定会系台上面跳舞。有我同你同埋汤骏业三个，着住果个紧身嘅泳衣同埋高跟鞋，认真跳一只Single Lady嘅。
Y：系喇，呢个系我哋将会爆嘅第一个内幕，好彩结果好多歌手嚟，基本上已经爆满，摆唔嗮d...好多人都摆唔嗮只能够唱到两首歌，咁所以我哋就留到十年后喇，十年后脚再多d根，同埋潮d嘅时候先至嚟跳喇。我唔知由何讲起，我谂最想讲果样嘢反而系，结果我邀请咗，我大概打咗五十个电话喇都有四十几个应承嘅。咁...我谂做完呢个演唱会对我来讲最有意义嘅嘢，系好多好多年之后，如果有时我会觉得我需要嘅爱得唔到，怀疑自己做人系咪做得够好嘅时候，我谂半夜三更我睇番呢个碟，我都会省起，同埋肯定地觉得，系曾经某一个时候某一个空间，呢班人系对我咁好嘅，我系曾经得到呢d爱嘅，咁...系好重要嘅。
祖：扣番头先个画面咧，第一场嘅时候，呢六晚嘅第一场你坐系下面果张书台嘅时候，临升上来果一刻，听到出边d掌声，开始熄灯喇，哇~~~果d咁，果刻谂紧d乜嘢其实？
Y：仲来唔来得切去屙多个尿咧~（阿祖笑翻）主要系呢样嘅，我觉得好多人生伟大嘅事都系咁样，即系呢一秒钟，咁因为你知道你一出咗去，就会有好多事情要发生，就翻唔到转头嘅喇，所以系喇，都系谂住要屙多个尿喇。
-------------------------------------------------------------------------------------
03. Joey Dance Medley (桃色冒险 / 跑步机上 / 隆重登场) - 容祖儿
祖：呢一段其实有一个都唔算系好内幕嘅，你知我阿妈啦，Betty姐，佢就好少留意流行音乐嘅，佢都只系中意何润东啫嘛...
Y：（笑...） 何润东~
祖：系啊，佢好中意何润东同埋d韩星嘅。佢睇呢一日，佢第一日睇，睇容祖儿呢一段，睇完佢目定口呆喎，跟住佢话，哇！容祖儿真系小天后喎！我话阿妈，佢唔系小天后，佢真系天后嚟噶，系香港。
Y：做好耐嘅喇。
祖：系喇，但系佢系真心哋去欣赏佢唱功同埋佢跳舞同埋成个表演喇...呢段我系好中意嘅
Y：我谂呢段要解少少话嘅，（祖：好好好）因为可能d年轻嘅朋友或者唔系特别好中意电影嘅朋友，就唔知点解无端端容祖儿要着套男装然之后果d舞蹈演员就着嗮d粉红色衫出嚟，但如果你知嘅话可能就会有多d趣味。其实呢个系来自麦当娜嘅Material Girl，而麦当娜嘅Material Girl，其实系来自玛丽莲梦露嘅一套旧戏，果首歌叫做Diamonds Are A Girl’s Best Friend，即系钻石系女孩子最好嘅朋友。咁麦当娜就系玛丽莲梦露果度罗灵感，我哋就系玛丽莲梦露同埋麦当娜果度再罗一次灵感，唯一果样嘢颠覆咗嘅就系...
祖：梦露系着住粉红色衫嘅嘛~
Y：系喇，即系我哋将男女嘅角色（麦当娜都系..）对调咗喇，咁就变咗，原装嘅画面就系好多个着住容祖儿呢套衫嘅男人，围住一个着住粉红色衫嘅麦当娜，或者玛丽莲梦露。咁宜家我哋就将呢样嘢倒转咗去。咁因为我谂呢个系我嘅演唱会喇，所以我要搵一d比较有我嘅风格嘅处理喇（祖：笑~~~），咁而将呢d性别扭转咗，其实就好”我”喇~~所以我自己希望通过一d细节而讲嘅一d statement喇~~
祖：呢套衫系专登设计吖，定系完整买嘅？
Y：专登设计嘅，呢个演唱会其实只系得系两套衫，歌手嘅衫系订做嘅，因为其余果d全部都系联络世界各地嘅牌子去借用或者买咁样。但系呢套衫，即系因为我想做呢个场面喇，所以我完全搵唔到市面上边个设计师会做一套咁样嘅衫...
祖：即系贱得好紧要，粉红色呢班男人...
Y：然之后仲要变咗裤嘛~（祖：系啊...笑）同埋呢班舞蹈演员，HighKing果班舞蹈演员系好抵锡嘅，再睇落你会睇到佢哋嘅各种...牺牲色相，咁系呢部分，首先佢哋肯做嘅就系为咗达到呢个男玛丽莲梦露嘅造型，佢哋系全部肯染嗮金发嘅~（祖：阿~~系专登为咗呢一part嘅？）系啊，咁晏d你就会睇到，佢哋全部都系梦露头嚟噶。咁，其实出嚟做舞蹈演员啫，仲要牺牲到身体发肤，即系好敬业嘅一个行为咯~
祖：同埋坦白讲我好中意HighKing排呢一段舞，成个故仔嚟噶嘛~由呢一度唱钻石大盗，咁跟住成段系好好，排得好好睇...
Y：基本上呢d心啦，钻石项链喇，都系原装玛丽莲梦露果个舞里面有嘅元素同埋道具嚟噶~但系经过HighKing嘅巧思，就变成咗现代化d嘅版本同埋一个历时三四首歌嘅版本。
祖：我相信如果你冇在现场听，你一定会以为系后期加咗d嘢，或者系容祖儿在录音室再补番喇，因为冇乜吐气声，冇乜喘气声，在现场听佢真系唱得好好吖呢part，成part佢做得好好！
Y：其实后d系有d吐气声嘅，因为（祖：作为一个人嘅体能...）HighKing系排咗一d部分系要容祖儿跑得好紧要嘅，祖儿都系香港出名跳得好耐而唔喘气嘅歌手，都为咗我哋嘅演唱会而做到呢个地步喇~~
祖：处女喘冇咗...
-------------------------------------------------------------------------------------
04. 这么远那么近 - 黄耀明
Y：其实六晚嘅演唱会我谂最多人关心嘅一样嘢就系边个唱开头边个唱压轴，咁因为咁多歌手，大家都会怀疑系咪大家都会争排位咁样，但系今次系完全冇嘅。虽然我哋每一日嘅开头同埋结尾可能都有d唔同，但好多晚都系头先容祖儿果个开场，因为我谂大家都好信我嘅安排，即系交低个人畀你你中意摆我系边度就边度喇咁。
祖：系喇，大家都冇计较呢d嘢喇。
Y：呢样系好感动嘅地方嚟噶，跟住就到明哥要出场喇。
祖：我第一晚睇嘅时候，一听到，其实听到个intro已经认得呢只歌喇。一听到张国荣把声，哇，果两行眼泪已经fei出嚟喇，真系fei出嚟。
Y：关于首歌，其实都有d故仔嘅。咁嘛呢套衫就系专登从法国运番嚟嘅一套时装表演嘅show piece，就唔生产嘅，就系一个叫做Gareth Pugh嘅牌子。（祖：得一件嘅啫）得一件，因为，即系你知，都几贵嘅喇（笑）。都冇乜人会订嘅，所以呢个系仅存于世上嘅孤本，配合明哥就不做他人选嘅喇。但呢套咁珍贵，咁啱佢嘅衫只系出现咗一晚啫。
祖：点解咧？
Y：咁因为第一晚佢着完并唔系话唔靓嘅，好靓！但因为第一晚就有...你知道歌手咧，唔洗唱嘅时候都系台底果度stand by嘅，（祖：嗯哼）但你知道最大祸嘅咧，就系第一晚我哋有彭羚嘅。咁你知道身边，我喇，我身边嘅所有人都好多年冇听过佢唱歌噶嘛。
祖：全球华人都期待佢喇~
Y：系喇，所以明哥本来就系台下stand by，突然之间听到有彭羚咧，佢咧就，啊呢个唔知出唔出得街嘅，都出得街嘅，扑到咁出去，而佢真系扑到喎。咁因为台下，你知其实大部分嘅观众唔知道舞台其实系一个好危险嘅地方嚟噶，由于台下好多机关喇电线喇果d无端端地下有个铁伸出嚟吖，果d咁样嘅嘢。咁明哥就着起呢件衫嘅时候，跌倒咗。咁幸好其实冇乜大碍，不过只手已经肿嗮。咁由于你知道时装呢家嘢，好多时候都系追求扎身嘅，咁个袖列，系第二夜嘅时候已经唔再穿得落，因为佢嘅手肿咗。
祖：啊，肿到咁吖？
Y：肿到咁。所以就发生咗呢个，对我嚟讲都系一个危机嚟噶，呢件衫已经就系咁辛苦借到番嚟，我谂住有五晚几多人我要style，即系其实呢个搞定咗我就安安乐乐嘅喇咁。但系突然之间呢件衫又着唔到，咁我又要嗱嗱临就要系我嘅衣柜，即系系后台预备咗畀大家嘅衣柜里面组合一套新嘅衫出嚟。因为我唔再借到新嘅衫喇，咁唔切喇。所以...（祖：就变成果套喇）系喇，我谂有少少似系，有冇试过，你好中意煮嘢食喇，有冇试过突然之间有十五人半夜嚟你屋企食嘢你冇买到嘢嘅。你只能系屋企里面有嘅嘢，组合出一d又好食又快整到，然之后希望大家会赞d嘢喇咁。
祖：完全明嗮~
Y：系喇，宜家就系咁样，好彩又砌到。然之后到后来，又有刘以达嘅加入喇，又有d同，林宥嘉嘅加入喇，之后又砌多两套衫出嚟喇。其实我哋有预到松嘅衫嘅，但系果d全部都系支离破碎嘅嘢，即系有青椒咯有腌肉咯有粟米咯有酸奶咯，但你冇谂过呢d嘢要组合成成一样乜嘢咯。咁然之后我就要临时将果d七零八落嘅时装散件，砌成一个look，畀明哥或者其他人咁样。所以其实呢几晚最惊险嘅地方就系你以为已经搞定嗮d嘢，突然之间又杀出咗，即系，本来你以为十五个人嚟食饭，又嚟多三个话系楼下，咁好喇，你搞定咗呢三个喇，又有人打电话嚟话，喂我都好肚饿吖咁样。咁结果系冇休止嘅不断有呢d人加入，咁当然呢个系好乐意同埋好感激嘅，因为原本谂住系咁多人参加，同埋唱咁多首歌，不断有新嘅人愿意嚟演唱，同埋有新嘅曲目。
-------------------------------------------------------------------------------------
05. 那谁 - 苏永康
Y：你知道乜叫cameo噶喇？（祖：嗯哼~）即系你系舞台演艺出身嘅，可能听紧嘅朋友未必知喇，cameo就通常系一部电影或者演出里面，就有d巨星，真系只出一幕嘅啫，多都冇嘅喇。但系你知道喇，由于佢系一个大家完全冇预计嘅情况下出现，就有一个惊吓嘅效果。同埋你觉得，哇咁大嘅明星都真系出嚟讲一句对白啫，咁呢个就系个威力噶。香港嘅，或者中国文化，巨星通常唔做呢d cameo嘅角色，因为觉得好似好冇面，我咁辛苦嚟到，我真系只讲一句对白？咁，但系前卫嘅，同埋明事理嘅巨星就会做呢d嘢喇。点解我要讲呢样嘢咧，系喇，就系因为苏永康。其实好多人都问，佢六晚都嚟，但系除咗其中一晚佢唱两首歌之外，佢其余五晚都系唱...独唱一首歌噶啫，咁有冇浪费呢位咁唱得嘅好朋友嘅嫌疑吖？佢又反而冇事，本来我有担心过，咁但系...我嘅考虑就系，呢个就系cameo嘅威力喇。我谂旧年最多人想听苏永康唱嘅歌就系那谁，如果佢嚟到只系唱呢首歌，我谂威力系...最巨大嘅。咁其实我都有赌嘅嫌疑，即系搏一搏嘅成分。但我觉得都好彩叫做博到喇，因为每一晚佢真系只系嚟唱一支歌，都得到大家最热烈嘅掌声。
-------------------------------------------------------------------------------------
06. YY Speech 2
祖：哼哼哼...
Y：做乜冷笑咧？
祖：咁黄生你点解释呢件衫咧？
Y：呢件衫系我好中意好中意嘅衫嚟嘅。咁其实有好多次，买咗几年添，有好多次曾经系d我觉得好重要嘅场合我想着嘅，咁但系都被人禁止咗嘅。
祖：点解咧？
Y：因为例如我有两套衫即系问d朋友嘅意见边套好d，咁佢都系拣咗另一套喇，而唔系拣咗呢一套喇。譬如呢套系旧年叱咤我有谂过要着嘅，不过临出门口问d friend，话呢套好，系A套好定系B套好咧？咁个个都拣另一套，因为觉得呢套唔系几靓。
祖：和服，系咪最后咪拣咗？
Y：系喇系喇，即系觉得呢套唔系几靓。但系，果d有份拣另外一套嘅人，今年又嚟睇演唱会，睇完之后全部都觉得呢套衫系最靓嘅！点解咁嘅咧大家，真系激死我...
祖：呢套衫对我嚟讲，望落去，我就系觉得系集中营入面嘅制服喇，系另我好...（Y：你知Btim份人）唔知吖，果人可能仲有乜情况啩~[呢度唔系听得好清]
Y：呢套衫对我嚟讲，即系我希望大家有种系屋企嘅感觉喇。同埋有个几得意嘅非正式统计，xxx最多人中意嘅其中一套衫，就系呢套。就算我唔系冠军，都系亚军噶喇。
-------------------------------------------------------------------------------------
07. 自然醒 - 林宥嘉
Y：林宥嘉小弟弟系另一个奇怪嘅缘分嚟嘅，我记得我睇星光大道比赛嘅时候，我已经最喜欢嘅系佢，然后我就许咗一个愿，唔系许愿吖，即系如果呢班星光大道嘅歌手其中一个搵我写歌嘅话，我最希望就系林宥嘉喇咁。呢个故事再一次教训大家，即系小心许愿，唔好笠乱希望得到一d嘢，如果唔系唔觉意畀你得到咗，有时都会阵脚大乱嘅。咁嘛，佢嘅监制叫施人诚先生，即系通过施生搵我帮佢写一首歌。
祖：系佢搵你嘅？即系你知系佢监制搵你定系...
