>
YOU&ME@達濠.douban YOU&ME@達濠.douban 291達善門

明嘉靖《荔鏡記》 全文

HUAIHAI 2010-07-24
貼《荔鏡記》全文於下,原網站在此,閱讀更佳,地址:http://cls.hs.yzu.edu.tw/LM/origin1/all_Text.ASP
http://cls.hs.yzu.edu.tw/LM/LM_home.asp


明嘉靖《荔鏡記》全文

正55出,目錄:
第一出 西江月 第二出 辞亲赴任 第三出 花园游赏 第四出 运使登途 第五出 邀朋赏灯 第六出 五娘赏灯 第七出 灯下搭歌 第八出 士女同游 第九出 林郎托媒 第十出 驿丞伺接 第十一出 李婆求亲 第十二出 辞兄归省 第十三出 李婆送聘 第十四出 责媒退聘 第十五出 五娘投井 第十六出 伯卿游马 第十七出 登楼抛荔 第十八出 陈三学磨镜 第十九出 打破宝镜 第二十出 祝告嫦娥 第二十一出 陈三扫厅 第二十二出 梳妆意懒 第二十三出 求计达情 第二十四出 园内花开 第二十五出 陈三得病 第二十六出 五娘刺绣 第二十七出 益春退约 第二十八出 再约佳期 第二十九出 鸾凤和同 第三十出 林大催亲 第三十一出 李婆催亲 第三十二出 赤水收租 第三十三出 计议归宁 第三十四出 走到花园 第三十五出 闺房寻女 第三十六出 途遇小七 第三十七出 登门逼婚 第三十八出 词告知州 第三十九出 渡过溪洲 第四十出 公人过渡 第四十一出 旅馆叙情 第四十二出 灵山说誓 第四十三出 途中遇捉 第四十四出...
貼《荔鏡記》全文於下,原網站在此,閱讀更佳,地址:http://cls.hs.yzu.edu.tw/LM/origin1/all_Text.ASP
http://cls.hs.yzu.edu.tw/LM/LM_home.asp


明嘉靖《荔鏡記》全文

正55出,目錄:
第一出 西江月 第二出 辞亲赴任 第三出 花园游赏 第四出 运使登途 第五出 邀朋赏灯 第六出 五娘赏灯 第七出 灯下搭歌 第八出 士女同游 第九出 林郎托媒 第十出 驿丞伺接 第十一出 李婆求亲 第十二出 辞兄归省 第十三出 李婆送聘 第十四出 责媒退聘 第十五出 五娘投井 第十六出 伯卿游马 第十七出 登楼抛荔 第十八出 陈三学磨镜 第十九出 打破宝镜 第二十出 祝告嫦娥 第二十一出 陈三扫厅 第二十二出 梳妆意懒 第二十三出 求计达情 第二十四出 园内花开 第二十五出 陈三得病 第二十六出 五娘刺绣 第二十七出 益春退约 第二十八出 再约佳期 第二十九出 鸾凤和同 第三十出 林大催亲 第三十一出 李婆催亲 第三十二出 赤水收租 第三十三出 计议归宁 第三十四出 走到花园 第三十五出 闺房寻女 第三十六出 途遇小七 第三十七出 登门逼婚 第三十八出 词告知州 第三十九出 渡过溪洲 第四十出 公人过渡 第四十一出 旅馆叙情 第四十二出 灵山说誓 第四十三出 途中遇捉 第四十四出 知州判词 第四十五出 收监送饭 第四十六出 叙别发配 第四十七出 敕升都堂 第四十八出 忆情自叹 第四十九出 途遇佳音 第五十出 小七递简 第五十一出 驿递遇兄 第五十二出 问革知州 第五十三出 再续姻亲 第五十四出 衣锦回乡 第五十五出 合家团圆


【 】:這符號表示曲牌。
___( ):括號前文字表示鄭國權《泉州傳統戲曲叢書》,明——嘉靖刊本《荔鏡記》的用詞。括號中文字表示原著書影的用詞。
___< >:括號前文字表示本計劃修改後提供參考的用詞。
      括號中文字表示原著書影的用詞。
★( ):表示此處有缺字,括號中的文字是缺字的組合說明。
◎:這符號表示缺字。


第一出
【西江月】
(末上) 世事短如春夢,人情薄似秋雲。不須計較苦勞心,萬事自然由命。公子伯卿,佳人黃氏,窈窕真娘,因嚴親許配呆郎,自登綵樓<彩樓>選東床(同床)。卻遇陳三遊馬過,荔枝拋下綠衣郎。陳三會合無計,學為磨鏡到中堂。益春遞簡,得交鸞鳳。潛逃(他)私奔,被告發遣,逢伊兄運使,把知州革除,夫婦(帚)再成雙。襟懷慷慨陳公子,體態清奇黃五娘。荔枝為記成夫婦,一世風流萬古揚。




第二出     辭親赴任
【粉蝶兒】
(外生) 寶馬金鞍,諸親迎送,今旦即顯讀書人。
(生) 受敕奉宣,一家富貴不胡忙。舉步高堂,進見椿萱。
(外) 身做(佐)運使離帝京,寵受君恩當刻銘。五湖(胡)四海民安樂,蒼生鼓舞樂堯天。
(生) 聖學功夫惜寸陰,且將無逸戒荒淫。從今獻策龍門去,不信無謀(媒)魏闕深。
(外) 下官姓陳名伯延,厝住泉州蓬山嶺後,雙親在堂。幸得一舉成名,除受廣南運使,敕賜劍印隨身。干礙爹媽在堂,不得前去赴任,做★(左人右再)得好?
(生) 哥哥不見古人說:「孝於事親,忠於事君。盡忠不能盡孝,盡孝不能盡忠。」爹媽在堂,小弟須當伏事,哥哥不必得念。
(丑) 好說大人得知,行李打疊便了。
(外) 既是(見是)便了,請爹媽出來相辭,因勢(世)起身。
(淨) 心忙來路緊,喜得到泉州。這裡<里>正是陳老爹門首。
(丑) 敢問賢友,貴處那裡<里>?
(淨) 小人正是廣南道承差,差來接運使老爹赴任。
(丑) 尊兄立定,待我稟過老爹。
(丑介) 好說大人得知,外頭有一承差,說是廣南道差來接老爹赴任。
(外) 放他進來。
(淨見介) 承差接老爹。
(外) 有文書沒有?
(淨) 有文書。
(外) 接上來。
(外) 這文書上還有十二名皁隸、兩名吏,都在那裡<里>?
(淨) 兩名吏同十二名皁隸打水路來。小的恐怕(伯)老爹起馬緊,先打旱路來接(院)老爹。
(外) 既是這等,左右送他館驛(馹)裡<里>安下,明日一定起身。
(末淨下外) 請將爹媽出來相辭,因勢起身。
(生) 爹媽,請請。
【菊花新】
(末丑) 今旦仔兒卜起里,未知值日返鄉里?夫妻二人老年紀(巳),仔兒卜去,★(上毛下火)我心悲。
(丑) 都是前世因緣湊合著伊,隨夫赴任廣南,真個榮華無比。
(末相見介) 光陰似箭歲難留,日月如梭春復秋。
(丑) 但願吾兒老萊子,身著(眷)斑衣(班衣)五色裘<毬>。
(末) 來,伯延,纔自(才自)是乜人在只外?
(外介) 纔自(才自)是廣南道承差,接仔赴任。
(末) 既是接你赴任,媳婦(息帚)收拾行李,就時起身。伯卿,你送恁哥嫂到廣南任所,因勢轉來厝讀書。
(生) 謹領尊命。
(末) 仔你去做官,莫得貪酷百姓。所望榮歸故里。古人說:袞袞諸公著錦袍(帛袍),不知民瘼半分毫。頻斟美酒千人血,細切肥羊百姓膏(亦自)。須記得這四句是大丈夫之志,立身揚名,以顯父母。
(丑) 新婦,你去勸我仔,做官善事多為,惡事莫作。
(貼) 媽媽,遵命(尊命),仔兒都記在心內。
【一封書】
(末丑) 我分付二仔兒,只去路上著細膩(二)。去做官,管百姓,莫得貪酷不順理。做官須著憑(辨)忠義,留卜名聲乞人上史記。
(合唱) 今旦相辭去,值日得相見?三年任滿返鄉里。
【大河蟹】
(外生貼唱) 拜辭爹媽便起程,叮嚀拙話仔須聽。三年任滿,轉鄉里,合家團圓,合家團圓。許時返來即相慶。
(末丑) 仔兒分開我心痛。只去隔斷在千山萬嶺。
(外生貼) 勸爹勸媽,莫得發業費心情。
(合) 三年任滿,三年任滿,許時返來即相慶。
【尾聲】
就拜辭媽共爹,安排轎馬便行程,值日得到廣南城,值日得到廣南城。
(末) 因勢(世)收拾起身。(並下)
拜辭爹媽便起身,山高路遠雁魚沉。
萬兩黃金未為貴,一家安樂值千金。






第三出     花園遊賞
【粉蝶兒】
(旦) 巧韻鶯聲,驚醒枕邊春夢。起來晏,日上紗窗。
(貼) 見窗外尾蝶,雙飛相趕。日頭長,春花發得通看。
(貼白) 啞娘萬福。
(旦) 幾陣鶯聲微微輕,雙雙紫燕叫黃鶯。困人天氣未成熱,力只寒衣脫幾重。
(貼) 三十六春日晴明,諸般鳥雀弄巧聲。宅院深沉人寂靜(什靜),懶倚繡床無心情。
(旦) 念阮是黃九郎諸娘仔,名叫五娘。挑花刺繡,琴棋書畫,諸般都曉(撓)。爹爹並無(花無)男嗣,單養阮一身。來啞益春,今旦正是新春節氣,不免相共行到花園內賞花。
(貼) 好花不去賞,也可惜除!
【錦田道】
(旦) 入花園,簡相隨。滿園花開蕊,紅白綠間翠。雙飛燕,尾蝶成雙成對。對只景,★(上毛下火)人心憔悴(碎)。
(貼) 娘身是牡丹花正開,生長在深閨。好時節,空虛費。怨殺窗外啼子規,枝上鶯聲沸。一點春心,今來交付乞誰?
【撲燈蛾】
(旦) 整日坐繡房,閒行出紗窗。牡丹花正開,尾蝶同飛來相弄。上下翩翻,阮春心著伊惹動。
(貼) 摘(拆)一枝,挽一枝,插入金瓶。
(旦) 畏引惹黃蜂尾蝶,尋香入繡房。
【餘文】
牡丹花開玉欄杆(干),管乜尾蝶共黃蜂,須待凰鳳來穿花叢。
滿園花開綠間紅,花開花謝不胡忙。
一年那有春天好,不去得桃總是空。



第四出     運使登途
(末) 有福樣人人伏事,無福樣人伏事人。小人不是別人,便是陳大人手下。大人今旦前去廣南赴任,說都未了,大人來到。
【八聲甘州】
(外生貼上) 東風微微,正是新春景致。憶著在厝,好酒慶賀新年。雙親堂上老年紀(巳),功名牽絆覓除伊。
(合) 心悲值日得返鄉里。
(又) 富貴是無比,五花頭踏馬前噪人耳。白馬金鞍,等接官員都佃。金印銀簇帶金牌,算來讀書強別事。
(合) 金榜掛名,天下人都知。
【尾聲】
看日落在天邊,打緊驛(馹)內去安置(至)。憶著家鄉在千里,憶著家鄉在千里。
走馬上任路八千,光景無邊景物鮮。
遇飲酒處須飲酒,得高歌處且樂然。

