大时代 大时代 9.2分

好劇本再難尋-港劇傳奇

挑剔电影家
提示:这篇影评可能有剧透

先數下D缺點,睇嘅系四十集嘅版本,估計系15年TVB重播嘅版本,好多戲都刪減咗,有好多段劇情好婆媽;跳樓戲十足假,人出事剩系識得等死,唔識call白車;有兩場戲睇得我哭,進新求老細冇炒佢,展博喺賤婆婆面前哭斥五蟹;有兩段報仇直接痛快,玲姐一次揸小巴猛撞載住四蟹嘅車,一次喺離島追殺丁蟹;展博運氣咁鬼死好,居然有兩個女仔喺佢身邊。展博發家嘅過程幾乎跳過,響聯交所嘅戲份唔多,再者缺乏股票嘅知識,睇到唔系幾明,而且睇唔過癮。第22集 香港差佬食屎噶?丁蟹搶走支槍後就冇嗮行動?四個人質貓喺度粒聲唔出,不合常理。

兩個女人為愛敢於奉獻,敢於犧牲,世間難尋此類奇女子,似是故人來,一聲衰公衰婆聽到甜到冧。展博做事冇根兜,剩系識頭腦發熱,猶豫不決。阿梅勤儉持家,知慳識儉,心地善良,心臟病系佢嘅定時炸彈。紀文天真直率,大方爽快,敢愛敢恨,被龍紀文圈咗粉。

丁家五蟹正人渣,丁蟹有嚴重嘅人格缺陷,系一個永遠活喺自己世界嘅人,莽夫一個,卻撞運喺股票界風生水起,孝蟹始終系黑社會洗唔到底,益蟹魯莽衝動,剩系識喊打喊殺乞人憎,身為律師嘅旺蟹懂法但系佢系黑社會,利蟹居然系個醫生。最尾四只蟹跳...

显示全文

先數下D缺點,睇嘅系四十集嘅版本,估計系15年TVB重播嘅版本,好多戲都刪減咗,有好多段劇情好婆媽;跳樓戲十足假,人出事剩系識得等死,唔識call白車;有兩場戲睇得我哭,進新求老細冇炒佢,展博喺賤婆婆面前哭斥五蟹;有兩段報仇直接痛快,玲姐一次揸小巴猛撞載住四蟹嘅車,一次喺離島追殺丁蟹;展博運氣咁鬼死好,居然有兩個女仔喺佢身邊。展博發家嘅過程幾乎跳過,響聯交所嘅戲份唔多,再者缺乏股票嘅知識,睇到唔系幾明,而且睇唔過癮。第22集 香港差佬食屎噶?丁蟹搶走支槍後就冇嗮行動?四個人質貓喺度粒聲唔出,不合常理。

兩個女人為愛敢於奉獻,敢於犧牲,世間難尋此類奇女子,似是故人來,一聲衰公衰婆聽到甜到冧。展博做事冇根兜,剩系識頭腦發熱,猶豫不決。阿梅勤儉持家,知慳識儉,心地善良,心臟病系佢嘅定時炸彈。紀文天真直率,大方爽快,敢愛敢恨,被龍紀文圈咗粉。

丁家五蟹正人渣,丁蟹有嚴重嘅人格缺陷,系一個永遠活喺自己世界嘅人,莽夫一個,卻撞運喺股票界風生水起,孝蟹始終系黑社會洗唔到底,益蟹魯莽衝動,剩系識喊打喊殺乞人憎,身為律師嘅旺蟹懂法但系佢系黑社會,利蟹居然系個醫生。最尾四只蟹跳樓唔过瘾,壞人得到嘅折磨太少,咁快死做盞益咗佢哋。

展博嘅老竇、細妹、二妹、大妹、玲姐相繼俾丁家害死。展博成為方家報仇嘅唯一希望,好彩有滔滔、紀文、阿梅、濟哥、邦哥、三富豪嘅直接或間接嘅支持,最後關頭恆生指數猛升,曰“大奇蹟日”,丁家五蟹負債以數十億計,丁蟹不得已將四個仔從頂樓掟落去,但佢自己卻畏高暫逃一死。因果循環,害人者終害己,不是不報時候未到。

慳妹喺大結局中由於遺傳心臟病死咗,令整套戲嘅悲劇成分更添一重,紀文同展博系一起都好,就好像喺戲外一樣,郭藹明劉青雲因大時代結緣。

第32集 展博攞嗮成副身家使喺股票到,正頭腦發熱,極度投機搏運氣。第33集 股票小戰;林家棟跑龍套。第34集 丁蟹行運行到腳趾尾。第39集 阿梅紀文共唱似是故人來。第40集 大奇蹟日。

人物原型:

方展博-李兆基,方進新-陳日新(新界領袖),龍成邦-五億探長(呂樂),周濟生-跛豪(吳錫豪),丁孝蟹&方婷-徐琛&劉屏麗,陳萬賢&陳滔滔-徐琛及其兒子,韋家誠-李嘉誠,郭英中-霍英東,賀新-何鴻燊

0
0

查看更多豆瓣高分电影电视剧

回应(0)

添加回应

大时代的更多剧评

推荐大时代的豆列

了解更多电视剧信息

值得一读

    豆瓣
    我们的精神角落
    免费下载 iOS / Android 版客户端