Y：因为做填词人其实倾向几被动嘅，就算好想写嘅歌手，你都只能够放风，但系我又有时觉得放风肉酸嘅，（祖：唔够型）唔够型。咁只可以心里默默嘅等待你心爱嘅歌手有一日收到你个，即系电波，然之后嚟搵你，咁竟然又真系得到咗今次。做呢个演唱会嘅时候有谂过，虽然我嘅国语，普通话嘅作品唔系好多，但都有吖，所以应该都摆一d系度嘅。咁但系我同林宥嘉又唔系真系好熟，都有少少战战兢兢咁要求佢帮手，我觉得佢唔会嚟喇，估唔到佢又冇条件一口应承，专登飞嚟香港做呢几首歌。
Y：或者都系时候同大家拆解一个...即系点解咁多年都少写国语歌嘅...一个迷。对我嚟讲，我由小到大都净系中意，做一d我觉得自己做得好嘅嘢。即系如果我打完羽毛球之后觉得自己打得唔叻，就以后唔打，如果踩雪屐踩过一次，发现成日跌咧，我就以后唔会将果对屐着上自己嘅脚上面嘅喇。
祖：你第一首国语歌系乜嘢咧？
Y：我第一支嘅国语歌...啊我第一支嘅国语歌好笑喇。有一次，你记得有刘以达与梦呢个组合喇，（祖：记得）咁当时应该系阿达离开咗达明一派自己发展，搵咗一个叫梦嘅女仔，都好似有搵其他歌手嘅。我唔记得咗结果呢首歌系阿梦唱定系xxx[冇听清]唱嘅，总之我就得到一个订单，阿达就搵我写歌，好开心因为可以写喇。咁写咗一首歌如果我冇记错好似叫做我的甜，咁就交咗份歌词。通常交咗份歌词之后，就系咁多嘅喇，我下一次有机会再接触到佢咧，就系果首歌灌录成唱片或者派台之后。咁呢首歌冇plug到嘅，所以我得到唱歌嘅时候我第一时间罗嚟听，就发现咗样好奇怪嘅事，因为刘以达先生可能有时就…假设大家好明白佢嘅心意，佢畀歌我嘅时候就冇讲到系乜语言嚟噶~（笑）所以咧，以我过往嘅案底，净系写过广东歌词啫，当时。咁所以我就假设你搵我当然系写广东歌词喇，（祖：唔系呱~）系，所以咧，到我听到首歌时，咦，点解变咗国语咧？咁所以咧，如果大家有机会搵到呢一首歌，或者呢一张唱片再听翻嘅话咧，你拎住份歌词，对着个旋律一齐唱，你用广东话嚟唱，系完全唱到嗮嘅，冇问题嘅。咁呢个唔觉意嘅，被逼嘅变咗我嘅第一首国语歌。但如果真心写嘅时候，我知系国语歌而写嘅国语歌，应该系王菲嘅《扫兴》。即系点解咁多年都咁少写国语歌咧咁，我成日觉得人嘅时间同埋能力系有限嘅，所以人系应该…当然喇，即系有你自己兴趣有梦想喇，但如果要对世界最多贡献嘅话咧，咁不如就系你有限嘅时间里面尽量做一d你觉得拿手d嘅嘢喇咁。对我嚟讲，广东歌系拿手d嘅，所以就花大部分嘅时间写广东歌，而国语歌就真系冇咁拿手咯，因为我真系唔系用国语嚟思考噶嘛~
祖：好行啫你咁答~
Y：真嘅真嘅真嘅！我对自己写国语歌要求多好多嘅，因为广东歌其实你知道要啱音，所以限制多d嘅，咁我觉得写国语歌，咦，冇咗果d限制了喎，咁应该写得更好，即系写果d文字嘅意思吖个组合，应该更加…（祖：精彩~）精彩~（祖：跳脱~）跳脱同埋更加挥洒嘅，系，挥洒~耶！系喇，由于要求咁高咧，我成日变咗举步维艰嘅，即系你提笔觉得咁又唔够好，咁又唔够好，可能咁系累咗我嘅，所以咁多年都系写好少嘅国语歌。
【附上第一首国语词】
王菲 - 扫兴
叠着 叠着 的扑克 你 一个扬手 叫我塌下来
喝了 喝了 的可乐 你 一个转头 叫我哭出来
装着 装着 的快活 你 一个眼神 叫我装不来
忘了 忘了 的寂寞 你 一个问题 叫我想起来
唉 总是 不费吹灰 你 把我 从那 梦想世界 赶出来
（唉）总是 轻而易举 你 叫我 从那 白云深处 掉下来
小心翼翼 的忍耐 你 一不留神 叫我塌下来
好不容易 的开怀 你 一句说话 叫我坏起来
一生一世 的期待 你 一秒之间 叫我醒过来
自由自在 的发呆 你 一盘冷水 向我扔过来
-------------------------------------------------------------------------------------
08. 看见什么吃什么 - 林宥嘉
祖：头先果度，林宥嘉埋插住个袋成个人系度震嘅~我觉得好搞笑果度。
Y：点解咧？
祖：佢插住个袋系度，咁喎哈喎哈，咁成个人就系度...哈哈哈~但我第一次睇佢嘅live喇，我以前冇睇过，净系听过佢唱片入面嘅嘢喇同埋果阵时唱歌比赛果d喇。吖~我唔知道佢系咁丧嘅喎，（Y：系吖）佢直头系入嗮去嘅喎，成件事…我觉得佢...另眼相看喇~
Y：同埋佢系即系全个亚洲即系话唱华语嘅歌手里面，冇人嘅台风系咁嘅，即系冇人同音乐嘅律动，系咁样嘅。所以，你话我系服装选择上面好偏心咧，我话冇。但系咧，佢嘅衫你会觉得系舞台上面真系唔系人人都着到嘅，呢套衫我好中意嘅。
祖：呢套？
Y：系吖~成个演唱会你会发现好多男仔，都系着d西装类嘅嘢，因为大家接受咗即系西装类嘅嘢系舞台上面先至叫得嘅。唯独是佢我觉得可以…好多佢嘅fans叫呢套系Mario嘅装喇，咁我觉得其实佢系同呢套衫系pefect match嘅。
祖：Mario...对我嚟讲，好断背吖。
Y：（忍住笑）点解咧？
祖：唔知吖，牛仔嘛，断背衫咯~唔知果条筋令我谂起断背衫咯，冇嘢喇，byebye~
Y：byebye~
-------------------------------------------------------------------------------------
09. 大大公司 - Swing
Y：吖，嚟喇~做填词人对我嚟讲最过瘾嘅一样嘢，就系一d你觉得佢唱得好做得好或者你中意嘅歌手，佢又得唔到你觉得佢应该得到嘅嘢，嘅时候你可以帮手。咁，Swing呢一首歌我记得系佢地嘅第一首冠军歌。
祖：系乜？
Y：系！第一首电台即系流行榜嘅冠军歌。
祖：即系你个揸lift论喇？
Y：系喇，即系个揸lift论，即系觉得佢哋应该有一首咁好成绩嘅作品。当时我就听电台扫榜，扫到佢哋嘅时候，就冠军。咁当时咧我系有种即系喊嘅冲动~
祖：你系咪做紧电台果阵时？
Y：未，离开咗啦，离开咗九世喇~然后就打电话畀Eric，喂！恭喜嗮喇！终于得了！佢话我两日前已经计到喇，因为你知个电台系计播放率嘅嘛，所以即系人哋得冠军，喊果个系我喇，吹胀！
-------------------------------------------------------------------------------------
10. 帝国大厦 - Swing
祖：呢一刻我决定要畀一d声听紧嘅人听，就系：“beng~”（红酒开瓶的声音）哇哈哈哈哈。呢个系乜声咧，就系打开一支酒打开一支威士忌嘅声，同埋呢个：（碰杯然后倒酒声）~
Y：系吖，我哋系咁样做嘢嘅。
祖：冇错喇，我哋宜家就系要进入另外一个阶段喇，因为头先老老实实唔怕话埋畀大家听我哋就出去食咗个饭，吃咗个饭break之后，话嗮呢个六个钟嘅（Y：马拉松）马拉松就冇可能系冇酒精底下进行到嘅，所以，YY我哋饮一杯先喇~
Y：我又要畀埋呢个声~（碰杯声+，+这俩是有多无聊~）
祖：佢哋唔系高调拆伙嘅乜？（终于开始入正题）
Y：系高调拆伙嘅，咁，但系，应该咁讲喇，所以我开演唱会嘅时候好想有佢哋，但我连打电话畀佢哋都唔敢。因为我觉得，我惊强人所难，因为如果我开口嘅话就会摆佢哋系一个好为难嘅境地。
祖：就好似叫张柏芝同埋谢霆锋如果佢哋有支合唱歌系你写嘅咁叫佢哋嚟一齐唱咁嘅意思。
Y：你好醉啫...（笑）唔系，应该话即系我尊重佢哋嘅所有决定咯。咁...点知有一日突然之间，Eric就自己自投罗网，send咗个message嚟，就话，喂我哋可以为你重组一日嘅。
祖：佢哋嚟咗一日嘅咋？
Y：嚟咗一日嘅咋，同埋一日先珍贵！咁当时收到个message就有逼眼泪了咁。其实系呢个演唱会搞嘅过程里面有好多次都系一d我认为冇可能发生嘅嘢结果冇端端发生咗，仲系主动咁走埋嚟搂我发生。所以呢一个好有可能系Swing唱佢哋自己嘅歌嘅最后一次台上面嘅演出喇~
祖：咁保留吖你讲得，唱佢哋自己嘅歌...
Y：因为佢后来有出过另一个演唱会唱人哋嘅歌而唱咗嘅。
-------------------------------------------------------------------------------------
11. YY Speech 3
祖：边个设计嘅呢件衫？
Y：系街买嘅，系日本行下街，然之后见到有副眼镜，咁然之后就觉得好得意，咁买咗副眼睛先嘅，ok？咁谂住呢个眼镜都衬到几多嘢吖~
祖：贵唔贵噶？
Y：唔系好贵嘅咋~
祖：我d市民想知道呢d嘢嘅嘛，几多钱吖眼镜？
Y：我唔系好记得，我谂...咁样嘅，因为你知果d胶，其实系果d bb仔...（祖：儿童躝地果d吖嘛~）系吖，儿童躝地垫地胶嚟噶嘛~咁我觉得个idea好得意，我谂一d咁嘅胶唔得收好贵嘅，可能千来蚊喇咁。咁好喇，买呢副眼镜唔知点用，当时同个trip就记得要去高円寺，一个地方，就其实系我平时去东京唔会去嘅地方。但由于果度开咗一个新嘅，即系果d所谓嘅所谓独立设计师嘅集中地，其实系一间烂嘅纸皮屋嚟噶，唔系，铁皮屋嚟噶~咁，但话就话Lady gaga都有去果度买衫喇咁，所以就去睇下有d乜。一去到，就见到，路口果度就已经见到着住胸口果块英文字母嘅喇~因为我已经买块眼镜喇，冇理由唔买埋块..呢块叫乜吖？（祖：呢块躝地衫）系喇，呢块躝地胶仲胸口有个Y字系度，吹乜就。
-------------------------------------------------------------------------------------
12. 地平线 - 官恩娜
祖：官恩娜地平线喇哈？即系你笔下数次高调咁样公开赞官恩娜吖嘛？点解咧？
Y：我真心中意听佢唱歌同埋我又觉得佢系靓嘅。
祖：中意d乜先？
Y：哇~
祖：你睇下你睇下你睇下你拣咗件乜衫畀佢喇~
Y：我唔系吖，我呢个衫唔系我咁样拣嘅。你见到胸口个U果度...（祖：系埋你拣噶？）系我拣噶，但你见到U果度，埋中间有两块蕾丝好似贝壳咁样嘅，果个系佢自己嘅。
祖：乜吖！
Y：即系咧，果件衫原本系U..（祖：冇嘢嘅）系喇...（祖：哈哈哈）咁我觉得其实平时我哋留心官恩娜靓样听佢歌咁就好少见到佢咁...即系...（祖：人所共知果d嘢）艳客咁样出席嘅。咁我觉得咦我拣条咁嘅裙畀佢，开头我仲有d担心佢会唔会唔肯着咧咁。佢又好信得过我喎，佢乐意着喎，咁到嚟演唱会嘅时候就发现多咗两个贝壳喇。
祖：即系佢果个贝壳嘢系佢自己嘅一件所谓打底嘢？
Y：胸围喇不如讲，（笑）人哋有个专称叫做胸围嘅~
祖：我想问下其实你做呢个造型咧，系咪发型你都会管埋嘅，同埋化妆你都会管埋嘅？
Y：好！既然你问得！因为我一路都好尊重我d嘉宾嘅...嘅...
祖：你冇搞到我呢个问题好似好有嘢咁望住个画面喇，我冇乜意思嘅其实~
Y：（笑）好我想讲其实，好多时候我都尊重我d嘉宾嘅个人特色嘅，所以我亦都冇话每一样嘢都揸到好仔细。咁当然我都系一个好追求完美嘅人喇，好喇绕咗个大弯喇，我回答你嘅问题喇。佢嘅发型唔系我拣嘅。
-------------------------------------------------------------------------------------
13. 奇洛李维斯的回信 - 薜凯琪
Y：呢条友就同你好熟喇，所以你会唔会对佢嘅嘢你会有更多嘅八卦想知道？
祖：边个吖？
Y：唔系奇洛李维斯喇梗系都唔系弹紧琴嘅何炳喇~
祖：姓薛个条女系嘛？哈哈哈哈哈~我就系咁话喇，即系我第一晚睇咧，薛凯琪其实佢知嘅，即系佢咧，佢唔系有句嘢，“我闷隔着个太空”咁样，佢埋“我闷”咁样嘅？（笑紧fiona个发音）但我睇呢个dvd嘅时候咧，佢改咗嘅果粒音，定系佢最尾果场唱得唔同咗咧，点解冇咗咧？
Y：死喇，我从来都系听到“我们”噶喎~
祖：我发誓吖，我第一晚睇完之后，佢唱：“我闷隔着个太空”~果晚我打畀佢，做乜吖，乜乜“我闷”吖？乜儿童乐园吖，麦当吖宜家？佢话系乜系乜系乜扮嗮嘢咁，跟住第二夜睇佢都系“我闷”嘅。跟住唔知点解咧...
Y：神奇嘅出翻即系演唱会嘅...
祖：佢有冇嚟补过？（Y：冇喎~）真系冇吖？哼，时运高吖薛凯琪你！你录果晚你真系唱番啱吖！不过我知道阿fi佢好紧张，因为佢做呢一个show之前，佢果阵时系未开红馆喇，佢好keep下气你知佢好耐冇做过大show同埋好耐冇公开演唱喇，咁然后佢练咗好耐喇我知道佢好紧张。
Y：咁而呢个演唱会嘅试水温行为咧，我谂系会奠定佢系自己嘅演唱会里面嘅演出嘅，即系果个能量嘅，所以佢好紧张，佢系第一个去试衫嘅。（祖：吖？）因为呢个裙好早就到咗喇，即系十月已经到咗喇~
祖：我又想问下d嘢，你呢条裙，即系，譬如呢件衫喇，你系买定系借嚟噶？
Y：借嘅~
祖：即系要还嘅？
Y：要还嘅~
祖：着咗咁多日跟住成个咯吱底都系汗咁又拎番畀人吖?洗唔洗洗干净先还...
Y：咁我又冇问薛凯琪嘅腋下分泌有几旺盛，所以我唔知佢有冇成个咯吱底都系汗。呢条裙系因为我系巴黎睇show，睇完我觉得吖呢条裙系薛凯琪喇~（祖：系，好衬佢真系好衬佢~）反而好多时真系好系佢嘅裙佢自己平时好少着咁嘅裙，咁所以一早留咗畀佢。一个外传喇，后来呢条裙刘嘉玲都中意嘅又着咗另一条。
祖：一样色一样款？
Y：一样色一样款。不过佢系买嘅我呢条系借嘅~
祖：丝袜咧？丝袜系咪都咁穿嘅？
Y：薛凯琪除番借畀刘嘉玲吖你觉得？
-------------------------------------------------------------------------------------
14. 男孩像你 - 薜凯琪
祖：各位观众大家宜家应该要平息静气，全香港十分一嘅男性同埋全部嘅女性最期待嘅，就系呢一幕喇。薛凯琪嘅男孩像你，系由xxx ...（笑）
Y：赞助~如果有睇咗六场嘅朋友，就会发现到其实呢个系有个神秘嘅地方呢首歌。咁因为呢首歌基本上晚晚都唱，但系头几场即系呢班，其实系dancer嚟嘅，都话佢哋奋身演出喇，除咗金发喇，又着嗮女人裙喇咁，然之后就着咁少布~头几晚我哋本来嘅设计就系话着短裤嘅咋，我又好似觉得冇乜必要冇端端去挑战呢班模特儿嘅（祖：体能嘅极限）体能嘅极限。所以我觉得唔好得寸进尺喇，人哋咁都肯制，着短裤就好喇咁~
祖：A&F果d短裤？
Y：短少少喇，即系短跑裤 。Ok，咁然后做咗两三晚之后...
祖：得喇，短~~跑~~裤~~
Y：系喇，就系身边所有人都好似你咁样讲嘢。咁就话，喂，一不做二不休不如罗d泳裤出嚟喇。有人就拍咗个胸口话，佢哋吖，好乐意噶！因为佢哋个个都系练得一身肌肉...
祖：就系咯~~~
Y：咁就问咯，然之后个个都肯喎。
祖：我有咁嘅身型我都肯喇~
Y：你冇都肯喇~（祖：我冇都肯...）系喇，我知你嘅，我唔肯咋嘛。咁然之后着呢个泳裤喇，去到最尾果晚咧，就发生咗个意外。
祖：乜吖？
Y：因为薛凯琪系舞台上面滑到嘅几乎，因为台好线。（祖：点解咧）传说个故仔，就系我唔在场喇，我问番就系因为后台果d负责化妆嘅姐姐仔，就记得最尾果晚，已经最尾果晚喇，咁成缸油系度喎，（祖：狂笑~~）即系有剩喎听日就倒喇咁。即系搏老命咁淋嗮落佢嘅dancer身度，咁结果由于太油嘅关系，就从模特儿嘅身体流到佢哋嘅脚喇，再流到地面，所以成个台变嗮油光师傅喇~
祖：推油喇，系红馆...
Y：咁所以薛凯琪就因为咁样而线倒。不过，即系佢最尾果场最尾果首歌嘅时候系舞台线甩鞋就应该同呢d油冇关，因为个人论尽喇。
祖：冇拍到落去吖嘛线甩鞋单嘢？
Y：线...线...薛凯鞋？（笑）冇拍到。
-------------------------------------------------------------------------------------
15. 洗剪吹 - 吴浩康
Y：呢首系一首我举得我嘅作品展里面唔可以冇嘅歌，其实七年前做过个小型作品展，当时就冇请到吴浩康嘅，但果次我就使咗啲横手令到陈奕迅唱咗《洗剪吹》。
祖：系乜？
Y：Yeah~（得意）我得闲畀番个录音你听喇~
祖：好吖好吖。
Y：都好好听噶。咁今次就比较大型啲可以请到多啲原唱者出席喇，同埋今次嘅噱头就系我尽可能希望原唱者唱番佢哋嘅首本名曲嘅。所以就专登请吴浩康嚟唱一首歌咯咁，应该话请番已经宜家主业系保险从业员嘅吴浩康，系一个其实佢病紧嘅情况下，打咗开声针嚟唱呢一首我好中意嘅，我觉得年轻人嘅恋爱座右铭喇。
------------------------------------------
16. 一事无成 - 周柏豪&郑融
Y：听下呢啲掌声先唔该~你#&#￥%&*...（好细声听唔明）冇要，冇咁样...