第五出     邀朋賞燈
【賞宮花】
(淨) 今冥,今冥元宵,滿街人吵鬧(炒鬧)。門前火照火,結綵樓<采樓>。人人成雙都成對,虧我無某(ㄙ)共誰愁。
潮州(朝州)林郎有名聲,廣東福建敢出名。不欠錢銀不欠食,那(另)欠一某(ㄙ)不十成。小子永豐倉(末豐倉)林大爹便是。阮母無分曉,生我一鼻障大。許識物的(个)盡稱呼做(佐)大官,許不識物的个呼我做(佐)大鼻。莫說我田園廣闊,錢銀無賽,那是婚頭遲,未有一某(ㄙ)通伴眠,乞人說笑,叫做(佐)無尾牛。今冥正是元宵,我心內愛上街睇燈(★(左人右本)),無人伴行。我不免唱一無某歌(無ㄙ歌),解閟(改悶)消遣,行來去尋老卓。
【四邊靜】
拙年無某(ㄙ)守孤單,清清冷冷(青青冷冷)無人相伴。日來獨自食,冥來獨自宿。行盡腌臢(暗★(左日右上夫夫右下貝))路,踏盡狗屎乾。盤盡人後牆,屎肚都蹊破。乞人力一著,鬃仔去一半。丈夫人無某(ㄙ),親像衣裳討無帶。諸娘人無婿,恰是船(舡)無舵。拙東又拙西,拙了無依倚。人說一某(ㄙ)強十被,十被甲也寒。
只正是老卓門兜,不免叫一聲:誰人在許內?共恁啞爹呾:說是西街林大爹在只,請伊得桃。
(內應)
【賞宮花】
(末上) 誰叫一聲?因勢(應世)出外廳。不知是乜人,原來(元來)是林大兄。
(淨) 我今請你無別事,那因無某(ㄙ)費心情。
(末) 林兄,錢到某(ㄙ)便。
(淨) 誰人某(ㄙ),卜租人?
(末) 和尚某(ㄙ),卜租人。
(笑介末白) 林兄請坐。
(淨) 免坐。
(末) 未知林兄貴幹?
(淨) 卜請你幹事。
(末) 幹乜事?
(淨) 今冥正是元宵,直來招兄你看燈,因便睇(★(左人右本))群姐得桃。
(末) 小弟今無心看燈,林兄你愛惹事。
(淨) 老卓,你不見俗人說。
(末) 俗人可做★(左人右再)說?
(淨) 世上若無花共酒,任你千歲待如何?
(笑介) 小弟今不惹事,相共來去無妨。
(末) 待小弟叫簡仔討檳榔食。
(淨) 向說,多承。
(末) 值簡仔在許內,討檳榔食。
(貼上) 有乜好客在外廳,手捧檳榔出外行。
(見介淨白) 老卓,你值時討一個(个)媳婦拙爽利。
(末) 林兄茹魯(如魯),只是我飼的(个)。
(貼介末白) 啟(踝)林大爹一啟(踝)。
(淨) 名叫乜?後來好相叫。
(末) 名叫春來。
(貼) 請檳榔。
(淨食介貼白介) 林大爹,食檳榔便食,捻人手痛痛,乜事?
(淨) 只一查某仔(查ㄙ仔)不識物,我捻手看大啞小,卜打手指乞你。
(貼) 林大爹,多謝。
(淨) 只來只來都未有灰。
(淨介淨力末白) 林兄小神。
(淨) 大身翁乜小神!
(末) 林兄相共來去。
【賞宮花】
今冥是元宵景致,誰厝娘仔不上街來遊嬉。我★(左人右群)只街頭巷尾看平宜,林兄那畏了病成相思。
(淨) 拙年孤單獨自,有某(ㄙ)緣分那就今冥。
(末) 好元宵強過別冥,鼓樂(古樂)吹唱,會處都佃。滿街鑼鼓(羅古)鬧喧天,不禁夜人人歡喜。得桃人須趁後生,有某(ㄙ)緣分那就今冥。
【滴溜子】
(淨) 今冥元宵月半,咱(恁)一齊相共去看。
(末) 好鰲山。鰲山上結綵好看,張鬥人物盡都會活。
(淨) 卓兄,鰲山上都是傀儡仔,不免去托一個來去得桃。
(末) 不通,林兄小人。
(內噉淨走) 是誰?都是潘兄。
(內應末介) 請那。
(淨) 纔自(才自)是乜人喝趕(喝敢)?
(末) 是官府出來看燈。
(淨) 今冥官民同樂人人愛,風調雨順,國泰民安。
拙年無某(ㄙ)守空房,今日好人來相逢。
不畏無人通中我,只怕小子不中人。

第六出     五娘賞燈
【婁婁金】
(旦)(貼) 元宵景,好天時,人物好打扮,金釵十二。滿城王孫士女,都來遊嬉。今冥燈光月團圓,琴弦笙簫,鬧滿街市。
(旦)(貼) 元宵好景巧安排,鑼鼓(羅古)鬧咳咳。千金一刻元宵景,雖那吝財(才)也不吝財(才)。
(貼) 元宵好景家家樂,簫鼓(古)喧天處處聞。
(丑上三合) 樓臺上下火照火,車馬來去人看人。
(見介) 啞娘萬福。
(旦) 李婆來貴幹?
(丑) 婆仔無事不上下門。
(貼) 正是高門。
(丑) 今人行下門可多。好說啞娘得知,今冥是元宵景致,滿街滿巷,點放花燈,高結鰲山。婆仔直來招啞娘上街看燈,不知啞娘心中興不?
(旦) 婦人之德,不出閨門。阮厝也有幾盞花燈,那留你只處賞可好。
(丑) 天日亞,恁厝雖有花燈,★(左人右再)及許街上滿街花,許多寶貝。那不去看,也可惜除!
(貼) 啞娘,今冥是元宵大鬧,街上都是公子、王孫上街答歌,來去看也不畏。
(旦) 既是(見是)障說,益春你入內去點一燈來去。
(丑) 啞娘,滿街滿巷無乜光燈,點燈要乜用?
(旦) 婦人夜行以燭,無燭則止。
(丑) 啞娘說是。
(貼下上介)
【大迓鼓】
(旦唱) 正月十五冥,厝厝人點燈,是實可吝。三街六巷好燈棚,又兼月光風又靜,來去得桃到五更。
(丑貼) 元宵景,有十成,賞燈人都齊整。扮出鰲山景致,抽出王祥臥冰、丁蘭刻母,盡都會活。張珙(拱)鶯鶯,圍棋宛然。真正障般景致,實是惡棄。恁今相隨,再來去看,再來去看。
(內划船唱歌介)(丑白) 唆阿唆,唆阿唆,唆恁婆。(三合介貼)
【皂羅袍】
(旦) 幸得三陽開泰。
(內唱)(貼) 李婆,許處正是乜事?
(丑) 許正是人打韆鞦(千秋)。
(旦) 打韆鞦(千秋)盡都結綵。
(內介)(旦) 李婆,許處人鼓陳,正是乜事?
(丑) 許是許一夥(火)後生,在許燈下打獅。
(貼) 正是人弄獅。
(旦) 滿街鑼鼓鬧咳咳。各處人聽知盡都來。
(貼) 簡今隨娘到只蓬萊。
(旦) 看許百樣花燈盡巧安排。遊賞好元宵,人人心愛。
(貼) 娘仔相隨到只,
(旦介) 鞋緊履短步難移。
(丑) 益春,恁啞娘木屐擺了,快共伊移正。
(內打鑼介)(旦) 許處正是人乜事?
(丑) 啞娘莫驚,許是落後生仔食了飽,割山香打鑼。
(貼) 許一人頭毛放茹(如),許處那跳乜事?
(丑) 許是跳翁的(个)。
(貼) 許跳翁仔,恁莫得去沖<充>著伊。
(丑) 許跳翁的(个)見恁諸娘人,伊莽跳恁身上來。
(貼) 李婆莫茹呾(★(口店))!
(旦) 輕輕閃覓只街邊。
(貼) 前頭人來惡逃避(僻)。
(旦) 緊緊來去又畏人疑。尋香愛月,不是孜娘體例。
(內唱介) 清明冷丁時節雨紛紛,冷丁冷打丁,打的冷愛的冷打丁,路上行人欲斷魂(云)。冷丁冷打丁,打的冷愛的冷打丁。借問酒家何處有,冷丁冷打丁,打的冷愛的冷打丁,牧童遙指杏花村。冷丁冷打丁,打的冷愛的冷打丁。
(丑) 冷打丁冷打丁,是也好聽。
(丑)(笑介)(旦) 許正是乜事?
(丑) 許正是雞仔啄鐵銚鳴,叮叮噹噹,是實好聽。
(貼) 許是人操琴。
(丑) 那卜是人操琴,都不見斧頭陳。
(旦) 正是人彈琴。
(丑) 啞娘,今冥月光風靜,再去得桃即!
【水車歌】
(旦) 今冥是好天時,上元景致,正是在只。
(丑) 啞娘,只鰲山上人吹唱,是好聽。
(旦) 見鰲山上吹唱都佃。
(貼) 打鑼鼓、動樂、抽影戲。
(貼) 啞娘,實是好燈。
(旦) 花燈萬盞,萬盞燈光月圓。
(丑) 啞娘,只一盞正是乜燈?
(旦) 只一盞正是唐明皇遊月宮。
(丑) 唐明皇是丈夫人?孜娘人?
(旦) 唐明皇正是丈夫人。
(丑) 那卜(莫)是丈夫人,都有月經?
(旦) 只正是月內个宮殿。
(丑) 向生,待我估叫是丈夫人有月經一?
(貼) 呵娘,只一盞正是乜燈?
(旦) 只正是昭君出塞(賽)。
(丑) 阿娘,昭君便是丈夫人?諸娘人?
(旦) 昭君正是諸娘人。
(丑) 向生,待我一估叫(辜叫)一諸娘向惡,都會出婿。
(旦)
(末淨上閘介旦貼丑下)
【一封書】
(末淨) 好諸娘,是親淺。
(淨) 句未親淺,句有一處破相。
(末) 乜破相?
(淨) 身下破相,腳仔(那仔)即有拙長。
(末) 許正是三寸弓鞋。
(末) 腳縛三寸乜細膩(二)。
(淨) 李兄,你都不知,今即一位娘仔二目真真那看我。
(末) 無許事。
(淨) 你不信,我跪只天前咒誓:天亞,那不看我,就死除我!
(淨) 目看我笑微微,★(左人右再)得共伊宿一冥。同床同枕同坐起,同入銷金帳內,共伊囉連哩。天,天可憐見,乞我緣分對著伊,一冥夫妻甘心死。
【一封書】
(潮腔) 東家女,西家女,出來素淡(掞)梳妝。
(淨) 卓兄,好一樣。
(末) ★(左人右再)(在)見得好一樣?
(淨) 肌膚溫潤有十全。弓鞋三寸,蟬鬢(蟾鬢)又光。
(末) 動得咱(懶)睇(★(左人右本))都不知返。
(末) 林兄卜值去?
(淨) 雜種(卜種),許不是人啞!
(末) 不是乜?
(淨) 許是天妃媽變相來。
(末) ★(左人右再)(在)見是天妃媽?
(淨) 那卜是人,都會迷人。
(末) 正是花色迷人。
(淨) 是只年?我估叫是天妃媽。
(笑介) 那卜是人,再趕(赴)來去看。
(末) 伊來去,咱來去得桃。
(末) 得桃滿街巷,郎君士女都來看人。
(淨) 老卓呵。
(淨) 睇(★(左人右本))伊人共我親像。
(末) ★(左人右再)見得親像你?
(淨) 我今無某(ㄙ),伊定無翁。想伊心內,共我一般苦痛。
(末) 你無某(ㄙ),牽連伊無翁做乜?
(淨) 我今無某(ㄙ),伊的(个)無翁。伊今值時共我成對,我今值時共伊成雙。
(末) 伊做(佐)乜肯共你成雙?
(淨) 愛伊成雙,我著堅心央托媒人。
(末) 林兄,你句愛看不?
(淨) 我句愛看燈。
(末) 伊今倒去(到去)了,★(左人右再)得伊著?
(淨) 小弟有思量,伊打東街去,恁按西街去攔(欄),二邊截(閘)上。
【賞宮花】
暫且(漸且)分開做二位,若還(煩)截(閘)一著,莫得拆開。投告天地共神祇,保庇我共伊,成雙成對。(並下)
元宵好景值千金,一陣阿妹賽觀音。
若肯共我成一對,一冥死去也甘心。