祖：要喇，呢啲先至系live喇~哈哈！ 郑融我有睇嘅呢一日，佢哋出咗几多日吖？
Y：一日。（祖：一日，我有睇呢一日。）同埋Pakho~
祖：哇，佢真系差啲啲吖~佢对鞋...佢几日如果系得一日，就系呢一日喇~
Y：佢又差啲啲乜？
祖：你睇佢对鞋，你睇佢对鞋~
Y：唔系吖，呢对鞋佢拣嘅。佢嚟到试衫，我哋都话预咗半间百货公司咁多嘅时装畀佢拣，咁佢就话你畀啲乜我着都冇所谓，但我想着呢对鞋。因为呢对鞋佢好早睇时装杂志已经好中意，但系佢又觉得都有啲贵，你知做呢一行好多时好贵好靓嘅衫都系着一次，佢就话唔系好舍得买呢对鞋，但如果宜家有机会着一下咧就好开心咁。我话喂但好难行吖你记唔记得呢首歌要跳舞嘅喎，佢话完全冇问题，我愿意为咗呢对鞋去苦练。
祖：佢哋系咪当日先至嚟嘅咋？
Y：即每个歌手要系度出现就算只系嚟一晚唱半首歌，佢起码都要嚟三次，第一次嚟试衫，第二次要去rehearsal，第三次先系正式演出。所以系台下十年功果啲，埋睇佢哋好求其唱下就已经唱得咁好喇，其实唔系嘅，每个人都付出咗好多。
祖：原来周柏豪条tie中间有个头系度噶？
Y：系嘅。（祖：我离远睇唔到吖果日~）因为佢个人活泼嘛，卒之到呢啲位我就发现，一个好似我咁嘅购物狂，（祖：都系乱买嘅。[两个人同时讲嘢我听唔清吖大佬-。-]）即系我买任何嘢嘅时候，都冇谂咁多嘢，亦都唔知几时用。咁呢个bow tie我买咗两三年冇用过，原来今次开演唱会嘅时候先至发现到呢啲，即系以前买落咁多曾经怀疑过冇用同埋嗮钱嘅嘢，去到最后一切都make sense，原来所有呢啲嘅错吖傻吖冲动吖，就系为咗呢次演唱会嚟做准备喇。
祖：你几耐之前决定做呢一个演唱会嘅其实？
Y：一年。
祖：啱啱一年前？
Y：吖，系，即系呢个演唱会做嘅一年前喇，要问红馆罗期系要一年前预订嘅。但系如果你话为咗呢个演唱会啲歌手有各种服装、配饰而选择筹备咧，系用咗四十年嘅时间，（祖：笑）我系买咗四十年份粮嘅唔等使嘢，期望佢哋有得拣。如果唔做呢个演唱会就唔抵喇。
祖：唔该晒~ （我估阿祖个表情系苦笑紧...）
------------------------------------------
17. 脏话阿七 - 刘浩龙
Y：啲人话结婚要something new,something old,something borrowed,something blue，所以要有啲新歌咯。既然呢个演唱会好多旧歌咯，而啱啱做紧呢个演唱会果轮仲plug紧最新嘅一首系呢首。其实呢个演唱会有好多美丽嘅地方系来自即兴嘅，即系话就算到开咗第一日果场之后，其实我哋都仲有啲嘉宾系已经开咗场喇，先至加入嘅，譬如师兄就系喇。师兄系开咗第一场突然之间觉得，一路搵紧啲位就可唔可以摆多个人可唔可以摆多个人可唔可以摆多个人咁，又搵到个位喎，就打畀师兄，喂，不如你嚟喇我想有埋你喇，即系好似越多朋友越齐全就越圆满咁样。我哋六场演唱会，呢啲开咗第一场先至决定要加入，无论系我搵佢定佢搵我嘅歌手，其实都有三、四个嘅。一路讲嘅时候我话畀你听，师兄系第一个。
------------------------------------------
18. 到处留情 - 张信哲
Y：呢个演唱会有一个特点就系所有嘅歌手嘅造型都系我帮佢哋设计研究嘅，除咗一个例外，即系只有一个歌手嘅造型系佢自己设计佢着佢自己衫唔系我拣嘅，以下嚟紧呢一位就系呢个唯一喇~
Y：因为我哋做紧fitting嘅时候佢未嚟到香港，其实亦都有啲歌手系果晚唱歌下昼先至嚟试佢果套衫，当然有时都有两三套畀佢拣嘅喇，但阿哲就觉得咁样太冒险喇，所以就话不如我着我自己衫喇。我原本呢个设计形象嘅事件，本来系一个善意希望帮轻佢哋即系唔使佢哋为咗做我演唱会而谂烂个头着乜嘅，如果佢哋唔pick呢个诚意，我系觉得都make sense嘅，即系并唔系话硬性规定咁样咯~ 敲到嘢添…（Y不小心敲到东西）
祖：冇所谓喇~
（唱咗一排…）
祖：听讲你好中意呢支歌嘅喎~
Y：如果呢个演唱会冇呢支歌嘅话，我谂我会觉得都失色好多嘅。因为写嘅时候我可能冇谂到咁多，不过当呢首歌出现咗之后，我发现佢系记录咗我人生两三年嘅时间嘅。咁…真系…其实填词人就好少即系讲边支歌系真系佢自己嚟噶，我觉得呢个系行规嚟噶，即系讲咗就唔神秘嘅喇。咁呢次例外喇~
祖：到处留情喎呢支系！
Y：唔系，系呢支歌里面，即系话有一段时间我就去好多旅行，就希望咧，就相信如果一个人系感情上面唔开心咧，去旅行去得多就会真系散到心喇所谓。而呢支歌最完美嘅一个，我觉得叫落幕喇，就系有一次我同彭羚，当时啱啱结咗婚嘅彭羚，就去咗泰国。咁去完泰国就番到嚟坐系机场出番去市区嘅时候，车上面收音机就传出呢首歌，我就觉得吖呢首歌嚟搵我喇，呢首歌嚟提我就话呢啲环游世界嘅旅行，应该完结喇。而事后讲番，点解彭羚作为一个新婚妇人，当时点解会抛下老公嚟陪我去泰国旅行咁奇怪咧。原来佢当时觉得我好唔开心，佢好惊我去下旅行会自杀，所以佢觉得要陪我。而我后来知道呢个故仔，所以真系觉得呢首歌系记载咗某一年代某一个我嘅碎片咯。 饮杯~开心喇宜家知道~
祖：饮杯~~~
附：（摘自《黄伟文十年选》）
23、到处留情 – 张信哲
垃圾的那段日子，不断出外旅行，以为能帮助忘记。
最後一次是去曼谷，已为人妻的CASS见我不对路，怕我会跳湄公河，主动抛下丈夫来陪我（对，彭小姐，我是知道的。）
回程时，甫下机，在赤腊角一登车，收音机就传来了[到处留情]，我忽然明白，该去的旅行都已经去了。
之後还是得留下来，靠自己。好像之前写这首歌，就是为了让自己在这个时候听见。之前的自己拯救之後的自己。
------------------------------------------
19. YY Speech 4
Y：我好中意呢套衫噶~
祖：Ewing！
Y：系吖，Ewing吖Ewing吖Ewing吖，即系做布景嘅Ewing喇，并唔系...
祖：Ewing系我契爷~
Y：如果听紧嘅朋友唔知道咧，就可以话畀大家知，Ewing唔系任何嘅时装设计师，而系香港最出色嘅一位布景嘅，舞台设计师喇~ Production designer喇我哋叫做。
祖：呢个舞台都系佢设计嘅喎。
Y：系吖，都系佢设计嘅。咁点解搵咗一个咁嘅舞台设计师嚟做衫咧，你知道做演唱会其实有好多衫嘅，咁有啲正如我之前讲喇，我四十年前已经买落噶喇，咁有啲为咗呢个演唱会就再重新买，有一啲就系去问啲品牌去借用，但系我就觉得要做一啲新嘅先至似样嘅，即觉得隆重其事咁样。但系设计个乜款咧，你知我果轮我系好多嘢谂噶，咁惊冇时间去设计啲嘢。呢套衫呢个设计图嘅果段故仔就系，其实两三年前我就同Eric So，就做咗一个figure嘅，就我嘅公仔嚟噶。咁原本个project就系出四个唔同嘅公仔，做完第一个就停咗喇，咁但系当时就仲有三个设计图就冇生产成为一个真正嘅产品，其中一套衫就系呢个蛋。咁我就觉得本来呢个，即系当时点解要做呢个设计咧，就觉得吖系现实世界里面冇可能着一套咁嘅衫，不如畀个figure着喇咁。咁后来呢个figure嘅project停咗之后，我又反番转头嚟谂，既然个figure着唔到件衫，我不如畀自己系现实世界着一次喇~所以呢个咧，呢套衫系一个我冇出过冇生产到冇成真到嘅一个figure嘅果套衫喇。
祖：你谂嘅呢套衫？
Y：我谂嘅我谂嘅~即系一个鸡蛋类嘅jacket。
祖：谂果阵时里面有冇预埋果啲鸡咧？
Y：有有有有有。
祖：谂嘅时候，figure嘅时候...
Y：figure嘅时候系有另一件羽毛衫，系一件羽毛嘅芭蕾舞裙，咁但系...
祖：好捻贱吖~~~~
Y：呵呵呵，希望你呢句系一句称赞喇。
------------------------------------------
20. (你没有)好结果 - 李蕙敏
Y：事后好多人话畀我知好中意头先介绍李蕙敏《你没有好结果》嘅说话，做紧show嘅时候已经有好多人希望个show里面有另一次介绍李蕙敏出场系咁样介绍嘅，咁我又话其实真心果一秒讲呢一句说话系好啲嘅。
祖：你自己度嘅？
Y：系，后来就冇再用番呢段说话嚟介绍佢出场喇~
祖：我谂真系其实大家都系好期待嘅，但系果个期待系好...又好...即系哎，大家都知道其实佢把声好似有啲事嘅嘛。
Y：咁讲喇，即系佢其实声带上面有啲变化喇，所以如果真系熟音乐嘅人，再听到呢首歌会发现，个key系低咗嘅，（祖：降低咗）系喇。其实上次，七年前我做一个小型啲嘅作品展都有请佢嚟，咁当时个声带已经变化咗嘅喇，当时我觉得比较未适应我自己听起上嚟，然之后过咗七年，宜家再听，第一可能因为我觉得我适应咗喇，第二我觉得呢七年里面，佢系有拎住佢宜家呢把声嘅声音去下咗苦工，将果样嘢变成咗一种佢嘅（祖：另外一样武器）新嘅演绎嘅方法。我反而觉得一切嘅嘢系冥冥中自有主宰嘅，点解咁讲咧，如果佢把声变化咗之后，再唱嘅唔系呢首歌嘅话，可能出嚟嘅效果又唔一样。宜家对我嚟讲，因为呢首即系大家觉得咁怨毒嘅歌曲，用一把比以前更低沉嘅声音唱，我系更加觉得有一种苍凉嘅感觉。
祖：同埋残忍~
Y：虽然个天令到佢嘅声音有啲变化，但系好似好多年前已经畀咗呢首歌令到佢，即系就算变化咗，再唱呢首歌都有另一种更大、更厉害嘅威力，而冇损呢首歌好听嘅。咁我觉得个天系有安排到一啲好嘢畀佢咁。
------------------------------------------
21. 活得比你好 - 李蕙敏
祖：呢个造型系咪成件衫系一件事嚟噶？
Y：本来只系一件黑裙，咁行下街就见到呢个咁圣母式嘅头饰，咁我觉得...
祖：唔好意思吖，系边度行下街吖？
Y：中环中环~
祖：中环吖嘛？你知你果啲行下街噶喇~
Y：唔觉意行到蒙马特（祖：唔觉意行到Paris），唔系唔系，行下中环嘅，果条叫做，果条叫做乜街咧，总之中环街市隔离喇。（笑）真系中央街市隔离，见到呢个，就觉得呢个苦海观音嘅造型，系好适合佢嘅。同埋，（祖：如身订买嘅真系，见到觉得系呢件事）见到已经系佢喇，甚至我睇完之后，原本已经设计咗一套衫畀Amanda噶喇，甚至我睇完之后我话，我愿意为咗呢个头饰而换过佢套衫，嚟就呢个头饰。但好彩出奇呢套衫同呢个头饰系好夹嘅，我就斗胆问李蕙敏小姐，我就话，如果系咁嘅话，你再整埋个白金头发你就会超级无敌噶喇，佢又，你知Amanda个人其实都系一个好出色嘅造型师嚟嘅，佢完全明我做乜嘢，所以就牺牲咗个头发，果轮就系白色喇。如果你睇演唱会多几晚嘅话，你会发现一啲好有趣嘅地方嘅，就系每一晚佢都系着呢套黑色嘅衫呢个头饰，但每一晚李蕙敏嘅性格使然，个配搭上都有啲唔同嘅。（祖：系乜？）即系例如今晚就着嘅xx丝袜喇，第日块面就黐几块闪片嘅嘢喇，戴只镯喇，晚晚都有啲闪嘅嘢系埋藏在身体唔同嘅地方，系咪果个Amanda咧呢个？
祖：呵呵呵。
------------------------------------------
22. 墙纸 - 容祖儿
Y：墙纸呢件衫又有典故喇，头先话过个演唱会里面真系要搵名师订做嘅衫就唔系好多套嘅，咁呢套系另外一套。
话说，如果大家有睇啱啱过去嘅容祖儿Concert Number 6嘅话咧，你就会见到佢有一幕系有好多灯咁样呈一个圆形，好似一个飞碟系个台果度，系上面摆咗好多支坐地嘅ground lamp，升咗上半空果度唱歌。咁原本容祖儿做呢个演唱会嘅时候，都有问我嘅意见，或者即系一齐度下嘢喇咁样。咁我就话，吖我好想帮佢做一件衫，就系有好多灯，就附带着，黐住系，attach咗系条裙度。一开头个效果就系一个客厅有好多灯，佢系中间，跟住唱下唱下歌咧，就行咗出嚟，先至发现啲灯系黐住佢件衫，有个咁嘅效果。咁当时果个监制就觉得我哋黐线嘅，有乜咁靓啫咁样，同埋咁辛苦为乜啫咁。所以佢哋有采纳到我嘅意见，就系要咗一大支台灯，但就唔系跟住容祖儿嘅。
咁然之后到我自己嘅演唱会嘅时候，我就有少少把几火激鬼死我，唔得，我要，即系宜家系我自己嘅演唱会喇，我自己出钱去设计同埋投资喇，所以冇人可以阻到我喇。咁我就要将呢个我自己觉得好中意嘅idea翻案，就叫另一个我都觉得好犀利嘅，同容祖儿合作无间嘅Kenneth Chan，即系香港一位好出色嘅舞台服装设计师，就将呢个抽象天马行空嘅概念，发展成一件真系着到嘅衫。
------------------------------------------
23. YY Speech 5
Y：我记得我做呢个演唱会第一晚一开场嘅时候我就话，做完呢六晚，呢个世界就系可以末日噶喇，因为应该无憾喇，我最喜欢嘅嘢都能够集合系呢六晚出现过喇，其中一样就系，我人生有一款我叫做自己嘅命运之鞋，即系咁多年嚟都最中意着嘅一款型号嘅波鞋，就系，即系大家见到喇，其实就系nike嘅...（祖：你今日都系着住）系，我今日都着住，就系nike嘅Air Force 1。 咁我就话对鞋同我行咗人生咁多路，对我咁有意义，咁我系我演唱会里面一定要有喇咁。唔单只要着，仲要谂起办法将佢化成一件艺术品，就搵咗一位日本嘅设计师叫做Runururu，听个名就知劲喇。佢最出名就系将一啲波鞋改成一啲服装嘅，就搵佢精心设计咗呢一个我嘅Air Force 1嘅服装。
------------------------------------------
24. 大开眼戒 - 陈奕迅
Y： 关于呢个批个头畀你当凳坐嘅笑话咧，其实唔系真系笑话得嗮嘅。因为本来咧，Ewing设计我呢个大头嘅概念咧，就希望陈奕迅好似个...唔...即系king kong果个美丽嘅尤物咁样，坐系我个头果度，系个舞台嘅中心缓缓升起嘅。但系陈奕迅其实啱啱做完佢嘅十字韧带手术，所以坐上系冇问题嘅，但系我哋嘅舞台设计师Ewing设计呢个头嘅时候，系冇设计一个楼梯，下台阶（祖：畀佢落番嚟（忍住笑）），咁所以陈奕迅就要冒着个十字韧带再断嘅危险（祖：哈哈哈哈！）跳落嚟。所以我哋觉得唔忍心咁做喇，咁所以宜家畀佢...（祖：挨住就算）系喇，挨住就算。（一起笑~~~）大家可以留意我嘅死人头咧，对眼本来设计就唔系大家宜家见到咁样嘅，本来就真系一个塑像咁，有两只黑白分明嘅眼咯，但系大家如果有睇过或者有听过快乐王子嘅故仔，就会记得果个石像喇，系唔同眼系有唔同嘅宝石嘅。咁宜家我哋知我个人中意闪lingling喇，结果系临时临急要求我哋嘅设计师，喂，你漏夜帮我黐嗮d石上去喇。
-------------------------------------------------------------------------------------
25. 尼古丁 - 陈奕迅
Y：又多一单内幕喇，其实我做呢个演唱会嘅时候，我就觉得咁多位歌手里面，只有两位系每一晚可以唱唔同嘅歌嘅。因为我同佢哋合作系多到...即系作品多到，佢哋基本上每一晚唱几首唔同嘅名曲，就够用嘅。其中一位系陈奕迅喇，咁另一位本来系何韵诗嘅。但系因为果轮就撞咗贾宝玉嘅期（祖：直头演出紧嘅嘛果阵时），系啊，好多晚都系为咗就我哋嘅期，系放弃咗一个台期，宁愿下奏做贾宝玉，夜晚就再嚟红馆唱我嘅show。咁佢都真系唔话得，但系由于咁样佢就太辛苦喇，就冇时间练嗮咁多首唔同嘅歌。所以结果佢，本来嘅设计就系每一晚何韵诗唱唔同嘅歌呢样嘢就做唔到喇，但系陈奕迅就做到。因为...佢行唔到啫，但系声带系冇事嘅，佢又好支持。爆埋个内幕喇，其实本来我哋嘅演唱会嘅poster都有陈奕迅嘅，但系佢已经知道要做手术喇，咁就好担心会唔会系last minute（祖：做唔到）康复嘅情况唔够理想而做唔到，咁就不敢影咗个poster，嚟畀大家知道...即系好似开咗一张空头支票咁样。其实佢一早应承六场都嚟嘅，但系我哋一路都唔敢讲话佢每一场都嚟，更加唔敢系poster里面影佢个样喇咁。其实大家一路都提心吊胆，但去到最后都真系发现康复情况好理想，其实大家都估到喇，如果我开演唱会，陈奕迅（祖：点可以冇陈奕迅？！）点可以唔晚晚嚟咧？所以呢点系好彩嘅，至于讲番头先果样嘢，啊他唔单只每晚可以唱唔同嘅歌，甚至佢就话啊咁都有d闷，因为陈奕迅嘅演唱会里面，其实唱我嘅歌嘅机会都好多喇，咁要唔要唱d冷门一d嘅歌曲咧，例如今次冇收录到嘅《不知所谓》喇，系基本上系舞台上面好少唱喇，又或者唱一d佢好中意嘅人哋嘅歌喇咁。我本来嘅演唱会就话尽量系原唱者嘅，但真系都有d沧海遗珠，所以我哋就搵咗好擅长去骑劫人哋首歌嘅陈奕迅喇。你知佢成日唱人哋嘅歌，都有一种好犀利嘅陈奕迅版本出现咗嘅喇。摊开咗一张20首、30首歌嘅list畀Eason拣，呢一首《尼古丁》系佢有份拣嘅。
祖：哇，小提琴嘅Janet真系拉得好好！
Y：呢位Janet就系《十六号爱人》嘅作者，咁大家可以（祖：翁玮盈）认识佢多d，一位好有才华嘅音乐人。
-----------------------------------------------------------------------------------------------------------------
26. 倾城 - 陈奕迅
祖：慢住先~
Y：点先？
祖：头先陈奕迅都系九姑娘头噶嘛~（Y：系啊）哈哈，突然间抄松咗吖，零秒。
Y：你做舞台咁多年你知道有一样嘢叫quick change噶嘛~
祖：quick quick quick有几quick，你连你果个死人头都冇咗。
Y：系吖，因为我哋嘅舞台嘅设计就系咁劲喇！We are that good！
祖：你悭d喇，即系几晚嚟噶呢度系嘛？
Y：系喇，因为我哋发现如果真系将几晚嘅精华剪辑嘅话，我哋自己排咗一个觉得咁样睇系流畅度最高嘅一个rundown，但系由于咁，可能有一d唔同晚数出现嘅场面就要剪埋一起喇。所以基本上陈奕迅每一晚都系着呢一套，即系我觉得好少见着得咁官仔骨骨而咁好睇嘅Tom Ford。咁但系你知一个人连续六晚要着同一套衫，都可能会闷闷哋嘅，所以佢每一晚发型上面都有少少改变，（祖：整个唔同嘅头当系有d新鲜感咁~）系喇，但系变成剪埋嘅时候就连唔到戏喇。
祖：你谂呢个dvd或者呢个bluray入面嘅rundown系唔系都已经绞尽脑汁咧？
Y：呢个其实比较大嘅功劳就系我哋嘅监制，都系呢张dvd呢张bluray幕后好大嘅功臣，庄少荣先生嘅巧思嚟噶，系佢嘅..即系觉得咁排咁排系最好嘅。而我觉得同佢合作最美妙嘅地方，就系基本上好多嘢如果两个人系唔夹嘅咧，即系有好多时间会嗮咗系辩论上面。即系究竟点解我要咁做点解你唔可以咁做，但系我同佢好多嘢都系佢话咗畀我知佢系咁样，我就话我本来都想咁样噶喇，即系悭咗好多嘅时间。所以同d叻人合作就系好咯，（祖：系咯，所以...）我系戥佢讲嘅。
祖：咁你哋有冇嗌过交咧系呢单嘢里面？
Y：冇时间嗌交吖大佬！其实头都晕嗮咁样。
祖：不过嗌交都系好嗮时间同埋精力嘅~
Y：虽然有时大家都系为一件事好，但系我哋竟然冇嗌交件事都咁好喎！咁饮杯咯就系咁样~~拣呢首歌有样好神奇嘅嘢，今年系2012年，呢首歌都超过十年嘅喇，当时其实许美静同时有两首歌，比较流行果首系另一首嚟嘅~（祖：明知故犯）系，系明知故犯嚟嘅。我都有少少觉得，啊，大家其实会唔会记得呢首歌咧？但一讲，陈奕迅又好中意喎。然之后点解我头先话今年系2012年，强调呢一点咧？拣咗呢首歌之后，接连呢几个月，竟然系有三个唔同嘅版本出现咗（祖：系吖系吖系吖~）突然间呢首歌系2012年红番喇，即系好奇怪。咁有一个张氏lulululu，呢个好低级...（祖：系啊，继续啊，张智成嘅版本）张智成嘅版本喇，然之后仲有，我谂所有嘅男观众听到，听到点讲咧，情绪会向上升肾上腺素会加剧嘅一个原装版本，不过就摆咗系一个新嘅context底下，一路向西吧。
-----------------------------------------
27. HOCC Dance Medley (艳光四射 / 你是八十年代 / 光明会) - 何韵诗
Y：我话过系呢个演唱会里面我最荣幸嘅嘢，就系我系全香港唯一一个可以进军红馆而事前唔需要减肥嘅一个括号artist喇，但系即系我过咗我自己呢关喇，但唔代表其他人都过到关嘅。其实我为咁多歌手做形象喇，其中一样我觉得最难嘅嘢就系，有啲歌手果轮真系比较重啲嘅，体重我系话。咁要搵啲衫佢着起上嚟又好潇洒（祖：例如边个？）活动起上嚟又好自如（祖：例如边个？）睇唔出条腰粗吖（祖：例如边个？）系好难嘅（祖：例如边个？）。咁至于系边个，为存厚道，我梗系唔讲喇，你哋唔好估喇，你哋估唔到嘅~~
祖：我估到。
Y：嘻嘻。（窃笑）
（唱咗一段之后）
祖：你同何韵诗点熟嘅，点解你咁锡佢咧？
Y：哈...（好遗憾地）系呢个咁难得嘅场合，你居然问一个咁行嘅问题吖~
祖：唔行吖~
Y：（傲娇地）真系好行吖！呢条题畀人问咗一千次喇。
祖：唔系，咁讲真心喇，真心里面，你最锡佢系啲乜嘢吖？
Y：人夹人缘我真系觉得好难讲嘅，不过，如果讲番成件事，即系最初嘅第一日，第一点开始咧，我其实之前写书嘅时候，写散文都有大致讲过喇，就话本来最初我系有少少惊何韵诗嘅，因为我觉得，我第一首听到佢嘅作品就《小丸子的心事》喇，我觉得就系一把咁磁性嘅声音去唱儿童歌曲，竟然冇放低到，即系佢咁鲜明强烈嘅性格，即系你都扮公仔声唱喇大佬，如果唔系细佬仔会惊嘅。咁我就觉得佢系咪自我太大吖，唔摆低吖，所以我当时并唔系最中意呢个歌手嘅。咁咯，只系我中意我自己嘅专业，所以我遇到佢嘅歌嘅时候，我要基于我嘅专业精神而写好佢。至于几时开始有私交啲咧，我谂都要等两三张唱片之后...
祖：先写到露丝玛丽吖果啲嘢出嚟？
Y：系喇系喇，因为佢其实后来嘅监制就系芙莲喇，系另一个都系我嘅恩人，（祖：传奇嘅人物吖~）传奇女子~~你发现芙莲系一个好叻嘅做新人嘅监制，即系话好多人经佢手出道可以话叫做一炮而红...
祖：可以发掘到果啲人最潜在嘅特质出嚟，然后令到市面上冇果件事但系佢挖到佢出嚟之后，令到大家，喔原来佢系甘样噶？
Y：有种一击即中嘅，（祖：冇错冇错）举几个例，Shine喇，薛凯琪喇，Endy喇即系周国贤，呢啲身上已经一再验证咗，因为呢几个基本上系一出即红嘅，我觉得呢个功劳系来自芙莲嘅策划喇，包装喇选曲喇，A&R嘅所有嘢喇。当时就去到芙莲果度，咁芙莲系一个好纵我嘅监制嚟噶，佢信我信到只要你觉得呢首歌系应该咁写嘅你就放胆去喇，你觉得咁系有趣嘅系好嘅就去喇。咁基本上好少人系我同佢合作咗我谂有五十首歌咯，一支字都冇改过我嘅。收尾都证明咗果啲佢一支字都冇改过嘅歌好多人都中意嘅，所以同佢合作系好愉快嘅。后来何韵诗就系同芙莲合作，有多啲沟通喇，原来发现你系咁嘅人嚟噶，我系咁嘅人嚟噶，性格上面有好多互相欣赏甚至系重叠嘅地方，然之后就...你问边一秒钟我哋发现我哋可以变成刎颈之交，有冇一个特别嘅刘关张结义嘅画面咧，其实系冇嘅，但果啲嘢慢慢...
祖：往往都系咁嘅喇，永远都系fade in，呢件事都唔知边度嚟噶。（菇唱到《光明会》） 光明会吖哈，当时写光明会嘅时候，有冇唱片高层话太大胆吖呢支嘢？
Y：其实何韵诗嘅合作好多时系好得意嘅，点讲咧。最初光明会呢一张，呢一首单曲，如果大家记性好嘅话，系会记得其实系一个手机嘅广告歌嚟噶，咁当时佢要我...平时阿菇系唔会干涉我写啲乜嘅，因为佢好信我嘅，但系果次因为有客户嘅要求，当时个手机咧，个产品嘅一个宣传嘅重点就系透明，所以就有个“明”字，佢话呢首歌无论如何要有个明字，然之后要写快歌，又要谂到何韵诗本身嘅性格，写死你喇大佬！结果都排除万难，写咗一支，后来成为好多同志活动嘅主题曲，然后又符合到广告商嘅要求，独立嚟听又独立成章嘅一首歌，我觉得呢个系填歌词最难但同时当你克服到又系最有趣嘅地方。
-----------------------------------------
28. 低科技之歌 - 王菀之
祖：王菀之难唔难合作噶？因为佢自己呢个女人都可以填词同埋佢自己都系作曲，佢自己系中意揽嗮啲嘢上身做噶嘛。你知佢之前，最新张唱片已经唔系喇，但系以前系全部唔会唱人哋作嘅歌噶嘛~
Y：同埋王菀之有个好特别嘅地方，我都系后来先知，即系合作过几首歌之后先知嘅。当时佢都系头先讲嘅果个好监制芙莲喇，同佢合作嘅。佢就话，我唔记得点会讲到呢个话题，总之芙莲就话畀我知道，佢话如果你得到王菀之嘅旋律写嘅时候，你要好小心咁写。因为对佢嚟讲，佢好珍惜自己嘅旋律噶，每一个都系亲身骨肉嚟噶，即系等于一个大猫生好多猫仔，每一只都要养得肥肥白白，如果稍微畀佢发现你待薄佢嘅猫仔，点会讲猫咧（失笑），总之待薄佢嘅子女嘅话，佢就会嬲你一世，因为佢觉得自己嘅产量唔系好多。我就同芙莲讲，我话，你估我产量好多乜？所以我当然每一支歌会好小心好出力，去抚育佢成人喇。但系呢个就系一个真实嘅王菀之喇，同埋我就话，就算你唔洗咁讲，其实人哋都睇到以往我有得写王菀之嘅旋律嘅时候，都见到我冇辜负落呱...
祖：《低科技之歌》呢个如果识得王菀之嘅就知呢个一定系王菀之嚟噶，但其实你系写紧你自己定系王菀之？
Y：写紧王菀之写紧王菀之嘅~
祖：因为你都唔系话好高科技嘅人噶嘛~~
Y：我都唔系，但系我未至于好似王菀之咁，画下画作作诗喇。
-----------------------------------------
29. 你唔爱我啦 - 李彩桦
祖：哇哦哦~~~~~~~
Y：李彩桦同我唔系深交嚟噶，咁因为我要做呢个演唱会而我觉得不能冇咗呢首歌，所以先去搵佢嘅电话号码。咁当时佢都系超级好人，因为佢呢六日里面真系得一日时间系有机会做到呢件事，专登系内地拍拍下戏，飞番嚟就为我唱一首歌。但睇嘅时候，我就觉得，咦，都有好多令我觉得意想不到嘅表演出咗嚟噶。
祖：例如果啲尖叫？
Y：例如尖叫喇~
祖：果啲，即系我当日喇，都系坐系观众席上面，佢好带动到全场气氛嘅，即系佢每次“哇~~~哇~~~HELLO~~~”（模仿李彩桦，尖声= =）果啲自嗨尖叫系全场都一齐热血沸腾嘅令到。
Y：但系我又有另外一个解读，我觉得大家都中意李彩桦嘅呢一首歌，（祖：当然喇）李彩桦系呢一首歌嘅绝配嚟噶，即系不作他人想，因为呢种港女嘅形象，当其时系觉得要搵一个有果种亲民力量嘅人先可以配搭到嘅。我自己睇咧，我有少少觉得，可能系Rain自己好惊...即系...我唔知系咪佢好惊大家会系果啲歌同歌之间，即系歌词之间有啲空白嘅地方，果啲即系纯音乐嘅地方，会有啲佢唔中意嘅反应出嚟。所以身边嘅人就会话，佢其实系咪要用自己嘅尖叫声音填埋嗮所有果啲空白嘅地方，等大家冇位再系果度要...我谂可能惊大家嘘佢喇。
祖：梗系唔会喇！冇可能，你又唔明喇，即系对于李彩桦都未必开过红馆show噶喇，一个人上到红馆show唱一支歌，而且系一支sure win嘅歌嚟噶，大家都中意嘅歌，你真系会好鬼嗨嘅~
Y：系喇，所以我事后都未有机会同Rain再私下讲一次，即系我好想讲畀佢知，真系唔使担心嘅，大家好中意你嘅演出好中意呢首歌，觉得呢首歌完全系你嘅戏宝，即系冇担心话系果啲位度会引来大家唔高兴有啲奇怪嘅反应（祖：冇可能）而填密咗个位喇咁。不过都系我猜测嚟噶，可能我多心佢超嗨喇。对于呢首歌嘅反应，一般人只系得极中意同埋极唔中意，咁我系极中意嘅。
祖：我系极中意嘅，尤其系果句“bb我好爱你~”。
-----------------------------------------
30. 有人喜欢蓝 - 苏永康
Y：唔洗谂咁多噶喇，点解话明苏永康每一晚嚟只系唱《那谁》，其中一晚我都要加插呢首歌咧，只系因为我好中意呢首歌。同埋大家咁多年嚟对于呢首歌嘅各种幻想，我可以话畀大家知，就系你哋谂果样嘢喇。
Disk 2：http://www.douban.com/note/258918726/
Disk 3：http://www.douban.com/note/258918789/
01. Opening + 02. YY Speech 1
黄伟文（以下简称Y）：欢迎大家，我系黄伟文。如果你听到呢段录音嘅话咧，你应该就已经买咗Concert YY嘅蓝光碟喇。咁呢个系我哋呢张碟嘅特别嘅feature，我哋会系度陪大家几个钟头，咁就算系爆料或者系分享下一d即系做呢个演唱会嘅时候一d不为人知或者已经好多人知不过仲想讲嘅一d部分，即等于大家睇果d美剧或者电影里面有d commentary咁样嘅嘢。点解话我哋咧，因为除咗我自己之外，我仲请咗个特别嘉宾嘅，因为我觉得自己讲就有d斋，所以头先你听到笑声喇。咁我哋隆重欢迎香港舞台剧王子——梁祖尧先生！
梁祖尧（以下简称祖）：（低沉磁性地）Hello.（笑......）
Y：哇，吓死人，未见过你咁样。我谂，因为我自己系度讲嗮所有嘢，就有种自闭老人嘅感觉，虽然有d说话我又觉得自己一个人就容易讲d嘅，譬如我宜家对住你我又觉得有d肉麻，不过都讲喇。
祖：有咩肉麻嘢未听过咧，尤其系呢刻我哋揸住两只酒杯~
Y：系喇。希望大家睇嘅时候都可以揸住d你哋想揸住d嘢喇。呢个演唱会其实系一个好有趣嘅经验，咁因为我唔系果种社交达人，咁多年来我都冇尝试过去变成友谊先生嘅。只系要写歌词嘅时候，出于对写歌词嘅爱，哇好肉麻，就畀心机写。所以突然之间要做呢场演唱会嘅时候，反而觉得呢个系人生好重要一个考验，因为要面临去试下究竟咁多年来合作d人，系咪真系合作愉快咧，如果合作唔愉快嘅时候咧，我就唔系好知点算。
祖：一阵间有冇内幕听下咧，有冇话边d系特别唔愉快嘅咧？
Y：唔愉快嘅反而冇乜，不过，总之你问我讲喇。
祖：好啊，我就系饰演一个...话嗮呢个演唱会其实我都睇过三晚嘅，虽然我冇办法睇嗮咁多晚，但系三晚里面我都坐唔同嘅座位，都听到一d观众系度吱吱斟斟嘅，系时候八番畀你听果d zizan系乜嘢喇。
Y：反而其实本来阿祖应该唔止睇三场嘅，其实本来佢有多d参与，点解咧？其实我做呢场演唱会嘅时候，我唔知道去到最后会有几多人肯嚟，所以我就谂有d部分如果预定多少节目就好喇，咁五十几个电话我完全都会打嘅，咁五十几个单位我都完全会邀请嘅，咁但系邀请完之后我其实本来预得十来个来咁样嘅啫...