第七出     燈下搭歌
【大迓鼓】
(旦貼丑上) 自細不出門,上元景致,今旦冥昏。娘仔恁且返,行來到只,不知值方。
(合) 原來(元來)正是廣濟橋門。
(丑) 呵娘亞,今冥滿街滿巷花燈,都不值(答)只廣濟門花燈可吝。
(旦) 李嫂,是也可吝。
【長生道引】
(旦貼) 花燈可吝,花燈可吝,看許鰲山上神仙景致。天斷雲霓,月光風靜,幾陣歌童舞妓。
(內唱) 情人彈出【雉朝飛】,有意佳人去復歸。夜夢相思睡難曉,只怕光陰似箭催。
(旦唱) 笙簫和起入人耳,真個稱人心意。恨織女牛郎,伊都不得相見。
(介) 官民同樂是太平年,無貴賤,無驕無侈,見許賞燈人盡都歡喜。看許賞燈人盡都歡喜,真難得有障般天時。元宵一刻值千金,那煩惱鼓轉五更,又驚畏雞報五更。
(旦貼同丑上介)(淨末闌介) 只正是乜燈?
(末) 只正是琴棋書畫。
(淨) 只是乜燈?
(末) 只是相如彈琴。
(淨) 只是乜物燈?
(末) 只是蘇秦讀書。
(淨) 許是乜燈?
(末) 許正是鴛鴦水鴨相踏燈。
(貼) 丁古燈<燈古燈>。
(淨) 中你目真真。
(淨) 卓兄,只老姊(★(左女右只))你識伊?
(末) 只是西門外李哥嫂。
(淨) 正是趕豬羔的(个)李哥嫂。
(末) 正是。
(淨) 李嫂來答歌。
(丑) 我去共阮啞娘說。
(旦) 乜事?
(丑) 西街林大爹卜共恁答歌。
(旦) 向般人,共伊答一乜歌?
(丑) 咱(懶)只潮州人風俗,看燈答歌,一年去無病。
(淨) 李嫂共我答。今夜正是元宵,都卜燈字為題;那無燈字,斷定著乞人★(左番右炭)。
(丑) 我今老了,句不食★(左番右炭),★(左番右炭)著愛尿流。
(淨) 你起。
(丑) 你先起。
【答歌】
(唱) 恁今向片阮障片,恁今唱歌阮著還。恁今還頭阮還尾,恰是絲線纏竹片。
(丑貼唱) 阮今障邊恁向邊,阮今唱歌恁著還。阮今還頭恁還尾,恰是絲線纏竹鼓。
(淨末唱) 阮唱山歌(雙歌)乞恁知,待恁聽知我也知。待恁坐落袂(★(末))走起,待你走起我便來。
(丑貼唱) 阮唱山歌乞恁聽,待恁坐聽立亦聽。待恁坐落袂(★(末))走起,待恁起來又袂(★(末))行。
(淨末) 月朗朗,照見月底梭掏紅。斧頭破你你不開,斧柄擇你著一空。
(貼旦唱) 月圓圓,照恁未是好人兒。
(淨) 正是西街林大爹。
(貼) 想恁那是作田簡,大厝人仔向大鼻。
(淨) 月炮炮,照見恁是人丫頭(阿頭)。看恁大厝飼的个簡,十個(个)九個(个)討本頭。
【好好姐】
(丑) 看恁好無道理。
(淨) 無道理?值情擇槌仔撟(喬)恁後門。
(旦) 恁行開去,莫得來相纏。閑言野語你莫聽伊,俗子村夫識乜體例!
(旦貼丑下淨末下介)
花燈萬盞巧安排,障般好景是蓬萊。
一陣娘仔相隨過,疑是觀音降下來。

第八出     士女同遊
【大迓鼓】
(旦貼丑上) 正月十五冥,厝厝人點燈,是實可吝,三街六巷好燈棚。又兼月光風又靜,來去得桃到五更。
(生) 潮州好街市,又兼逢著上元冥,來去看景致。一位娘仔乜親淺,恰是仙女下瑤池。恰是仙女下瑤池。
(生下)(旦笑)(丑臨)(貼介)(貼) 只一人都不是恁潮州人。
(丑) 只一人我八(入)伊。
(貼) 正是乜人?
(丑) 是興化人。
(貼) 興化人來只處幹乜事?
(丑) 來縛籠甑(床)。
(貼) 縛籠甑(床)都拙哄。
(丑) 卜畏天上差來的(个)人。
(貼) 天上差來卜乜事?
(丑) 天上差落來,專共許一夥(火)簡仔打獅尾。
(貼) 李婆莫茹呾!
【滴留子】
(旦) 好天時,好月色,實是清氣。好人物,好打扮,宮娥無二。鰲山上神仙景致,香車寶馬來往都佃。王孫士女都同遊嬉,可惜今冥燈光月圓(員)人未團圓。
(合) 琉璃燈,牡丹燈,諸般可吝,金爐內寶鴨香煙微微。
(淨唱) 得桃障更深,殘月更催風露冷(令)。作笑動我心,一位娘仔賽觀音。真個(个)悶殺人心,割吊(刈吊)人心。不得伊著★(左人右再)甘心。
(旦) 歌聲和起,動人心意。障般樣光景實是惡★(廾)。返頭不覺見,月斜斗星移。恁今得桃更深,合該回避。
(生淨上旦貼丑下)
(生) 香車寶馬鬧滿處,琵琶龍笛,琴絃聲和,蓬萊景致,正是只處。見許一陣娘仔,一陣娘仔相挨相搡(束),在只燈下行過。
(淨) 滿頭帶珠翠,真個(个)雲鬢金髻。
(生) 畜生,我曉得了。安童,你只潮州熟,可曉得只一陣娘仔正是值街巷上人?
(淨) 安童纔自(才自)見許街邊人說,只一位娘仔正是後溝王九郎的(个)諸娘仔。
(生) 潮州生得障般親淺孜娘,又逢著月光風靜,不得桃也可惜除!
(淨) 官人,許前頭一陣娘仔生得句可親淺伊。
(生) 十個九個,不值(踏)五娘仔一倍。玉筍纖纖,真個滿面花月。袂得近伊兜,力拙恩愛從頭(全頭)共伊細說。
【尾聲】
星稀燈疏更漏短,轉去傷心共誰說。
(生下淨笑) 阮官人著諸娘割(刈)茹(如)了,叫伊返去傷心卜共誰說。安童試學看說親像。星稀燈疏更漏短,轉去傷心共誰說。(並下)



第九出     林郎托媒
【婁婁金】
(淨上) 元宵景,十五冥,燈今看了人寂靜(什靜)。移步還去厝,鼓打四更。
(起叫介唱) 更,更,咱(懶)今得桃盡今冥,再卜相見著來年。
花色迷人如醉,吟風嘯月(帚月)而歸。看伊人物爽利,賽過廟裡天妃。
(笑介) 雜種(十種)烏龜倚(奇)一夥(火)。姿娘帶腰刀割(刈)人,我今不免只處坐。等待李哥嫂只處過,問伊是誰厝諸娘仔,央伊去現,得來豈不妙哉!
【賞宮花】
(丑上) 彩樓好景致,滿街是貴氣。殘月更鼓催,雞聲啼。天光但得返去厝,再<★(左人右再)>卜得桃是來年。
(淨介丑介)(丑) 天日啞,是誰人?
(淨) 是林大爹。
(丑) 林大官,你三更半冥做(佐)鬼驚人。
(淨) 李婆,問你,今即在值處★(上毛下火)一觀音來看燈?
(丑) 不是佛,是大厝人姿娘仔。
(淨) 大家娘仔向細?
(丑) 伊是小娘仔。
(淨) 小娘子向大?
(丑) 林大官,你顛狂呾話。
(淨) 正是值家人姿娘仔?
(丑) 許正是後溝黃九郎孜娘仔,名叫五娘。
(淨) 伊可見我不?
(丑) 伊見你。
(淨) 叫我割(刈)伊。
(丑) 叫你割(刈)伊一冥,返去厝袂睏<困>得,睏<困>到日午即起,夭句叫你割(刈)伊,一頓食除三五碗,著你割(刈)一粒也袂添得。
(淨) 賊烏龜即知林大爹割(刈)人。我今卜央你去求親。
(丑) 我句袂做媒人。
(淨) 你★(左人右再)年袂做(佐)媒人?
(丑) 我句袂白賊。
(淨) 永豐倉林大爹,誰人不識,使你騙人。
(丑) 既是(見是)障說,我乞一生月來乞你撿。
(淨) 你去乞一生月來乞我檢,伊定準。
【四邊靜】
(淨唱) 我今央你去求親,我拙年無某(ㄙ)受艱辛。姻緣都是天注定,媒姨捍斗秤。
(合) 再三央你求卜伊肯。若得姻緣就,大雙金釵答謝恁。
(丑) 林郎聽我說來因,你今央我去求親。五娘伊是天仙女,不是頭對不相陣。
(合前) 緊去緊來,我甲人買一豬腳,群得爛爛成屎,乞你食。
(丑) 許是你受用的(个)。
五娘生得是仙才(中才),姻緣不願心不諧。
十二巫山雲霧暗,楚王枉屈夢陽臺。

第十出     驛丞伺接
(末) 正是在家富貴,出路艱難。今旦大人到廣南城赴任。說都未了,大人來到。
(唱介)
【卒錦富】
(外唱) 今旦出路逢春天,花紅柳綠真可吝。猿啼鳥叫★(上毛下火)人心悲,去到廣南即歡喜。
(生上) 跋涉崎嶇來到只,一路那是人迎接。見說廣南遠如天,一里過了又一里。
(丑扮驛丞)
【卒地當】
(丑扮驛丞) 我做(佐)驛官(馹官)甚艱難,點閘夫馬掃驛房(馹房)。緊緊來去接大人,走得我辛苦氣都喘,氣都喘。
(見介) 驛丞(馹承)接老爹。
(外) 你是那一驛?
(丑) 小驛丞(馹丞)是塗山驛(馹)。
(外) 塗山驛(馹)到這裡有幾多路?
(丑) 到這裡有二十里路。
(外) 怎麼近接我?
(丑) 小的年老了,趕路不上,望老爹赦罪。
(外) 既是(見是)老了,怎麼不回去,好膽<好打>!
(丑) 不敢。
(外) 饒你罷,快討大馬,我明日清晨就要起身。
遠看山頭日漸傾(輕),趕馬起步到遙亭。
金杯美酒消愁悶,管取明朝到廣城。