祖：你咁睇轻自己吖...
Y：我唔关睇唔睇轻事，而系，啊系啦...
祖：时也命也喇，或者果d，唔得闲喇出咗阜喇呢样果样喇，控制唔到d嘢喇...
Y：毕竟呢d叫做咩啊，不可抗命之力。咁喇，所以就惊冇咁多人嚟喇，咁然之后曾经有一个太平门，就系希望邀请阿祖嚟唱一d歌嘅，咁样...
祖：乜阿，你同我讲...
Y：我哋本来要唱Single Ladies嘅！
祖：唔系唱，系跳阿！
Y：系跳...跳！
祖：原本谂住，你话有一日开红馆你一定会系台上面跳舞。有我同你同埋汤骏业三个，着住果个紧身嘅泳衣同埋高跟鞋，认真跳一只Single Lady嘅。
Y：系喇，呢个系我哋将会爆嘅第一个内幕，好彩结果好多歌手嚟，基本上已经爆满，摆唔嗮d...好多人都摆唔嗮只能够唱到两首歌，咁所以我哋就留到十年后喇，十年后脚再多d根，同埋潮d嘅时候先至嚟跳喇。我唔知由何讲起，我谂最想讲果样嘢反而系，结果我邀请咗，我大概打咗五十个电话喇都有四十几个应承嘅。咁...我谂做完呢个演唱会对我来讲最有意义嘅嘢，系好多好多年之后，如果有时我会觉得我需要嘅爱得唔到，怀疑自己做人系咪做得够好嘅时候，我谂半夜三更我睇番呢个碟，我都会省起，同埋肯定地觉得，系曾经某一个时候某一个空间，呢班人系对我咁好嘅，我系曾经得到呢d爱嘅，咁...系好重要嘅。
祖：扣番头先个画面咧，第一场嘅时候，呢六晚嘅第一场你坐系下面果张书台嘅时候，临升上来果一刻，听到出边d掌声，开始熄灯喇，哇~~~果d咁，果刻谂紧d乜嘢其实？
Y：仲来唔来得切去屙多个尿咧~（阿祖笑翻）主要系呢样嘅，我觉得好多人生伟大嘅事都系咁样，即系呢一秒钟，咁因为你知道你一出咗去，就会有好多事情要发生，就翻唔到转头嘅喇，所以系喇，都系谂住要屙多个尿喇。
-------------------------------------------------------------------------------------
03. Joey Dance Medley (桃色冒险 / 跑步机上 / 隆重登场) - 容祖儿
祖：呢一段其实有一个都唔算系好内幕嘅，你知我阿妈啦，Betty姐，佢就好少留意流行音乐嘅，佢都只系中意何润东啫嘛...
Y：（笑...） 何润东~
祖：系啊，佢好中意何润东同埋d韩星嘅。佢睇呢一日，佢第一日睇，睇容祖儿呢一段，睇完佢目定口呆喎，跟住佢话，哇！容祖儿真系小天后喎！我话阿妈，佢唔系小天后，佢真系天后嚟噶，系香港。
Y：做好耐嘅喇。
祖：系喇，但系佢系真心哋去欣赏佢唱功同埋佢跳舞同埋成个表演喇...呢段我系好中意嘅
Y：我谂呢段要解少少话嘅，（祖：好好好）因为可能d年轻嘅朋友或者唔系特别好中意电影嘅朋友，就唔知点解无端端容祖儿要着套男装然之后果d舞蹈演员就着嗮d粉红色衫出嚟，但如果你知嘅话可能就会有多d趣味。其实呢个系来自麦当娜嘅Material Girl，而麦当娜嘅Material Girl，其实系来自玛丽莲梦露嘅一套旧戏，果首歌叫做Diamonds Are A Girl’s Best Friend，即系钻石系女孩子最好嘅朋友。咁麦当娜就系玛丽莲梦露果度罗灵感，我哋就系玛丽莲梦露同埋麦当娜果度再罗一次灵感，唯一果样嘢颠覆咗嘅就系...
祖：梦露系着住粉红色衫嘅嘛~
Y：系喇，即系我哋将男女嘅角色（麦当娜都系..）对调咗喇，咁就变咗，原装嘅画面就系好多个着住容祖儿呢套衫嘅男人，围住一个着住粉红色衫嘅麦当娜，或者玛丽莲梦露。咁宜家我哋就将呢样嘢倒转咗去。咁因为我谂呢个系我嘅演唱会喇，所以我要搵一d比较有我嘅风格嘅处理喇（祖：笑~~~），咁而将呢d性别扭转咗，其实就好”我”喇~~所以我自己希望通过一d细节而讲嘅一d statement喇~~
祖：呢套衫系专登设计吖，定系完整买嘅？
Y：专登设计嘅，呢个演唱会其实只系得系两套衫，歌手嘅衫系订做嘅，因为其余果d全部都系联络世界各地嘅牌子去借用或者买咁样。但系呢套衫，即系因为我想做呢个场面喇，所以我完全搵唔到市面上边个设计师会做一套咁样嘅衫...
祖：即系贱得好紧要，粉红色呢班男人...
Y：然之后仲要变咗裤嘛~（祖：系啊...笑）同埋呢班舞蹈演员，HighKing果班舞蹈演员系好抵锡嘅，再睇落你会睇到佢哋嘅各种...牺牲色相，咁系呢部分，首先佢哋肯做嘅就系为咗达到呢个男玛丽莲梦露嘅造型，佢哋系全部肯染嗮金发嘅~（祖：阿~~系专登为咗呢一part嘅？）系啊，咁晏d你就会睇到，佢哋全部都系梦露头嚟噶。咁，其实出嚟做舞蹈演员啫，仲要牺牲到身体发肤，即系好敬业嘅一个行为咯~
祖：同埋坦白讲我好中意HighKing排呢一段舞，成个故仔嚟噶嘛~由呢一度唱钻石大盗，咁跟住成段系好好，排得好好睇...
Y：基本上呢d心啦，钻石项链喇，都系原装玛丽莲梦露果个舞里面有嘅元素同埋道具嚟噶~但系经过HighKing嘅巧思，就变成咗现代化d嘅版本同埋一个历时三四首歌嘅版本。
祖：我相信如果你冇在现场听，你一定会以为系后期加咗d嘢，或者系容祖儿在录音室再补番喇，因为冇乜吐气声，冇乜喘气声，在现场听佢真系唱得好好吖呢part，成part佢做得好好！
Y：其实后d系有d吐气声嘅，因为（祖：作为一个人嘅体能...）HighKing系排咗一d部分系要容祖儿跑得好紧要嘅，祖儿都系香港出名跳得好耐而唔喘气嘅歌手，都为咗我哋嘅演唱会而做到呢个地步喇~~
祖：处女喘冇咗...
-------------------------------------------------------------------------------------
04. 这么远那么近 - 黄耀明
Y：其实六晚嘅演唱会我谂最多人关心嘅一样嘢就系边个唱开头边个唱压轴，咁因为咁多歌手，大家都会怀疑系咪大家都会争排位咁样，但系今次系完全冇嘅。虽然我哋每一日嘅开头同埋结尾可能都有d唔同，但好多晚都系头先容祖儿果个开场，因为我谂大家都好信我嘅安排，即系交低个人畀你你中意摆我系边度就边度喇咁。
祖：系喇，大家都冇计较呢d嘢喇。
Y：呢样系好感动嘅地方嚟噶，跟住就到明哥要出场喇。
祖：我第一晚睇嘅时候，一听到，其实听到个intro已经认得呢只歌喇。一听到张国荣把声，哇，果两行眼泪已经fei出嚟喇，真系fei出嚟。
Y：关于首歌，其实都有d故仔嘅。咁嘛呢套衫就系专登从法国运番嚟嘅一套时装表演嘅show piece，就唔生产嘅，就系一个叫做Gareth Pugh嘅牌子。（祖：得一件嘅啫）得一件，因为，即系你知，都几贵嘅喇（笑）。都冇乜人会订嘅，所以呢个系仅存于世上嘅孤本，配合明哥就不做他人选嘅喇。但呢套咁珍贵，咁啱佢嘅衫只系出现咗一晚啫。
祖：点解咧？
Y：咁因为第一晚佢着完并唔系话唔靓嘅，好靓！但因为第一晚就有...你知道歌手咧，唔洗唱嘅时候都系台底果度stand by嘅，（祖：嗯哼）但你知道最大祸嘅咧，就系第一晚我哋有彭羚嘅。咁你知道身边，我喇，我身边嘅所有人都好多年冇听过佢唱歌噶嘛。
祖：全球华人都期待佢喇~
Y：系喇，所以明哥本来就系台下stand by，突然之间听到有彭羚咧，佢咧就，啊呢个唔知出唔出得街嘅，都出得街嘅，扑到咁出去，而佢真系扑到喎。咁因为台下，你知其实大部分嘅观众唔知道舞台其实系一个好危险嘅地方嚟噶，由于台下好多机关喇电线喇果d无端端地下有个铁伸出嚟吖，果d咁样嘅嘢。咁明哥就着起呢件衫嘅时候，跌倒咗。咁幸好其实冇乜大碍，不过只手已经肿嗮。咁由于你知道时装呢家嘢，好多时候都系追求扎身嘅，咁个袖列，系第二夜嘅时候已经唔再穿得落，因为佢嘅手肿咗。
祖：啊，肿到咁吖？
Y：肿到咁。所以就发生咗呢个，对我嚟讲都系一个危机嚟噶，呢件衫已经就系咁辛苦借到番嚟，我谂住有五晚几多人我要style，即系其实呢个搞定咗我就安安乐乐嘅喇咁。但系突然之间呢件衫又着唔到，咁我又要嗱嗱临就要系我嘅衣柜，即系系后台预备咗畀大家嘅衣柜里面组合一套新嘅衫出嚟。因为我唔再借到新嘅衫喇，咁唔切喇。所以...（祖：就变成果套喇）系喇，我谂有少少似系，有冇试过，你好中意煮嘢食喇，有冇试过突然之间有十五人半夜嚟你屋企食嘢你冇买到嘢嘅。你只能系屋企里面有嘅嘢，组合出一d又好食又快整到，然之后希望大家会赞d嘢喇咁。
祖：完全明嗮~
Y：系喇，宜家就系咁样，好彩又砌到。然之后到后来，又有刘以达嘅加入喇，又有d同，林宥嘉嘅加入喇，之后又砌多两套衫出嚟喇。其实我哋有预到松嘅衫嘅，但系果d全部都系支离破碎嘅嘢，即系有青椒咯有腌肉咯有粟米咯有酸奶咯，但你冇谂过呢d嘢要组合成成一样乜嘢咯。咁然之后我就要临时将果d七零八落嘅时装散件，砌成一个look，畀明哥或者其他人咁样。所以其实呢几晚最惊险嘅地方就系你以为已经搞定嗮d嘢，突然之间又杀出咗，即系，本来你以为十五个人嚟食饭，又嚟多三个话系楼下，咁好喇，你搞定咗呢三个喇，又有人打电话嚟话，喂我都好肚饿吖咁样。咁结果系冇休止嘅不断有呢d人加入，咁当然呢个系好乐意同埋好感激嘅，因为原本谂住系咁多人参加，同埋唱咁多首歌，不断有新嘅人愿意嚟演唱，同埋有新嘅曲目。
-------------------------------------------------------------------------------------
05. 那谁 - 苏永康
Y：你知道乜叫cameo噶喇？（祖：嗯哼~）即系你系舞台演艺出身嘅，可能听紧嘅朋友未必知喇，cameo就通常系一部电影或者演出里面，就有d巨星，真系只出一幕嘅啫，多都冇嘅喇。但系你知道喇，由于佢系一个大家完全冇预计嘅情况下出现，就有一个惊吓嘅效果。同埋你觉得，哇咁大嘅明星都真系出嚟讲一句对白啫，咁呢个就系个威力噶。香港嘅，或者中国文化，巨星通常唔做呢d cameo嘅角色，因为觉得好似好冇面，我咁辛苦嚟到，我真系只讲一句对白？咁，但系前卫嘅，同埋明事理嘅巨星就会做呢d嘢喇。点解我要讲呢样嘢咧，系喇，就系因为苏永康。其实好多人都问，佢六晚都嚟，但系除咗其中一晚佢唱两首歌之外，佢其余五晚都系唱...独唱一首歌噶啫，咁有冇浪费呢位咁唱得嘅好朋友嘅嫌疑吖？佢又反而冇事，本来我有担心过，咁但系...我嘅考虑就系，呢个就系cameo嘅威力喇。我谂旧年最多人想听苏永康唱嘅歌就系那谁，如果佢嚟到只系唱呢首歌，我谂威力系...最巨大嘅。咁其实我都有赌嘅嫌疑，即系搏一搏嘅成分。但我觉得都好彩叫做博到喇，因为每一晚佢真系只系嚟唱一支歌，都得到大家最热烈嘅掌声。
-------------------------------------------------------------------------------------
06. YY Speech 2
祖：哼哼哼...
Y：做乜冷笑咧？
祖：咁黄生你点解释呢件衫咧？
Y：呢件衫系我好中意好中意嘅衫嚟嘅。咁其实有好多次，买咗几年添，有好多次曾经系d我觉得好重要嘅场合我想着嘅，咁但系都被人禁止咗嘅。
祖：点解咧？
Y：因为例如我有两套衫即系问d朋友嘅意见边套好d，咁佢都系拣咗另一套喇，而唔系拣咗呢一套喇。譬如呢套系旧年叱咤我有谂过要着嘅，不过临出门口问d friend，话呢套好，系A套好定系B套好咧？咁个个都拣另一套，因为觉得呢套唔系几靓。
祖：和服，系咪最后咪拣咗？
Y：系喇系喇，即系觉得呢套唔系几靓。但系，果d有份拣另外一套嘅人，今年又嚟睇演唱会，睇完之后全部都觉得呢套衫系最靓嘅！点解咁嘅咧大家，真系激死我...
祖：呢套衫对我嚟讲，望落去，我就系觉得系集中营入面嘅制服喇，系另我好...（Y：你知Btim份人）唔知吖，果人可能仲有乜情况啩~[呢度唔系听得好清]
Y：呢套衫对我嚟讲，即系我希望大家有种系屋企嘅感觉喇。同埋有个几得意嘅非正式统计，xxx最多人中意嘅其中一套衫，就系呢套。就算我唔系冠军，都系亚军噶喇。
-------------------------------------------------------------------------------------
07. 自然醒 - 林宥嘉
Y：林宥嘉小弟弟系另一个奇怪嘅缘分嚟嘅，我记得我睇星光大道比赛嘅时候，我已经最喜欢嘅系佢，然后我就许咗一个愿，唔系许愿吖，即系如果呢班星光大道嘅歌手其中一个搵我写歌嘅话，我最希望就系林宥嘉喇咁。呢个故事再一次教训大家，即系小心许愿，唔好笠乱希望得到一d嘢，如果唔系唔觉意畀你得到咗，有时都会阵脚大乱嘅。咁嘛，佢嘅监制叫施人诚先生，即系通过施生搵我帮佢写一首歌。
祖：系佢搵你嘅？即系你知系佢监制搵你定系...
Y：因为做填词人其实倾向几被动嘅，就算好想写嘅歌手，你都只能够放风，但系我又有时觉得放风肉酸嘅，（祖：唔够型）唔够型。咁只可以心里默默嘅等待你心爱嘅歌手有一日收到你个，即系电波，然之后嚟搵你，咁竟然又真系得到咗今次。做呢个演唱会嘅时候有谂过，虽然我嘅国语，普通话嘅作品唔系好多，但都有吖，所以应该都摆一d系度嘅。咁但系我同林宥嘉又唔系真系好熟，都有少少战战兢兢咁要求佢帮手，我觉得佢唔会嚟喇，估唔到佢又冇条件一口应承，专登飞嚟香港做呢几首歌。
Y：或者都系时候同大家拆解一个...即系点解咁多年都少写国语歌嘅...一个迷。对我嚟讲，我由小到大都净系中意，做一d我觉得自己做得好嘅嘢。即系如果我打完羽毛球之后觉得自己打得唔叻，就以后唔打，如果踩雪屐踩过一次，发现成日跌咧，我就以后唔会将果对屐着上自己嘅脚上面嘅喇。
祖：你第一首国语歌系乜嘢咧？
Y：我第一支嘅国语歌...啊我第一支嘅国语歌好笑喇。有一次，你记得有刘以达与梦呢个组合喇，（祖：记得）咁当时应该系阿达离开咗达明一派自己发展，搵咗一个叫梦嘅女仔，都好似有搵其他歌手嘅。我唔记得咗结果呢首歌系阿梦唱定系xxx[冇听清]唱嘅，总之我就得到一个订单，阿达就搵我写歌，好开心因为可以写喇。咁写咗一首歌如果我冇记错好似叫做我的甜，咁就交咗份歌词。通常交咗份歌词之后，就系咁多嘅喇，我下一次有机会再接触到佢咧，就系果首歌灌录成唱片或者派台之后。咁呢首歌冇plug到嘅，所以我得到唱歌嘅时候我第一时间罗嚟听，就发现咗样好奇怪嘅事，因为刘以达先生可能有时就…假设大家好明白佢嘅心意，佢畀歌我嘅时候就冇讲到系乜语言嚟噶~（笑）所以咧，以我过往嘅案底，净系写过广东歌词啫，当时。咁所以我就假设你搵我当然系写广东歌词喇，（祖：唔系呱~）系，所以咧，到我听到首歌时，咦，点解变咗国语咧？咁所以咧，如果大家有机会搵到呢一首歌，或者呢一张唱片再听翻嘅话咧，你拎住份歌词，对着个旋律一齐唱，你用广东话嚟唱，系完全唱到嗮嘅，冇问题嘅。咁呢个唔觉意嘅，被逼嘅变咗我嘅第一首国语歌。但如果真心写嘅时候，我知系国语歌而写嘅国语歌，应该系王菲嘅《扫兴》。即系点解咁多年都咁少写国语歌咧咁，我成日觉得人嘅时间同埋能力系有限嘅，所以人系应该…当然喇，即系有你自己兴趣有梦想喇，但如果要对世界最多贡献嘅话咧，咁不如就系你有限嘅时间里面尽量做一d你觉得拿手d嘅嘢喇咁。对我嚟讲，广东歌系拿手d嘅，所以就花大部分嘅时间写广东歌，而国语歌就真系冇咁拿手咯，因为我真系唔系用国语嚟思考噶嘛~
祖：好行啫你咁答~
Y：真嘅真嘅真嘅！我对自己写国语歌要求多好多嘅，因为广东歌其实你知道要啱音，所以限制多d嘅，咁我觉得写国语歌，咦，冇咗果d限制了喎，咁应该写得更好，即系写果d文字嘅意思吖个组合，应该更加…（祖：精彩~）精彩~（祖：跳脱~）跳脱同埋更加挥洒嘅，系，挥洒~耶！系喇，由于要求咁高咧，我成日变咗举步维艰嘅，即系你提笔觉得咁又唔够好，咁又唔够好，可能咁系累咗我嘅，所以咁多年都系写好少嘅国语歌。
【附上第一首国语词】
王菲 - 扫兴
叠着 叠着 的扑克 你 一个扬手 叫我塌下来
喝了 喝了 的可乐 你 一个转头 叫我哭出来
装着 装着 的快活 你 一个眼神 叫我装不来
忘了 忘了 的寂寞 你 一个问题 叫我想起来
唉 总是 不费吹灰 你 把我 从那 梦想世界 赶出来
（唉）总是 轻而易举 你 叫我 从那 白云深处 掉下来
小心翼翼 的忍耐 你 一不留神 叫我塌下来
好不容易 的开怀 你 一句说话 叫我坏起来
一生一世 的期待 你 一秒之间 叫我醒过来
自由自在 的发呆 你 一盘冷水 向我扔过来
-------------------------------------------------------------------------------------
08. 看见什么吃什么 - 林宥嘉
祖：头先果度，林宥嘉埋插住个袋成个人系度震嘅~我觉得好搞笑果度。
Y：点解咧？
祖：佢插住个袋系度，咁喎哈喎哈，咁成个人就系度...哈哈哈~但我第一次睇佢嘅live喇，我以前冇睇过，净系听过佢唱片入面嘅嘢喇同埋果阵时唱歌比赛果d喇。吖~我唔知道佢系咁丧嘅喎，（Y：系吖）佢直头系入嗮去嘅喎，成件事…我觉得佢...另眼相看喇~
Y：同埋佢系即系全个亚洲即系话唱华语嘅歌手里面，冇人嘅台风系咁嘅，即系冇人同音乐嘅律动，系咁样嘅。所以，你话我系服装选择上面好偏心咧，我话冇。但系咧，佢嘅衫你会觉得系舞台上面真系唔系人人都着到嘅，呢套衫我好中意嘅。
祖：呢套？
Y：系吖~成个演唱会你会发现好多男仔，都系着d西装类嘅嘢，因为大家接受咗即系西装类嘅嘢系舞台上面先至叫得嘅。唯独是佢我觉得可以…好多佢嘅fans叫呢套系Mario嘅装喇，咁我觉得其实佢系同呢套衫系pefect match嘅。
祖：Mario...对我嚟讲，好断背吖。
Y：（忍住笑）点解咧？
祖：唔知吖，牛仔嘛，断背衫咯~唔知果条筋令我谂起断背衫咯，冇嘢喇，byebye~
Y：byebye~
-------------------------------------------------------------------------------------
09. 大大公司 - Swing
Y：吖，嚟喇~做填词人对我嚟讲最过瘾嘅一样嘢，就系一d你觉得佢唱得好做得好或者你中意嘅歌手，佢又得唔到你觉得佢应该得到嘅嘢，嘅时候你可以帮手。咁，Swing呢一首歌我记得系佢地嘅第一首冠军歌。
祖：系乜？
Y：系！第一首电台即系流行榜嘅冠军歌。
祖：即系你个揸lift论喇？
Y：系喇，即系个揸lift论，即系觉得佢哋应该有一首咁好成绩嘅作品。当时我就听电台扫榜，扫到佢哋嘅时候，就冠军。咁当时咧我系有种即系喊嘅冲动~
祖：你系咪做紧电台果阵时？
Y：未，离开咗啦，离开咗九世喇~然后就打电话畀Eric，喂！恭喜嗮喇！终于得了！佢话我两日前已经计到喇，因为你知个电台系计播放率嘅嘛，所以即系人哋得冠军，喊果个系我喇，吹胀！
-------------------------------------------------------------------------------------
10. 帝国大厦 - Swing
祖：呢一刻我决定要畀一d声听紧嘅人听，就系：“beng~”（红酒开瓶的声音）哇哈哈哈哈。呢个系乜声咧，就系打开一支酒打开一支威士忌嘅声，同埋呢个：（碰杯然后倒酒声）~
Y：系吖，我哋系咁样做嘢嘅。
祖：冇错喇，我哋宜家就系要进入另外一个阶段喇，因为头先老老实实唔怕话埋畀大家听我哋就出去食咗个饭，吃咗个饭break之后，话嗮呢个六个钟嘅（Y：马拉松）马拉松就冇可能系冇酒精底下进行到嘅，所以，YY我哋饮一杯先喇~
Y：我又要畀埋呢个声~（碰杯声+，+这俩是有多无聊~）
祖：佢哋唔系高调拆伙嘅乜？（终于开始入正题）
Y：系高调拆伙嘅，咁，但系，应该咁讲喇，所以我开演唱会嘅时候好想有佢哋，但我连打电话畀佢哋都唔敢。因为我觉得，我惊强人所难，因为如果我开口嘅话就会摆佢哋系一个好为难嘅境地。
祖：就好似叫张柏芝同埋谢霆锋如果佢哋有支合唱歌系你写嘅咁叫佢哋嚟一齐唱咁嘅意思。
Y：你好醉啫...（笑）唔系，应该话即系我尊重佢哋嘅所有决定咯。咁...点知有一日突然之间，Eric就自己自投罗网，send咗个message嚟，就话，喂我哋可以为你重组一日嘅。
祖：佢哋嚟咗一日嘅咋？
Y：嚟咗一日嘅咋，同埋一日先珍贵！咁当时收到个message就有逼眼泪了咁。其实系呢个演唱会搞嘅过程里面有好多次都系一d我认为冇可能发生嘅嘢结果冇端端发生咗，仲系主动咁走埋嚟搂我发生。所以呢一个好有可能系Swing唱佢哋自己嘅歌嘅最后一次台上面嘅演出喇~
祖：咁保留吖你讲得，唱佢哋自己嘅歌...
Y：因为佢后来有出过另一个演唱会唱人哋嘅歌而唱咗嘅。
-------------------------------------------------------------------------------------
11. YY Speech 3
祖：边个设计嘅呢件衫？
Y：系街买嘅，系日本行下街，然之后见到有副眼镜，咁然之后就觉得好得意，咁买咗副眼睛先嘅，ok？咁谂住呢个眼镜都衬到几多嘢吖~
祖：贵唔贵噶？
Y：唔系好贵嘅咋~
祖：我d市民想知道呢d嘢嘅嘛，几多钱吖眼镜？
Y：我唔系好记得，我谂...咁样嘅，因为你知果d胶，其实系果d bb仔...（祖：儿童躝地果d吖嘛~）系吖，儿童躝地垫地胶嚟噶嘛~咁我觉得个idea好得意，我谂一d咁嘅胶唔得收好贵嘅，可能千来蚊喇咁。咁好喇，买呢副眼镜唔知点用，当时同个trip就记得要去高円寺，一个地方，就其实系我平时去东京唔会去嘅地方。但由于果度开咗一个新嘅，即系果d所谓嘅所谓独立设计师嘅集中地，其实系一间烂嘅纸皮屋嚟噶，唔系，铁皮屋嚟噶~咁，但话就话Lady gaga都有去果度买衫喇咁，所以就去睇下有d乜。一去到，就见到，路口果度就已经见到着住胸口果块英文字母嘅喇~因为我已经买块眼镜喇，冇理由唔买埋块..呢块叫乜吖？（祖：呢块躝地衫）系喇，呢块躝地胶仲胸口有个Y字系度，吹乜就。
-------------------------------------------------------------------------------------
12. 地平线 - 官恩娜
祖：官恩娜地平线喇哈？即系你笔下数次高调咁样公开赞官恩娜吖嘛？点解咧？
Y：我真心中意听佢唱歌同埋我又觉得佢系靓嘅。
祖：中意d乜先？
Y：哇~
祖：你睇下你睇下你睇下你拣咗件乜衫畀佢喇~
Y：我唔系吖，我呢个衫唔系我咁样拣嘅。你见到胸口个U果度...（祖：系埋你拣噶？）系我拣噶，但你见到U果度，埋中间有两块蕾丝好似贝壳咁样嘅，果个系佢自己嘅。
祖：乜吖！
Y：即系咧，果件衫原本系U..（祖：冇嘢嘅）系喇...（祖：哈哈哈）咁我觉得其实平时我哋留心官恩娜靓样听佢歌咁就好少见到佢咁...即系...（祖：人所共知果d嘢）艳客咁样出席嘅。咁我觉得咦我拣条咁嘅裙畀佢，开头我仲有d担心佢会唔会唔肯着咧咁。佢又好信得过我喎，佢乐意着喎，咁到嚟演唱会嘅时候就发现多咗两个贝壳喇。
祖：即系佢果个贝壳嘢系佢自己嘅一件所谓打底嘢？
Y：胸围喇不如讲，（笑）人哋有个专称叫做胸围嘅~
祖：我想问下其实你做呢个造型咧，系咪发型你都会管埋嘅，同埋化妆你都会管埋嘅？
Y：好！既然你问得！因为我一路都好尊重我d嘉宾嘅...嘅...
祖：你冇搞到我呢个问题好似好有嘢咁望住个画面喇，我冇乜意思嘅其实~
Y：（笑）好我想讲其实，好多时候我都尊重我d嘉宾嘅个人特色嘅，所以我亦都冇话每一样嘢都揸到好仔细。咁当然我都系一个好追求完美嘅人喇，好喇绕咗个大弯喇，我回答你嘅问题喇。佢嘅发型唔系我拣嘅。
-------------------------------------------------------------------------------------
13. 奇洛李维斯的回信 - 薜凯琪
Y：呢条友就同你好熟喇，所以你会唔会对佢嘅嘢你会有更多嘅八卦想知道？
祖：边个吖？
Y：唔系奇洛李维斯喇梗系都唔系弹紧琴嘅何炳喇~
祖：姓薛个条女系嘛？哈哈哈哈哈~我就系咁话喇，即系我第一晚睇咧，薛凯琪其实佢知嘅，即系佢咧，佢唔系有句嘢，“我闷隔着个太空”咁样，佢埋“我闷”咁样嘅？（笑紧fiona个发音）但我睇呢个dvd嘅时候咧，佢改咗嘅果粒音，定系佢最尾果场唱得唔同咗咧，点解冇咗咧？
Y：死喇，我从来都系听到“我们”噶喎~
祖：我发誓吖，我第一晚睇完之后，佢唱：“我闷隔着个太空”~果晚我打畀佢，做乜吖，乜乜“我闷”吖？乜儿童乐园吖，麦当吖宜家？佢话系乜系乜系乜扮嗮嘢咁，跟住第二夜睇佢都系“我闷”嘅。跟住唔知点解咧...
Y：神奇嘅出翻即系演唱会嘅...
祖：佢有冇嚟补过？（Y：冇喎~）真系冇吖？哼，时运高吖薛凯琪你！你录果晚你真系唱番啱吖！不过我知道阿fi佢好紧张，因为佢做呢一个show之前，佢果阵时系未开红馆喇，佢好keep下气你知佢好耐冇做过大show同埋好耐冇公开演唱喇，咁然后佢练咗好耐喇我知道佢好紧张。
Y：咁而呢个演唱会嘅试水温行为咧，我谂系会奠定佢系自己嘅演唱会里面嘅演出嘅，即系果个能量嘅，所以佢好紧张，佢系第一个去试衫嘅。（祖：吖？）因为呢个裙好早就到咗喇，即系十月已经到咗喇~
祖：我又想问下d嘢，你呢条裙，即系，譬如呢件衫喇，你系买定系借嚟噶？
Y：借嘅~
祖：即系要还嘅？
Y：要还嘅~
祖：着咗咁多日跟住成个咯吱底都系汗咁又拎番畀人吖?洗唔洗洗干净先还...
Y：咁我又冇问薛凯琪嘅腋下分泌有几旺盛，所以我唔知佢有冇成个咯吱底都系汗。呢条裙系因为我系巴黎睇show，睇完我觉得吖呢条裙系薛凯琪喇~（祖：系，好衬佢真系好衬佢~）反而好多时真系好系佢嘅裙佢自己平时好少着咁嘅裙，咁所以一早留咗畀佢。一个外传喇，后来呢条裙刘嘉玲都中意嘅又着咗另一条。
祖：一样色一样款？
Y：一样色一样款。不过佢系买嘅我呢条系借嘅~
祖：丝袜咧？丝袜系咪都咁穿嘅？
Y：薛凯琪除番借畀刘嘉玲吖你觉得？
-------------------------------------------------------------------------------------
14. 男孩像你 - 薜凯琪
祖：各位观众大家宜家应该要平息静气，全香港十分一嘅男性同埋全部嘅女性最期待嘅，就系呢一幕喇。薛凯琪嘅男孩像你，系由xxx ...（笑）
Y：赞助~如果有睇咗六场嘅朋友，就会发现到其实呢个系有个神秘嘅地方呢首歌。咁因为呢首歌基本上晚晚都唱，但系头几场即系呢班，其实系dancer嚟嘅，都话佢哋奋身演出喇，除咗金发喇，又着嗮女人裙喇咁，然之后就着咁少布~头几晚我哋本来嘅设计就系话着短裤嘅咋，我又好似觉得冇乜必要冇端端去挑战呢班模特儿嘅（祖：体能嘅极限）体能嘅极限。所以我觉得唔好得寸进尺喇，人哋咁都肯制，着短裤就好喇咁~
祖：A&F果d短裤？
Y：短少少喇，即系短跑裤 。Ok，咁然后做咗两三晚之后...
祖：得喇，短~~跑~~裤~~
Y：系喇，就系身边所有人都好似你咁样讲嘢。咁就话，喂，一不做二不休不如罗d泳裤出嚟喇。有人就拍咗个胸口话，佢哋吖，好乐意噶！因为佢哋个个都系练得一身肌肉...
祖：就系咯~~~
Y：咁就问咯，然之后个个都肯喎。
祖：我有咁嘅身型我都肯喇~
Y：你冇都肯喇~（祖：我冇都肯...）系喇，我知你嘅，我唔肯咋嘛。咁然之后着呢个泳裤喇，去到最尾果晚咧，就发生咗个意外。
祖：乜吖？
Y：因为薛凯琪系舞台上面滑到嘅几乎，因为台好线。（祖：点解咧）传说个故仔，就系我唔在场喇，我问番就系因为后台果d负责化妆嘅姐姐仔，就记得最尾果晚，已经最尾果晚喇，咁成缸油系度喎，（祖：狂笑~~）即系有剩喎听日就倒喇咁。即系搏老命咁淋嗮落佢嘅dancer身度，咁结果由于太油嘅关系，就从模特儿嘅身体流到佢哋嘅脚喇，再流到地面，所以成个台变嗮油光师傅喇~
祖：推油喇，系红馆...