第十一出    李婆求親
【菊花新】
(外唱) 光陰相催緊如箭,一年一度也易見。添得我老人白鬢邊,並無男嗣卜怙誰人奉侍?
金井梧桐葉落枝,返頭不覺又一年。幸遇新春好時節,玉樓人醉杏花天。老夫姓黃名忠志,謝天安樂,那(另)是可惜無男嗣,單養一孜娘仔,名叫五娘。性格溫柔,未曾對親。多少郎君卜求,我只心中都不願,那愛一仔婿有志氣,合我的(个)心意。
(丑上) 當初十七八歲,頭上縛二個(个)鬢袋。多少(都少)人問我乞生月,我揀選卜著處。今老來無理會,人見我一面親像西瓜皮。
(三合笑介) 只處正是九郎門前。
(相見介) 九郎公萬福。
(外) 李嫂來貴幹?
(丑) 婆仔無事不上高門,那因西街林大爹托婆仔來乞五娘仔親情,不知九郎公你可准呵不?
(外) 那是(另是)西街林大官厝,只人也是有名的(个)人,未知是值枝頭?
(丑) 那(另)卜問枝頭,婆仔都不曉得。那是(另是)許富,富富的(个)。
(外) 古人說得好:當田買地是一時,現某(ㄙ)嫁婿是一世。也著合婚算命,那好(另好)便乞伊。
(丑) 整事!算命合婚,死某(ㄙ)改婿。相叫相★(上毛下火),到老齊眉。許看命都白賊。我許後生時節,人來乞生月,阮母叫卜看命合婚,我叫不使,好怯(佉)是我命,隨我去。今阮二人今年食五六十歲,阮公夭句可疼我。古人說:一斤金不如四兩鉛。九郎,許看命都白賊。
(外) 李婆你聽說。
【賞宮花】
(外) 男婚女嫁,古人有只例。也卜門戶相當,郎君有志氣(心氣)。月老也憑結紅絲,算來注定無差移。
(丑) 九郎聽說起:我做(佐)媒人有拙時。說合幾個(个)郎君共子弟,不識花嘴(口)共花舌,二邊相停合體例。
(外) 來,李嫂,憑你障說,生月乞伊去看,看那好(另好)揀一好日子,乞伊來捧定。
(丑) 正是乞伊去看。
自古嫁娶著媒人,男婚女嫁卜一同。
有緣千里終見面,無緣對面不相逢。


第十二出    辭兄歸省
【望吾鄉】
(生) 花酒迷人不知醒,夢斷巫山雲路迷。韓壽偷香有情意,君瑞相見在琴邊。看古人,有只例,姻緣願乞早團圓。
冥日厭厭醉如痴,恰是風前掛酒旗。但得相隨返去厝,未知姻緣是★(左人右再)年?伯卿(必卿),因送哥嫂到潮州,元宵燈下遇見黃五娘。看伊生得如花似錦,冥日著伊割吊(刈吊)。今不免辭除哥嫂,返去潮州,看乜路會得入頭相見。哥哥嫂嫂請上。
【掛真兒】
(外) 廣南實是好景致,看得來稱人心意。
(貼上) 莫是三叔思鄉里,眉頭相結,正是因乜?
(相見介)(外) 來,伯卿。你今旦請阮二人出來,有乜話說?
(生) 好說哥嫂得知,小弟自送哥嫂到任所,拙久無時不憶著家鄉。今愛卜辭哥嫂返去伏事爹媽,未知哥嫂心中是如何?
(外) 好啞,小弟,你卜返去伏事爹媽,準是我親去一般。
(貼) 三叔再得桃幾時<巳時>即去。
(外) 夫人,你不曉得,我今嘴食朝廷俸祿,身聽朝廷差使。古人說:盡忠不去盡孝,盡孝不去盡忠。見三叔有一點孝心,卜返去奉事爹媽,我再<★(左人右再)>不敢留伊。
(生介外白) 來,伯卿。你卜去,我也無物通共你送路,我另有白金十兩、錦襖一領、白馬一隻,送你返去。(生拜介)
【推拍】
(生) 就拜辭哥嫂,因勢(因世)起理(里),未得知值日相見?爹媽年老,後頭望你冥昏早起。
(貼) 你因乜拙時(批時)心頭無意?
(外) 心悲卜返去<云>鄉里,路頭長,須著細膩(細二)。
【川撥掉】
(外) 我小弟,我小弟,你聽我說起理:爹媽老,爹媽老,怙你相奉侍(待)。
(貼) 路上去,路上去,須著辦(辨)細膩(細二)。
(生) 就拜辭,因勢(因世)便起里。
(合) 今旦分開去,兄弟乜心悲,目滓滴。未得知,值日再相見。
(淨) 夫馬便了,請三爹因勢(因世)起身。
兄弟分開拆二邊,魚在深淵月在天。
爹媽後頭老年紀(巳),思量起來心越悲。


第十三出    李婆送聘
(淨) 小七小七,做(佐)人骨直。不愛上山討柴,那愛走馬下直。頭毛平坦去梳,鼻流不知去拭(七)。人又叫我無神,呾話人便著急(吉)。今旦好日好子,林厝卜來下定。呵公甲我掃廳。媒姨因乜來障晏,不免行只門前去看。前頭一陣人來,親像送喪一般。(小七掃廳)
【風入松】
(潮腔) 安排桌,掃拼廳(併廳)。停待阮啞公出來行。
(淨介) 歡喜阮啞娘收人聘定,對著林厝,又是富家人仔。
是乜整齊。
金釵成對,白銀成錠。表裡盡成雙,都是親戚來相慶。
都值處鼓鳴,是搬戲,也是做功德?
(鑼鼓聲響)
都親像值處人吹乜非非年。
(哨角又鳴) 障好姻緣,都是前世注定。
雜種<十種>,許遠處一陣人來,親像人送喪年。
(淨介貼上)
【駐雲飛】
(潮腔) 清晨早起,大人分付安排桌共椅。今旦好(子)日子,亦是好事志。
(嗏) 阮娘仔領人茶,我心即歡喜。
(淨) 恨我一身在別人厝做奴婢。
(貼) 苦桃共澀李,終有好食時。
(淨) 益春,你是病仔,卜食苦桃共澀李。
(貼) 睛盲頭(青冥頭),人許處譬論,你共我乞人飼,亦親像許苦桃澀李一般,看值日會甜。
(淨) 是只樣,雜種<十種>烏龜,阮父許時乞里長騙,甲我來賣乞人飼。
(淨啼貼白) 睛盲頭(青冥頭),今旦是好事志,不通啼,啞公知了打你。
(淨) 不通啼。
(貼) 你緊掃,掃辛苦,我霎久討物乞你點心。
【公公乍】
(丑) 我做媒人,歡喜心頭鬆(★(又又))。有緣千里來相見,無緣對面不相逢。
(丑三合介貼白) 媒姨,因乜來障晏?
(丑) 盤擔多,自然生受。
(貼) 媒姨,生月乞去,曾(情)撿不曾?下定障緊!
(丑) 都不動破紙,那是做暗婚。
(淨) 人說做暗婚,生仔無嘴唇(口唇)。
(丑) 人說做暗婚,生仔成大群。
(淨) 益春,恁趁媒人便,也來合婚對一對。
(貼) 睛盲頭(青冥頭),合你心肝。
(丑) 啞姊,你入去共恁啞公呾,媒姨來了。 
(貼) 媒姨,阮啞娘卜罵你。
(丑) 做媒人是好事,罵我乜事。
(貼) 霎久你便(更)知。
(貼下淨白) 媒姨,你向爻做媒人,共我做一個(个)。
(丑) 你有益春了。
(淨) 益春,啞公占去攬腳尾了。
【掛真兒】
(外上) 今旦好日子,且喜林厝送禮結(吉)親誼(親議)。仔兒落當,我心內歡喜。
(外見介外白) 起動媒姨。
(丑) 啞公且喜。
(外) 起動林厝親姆,送只禮可多。
(丑) 啞公,伊一場一仔愛卜好看。
(外) 小七,力佛(拂)前香燭點起。
(小七介)
【風入松】
(外) 燒香點燭神龕前,林厝今日送定禮,上告堂上高曾祖考。
(外拜介丑唱) 降來姻緣,湊合(奏合)五百年前,都是月老相推排(催排)。
(小七討酒來把盞介)(起動啞公)(外) 斟起盞酒托(把)媒人,幾轉謔你來行動,殷勤禮數好行放。
(丑唱) 表裡十對,金釵十雙,綵鳳書紙金筒。
(外白) 親姆仔細(子細),禮數障多。
(外介) 小七,甲啞媽討一對金花來,乞媒姨做彩(綵)。
(外介) 金花一對插你紅。
(丑) 九郎公,感謝。
(外) 媒人莫得嫌少,親情完了,句卜大謝你。
(丑) 啞公說一乜話。多承可多,向說,請啞媽出來食一嘴(口)檳榔。
(外) 小七,請啞媽出來食檳榔。
(內應) 啞媽不得工,卜安排物回★(左木右盛)。
(外) 既然(見然)無工也罷。
(丑) 也著請啞娘出來食一嘴(口)檳榔。
(外) 啞娘伊是後生人,只廳上不便,棒入後廳去食。
(丑) 啞公說是。
(外) 小七,你共媒姨入後廳,去請恁啞娘食檳榔。
(淨) 雜種<十種>烏龜,仔細,阮只後廳狗愛咬人腳後跟(根)。
男婚女嫁著媒人,銀臺蠟燭滿廳紅。
有緣千里終相見,無緣對面不相逢。