Y：咁所以薛凯琪就因为咁样而线倒。不过，即系佢最尾果场最尾果首歌嘅时候系舞台线甩鞋就应该同呢d油冇关，因为个人论尽喇。
祖：冇拍到落去吖嘛线甩鞋单嘢？
Y：线...线...薛凯鞋？（笑）冇拍到。
-------------------------------------------------------------------------------------
15. 洗剪吹 - 吴浩康
Y：呢首系一首我举得我嘅作品展里面唔可以冇嘅歌，其实七年前做过个小型作品展，当时就冇请到吴浩康嘅，但果次我就使咗啲横手令到陈奕迅唱咗《洗剪吹》。
祖：系乜？
Y：Yeah~（得意）我得闲畀番个录音你听喇~
祖：好吖好吖。
Y：都好好听噶。咁今次就比较大型啲可以请到多啲原唱者出席喇，同埋今次嘅噱头就系我尽可能希望原唱者唱番佢哋嘅首本名曲嘅。所以就专登请吴浩康嚟唱一首歌咯咁，应该话请番已经宜家主业系保险从业员嘅吴浩康，系一个其实佢病紧嘅情况下，打咗开声针嚟唱呢一首我好中意嘅，我觉得年轻人嘅恋爱座右铭喇。
------------------------------------------
16. 一事无成 - 周柏豪&郑融
Y：听下呢啲掌声先唔该~你#&#￥%&*...（好细声听唔明）冇要，冇咁样...
祖：要喇，呢啲先至系live喇~哈哈！ 郑融我有睇嘅呢一日，佢哋出咗几多日吖？
Y：一日。（祖：一日，我有睇呢一日。）同埋Pakho~
祖：哇，佢真系差啲啲吖~佢对鞋...佢几日如果系得一日，就系呢一日喇~
Y：佢又差啲啲乜？
祖：你睇佢对鞋，你睇佢对鞋~
Y：唔系吖，呢对鞋佢拣嘅。佢嚟到试衫，我哋都话预咗半间百货公司咁多嘅时装畀佢拣，咁佢就话你畀啲乜我着都冇所谓，但我想着呢对鞋。因为呢对鞋佢好早睇时装杂志已经好中意，但系佢又觉得都有啲贵，你知做呢一行好多时好贵好靓嘅衫都系着一次，佢就话唔系好舍得买呢对鞋，但如果宜家有机会着一下咧就好开心咁。我话喂但好难行吖你记唔记得呢首歌要跳舞嘅喎，佢话完全冇问题，我愿意为咗呢对鞋去苦练。
祖：佢哋系咪当日先至嚟嘅咋？
Y：即每个歌手要系度出现就算只系嚟一晚唱半首歌，佢起码都要嚟三次，第一次嚟试衫，第二次要去rehearsal，第三次先系正式演出。所以系台下十年功果啲，埋睇佢哋好求其唱下就已经唱得咁好喇，其实唔系嘅，每个人都付出咗好多。
祖：原来周柏豪条tie中间有个头系度噶？
Y：系嘅。（祖：我离远睇唔到吖果日~）因为佢个人活泼嘛，卒之到呢啲位我就发现，一个好似我咁嘅购物狂，（祖：都系乱买嘅。[两个人同时讲嘢我听唔清吖大佬-。-]）即系我买任何嘢嘅时候，都冇谂咁多嘢，亦都唔知几时用。咁呢个bow tie我买咗两三年冇用过，原来今次开演唱会嘅时候先至发现到呢啲，即系以前买落咁多曾经怀疑过冇用同埋嗮钱嘅嘢，去到最后一切都make sense，原来所有呢啲嘅错吖傻吖冲动吖，就系为咗呢次演唱会嚟做准备喇。
祖：你几耐之前决定做呢一个演唱会嘅其实？
Y：一年。
祖：啱啱一年前？
Y：吖，系，即系呢个演唱会做嘅一年前喇，要问红馆罗期系要一年前预订嘅。但系如果你话为咗呢个演唱会啲歌手有各种服装、配饰而选择筹备咧，系用咗四十年嘅时间，（祖：笑）我系买咗四十年份粮嘅唔等使嘢，期望佢哋有得拣。如果唔做呢个演唱会就唔抵喇。
祖：唔该晒~ （我估阿祖个表情系苦笑紧...）
------------------------------------------
17. 脏话阿七 - 刘浩龙
Y：啲人话结婚要something new,something old,something borrowed,something blue，所以要有啲新歌咯。既然呢个演唱会好多旧歌咯，而啱啱做紧呢个演唱会果轮仲plug紧最新嘅一首系呢首。其实呢个演唱会有好多美丽嘅地方系来自即兴嘅，即系话就算到开咗第一日果场之后，其实我哋都仲有啲嘉宾系已经开咗场喇，先至加入嘅，譬如师兄就系喇。师兄系开咗第一场突然之间觉得，一路搵紧啲位就可唔可以摆多个人可唔可以摆多个人可唔可以摆多个人咁，又搵到个位喎，就打畀师兄，喂，不如你嚟喇我想有埋你喇，即系好似越多朋友越齐全就越圆满咁样。我哋六场演唱会，呢啲开咗第一场先至决定要加入，无论系我搵佢定佢搵我嘅歌手，其实都有三、四个嘅。一路讲嘅时候我话畀你听，师兄系第一个。
------------------------------------------
18. 到处留情 - 张信哲
Y：呢个演唱会有一个特点就系所有嘅歌手嘅造型都系我帮佢哋设计研究嘅，除咗一个例外，即系只有一个歌手嘅造型系佢自己设计佢着佢自己衫唔系我拣嘅，以下嚟紧呢一位就系呢个唯一喇~
Y：因为我哋做紧fitting嘅时候佢未嚟到香港，其实亦都有啲歌手系果晚唱歌下昼先至嚟试佢果套衫，当然有时都有两三套畀佢拣嘅喇，但阿哲就觉得咁样太冒险喇，所以就话不如我着我自己衫喇。我原本呢个设计形象嘅事件，本来系一个善意希望帮轻佢哋即系唔使佢哋为咗做我演唱会而谂烂个头着乜嘅，如果佢哋唔pick呢个诚意，我系觉得都make sense嘅，即系并唔系话硬性规定咁样咯~ 敲到嘢添…（Y不小心敲到东西）
祖：冇所谓喇~
（唱咗一排…）
祖：听讲你好中意呢支歌嘅喎~
Y：如果呢个演唱会冇呢支歌嘅话，我谂我会觉得都失色好多嘅。因为写嘅时候我可能冇谂到咁多，不过当呢首歌出现咗之后，我发现佢系记录咗我人生两三年嘅时间嘅。咁…真系…其实填词人就好少即系讲边支歌系真系佢自己嚟噶，我觉得呢个系行规嚟噶，即系讲咗就唔神秘嘅喇。咁呢次例外喇~
祖：到处留情喎呢支系！
Y：唔系，系呢支歌里面，即系话有一段时间我就去好多旅行，就希望咧，就相信如果一个人系感情上面唔开心咧，去旅行去得多就会真系散到心喇所谓。而呢支歌最完美嘅一个，我觉得叫落幕喇，就系有一次我同彭羚，当时啱啱结咗婚嘅彭羚，就去咗泰国。咁去完泰国就番到嚟坐系机场出番去市区嘅时候，车上面收音机就传出呢首歌，我就觉得吖呢首歌嚟搵我喇，呢首歌嚟提我就话呢啲环游世界嘅旅行，应该完结喇。而事后讲番，点解彭羚作为一个新婚妇人，当时点解会抛下老公嚟陪我去泰国旅行咁奇怪咧。原来佢当时觉得我好唔开心，佢好惊我去下旅行会自杀，所以佢觉得要陪我。而我后来知道呢个故仔，所以真系觉得呢首歌系记载咗某一年代某一个我嘅碎片咯。 饮杯~开心喇宜家知道~
祖：饮杯~~~
附：（摘自《黄伟文十年选》）
23、到处留情 – 张信哲
垃圾的那段日子，不断出外旅行，以为能帮助忘记。
最後一次是去曼谷，已为人妻的CASS见我不对路，怕我会跳湄公河，主动抛下丈夫来陪我（对，彭小姐，我是知道的。）
回程时，甫下机，在赤腊角一登车，收音机就传来了[到处留情]，我忽然明白，该去的旅行都已经去了。
之後还是得留下来，靠自己。好像之前写这首歌，就是为了让自己在这个时候听见。之前的自己拯救之後的自己。
------------------------------------------
19. YY Speech 4
Y：我好中意呢套衫噶~
祖：Ewing！
Y：系吖，Ewing吖Ewing吖Ewing吖，即系做布景嘅Ewing喇，并唔系...
祖：Ewing系我契爷~
Y：如果听紧嘅朋友唔知道咧，就可以话畀大家知，Ewing唔系任何嘅时装设计师，而系香港最出色嘅一位布景嘅，舞台设计师喇~ Production designer喇我哋叫做。
祖：呢个舞台都系佢设计嘅喎。
Y：系吖，都系佢设计嘅。咁点解搵咗一个咁嘅舞台设计师嚟做衫咧，你知道做演唱会其实有好多衫嘅，咁有啲正如我之前讲喇，我四十年前已经买落噶喇，咁有啲为咗呢个演唱会就再重新买，有一啲就系去问啲品牌去借用，但系我就觉得要做一啲新嘅先至似样嘅，即觉得隆重其事咁样。但系设计个乜款咧，你知我果轮我系好多嘢谂噶，咁惊冇时间去设计啲嘢。呢套衫呢个设计图嘅果段故仔就系，其实两三年前我就同Eric So，就做咗一个figure嘅，就我嘅公仔嚟噶。咁原本个project就系出四个唔同嘅公仔，做完第一个就停咗喇，咁但系当时就仲有三个设计图就冇生产成为一个真正嘅产品，其中一套衫就系呢个蛋。咁我就觉得本来呢个，即系当时点解要做呢个设计咧，就觉得吖系现实世界里面冇可能着一套咁嘅衫，不如畀个figure着喇咁。咁后来呢个figure嘅project停咗之后，我又反番转头嚟谂，既然个figure着唔到件衫，我不如畀自己系现实世界着一次喇~所以呢个咧，呢套衫系一个我冇出过冇生产到冇成真到嘅一个figure嘅果套衫喇。
祖：你谂嘅呢套衫？
Y：我谂嘅我谂嘅~即系一个鸡蛋类嘅jacket。
祖：谂果阵时里面有冇预埋果啲鸡咧？
Y：有有有有有。
祖：谂嘅时候，figure嘅时候...
Y：figure嘅时候系有另一件羽毛衫，系一件羽毛嘅芭蕾舞裙，咁但系...
祖：好捻贱吖~~~~
Y：呵呵呵，希望你呢句系一句称赞喇。
------------------------------------------
20. (你没有)好结果 - 李蕙敏
Y：事后好多人话畀我知好中意头先介绍李蕙敏《你没有好结果》嘅说话，做紧show嘅时候已经有好多人希望个show里面有另一次介绍李蕙敏出场系咁样介绍嘅，咁我又话其实真心果一秒讲呢一句说话系好啲嘅。
祖：你自己度嘅？
Y：系，后来就冇再用番呢段说话嚟介绍佢出场喇~
祖：我谂真系其实大家都系好期待嘅，但系果个期待系好...又好...即系哎，大家都知道其实佢把声好似有啲事嘅嘛。
Y：咁讲喇，即系佢其实声带上面有啲变化喇，所以如果真系熟音乐嘅人，再听到呢首歌会发现，个key系低咗嘅，（祖：降低咗）系喇。其实上次，七年前我做一个小型啲嘅作品展都有请佢嚟，咁当时个声带已经变化咗嘅喇，当时我觉得比较未适应我自己听起上嚟，然之后过咗七年，宜家再听，第一可能因为我觉得我适应咗喇，第二我觉得呢七年里面，佢系有拎住佢宜家呢把声嘅声音去下咗苦工，将果样嘢变成咗一种佢嘅（祖：另外一样武器）新嘅演绎嘅方法。我反而觉得一切嘅嘢系冥冥中自有主宰嘅，点解咁讲咧，如果佢把声变化咗之后，再唱嘅唔系呢首歌嘅话，可能出嚟嘅效果又唔一样。宜家对我嚟讲，因为呢首即系大家觉得咁怨毒嘅歌曲，用一把比以前更低沉嘅声音唱，我系更加觉得有一种苍凉嘅感觉。
祖：同埋残忍~
Y：虽然个天令到佢嘅声音有啲变化，但系好似好多年前已经畀咗呢首歌令到佢，即系就算变化咗，再唱呢首歌都有另一种更大、更厉害嘅威力，而冇损呢首歌好听嘅。咁我觉得个天系有安排到一啲好嘢畀佢咁。
------------------------------------------
21. 活得比你好 - 李蕙敏
祖：呢个造型系咪成件衫系一件事嚟噶？
Y：本来只系一件黑裙，咁行下街就见到呢个咁圣母式嘅头饰，咁我觉得...
祖：唔好意思吖，系边度行下街吖？
Y：中环中环~
祖：中环吖嘛？你知你果啲行下街噶喇~
Y：唔觉意行到蒙马特（祖：唔觉意行到Paris），唔系唔系，行下中环嘅，果条叫做，果条叫做乜街咧，总之中环街市隔离喇。（笑）真系中央街市隔离，见到呢个，就觉得呢个苦海观音嘅造型，系好适合佢嘅。同埋，（祖：如身订买嘅真系，见到觉得系呢件事）见到已经系佢喇，甚至我睇完之后，原本已经设计咗一套衫畀Amanda噶喇，甚至我睇完之后我话，我愿意为咗呢个头饰而换过佢套衫，嚟就呢个头饰。但好彩出奇呢套衫同呢个头饰系好夹嘅，我就斗胆问李蕙敏小姐，我就话，如果系咁嘅话，你再整埋个白金头发你就会超级无敌噶喇，佢又，你知Amanda个人其实都系一个好出色嘅造型师嚟嘅，佢完全明我做乜嘢，所以就牺牲咗个头发，果轮就系白色喇。如果你睇演唱会多几晚嘅话，你会发现一啲好有趣嘅地方嘅，就系每一晚佢都系着呢套黑色嘅衫呢个头饰，但每一晚李蕙敏嘅性格使然，个配搭上都有啲唔同嘅。（祖：系乜？）即系例如今晚就着嘅xx丝袜喇，第日块面就黐几块闪片嘅嘢喇，戴只镯喇，晚晚都有啲闪嘅嘢系埋藏在身体唔同嘅地方，系咪果个Amanda咧呢个？
祖：呵呵呵。
------------------------------------------
22. 墙纸 - 容祖儿
Y：墙纸呢件衫又有典故喇，头先话过个演唱会里面真系要搵名师订做嘅衫就唔系好多套嘅，咁呢套系另外一套。
话说，如果大家有睇啱啱过去嘅容祖儿Concert Number 6嘅话咧，你就会见到佢有一幕系有好多灯咁样呈一个圆形，好似一个飞碟系个台果度，系上面摆咗好多支坐地嘅ground lamp，升咗上半空果度唱歌。咁原本容祖儿做呢个演唱会嘅时候，都有问我嘅意见，或者即系一齐度下嘢喇咁样。咁我就话，吖我好想帮佢做一件衫，就系有好多灯，就附带着，黐住系，attach咗系条裙度。一开头个效果就系一个客厅有好多灯，佢系中间，跟住唱下唱下歌咧，就行咗出嚟，先至发现啲灯系黐住佢件衫，有个咁嘅效果。咁当时果个监制就觉得我哋黐线嘅，有乜咁靓啫咁样，同埋咁辛苦为乜啫咁。所以佢哋有采纳到我嘅意见，就系要咗一大支台灯，但就唔系跟住容祖儿嘅。
咁然之后到我自己嘅演唱会嘅时候，我就有少少把几火激鬼死我，唔得，我要，即系宜家系我自己嘅演唱会喇，我自己出钱去设计同埋投资喇，所以冇人可以阻到我喇。咁我就要将呢个我自己觉得好中意嘅idea翻案，就叫另一个我都觉得好犀利嘅，同容祖儿合作无间嘅Kenneth Chan，即系香港一位好出色嘅舞台服装设计师，就将呢个抽象天马行空嘅概念，发展成一件真系着到嘅衫。
------------------------------------------
23. YY Speech 5
Y：我记得我做呢个演唱会第一晚一开场嘅时候我就话，做完呢六晚，呢个世界就系可以末日噶喇，因为应该无憾喇，我最喜欢嘅嘢都能够集合系呢六晚出现过喇，其中一样就系，我人生有一款我叫做自己嘅命运之鞋，即系咁多年嚟都最中意着嘅一款型号嘅波鞋，就系，即系大家见到喇，其实就系nike嘅...（祖：你今日都系着住）系，我今日都着住，就系nike嘅Air Force 1。 咁我就话对鞋同我行咗人生咁多路，对我咁有意义，咁我系我演唱会里面一定要有喇咁。唔单只要着，仲要谂起办法将佢化成一件艺术品，就搵咗一位日本嘅设计师叫做Runururu，听个名就知劲喇。佢最出名就系将一啲波鞋改成一啲服装嘅，就搵佢精心设计咗呢一个我嘅Air Force 1嘅服装。
------------------------------------------
24. 大开眼戒 - 陈奕迅
Y： 关于呢个批个头畀你当凳坐嘅笑话咧，其实唔系真系笑话得嗮嘅。因为本来咧，Ewing设计我呢个大头嘅概念咧，就希望陈奕迅好似个...唔...即系king kong果个美丽嘅尤物咁样，坐系我个头果度，系个舞台嘅中心缓缓升起嘅。但系陈奕迅其实啱啱做完佢嘅十字韧带手术，所以坐上系冇问题嘅，但系我哋嘅舞台设计师Ewing设计呢个头嘅时候，系冇设计一个楼梯，下台阶（祖：畀佢落番嚟（忍住笑）），咁所以陈奕迅就要冒着个十字韧带再断嘅危险（祖：哈哈哈哈！）跳落嚟。所以我哋觉得唔忍心咁做喇，咁所以宜家畀佢...（祖：挨住就算）系喇，挨住就算。（一起笑~~~）大家可以留意我嘅死人头咧，对眼本来设计就唔系大家宜家见到咁样嘅，本来就真系一个塑像咁，有两只黑白分明嘅眼咯，但系大家如果有睇过或者有听过快乐王子嘅故仔，就会记得果个石像喇，系唔同眼系有唔同嘅宝石嘅。咁宜家我哋知我个人中意闪lingling喇，结果系临时临急要求我哋嘅设计师，喂，你漏夜帮我黐嗮d石上去喇。
-------------------------------------------------------------------------------------
25. 尼古丁 - 陈奕迅
Y：又多一单内幕喇，其实我做呢个演唱会嘅时候，我就觉得咁多位歌手里面，只有两位系每一晚可以唱唔同嘅歌嘅。因为我同佢哋合作系多到...即系作品多到，佢哋基本上每一晚唱几首唔同嘅名曲，就够用嘅。其中一位系陈奕迅喇，咁另一位本来系何韵诗嘅。但系因为果轮就撞咗贾宝玉嘅期（祖：直头演出紧嘅嘛果阵时），系啊，好多晚都系为咗就我哋嘅期，系放弃咗一个台期，宁愿下奏做贾宝玉，夜晚就再嚟红馆唱我嘅show。咁佢都真系唔话得，但系由于咁样佢就太辛苦喇，就冇时间练嗮咁多首唔同嘅歌。所以结果佢，本来嘅设计就系每一晚何韵诗唱唔同嘅歌呢样嘢就做唔到喇，但系陈奕迅就做到。因为...佢行唔到啫，但系声带系冇事嘅，佢又好支持。爆埋个内幕喇，其实本来我哋嘅演唱会嘅poster都有陈奕迅嘅，但系佢已经知道要做手术喇，咁就好担心会唔会系last minute（祖：做唔到）康复嘅情况唔够理想而做唔到，咁就不敢影咗个poster，嚟畀大家知道...即系好似开咗一张空头支票咁样。其实佢一早应承六场都嚟嘅，但系我哋一路都唔敢讲话佢每一场都嚟，更加唔敢系poster里面影佢个样喇咁。其实大家一路都提心吊胆，但去到最后都真系发现康复情况好理想，其实大家都估到喇，如果我开演唱会，陈奕迅（祖：点可以冇陈奕迅？！）点可以唔晚晚嚟咧？所以呢点系好彩嘅，至于讲番头先果样嘢，啊他唔单只每晚可以唱唔同嘅歌，甚至佢就话啊咁都有d闷，因为陈奕迅嘅演唱会里面，其实唱我嘅歌嘅机会都好多喇，咁要唔要唱d冷门一d嘅歌曲咧，例如今次冇收录到嘅《不知所谓》喇，系基本上系舞台上面好少唱喇，又或者唱一d佢好中意嘅人哋嘅歌喇咁。我本来嘅演唱会就话尽量系原唱者嘅，但真系都有d沧海遗珠，所以我哋就搵咗好擅长去骑劫人哋首歌嘅陈奕迅喇。你知佢成日唱人哋嘅歌，都有一种好犀利嘅陈奕迅版本出现咗嘅喇。摊开咗一张20首、30首歌嘅list畀Eason拣，呢一首《尼古丁》系佢有份拣嘅。
祖：哇，小提琴嘅Janet真系拉得好好！
Y：呢位Janet就系《十六号爱人》嘅作者，咁大家可以（祖：翁玮盈）认识佢多d，一位好有才华嘅音乐人。
-----------------------------------------------------------------------------------------------------------------
26. 倾城 - 陈奕迅
祖：慢住先~
Y：点先？
祖：头先陈奕迅都系九姑娘头噶嘛~（Y：系啊）哈哈，突然间抄松咗吖，零秒。
Y：你做舞台咁多年你知道有一样嘢叫quick change噶嘛~
祖：quick quick quick有几quick，你连你果个死人头都冇咗。
Y：系吖，因为我哋嘅舞台嘅设计就系咁劲喇！We are that good！
祖：你悭d喇，即系几晚嚟噶呢度系嘛？
Y：系喇，因为我哋发现如果真系将几晚嘅精华剪辑嘅话，我哋自己排咗一个觉得咁样睇系流畅度最高嘅一个rundown，但系由于咁，可能有一d唔同晚数出现嘅场面就要剪埋一起喇。所以基本上陈奕迅每一晚都系着呢一套，即系我觉得好少见着得咁官仔骨骨而咁好睇嘅Tom Ford。咁但系你知一个人连续六晚要着同一套衫，都可能会闷闷哋嘅，所以佢每一晚发型上面都有少少改变，（祖：整个唔同嘅头当系有d新鲜感咁~）系喇，但系变成剪埋嘅时候就连唔到戏喇。
祖：你谂呢个dvd或者呢个bluray入面嘅rundown系唔系都已经绞尽脑汁咧？
Y：呢个其实比较大嘅功劳就系我哋嘅监制，都系呢张dvd呢张bluray幕后好大嘅功臣，庄少荣先生嘅巧思嚟噶，系佢嘅..即系觉得咁排咁排系最好嘅。而我觉得同佢合作最美妙嘅地方，就系基本上好多嘢如果两个人系唔夹嘅咧，即系有好多时间会嗮咗系辩论上面。即系究竟点解我要咁做点解你唔可以咁做，但系我同佢好多嘢都系佢话咗畀我知佢系咁样，我就话我本来都想咁样噶喇，即系悭咗好多嘅时间。所以同d叻人合作就系好咯，（祖：系咯，所以...）我系戥佢讲嘅。
祖：咁你哋有冇嗌过交咧系呢单嘢里面？
Y：冇时间嗌交吖大佬！其实头都晕嗮咁样。
祖：不过嗌交都系好嗮时间同埋精力嘅~
Y：虽然有时大家都系为一件事好，但系我哋竟然冇嗌交件事都咁好喎！咁饮杯咯就系咁样~~拣呢首歌有样好神奇嘅嘢，今年系2012年，呢首歌都超过十年嘅喇，当时其实许美静同时有两首歌，比较流行果首系另一首嚟嘅~（祖：明知故犯）系，系明知故犯嚟嘅。我都有少少觉得，啊，大家其实会唔会记得呢首歌咧？但一讲，陈奕迅又好中意喎。然之后点解我头先话今年系2012年，强调呢一点咧？拣咗呢首歌之后，接连呢几个月，竟然系有三个唔同嘅版本出现咗（祖：系吖系吖系吖~）突然间呢首歌系2012年红番喇，即系好奇怪。咁有一个张氏lulululu，呢个好低级...（祖：系啊，继续啊，张智成嘅版本）张智成嘅版本喇，然之后仲有，我谂所有嘅男观众听到，听到点讲咧，情绪会向上升肾上腺素会加剧嘅一个原装版本，不过就摆咗系一个新嘅context底下，一路向西吧。
-----------------------------------------
27. HOCC Dance Medley (艳光四射 / 你是八十年代 / 光明会) - 何韵诗
Y：我话过系呢个演唱会里面我最荣幸嘅嘢，就系我系全香港唯一一个可以进军红馆而事前唔需要减肥嘅一个括号artist喇，但系即系我过咗我自己呢关喇，但唔代表其他人都过到关嘅。其实我为咁多歌手做形象喇，其中一样我觉得最难嘅嘢就系，有啲歌手果轮真系比较重啲嘅，体重我系话。咁要搵啲衫佢着起上嚟又好潇洒（祖：例如边个？）活动起上嚟又好自如（祖：例如边个？）睇唔出条腰粗吖（祖：例如边个？）系好难嘅（祖：例如边个？）。咁至于系边个，为存厚道，我梗系唔讲喇，你哋唔好估喇，你哋估唔到嘅~~
祖：我估到。
Y：嘻嘻。（窃笑）
（唱咗一段之后）
祖：你同何韵诗点熟嘅，点解你咁锡佢咧？
Y：哈...（好遗憾地）系呢个咁难得嘅场合，你居然问一个咁行嘅问题吖~
祖：唔行吖~
Y：（傲娇地）真系好行吖！呢条题畀人问咗一千次喇。
祖：唔系，咁讲真心喇，真心里面，你最锡佢系啲乜嘢吖？
Y：人夹人缘我真系觉得好难讲嘅，不过，如果讲番成件事，即系最初嘅第一日，第一点开始咧，我其实之前写书嘅时候，写散文都有大致讲过喇，就话本来最初我系有少少惊何韵诗嘅，因为我觉得，我第一首听到佢嘅作品就《小丸子的心事》喇，我觉得就系一把咁磁性嘅声音去唱儿童歌曲，竟然冇放低到，即系佢咁鲜明强烈嘅性格，即系你都扮公仔声唱喇大佬，如果唔系细佬仔会惊嘅。咁我就觉得佢系咪自我太大吖，唔摆低吖，所以我当时并唔系最中意呢个歌手嘅。咁咯，只系我中意我自己嘅专业，所以我遇到佢嘅歌嘅时候，我要基于我嘅专业精神而写好佢。至于几时开始有私交啲咧，我谂都要等两三张唱片之后...
祖：先写到露丝玛丽吖果啲嘢出嚟？
Y：系喇系喇，因为佢其实后来嘅监制就系芙莲喇，系另一个都系我嘅恩人，（祖：传奇嘅人物吖~）传奇女子~~你发现芙莲系一个好叻嘅做新人嘅监制，即系话好多人经佢手出道可以话叫做一炮而红...
祖：可以发掘到果啲人最潜在嘅特质出嚟，然后令到市面上冇果件事但系佢挖到佢出嚟之后，令到大家，喔原来佢系甘样噶？
Y：有种一击即中嘅，（祖：冇错冇错）举几个例，Shine喇，薛凯琪喇，Endy喇即系周国贤，呢啲身上已经一再验证咗，因为呢几个基本上系一出即红嘅，我觉得呢个功劳系来自芙莲嘅策划喇，包装喇选曲喇，A&R嘅所有嘢喇。当时就去到芙莲果度，咁芙莲系一个好纵我嘅监制嚟噶，佢信我信到只要你觉得呢首歌系应该咁写嘅你就放胆去喇，你觉得咁系有趣嘅系好嘅就去喇。咁基本上好少人系我同佢合作咗我谂有五十首歌咯，一支字都冇改过我嘅。收尾都证明咗果啲佢一支字都冇改过嘅歌好多人都中意嘅，所以同佢合作系好愉快嘅。后来何韵诗就系同芙莲合作，有多啲沟通喇，原来发现你系咁嘅人嚟噶，我系咁嘅人嚟噶，性格上面有好多互相欣赏甚至系重叠嘅地方，然之后就...你问边一秒钟我哋发现我哋可以变成刎颈之交，有冇一个特别嘅刘关张结义嘅画面咧，其实系冇嘅，但果啲嘢慢慢...
祖：往往都系咁嘅喇，永远都系fade in，呢件事都唔知边度嚟噶。（菇唱到《光明会》） 光明会吖哈，当时写光明会嘅时候，有冇唱片高层话太大胆吖呢支嘢？
Y：其实何韵诗嘅合作好多时系好得意嘅，点讲咧。最初光明会呢一张，呢一首单曲，如果大家记性好嘅话，系会记得其实系一个手机嘅广告歌嚟噶，咁当时佢要我...平时阿菇系唔会干涉我写啲乜嘅，因为佢好信我嘅，但系果次因为有客户嘅要求，当时个手机咧，个产品嘅一个宣传嘅重点就系透明，所以就有个“明”字，佢话呢首歌无论如何要有个明字，然之后要写快歌，又要谂到何韵诗本身嘅性格，写死你喇大佬！结果都排除万难，写咗一支，后来成为好多同志活动嘅主题曲，然后又符合到广告商嘅要求，独立嚟听又独立成章嘅一首歌，我觉得呢个系填歌词最难但同时当你克服到又系最有趣嘅地方。
-----------------------------------------
28. 低科技之歌 - 王菀之
祖：王菀之难唔难合作噶？因为佢自己呢个女人都可以填词同埋佢自己都系作曲，佢自己系中意揽嗮啲嘢上身做噶嘛。你知佢之前，最新张唱片已经唔系喇，但系以前系全部唔会唱人哋作嘅歌噶嘛~
Y：同埋王菀之有个好特别嘅地方，我都系后来先知，即系合作过几首歌之后先知嘅。当时佢都系头先讲嘅果个好监制芙莲喇，同佢合作嘅。佢就话，我唔记得点会讲到呢个话题，总之芙莲就话畀我知道，佢话如果你得到王菀之嘅旋律写嘅时候，你要好小心咁写。因为对佢嚟讲，佢好珍惜自己嘅旋律噶，每一个都系亲身骨肉嚟噶，即系等于一个大猫生好多猫仔，每一只都要养得肥肥白白，如果稍微畀佢发现你待薄佢嘅猫仔，点会讲猫咧（失笑），总之待薄佢嘅子女嘅话，佢就会嬲你一世，因为佢觉得自己嘅产量唔系好多。我就同芙莲讲，我话，你估我产量好多乜？所以我当然每一支歌会好小心好出力，去抚育佢成人喇。但系呢个就系一个真实嘅王菀之喇，同埋我就话，就算你唔洗咁讲，其实人哋都睇到以往我有得写王菀之嘅旋律嘅时候，都见到我冇辜负落呱...
祖：《低科技之歌》呢个如果识得王菀之嘅就知呢个一定系王菀之嚟噶，但其实你系写紧你自己定系王菀之？
Y：写紧王菀之写紧王菀之嘅~
祖：因为你都唔系话好高科技嘅人噶嘛~~
Y：我都唔系，但系我未至于好似王菀之咁，画下画作作诗喇。
-----------------------------------------
29. 你唔爱我啦 - 李彩桦
祖：哇哦哦~~~~~~~
Y：李彩桦同我唔系深交嚟噶，咁因为我要做呢个演唱会而我觉得不能冇咗呢首歌，所以先去搵佢嘅电话号码。咁当时佢都系超级好人，因为佢呢六日里面真系得一日时间系有机会做到呢件事，专登系内地拍拍下戏，飞番嚟就为我唱一首歌。但睇嘅时候，我就觉得，咦，都有好多令我觉得意想不到嘅表演出咗嚟噶。
祖：例如果啲尖叫？
Y：例如尖叫喇~
祖：果啲，即系我当日喇，都系坐系观众席上面，佢好带动到全场气氛嘅，即系佢每次“哇~~~哇~~~HELLO~~~”（模仿李彩桦，尖声= =）果啲自嗨尖叫系全场都一齐热血沸腾嘅令到。
Y：但系我又有另外一个解读，我觉得大家都中意李彩桦嘅呢一首歌，（祖：当然喇）李彩桦系呢一首歌嘅绝配嚟噶，即系不作他人想，因为呢种港女嘅形象，当其时系觉得要搵一个有果种亲民力量嘅人先可以配搭到嘅。我自己睇咧，我有少少觉得，可能系Rain自己好惊...即系...我唔知系咪佢好惊大家会系果啲歌同歌之间，即系歌词之间有啲空白嘅地方，果啲即系纯音乐嘅地方，会有啲佢唔中意嘅反应出嚟。所以身边嘅人就会话，佢其实系咪要用自己嘅尖叫声音填埋嗮所有果啲空白嘅地方，等大家冇位再系果度要...我谂可能惊大家嘘佢喇。
祖：梗系唔会喇！冇可能，你又唔明喇，即系对于李彩桦都未必开过红馆show噶喇，一个人上到红馆show唱一支歌，而且系一支sure win嘅歌嚟噶，大家都中意嘅歌，你真系会好鬼嗨嘅~
Y：系喇，所以我事后都未有机会同Rain再私下讲一次，即系我好想讲畀佢知，真系唔使担心嘅，大家好中意你嘅演出好中意呢首歌，觉得呢首歌完全系你嘅戏宝，即系冇担心话系果啲位度会引来大家唔高兴有啲奇怪嘅反应（祖：冇可能）而填密咗个位喇咁。不过都系我猜测嚟噶，可能我多心佢超嗨喇。对于呢首歌嘅反应，一般人只系得极中意同埋极唔中意，咁我系极中意嘅。
祖：我系极中意嘅，尤其系果句“bb我好爱你~”。
-----------------------------------------
30. 有人喜欢蓝 - 苏永康
Y：唔洗谂咁多噶喇，点解话明苏永康每一晚嚟只系唱《那谁》，其中一晚我都要加插呢首歌咧，只系因为我好中意呢首歌。同埋大家咁多年嚟对于呢首歌嘅各种幻想，我可以话畀大家知，就系你哋谂果样嘢喇。