第十四出    責媒退聘
(丑) 手捧檳榔入後廳,聽見啞娘嘆氣聲。閑言野語相怪及,那卜有情也無情。請啞娘食檳榔。
(旦上介丑) 啞娘,萬福。
(旦) 無人通提椅乞你坐。阮昨暮日使益春來共你說,你即故意力禮聘送來,是乜道理?
(丑) 前日使益春來共婆仔說,婆仔袂記得除,今事志都成了,請啞娘食一嘴(口)檳榔。
(旦切介丑白) 請啞娘食檳榔,向切乜事?
【德勝令】
(旦) 障般虔婆,可見無道理。
(丑) 婆仔共啞娘做(佐)媒人,也是好事,罵婆仔乜事?
(旦) 罵乞你去共林大現。
(丑) 林大官伊也是有錢的人(有錢个人)。
(旦) 任伊有錢,我不願嫁乞伊。
(丑) 啞娘,嫁不嫁覓一邊,力只番羅收起。
(旦) 番羅緊緊送去度伊。
(丑) 啞娘,既(見)不收伊人番羅,只樣好金釵收一雙戴(帶)。
(旦) 值人收只金釵,發狂病(王病)。
(旦介丑) 我苦,天日,障般好釵甲人去屯除!
(丑) 林厝官人生得乜親淺。
(旦) 你目睛盲(青冥)。
(丑) 我目真真。
(丑) 我今勸你嫁乞伊。
(旦) 你向愛,力恁孜娘仔嫁乞伊。
(丑) 啞娘,伊句嫌阮村人。
(旦) 村人不通做(佐)人,都不通賣乞伊做(佐)奴。
(丑) 閑言野語莫來相欺。
(旦) 你做只親情,罪過(告)平天。
(丑) 伊人富貴,誰人值(踏)伊?
(旦) 富貴由天。
(丑) 富貴由天,姻緣由天。
(旦) 姻緣由己。
(丑) 姻緣都是五百年前注定。
(旦) 句敢來我面前說三四。
(丑) 我今勸你莫罵卜平宜。
(旦) 那罵你歡喜,打你只敢也。
(丑) 許也未成,冥旦共林大爹許銷金帳內,即憶著婆仔。
(旦打介丑白) 我父,嘴血打流了。
(旦打介丑白) 誰人知你障狗詐,障好親情不中你,了無人敢現。
(旦) 待我無人敢現,整使你討飯飼我?
(丑) 那畏你了。老人說孜娘仔十八(入)客,不嫁放石壓。
(旦) 叵耐只虔婆,可見無道理。
(丑) 婆仔共啞娘做(佐)媒人,無乜無道理。
(旦) 激(吉)得我心頭火發起。
(丑) 火發起莫得燒著婆仔。
(旦) 你障般怯嘴(口),霎久定討死。
(丑) 啞娘,我今旦也是好意,准不准何故打罵婆仔。
(旦) 只說也是。李婆,今即是我罵你幾(巳)句,不著也准是阮後生人吃飯句未,莫得著切我和你。
(丑笑介) 風颱(台)過了,今即回(會)南。
(旦) 將只聘禮就送轉去。
(丑) 許啞娘許處坐,待婆仔就送轉去。
(旦) 你送去,我惜惜你。
(丑介) 小七啞!
(旦) 你叫小七乜事,我甲你送林厝去。
(丑) 乜啞,甲婆仔送林厝去,許婆仔不敢送去,婆仔食伊人若物了,做乜好送轉去!
(旦) 你那送轉去,我畏無物通乞你食?
(丑) 許食物都是無打緊,又收伊一雙赤赤金釵了。
(旦) 你力只禮聘送轉去還伊人,我打一雙金釵句可重伊人的(个)乞你。
(丑) 啞娘,人叫禮聘不通送來送去,頭上仔愛袂(不)飼得。
(旦打介丑介白) 我死人,那不送去,非(井)打人送轉去。
(旦) 人那不嫁乞伊,井硬甲人嫁乞伊。
【四邊靜】
(丑上) 勸你莫得障拗性,忤逆父母無孝義。
(旦)(介打) 死虔婆!你怯嘴毒舌(怯口毒舌),霎久定討死。
(丑) 金珠成大斗,都無媒人也袂走。
(旦) 任你嘴(口)說蓮花,我也不聽些兒。我心那不願,話說你卜記。
(丑) 你厝爹媽收了人聘定。
(旦) 聘定值時?不在只處。
(丑) 任你千推萬托也著成。
(旦) 死虔婆!你嘴說卜贏(營),每日早早阮厝來行。
(丑) 三日即行一返。
(旦) 三日即行一返?
(旦) 動得我厝犬吠無聲。金釵不送轉,打死你是定。
(旦) 小七啞!
(丑) 啞公啞!
(旦) 你叫啞公乜事?
(丑) 你叫小七打我,我叫啞公來同我。
(旦) 乞你叫啞公同你。
(丑) 未成打死人。
(旦) 小七啞,死虔婆無理,共(在)我打一頓。
(淨上) 啞娘,伊共啞娘做媒人,也是好事,打伊做乜?
(旦打丑介) 打一頓乞伊。
(淨) 呵,甲伊共我做媒人,伊卜做一個(个)九十三歲的个度我。
(丑) 睛盲頭(青冥頭),你試打我看。
(旦) 打你,你告我不孝。
(旦介淨白) 啞娘,力倒還我打。
(旦丑打介)(外喝旦下)(丑) 啞公,喝甲我打。
(外) 啞,小七禽獸仔無理。
(淨下)(外) 媒姨請起。
(丑)(哭介)
【漿水令】
五娘仔力我打得障損,將只禮聘甲我送轉。力我頭髻采落(採洛)就土下頓。采得(採得)我老人頭都眩睧。有乜事都是九郎。
(外) 媒姨,你聽我再三相勸,只是我仔所見未長。
(外) 媒姨,
(外) 且力頭髻修理(收理)待光。
(丑) 將只禮聘送轉還伊。
(外) 只禮聘收卜落當。
(丑) 只檳榔都送去還伊。
(外) 只檳榔★(左人右再)通送返。
(丑) 乞五娘打,我不切,乞許小七睛盲頭(青冥頭)打一頓。
(外) 打你罪過(告)都是我當。不肖仔,不肖仔,將無可瞈。
(丑) 伊人有仔現畏無媳婦。只金釵送去還伊也罷。
(外) 小七過來。
(淨上捧介)(外唱) 將只金釵收入去藏。
(丑白) 睛盲頭(青冥頭)。
(淨捧介) 啞娘,許內大塊柴對目睭<周>一獨都出火,啞公喝乞伊入去。
(外) 誰在許處?
(淨) 誰在許處?(介)我射入去想,既(見)送來不通送轉。
(丑) 害婆仔乞伊打一頓,那障煞除(殺除),也著叫出來教導(交道)一頓和婆仔。
(外) 我自然叫出來教導(交道)伊。媒姨,請入內食些兒茶飯。
(丑) 婆仔乞人打了,乜面通入去食飯。婆仔那障去。男女婚姻愛落場,惡言惡語來相傷。關門莫管窗外月,分付梅花自主張。
(外) 媒姨,返去親姆面前,怯話千萬莫得說。
(丑) 啞公不須叮囑,婆仔曉得。
(下)(外) 益春,力小七疋耳仔錢出來。
(貼) 小七,啞公叫。
(淨) 哀哀,啞公(共)啞公,說叫我屎肚痛。
(貼) 睛盲頭(青冥頭),啞公叫乜屎肚痛?
(淨) 啞公叫,屎肚越即卜痛。
(笑介) 雜種<十種>烏龜,我知了,啞娘今即甲我打媒姨,叫去是卜打我定了。
(貼) 好定是甲我疋耳仔錢出去。
(淨) 雜種<十種>,你錢我痛,我卜共啞娘說打你。
(貼) 你乞我輕輕錢做樣;不,啞公了打我。
(淨) 乖乖。
(貼錢淨介) 雜種<十種>,你錢我痛,我赦你。
(貼) 你赦我乜事?
(淨) 叫人灶口<★(上穴下龜口)>睏<困>,來拖人。
(貼) 睛盲頭(青冥頭)也呾<店>。
(貼下外白) 小七桌(掉)畸起。
(淨白) 畸桌是卜點心。
(外) 益春,竹杯(盃)舉(★(舉))過來。
(貼介)(外白) 小七跪只處。
(淨) 呵,啞公莫急(吉)愛易老。
(外) 小七,畜生跪許處。
(淨) 那立。
(外吼淨跪) 畜生,今旦林厝送聘是好日子,你力媒姨打是乜道理?
(淨) 啞公,小七不曾打伊,那是啞娘甲我力頭毛落,踢伊幾下,無打。
(外) 畜生,踢伊倒許處,夭句無打!
(淨) 啞公,莫打,打人痛痛。
(外) 禽獸,你後句敢不?
(淨) 我後夭敢!
(外打) 畜生,起去,打恁打柴頭一般。
(淨下外白) 叫啞媽出來。
(丑) 忤逆仔兒添煩惱。激(結)得我心頭火著。
(丑) 來啞,老的(个)。
(丑) 今旦日好事好志,你只外頭打簡打兒。
(外) 你生得好仔,今旦林厝來下定,你仔使小七力媒姨打一頓,也不存著大人面皮,是乜道理?後去做★(左人右再)(佐★(左人右再))共人說話?
(丑) 老的个,好怯都是你做(佐)的(个),共我說乜事?
(外) 都是你只死虔婆承(乘)除仔兒,即會逞性。
(丑) 你做(佐)人父教訓仔兒,干我乜事?
(外) 死虔婆,你夭呾。
(外) 論仔兒須識禮義,治家法各愛尊卑。為人母合當教示,無家法都是老虔。
(丑) 五娘切必有蹺蹊(嶢崎),嫌仔婿生得怯視(世)。
(外) 伊門不出、戶不入,做乜識伊?
(丑) 因看燈,親目看見,你做事不中仔意。
(外) 我做其事★(左人右再)年都不中仔意?隨恁母仔去做。
(丑) 老的(个),我共你食七老八大,即(那)有一仔。古人說得好:嫁女必勝吾家,娶(取)婦必弱(辱)吾家。也著仔婿出人前。
(外) 伊厝世代富家,有錢。
(丑) 你向愛錢,甲恁查某仔(ㄙ)去賣乞人。我那卜仔婿聰俊讀書,不愛不肖。有錢不肖的(个)賭錢浪蕩,富貴豈可常保?仔是我生的,卜嫁著隨我。
(外) 今親情已(以)自成了。
(丑) 老的(个),親情是你做的(佐个),隨你去討一查某仔(查ㄙ仔)還人。
(外) 恁母子爻,隨你去做。
(外下) 為人不知禮義,譬如牛馬襟裾(居)。
(丑) 譬老倒抬,仔婿不中我意,林大枉屈尋思。
(叫介) 益春,叫恁啞娘出來。
【紅衲襖】
(旦上) 卜梳妝又無意,卜帶花粉畏八死,因著媒人搬挑說三四。
(丑) 乜向八死,有話只外來說。
(旦) 無狀林大,枉你費心機。
(丑) 賊婢仔,你不見古人說:男大當婚,女大當嫁。
(旦) 媽媽寬心性,親情覓一邊,是仔命怯通說乜?
(丑) 林厝伊人門戶共恁相當,有乜不好處?賊婢仔命怯,伊人赤的(个)是金,白的(个)是銀,大堈白,小堈赤,那畏了無福氣(至)。
(旦) 女嫁男婚,莫論高低。
(旦) 媽媽都不見《小學》上說?
(丑) 《小學》上做★(左人右再)(佐★(左人右再))說?
(旦) 婿苟賢矣,今雖貧賤,安知異日不富貴乎?苟為不肖,今雖富貴,安知異日不貧賤乎?況兼(嫌)流薄之子,★(左人右再)通(再通)力仔嫁乞伊,枉害除仔身。
(丑) 只書文<斯文>莫共我講,你去共你父講。
(旦) 媽媽不見俗人說:擇婿嫁女,擇師教子。
(丑) 伊人乜樣家緣(筵)世界?
(旦) 向般形狀,說乜家緣(筵)共世界?
(旦) 值見貧君餓殺某(ㄙ),值見富君造錢龍。
(丑) 賊脾仔,造錢龍艱難(干難)的(个),餓你頭著眩。你門不出,戶不入,做(佐)乜曉得伊人怯?
(旦) 因看燈,著伊人相攔截。
(丑) 生得可做★(左人右再)樣?
(旦) 夭通說?
(丑) 說不畏。
(旦) 許人生不親像龜,也不親像鱉。
(丑) 不,親像乜?
(旦) 恰親像猴猻一般體。
(丑) 乜啞,親像猴?許不那親像,障返牽來弄的(个)年?
(旦) 正是向生。
(丑) 夭向親像?賊婢仔,我不信。
(旦) 伊即不信親像都無二。
(丑) 只是你父貪人富,收人聘禮,好怯是你命討著。
(旦) 仔今棄死句可易。
(丑) 你卜死,我卜打乞你死。
(打介)(旦) 枉屈割吊(刈吊)我心橫提。
(丑) 你有乜思量,說。
(旦) 媽你莫怪仔,仔便說。
(丑) 你共恁母平輩,你卜說,你母夭卜怪?
(旦) 不如力仔去買金釵句可多。
(丑打介旦) 井……井年亂打乜事?
(丑) 好也,力一棰(箠)奪去除。
(丑咬介旦白) 乞你打死。
【大迓鼓】
賊婢仔你障性硬,忤逆父母,合該凌遲。不識人體例,男無重婚,女無再嫁。任你嘴(口)說出蓮花,也著嫁乞伊。
(前腔)(旦) 窮富是仔命,任伊富貴,仔心不歡。郎君句無乜,何卜力仔嫁你林大?
媽媽果卜力仔嫁乞伊。
情願出掃院觀。
(丑) 掃院觀磨人,不如嫁較好。
(旦) 剃落頭髮,去做尼姑甘受磨,
(旦) 我落得一身清淨好名。
(丑) 烈女無你分。
(丑) 你只賊婢,我飼你拙大,生共死便都由我。
(旦) 林大賊冤家。
(旦) 若愛我共你做(佐)某婿(ㄙ婿),等待海水會乾,石★(石甫)爛。
(丑) 定著嫁乞伊。
(旦) 叫未曾<情>。
(丑) 甲人扛去。
(旦) 我夭信?
(丑) 你不信,就卜甲你嫁乞伊。小七亞,去甲林厝人放轎(簥)來扛去除。
(旦) 媽卜迫要成親,死不從。
(丑) 定教桃李向春風。
(旦) 若愛奴身配林大,情願將身投井中。
(丑) 啞,只賊婢,起無好直。益春,你著關防伊。古人說:承(乘)仔不孝,承(乘)豬承(乘)狗上灶<★(上穴下龜)>。(並下)





第十五出    五娘投井
(旦) 暗靜開門輕聲啼,苦在心頭誰知機。五娘若還嫁林大,死去陰司再出世。阮爹媽無所見,力阮割(刈)林大親,爹媽生死不准阮,今不如將(終)身投落古井中去死除,也得一身清氣。不知門樓上,鼓打幾更了?
【四朝元】
三更起來,憶著那好啼。
(介) 見許井水悠悠,★(上毛下火)我心悲,無奈何來到只。
(介) 阮卜(下)落井去死。(介)誰人得知,今不免將只弓鞋脫覓井邊,乞阮爹媽、益春見鞋,即知落井去死了。
(介) 脫落弓鞋下覓井邊,也準(准)為記。懊恨阮爹媽不從人意,姑得即來投井死。
(介) 天啞!
(介) 對天重發願,黃氏(王氏)五娘若嫁林厝,死去再出世。無狀林大,枉屈費心機。苦苦痛痛,但得棄<拚>去可平宜。
【玉交枝】
(貼上) 聽勸,聽勸,無奈何。驚得我神魂都散。叵耐丁古賊林大,枉屈打破你心肝。娘仔你心頭且放寬,天地報應賊林大。
(旦) 枉我,枉我出世,逆父逆母是乜道理?但得投水身死,不願共林大結親誼(議)。是我命怯通說乜?去到黃泉地下可平宜。
(旦投介貼抱) 益春放手。
(貼) 啞娘死了,甲簡卜看誰得是?
(旦) 我死了,自有啞公啞媽在。
【五更子】
我爹媽無所見,李婆搬挑說三四。我自拙日頭舉(★(舉))不起,做★(左人右再)解(改)得冤家身離。我看伊,我看伊一形狀,恰是猴精。說著起來,★(上毛下火)我心悲。成就只姻緣,著再出世。
(貼) 啞娘不願林大的(个)親,豈畏無計,肯送了千金身己(巳)。
(旦) 益春你有乜計?
(貼) 簡自有一個(个)道理,古人也有只體例。
(旦) 古人有乜體例?
(貼) 盧少春(奴惜春)錦桃李情,力青梅做表記。恁今不免來學伊。
(旦) 伊是古人,恁★(左人右再)學得伊?
(貼) 古今雖不同,世事都一般。
(旦) 六月值處討青梅?
(貼) 六月無青梅,都無荔枝?不也是一般道理?
(旦) 益春只話說是。古時有陳平、相如,只二人棄楚歸漢,後來位至丞相(承相)。人盡稱說賢臣擇主而事,正是只年。
(貼) 啞娘,今冥正是十五冥,月光風靜。待益春討一香案出來,啞娘當天拜告月內嫦娥,早乞燈下郎君來相見。想月老注定,推排定會成就。
(旦) 向說,益春你去討香案來。
(貼) (香介)
【望吾鄉】
(旦) 開向花陰,深拜祝太陰,盡將心事含哀告稟:乞賜好人來結姻親。免得冤家來相陣。燈下郎君,早來見面。愛結姻親,必須投告(捉告)恁。卜脫林大姻親,必須著投告恁。暗靜花前祝太陰,更深寂靜(什靜)夜沉沉。
(貼) 心事不須重祝訴,嫦娥與我是知心。
【水車歌】
(旦) 只姻緣都是天時註定,阮爹媽矇昧做只親情。
(貼) 勸娘仔把定心情,不信月老推排無定。但願天地推遷(摧遷)靈聖,乞許林大促命,姻緣不成。
(旦) 自燈下見有情,惹我思想腸肝寸痛。伊去在值不見形影,枉割吊(刈吊)費我心情。
【尾聲】
簡勸娘仔心把定。終久對著好人情,同床同枕即相慶。
(貼) 啞娘,事志做未成,不通乞啞公、啞媽知。
爹媽惜仔如惜金,那因不從仔兒心。
緣分終久有日到,莫得見短送金身。


第十六出    伯卿遊馬
(生)(淨外) 雞啼頭聲便起程,雞啼頭聲便起程。
(淨)(馬來) 猿啼鳥叫得人驚,猿啼鳥叫得人驚。做緊打馬過前程,相隨伴,莫拆散,到驛遞心即安。
(又) 溪水流過只西橋,溪水流過只西橋。
(馬來) 杜鵑鳥枝頭連聲叫,杜鵑鳥枝頭連聲叫,早風送我過山腰。杏花店,賣酒漿,前頭去,也著各相量。
(生白) 只處正是值處?
(淨外白) 只處正是潮州城。
(生) 且喜得到潮州城,且喜得到潮州城,城內軍馬得人驚,城內軍馬得人驚,彈瑟吹簫實好聽。馬牽起放腳行,別處好不如潮州城,別處好不如潮州城。
(生淨外下又生)
【望吾鄉】
恁今三人轉來潮城,因世收拾便起程。只去過山共過嶺,三人心腹卜相疼(痛)。但願只去托天靈聖,保庇三人來到潮州城。
【金錢花】
日落西山是冥昏,前村犬吠人關門。幾番思量心去遠,路頭長。行來腳手軟,挨倚行,行來到冥昏。(並下)


第十七出    登樓拋荔
【駿甲馬】
(旦貼上樓) 高樓托起碧紗窗,風送蓮花分外(雲外)香。牽開樓門倚窗望,不見燈下賞燈人。
【大河蟹】
高樓上,南冷微微。不用撥紗扇,手倚欄杆(琅玕)無熱氣,風送百花,自有清香味。到晚來,新月上,掛在許天邊。真個(个)趁人心,★(上毛下火)人心歡喜。
(K) 簡勸娘仔莫心悲,且來消遣食荔枝。對景傷情卜做乜?夫唱婦隨將有時。荔枝清香甜如蜜,荔枝清香甜如蜜,娘仔輕輕摘(拆)一枝,壓一枝。真個(个)★(上毛下火)人心歡喜。
(內唱) 嗹柳★(口良),★(口良)柳嗹,嗹啞柳嗹★(口良),柳嗹啞柳★(口良)嗹。
(貼) 啞娘,益春記得,古時千金小姐同梅香在綵縷上,力繡球(毬)掞著呂蒙正,後去夫妻成雙。啞娘,今不免將手帕包荔枝,祝告天地,待(侍)許燈下郎君只處過,掞落乞伊拾去。後去姻緣(如緣)決會成就。
(旦) 益春,你只話說,正合我意,恐畏掞著別人。
(貼) 有緣千里來相見,無緣對面不相逢。
(旦) 記得元宵時,燈下郎君乜標致。古人一話真通記。我邀伊若卜有緣,若卜有緣……。
(貼) 不問千里將相見。
(旦) 阮邀伊若卜無緣,
(貼) 無緣對面拆二邊。
(內唱) 嗹柳★(口良),★(口良)柳嗹,嗹啞柳嗹★(口良),柳嗹啞柳,柳★(口良)嗹。
(貼) 前頭官人乜貴氣,身騎寶馬綠羅衣,少年郎君少年時。
(生外淨上唱)(潮腔) 今旦日出遊街,人物十分多。馬來。好馬又含衰,正是風流世界。高樓上似觀音人物,都在珠簾底。也有珠冠鳳髻連金釵,年當正十七八。
(旦貼) 日照紗窗花影移,見一官人遊過只樓邊。身騎寶馬穿羅衣,堂堂相貌,眉分八字。許人物生得甚伶俐(怜★(左心右利)),來來去去遊賞街市,恁乜路即來對著伊?
(生淨外上) 馬來。
只處正是後溝鄉里,高樓起在路邊。二個(个)娘仔閃在樓邊,生得十分爽利,攃我心內暗歡喜。
(淨介馬來) 馬來。馬牽來去,人看都佃。許人生得甚伶俐(怜★(左心右利)),來來去去,遊賞花枝。且趁風流,莫負少年時。
(生下旦唱) 幸逢六月時光,荔枝樹尾正紅,荔枝樹尾正紅。可惜親淺手內捧,願你做月下人,莫負只姻緣。
(生外淨馬上唱)
【金錢花】
高樓起在大路墘(乾),二個(个)娘仔避覓窗邊。生得親淺十分爽利,目看我笑微微。畫觀音,不值(搭)伊,請官人,遊街市。
(又唱) 且喜來到潮州城,且喜來到潮州城,人物打扮乜齊整。樓上娘仔舉目看,馬牽帶,慢腳行,實是好錦妝成。
(旦)(貼) 恰即得桃憶著伊,忽然樓上看見,忽然樓上看見,春心惹動先有意。
(旦)(貼) 益春啞,馬上一位官人停馬看咱(恁),不免將荔枝掞落乞伊。(旦掞介下)
(生) 安童,看許樓上娘仔掞乜落來?
(淨) 都無乜。
(生) 禽獸,拾起來我看。
(淨介)(生) 原來<元來>是一條手帕包一個(个)荔枝。安童,看樓上娘仔落去未?
(淨) 落去了。
(淨) 樓上娘仔有真意,樓上娘仔有真意。
(淨唱) 見阮官人生得中,見阮官人生得中,心內發興掞荔枝。
(生) 未知伊人是★(左人右再)年,將只荔枝收做表記,咱(恁)且來去設一計智。
(又唱) 今旦騎馬過只樓西,伊力荔枝便(備)掞落來。不是鳥啄枝折(拆),風打落來。伊今關門落樓去,惹得我悶如江海,恨不生翼飛入伊房內結托恩愛。許時節,即趁我心懷。
【耍孩兒】
嫦娥伊在廣寒宮,心思想、步難進。著伊割吊(刈吊),悶悶心憂心悄悄。袂說得天催冤家來相陣,無媒人袂得見伊面。共伊結托(託),海誓山盟。
(淨) 安童記得句有一李公在只潮州磨鏡。
(生) 向說,不免來去借問伊端的。
今旦騎馬過樓西,不料佳人古記來。
但願荔枝成配合,早結鸞鳳下瑤臺。
今旦騎馬過樓西,不料佳人古記來。


第十八出    陳三學磨鏡
【風入松】
(生) 來到潮州看景致,樓上娘仔掞荔枝。攃我心內暗歡喜,願姻緣共伊相見。投告天地相保庇,願姻緣早早團圓。
著伊割吊(刈吊)暗沉吟,樂毅(器)未得逢知音。恰是人破燈心草,力伊有心做(佐)無心。
【北上小樓】
(唱) 私情事志掛人心,眠邊夢內思想。
記得當初張珙(拱)共鶯鶯有情,張珙(拱)袂得入頭時,假意借書房西廂下讀書。
假意西廂下讀書,伊冥日費盡心神。
記得少春(惜春)袂得錦桃娘仔著,假意賣果子入頭,力玉盞打破除,姻緣即得成雙。
看伊萬般計較,力玉盞打破賣身。
伯卿著伊割吊(刈吊),若卜學只二人的(个)所行,也無乜下賤。
若得共伊姻緣就,阮情願甘心學伊(恁)。
恐畏伊一時作笑,忽然(弗然)掞落荔枝,枉我只處冥日割吊(刈吊)。那卜是作笑(稍),也無手帕掞落來。
坐來思量暗沉吟,也恐畏一時作笑,一時作笑有乜憑?
今不免請得李老公出來,共伊思量。
(淨) 入門莫問心頭事,看人顏容便得知。
(見介生白) 李公,我昨暮日去到西門外西邊,有一大樓,正是乜人厝(曆)的(个)?
(淨) 許正是後溝黃九郎的(个)。
(生) 伊厝有乜人?
(淨) 伊厝有一孜娘仔,名叫五娘,生得十分姿色。
(生) 曾(情)對親未?
(淨) 老的(个)見說定永豐倉林長者厝。
(生) 可曾(情)娶過門未?
(生) 來,李公。你是我鄉里,我不敢瞞你,我昨暮日騎馬在伊樓下過,伊力手帕包荔枝掞落來,乞我拾來。
(淨) 恐是錯手(操手)。
(生) 手帕上句繡有四個(个)大字:宿世姻緣,只也不是錯手。
【望吾鄉】
李公聽我說起理,那因騎馬遊街市,樓上娘仔掞落荔枝。思量無路得見伊,行徑是真意,全望公公乜計智。
(淨) 官人聽我說因依,伊人是長者人仔兒。親情對在林厝了,有銀也不得共伊爭。須著學古人例,到尾了終會團圓。
(貼上)
【駿甲馬】
寶鏡拙時上塵埃(挨),阮娘仔畏去傍妝臺。迢遞專意使我來請,請卜李公到厝來,請卜李公到厝來。
(見介) 李公,阮啞娘叫寶鏡拙時上塵埃,因何不見李公來?
(淨) 你不知我拙時腰痛,都袂出來,明日甲我師仔來磨。
(貼) 向說,明旦甲恁師仔放早來磨。
(淨) 要請你食檳榔,有客在內不便。
(貼) 寶鏡拙時暗不光,照人顏色面青黃。諸般藥料都齊到,撥開雲霧貌十全。
(貼下生白) 李公,今即是誰厝簡仔來?
(淨) 只正是後溝黃九郎公五娘仔飼的(个)簡,名叫益春。伊娘有一個(个)照身寶鏡,一月磨一遭。我今有一月不去了,啞娘使益春來請我明旦伊厝去磨。
(生) 李公,古人說:踏破草鞋無處討,算來全不費工夫。既是(見是)五娘使益春請你磨鏡,李公教小人,待小人去伊厝磨,娘仔一定出來相見。
(淨) 磨鏡是賤藝,三爹你做乜肯學伊?
(生) 古人說:好者不痛。你那教得我會,我將這錦襖共白馬盡送謝你。
(淨) 許也不敢收,等待姻緣成就,送三爹回去。
(生) 多謝李公好意。
(淨) 只處也不好教,三爹必須著只內去。
(生) 李公說是。
磨鏡須要心專,勸你寬心耐煩(奈煩)。
人說道路各別,果然養家一般。


第十九出    打破寶鏡
【駿甲馬】
(生上) 脫落衣裳挑鏡擔,肩頭不識掛擔也著挑。我是官員有蔭仔。

磨鏡乞人叫陳三。
只處正是黃厝。
來到黃厝日斜西。
磨鏡,磨鏡!
不知內頭知不知?我是泉州磨鏡客,娘仔那卜磨鏡請出來。
(貼上介唱) 聽見外頭鐵板聲,娘仔使簡出來聽。
(生) 磨鏡,磨鏡!
(貼走介唱) 因乜有一位磨鏡客,生得人物乜齊整。
(生) 小妹拜揖。
(貼) 人客,恁會磨鏡?
(生) 小客見說恁府上有一鏡卜磨,望小姐抬舉。
(貼) 阮厝是有一鏡卜磨,那是阮鏡有主客。
(生) 主客正是誰?
(貼) 正是泉州李公。
(生) 李公正是阮師父。
(貼) 乜啞,李公是恁師父?
(介) 好添(忝)一師仔。
(笑介生白) 小姐笑小人做乜?
(貼) 我見你親像一人。
(生) 親像乜人?
(貼) 不知便罷,向問乜事?
(生) 小姐,你問看恁娘仔卜磨鏡不?
(貼介) 啞娘,一儕仔(臍仔)只外卜磨鏡。
(旦) 是生分人,熟事人?
(貼) 是生分人。
(旦) 待我來。
【皂羅袍】
(旦) 早起日上花弄影,卜做針線無心情。聽見乜人叫磨鏡。
(生) 磨鏡,磨鏡。
(旦) 聲聲叫得是好聽。
(生見旦介) 娘仔拜揖。
(旦) 好一風流人物,生得各樣齊整。
益春,恁前日樓前見許馬上一位官人,好親像這人。
(貼) 簡也見面熟。
(旦) 疑是許馬上官人,想伊不來磨鏡。
(貼) 那卜是,通認伊。
(旦) 是不是。
人有相似,恐畏認錯(掞)。
(旦下) 益春,只人生分,未知手段★(左人右再)樣,甲伊去,無乞伊磨。
(貼) 人客,叫你障生分,未知手段★(左人右再)樣,甲恁去,無乞你磨。
(生) 小妹,你去共恁娘仔說,熟人也是生人做。阮工夫那不好,也不敢恁府上來。
(貼) 啞娘,這一人客即是會呾話。
(旦) 做★(左人右再)說?
(貼) 叫熟人也是生人做,叫伊工夫那不好,也不敢你府上來。
(旦) 只說也是,問看伊厝住值處?
(貼) 人客,叫恁厝住在值處?
(生) 小姐聽說:
【好姐姐】
小姐聽我說起,我也是好人仔兒。厝住泉州,陳三是小人名字。學磨鏡,泉州磨落潮州城。幸然小妹相雇倩(顧倩)。
(旦內) 益春,抱乞伊磨。
(貼介) 手捧寶鏡出外廳。小心磨卜待分明。啞娘,看伊未是磨鏡客,工錢共伊斷卜定。
(旦) 只說也是,問看伊,只一鏡卜若工錢?
(貼) 叫恁磨只一鏡,卜若工錢?
(生) 小妹,你去共恁娘仔說,叫工夫那中恁娘仔,想恁娘仔二三分銀也不論(侖)。
(貼) 那卜不中阮娘仔是年?
(生) 那卜不中恁娘仔,小客一厘銀也不敢收。
(貼) 啞娘,許一人即是會呾話,叫伊工夫那中娘仔,想娘仔二三分銀也不論。
(旦) 向說,抱乞伊磨。
(貼) 鏡乞恁磨。
(生) 討水來。
(貼)(討水上介) 人客,恁師父磨鏡,都會唱歌。恁會唱歌袂年?
(生) 歌阮也會唱。
(貼) 既(見)那會唱,起動恁唱。
(生)(唱介) 磨鏡工夫未是低,後生人愛學這工藝。
(貼) 只歌莫唱。
(生) 做(佐)乜莫唱?
(貼) 許個(个)阮識。
(生) 夭恁都識?
(貼) 許的(个)你師父常唱。
(生) 只是阮師父親傳乞阮的(个)。
(貼) 今看有乜新歌,唱一段來聽聽。
(生) 新歌阮也會唱。
(貼) 既(見)那會唱,唱一段來聽。
(生) 壯節丈夫誰得知,願學溫嶠(喬)下玉鏡臺(王鏡臺)。
(貼介生介) 啞娘,一儕仔即會唱歌,出來去聽。
(旦內白) 不得做聲,待伊罔唱。
(貼) 人客,恁歌唱便<被>唱,又宿除做(佐)乜?
(生) 都無人來聽。
(貼) 你罔唱,阮有人來聽。
(生) 壯節丈夫誰得知,願學溫嶠(喬)下玉鏡臺。
(貼介旦聽介生唱) 劉晨(神)、阮肇誤(悟)入天台,神女嫦娥照見在目前。
(生看介旦閃介)(生) 誰料今旦到只蓬萊,楚襄王朝雲暮雨,夢到陽臺。
(旦下貼白) 人客,拙好聽,不未各唱一段?
(生) 小妹,既(見)那愛聽,小人各唱。隱諱(翰徽)埋名,假作張生。
(貼介旦下) 輕身下賤,拜託紅娘。即會合崔府鶯鶯,有緣千里終結姻親。
(生看旦走下貼白) 一人教怯目神。
(生) 月老紅絲,也要冰人。天邊有路,也卜同枕共眠。
(貼) 人客,恁那辛苦,歇睏<困>,慢慢磨。
(貼下生白) 伯卿今旦落盡面皮,幸然得見娘仔。今只鏡卜抱還伊去,想日後無路得入頭。我今得當初盧少春(蘆少春)打破玉盞(王盞),後來夫妻(去妻)成就。不免將這鏡來打破。
(貼) 人客,茶請你。
(生) 只茶是乜人使你捧來?
(貼) 一人客教好笑,恁見有茶罔食,向問乜事?
(生) 人情有所歸。
(貼) 是我啞娘使阮討來請你。
(生) 再三感謝。
(貼) 食啞,莫延場,人叫恁會唱歌,即(那)請恁,不恁愛食不?
(生) 不疑來(宜來)都無物通壓鍾。
(貼) 恁泉州人那嘴(口)呾便是。
(貼下生白) 不免力只鏡來打破。
【剔銀燈】
心迷亂、憂憂著驚,只事志思量都未情。將錯力鏡來打破,細思量獨自著驚。投告天地有靈聖,保庇我姻緣早早圓成(員成)。
(生介鏡破)(貼) 人客,鏡磨光未?
(生) 只鏡磨光了,請你啞娘出來接鏡。
(貼) 一人客教好笑,想見阮啞娘肯出來共恁接鏡。
(生) 了不好算工錢還小人。
(貼) 好井肯賒你的(个)?
(生) 既是(見是)障說,交付小妹。
(貼) 度阮。
(生) 今年先生共我看命,說我造化十分下,你莫打破來賴我。
(貼惱介白) 不使你向閑煩惱,度我。
(貼度介生白) 你乜鏡接過打破除?
(貼) 鏡未曾過我手,故意放落也打破除,帶累我做乜事?
(生) 鏡是小妹你打破。
(貼) 斬頭,你卜死緊!
【剔銀燈】
你力寶鏡那做戲耍,故意力鏡打破。想你不是磨鏡腳手是定,專打嘴鼓<口古>弄牙說通聽。
(生執貼貼唱) 鏡未分明,你且立定。不帶著你好頭好面,打死你是定。
(生唱) 打死我是恁罪過(坐告),馬有四腳也會著跋。二邊也都准落蝕,一人著蝕一半。陳三工夫錢不討,也准在娘仔恁空磨。
(貼介) 啞娘,泉州儕仔力你鏡打破除。
(旦上介) 我苦了,一鏡障好去打破除,做★(左人右再)(佐★(左人右再))說?
(生) 鏡是你簡仔打破。
(旦) 斬頭,你卜死緊!益春,你許內叫啞公出來。
(旦下)(生) 不免收拾來去。
(貼) 你卜值去?霎久,衫仔了也剝你的(个)。
(外上) 障吵鬧(炒鬧)正是為乜,磨一鏡值(直)一乜錢?三錢二錢算還伊,何卜討小輩人平宜。
(貼) 泉州儕仔力恁鏡打破除。
(外) 做★(左人右再)(佐★(左人右再))說?力恁(咱)鏡打破除,今在值?
(貼) 在許廳前。
(外見生介外白) 來也,漢子,你因乜力我鏡打破除,是乜道理?
(生) 好說九郎得知,只鏡是小人磨光了,交過恁簡仔手,是恁簡仔打破,共小人無干。
(外) 那卜是(莫是)阮簡仔打破,共你無干。
(生) 正是。
(外) 益春,磨鏡人說叫只鏡都是你打破,共伊無干。
(外) 賊畜生,好生無理,打破了做★(左人右再)得辯(變)?
益春,你是孜娘簡仔,無奈伊何,叫得小七出來。
(淨上介外白) 小七,泉州儕仔磨鏡力恁啞娘鏡打破除。
(淨) 泉州儕仔力恁啞娘鏡打破,叫烏龜雜種<十種>打破除好,許鏡會做怪,早起小七行許處過,公然許內有一人親像小七。
(外) 畜生,許正是鏡光照見人形影。
(淨) 今泉州儕仔值處(在處)去了?
(外) 在許廳邊。
(淨) 烏龜,你★(左人右再)年(信年)卜打破阮鏡?
(生) 只鏡我磨光了,交付恁益春失手打破除,共我無干。
(淨) 我想也那是只查某仔(ㄙ)打破。
(外) 那卜是益春打破,叫益春出來。
(淨) 益春,你只查某仔(ㄙ),那是你打破,你便認去,不得虧人;存你明旦生仔,莫藏許尿蟹內飼(嗣)。
(貼) 睛盲頭(青冥頭),鏡是伊打破。
(淨) 啞公,叫不是伊打破,叫是泉州人打破。
【歌蛾】
(外) 看你乜大膽,敢力我鏡打破。我鏡惜未識飽,算來乜般樣造化。
小七。
搜伊籠內,看伊乜通賠(陪)我。算起莫得做寬,看你一場乜合適(殺)。
(淨) 烏龜雜種<十種>夭相箭,二目恰是相拿電。只籠內空無一乜,一個(个)布袋帕有二三升米。椅仔四腳,十籠四耳值乜錢?有乜通賠得(陪身)咱(懶)鏡起?
(淨) 啞公,泉州儕仔(齊仔)十九伊有銀不賠恁,著打一頓乞伊。
(外) 你去打一頓乞伊。
(淨) 大槌打,打到伊著死。
泉州儕仔八步介我,畏打死了,啞公著還命。
(外) 前年教你的(个)步,你都記不得?
(淨) 是啞,我都袂記得。上路教師句教我一步訣,地方打死了,啞公著還命。
大槌打,打你著死。
(生外介淨白) 泉州儕仔八步是活腳,啞公你是死腳,打不知走。
(生) 九郎且寬心,無物通賠恁。是我一時誤,到今旦話說袂(無)盡,舉目(★(舉)日)又無親,無計較,情願著賣身。到只處但得著認,將身賠你去使用。
來,小七兄,我有一錢銀,只處乞你買物食。你去共啞公說,叫我今無銀通賠恁,情願將身寫賠恁啞公。
(淨) 你卜共阮啞公食,阮啞公愛打人獅。(介)啞公,泉州儕仔說,伊艱難無路,即學磨鏡。一時失操,將(甲)你鏡打破除。今無物通賠恁,托小七共啞公呾,卜共啞公食。
(外) 飼伊卜做乜用?
(淨) 啞公,你老了,通替啞公你做種也好。
(外) 畜生莫茹呾(如店),來啞,漢子,你三年除食外,趁有若銀?
(生) 小人一年除食(介)使用外,趁有五兩銀。
(外) 我只鏡本當值三十兩銀,今著你打破,一人蝕一半,你賠我十五兩,三年三五十五兩,你立三年工雇文字。日子滿了,便乞你返去。
(生) 從啞公算。
(淨) 啞公啞媽,許內不准叫許泉州人兆旱,明旦放一厝泉州仔還恁。
(外) 莫茹呾,我看粗重工程你袂去,那權且共我掃厝看花。
(外) 小七,你引陳三只書院內去寫文字。
打破寶鏡受虧傷,等看尾梢(稍)做★(左人右再)樣。
一柄掃帚交付與,厝那不淨你身上。
第二十出    祝告嫦娥
【七娘子】
(旦) 六月天時困迍,春卜返去越自心悶。
(貼) 好花因著風雨滾(袞),月光風靜天色無雲。
(旦) 豆蔻梢頭春意闌,風滿前山,雨滿前山。杜鵑啼血五更殘。花不禁寒,人不禁寒。
(貼) 離合悲歡事幾般(巳般),離有悲歡,合有悲歡。別時容易見時難,怕唱陽關,莫唱陽關。
【傍粧臺】
(旦) 思量起,恨阮命薄通說乜。又恨月老不公平,好姻緣值去不來相見。怯緣分來相纏,阮甘孤單守獨自。
(貼) 啞娘,拙久顏色青空,抹些兒粉,掞些胭脂。
(旦) 我畏去抹粉襯胭脂,紅顏薄命只正是。
(貼) 娘仔且聽簡勸諭,恨無好話說幾(巳)句,張珙(張拱)鶯鶯曾(情)相遇。姻緣都是天注定,想姻緣定不相負,枉割吊(刈吊)萬金身軀。無狀林大,莫枉尋思,好緣分須著待久。
(旦) 益春,你句記得正月十五冥袂?
(貼) 簡句略記(計)得。
【望吾鄉】
(旦) 記得正月十五日冥,燈光月團圓。
(貼) 簡記得燈下有一位官人,生得十分親淺。娘仔若卜對著許一位官人,天生一對夫妻。
(旦) 燈下郎君早來相見,好姻緣願百年。(介)我眠夢內憶著伊。
冤家,冤家,
心神著你障牽纏。
(貼) 啞娘,既然(見然)憶著許燈下官人,今冥月光風靜,待簡共啞娘對月娘拜告,催遷早來相見。
(旦) 益春啞,知得伊人會來相見啞不?
(貼) 娘仔啞,姻緣都是天注定,月老定會推排。
【漿水令】
(旦) 告嫦娥乞聽說起,恨阮命運行來不是。對怯緣分心頭悲,算來都是前生前世。
(合) 但願得,但願得林大早脫身離,許時節蓮花再生。
(貼) 元宵燈下,見一位郎君標致。又來樓前,掞落手帕荔枝。
(合) 但願得,但願得早來相見,許時節,許時節拜謝月姊(★(左女右只))。
【尾聲】
二人專心又專意,但願月娘相保庇,枯樹逢春再發枝。
相共得桃更深,返去無通可眠。
心事不須祝訴,嫦娥與我知心。


第二十一出   陳三掃廳
(生) 深潭(深漂)若卜無金鯉,誰肯只處下釣鉤(釣釣)。伯卿當初錦襖換鏡擔,誰知今旦鏡擔換掃帚。只是自作自當通說乜。
【一封書】
秋風起,雁南飛。手舉(★(舉))掃帚珠淚垂。到今旦乜受虧,致惹一身乜受累。我是官員有蔭仔,今到只處卜看誰?娘仔你在繡房內,我在只廳邊身無歸。死到陰司共恁相隨。
【駐雲飛】
(潮腔) 繡廳清趣,四邊粉白無塵埃。好畫掛二畔,花香★(上毛下火)人愛。
(嗏) 珠簾五色彩,錦屏在繡廳前,阮厝<處>門風更強恁所在。我那不實說,娘仔總不知。
(又唱) 費盡心機,恨我一身做奴婢。受盡人輕棄,不得近伊邊。
(嗏) 看見娘仔在繡廳邊,伊許處抹粉掞胭脂。不記得樓前時,今旦反面(返面)力阮做障棄。
(唱) 伊今做呆,是乜心意許處傍妝臺。我只處心悶如江海,未知娘仔你知不知?

你今目高不瞅睬(秋采),誤我做只事。我厝威儀,我兄做運使。今旦不說,娘仔總不知。
【誤佳期】
(旦) 賊奴你閑做聲,攪得我無心對菱花鏡。叵耐賊陳三,敢來我只繡房口閒行。
(生) 小人初來,做乜得知娘仔只繡房口無乞人行?
(旦) 你目看值去?
(生) 小人目那看地下去。
(旦) 你做緊行開,誰人親像你大膽?
(生) 小人在厝也是富貴人仔,那是今旦暫時落薄。
(旦) 說你富貴,因乜卜來磨鏡?
(生) 娘仔可曾(情)見小人磨鏡也不?
(旦) 你現磨鏡,夭句相箭。我曉得了,原磨鏡,今升上掃厝,是升高了。
(生) 好一位娘仔,可惜無慧眼(橫眼),看小人障行來,親像磨鏡人也不?都不記得許掞荔枝時。
(旦) 你都現磨鏡,夭句相箭。
你做障行來,夭說你是官蔭人仔。
嗏,
你那是泉州白賊仔。
(生) 娘仔,好人乞怯人帶利。
(旦) 你句敢我面前說哄乞我聽。
陳三你再後掃厝,不許掃我只繡房口來。益春啞,陳三掃厝,掃我只繡房口來。你去罵一頓(頻)乞伊,甲伊行開去。
(貼) 叵耐腌臢(淹潛)三哥(歌)。人前背後,說盡零落。厝夭不掃,腌臢(淹潛)滿處。又牽連乜荔枝,說盡零落。將身賠阮,有乜財寶?白賊呾哄兄有官做。益春見你模樣,曉得有共無。
(生) 小妹我說乞你聽,我也是官蔭人仔。那因恁娘仔掞落荔枝,打破你鏡,即來恁厝來行。煩動小妹,可憐我人情。
(貼) 小妹只話,★(左人右再)敢說乞伊聽。
(生) 伊是人。
(貼) 伊不是人。
(生) 是乜?
(貼) 阮娘仔伊是月內桂花樹,任那風擺伊不斜。
那從(全)今旦分付定,再後不許後廳行。
(貼下生唱)
阮娘仔伊是乜?
【婁婁金】
我為你受盡氣,黃五娘你可無行止。袂記得,袂記得高樓上,是你親手掞落荔枝。今旦反面不提起,我到陰司,冤魂卜共你相纏。(並下)

我本是官家子弟,因為風流做奴婢。
今日虧心不認我,當初何必拋荔枝。

第二十二出   梳粧意懶
【黃鶯兒】
(潮腔貼唱) 早起落床,盡日那在內頭轉,安排掃厝點茶湯。終日聽候不敢去遠,聽見叫簡心都眠忙捧檢妝。安排待便,請阮娘仔梳妝。
菱花鏡抱來,乞娘照面眉。世間人怨配,一鏡備都知。請娘梳妝。
(旦) 樓前人去隔仙洲(舟),鳳去臺空淚自流。雲鬢欹斜無心整,一日不見如三秋。
【傍粧臺】
(旦) 鏡在臺中,頭髻欹斜懶梳妝。照見我雙目瞈,照見我顏色瘦青黃。憶著馬上郎,未知伊今值一方?我只處,長目瞈,拙時為伊割吊(刈吊),菱花鏡無心去瞈。
(貼) 檢妝待簡愁卜正,娘仔強企捍身命。看起來,有十成,句少一人共娘仔你畫眉額。簡勸娘心把定,緣分終久有日成。
請啞娘梳妝。
【望吾鄉】
(旦) 困迍(困屯)無意點胭脂(姻脂),仔細思量那好啼。
(貼) 爹媽生恁如花似錦,苦切乜事?
(旦) 恨爹媽力阮主對林大鼻。
(貼) 林官人伊人句有錢。
(旦) 任伊錢銀(糧)平半天。
(貼) 林大官伊人句有田地。
(旦) 卜許田地卜做乜?
你明知我心悶,即來說話弄我。
(貼) 啞娘,人那卜生得怯視(世),卜許田也無用。比簡看起來,林官人也不值(答)咱(恁)厝飼的(个)。
(旦) 鬼仔,咱(恁)厝飼的个,值個(个)句爽利?
(貼) 林大卜比陳三,林大不值一文錢。
(旦) 賊婢,都不見書上說。
(貼) 書上可做在說?
(旦) 鸚鵡能言爭似鳳,蜘蛛雖巧不如蠶。力檢妝收去,去捧水來乞我洗面。
(貼下生白) 盆圓(員)則水圓(員),盆方則水方。
(生) 小妹,你捧水卜做乜?
(貼) 只水捧卜乞阮啞娘洗面。
(生) 待阮替小妹你捧去。
(生接水下貼白) 你向愛伏事人,你卜捧去,不畏阮啞娘仔罵你?
(貼下生介)
【婁婁金】
(生) 捧盆水,上繡廳。心內半歡喜,一半著驚。辛苦在心內,都不敢呾。人情有千般,伊都不念半聲,伊都不念半聲。
(旦叫貼介貼上)(貼) 是陳三。
(旦) 你只鬼仔,我甲你捧湯來度我洗面,你度陳三捧來乜事?
(貼) 啞娘使簡去捧湯,遇著啞媽使簡除。
(旦) 啞媽使你乜事?
(貼) 使簡去看茶。簡畏啞娘卜水緊,是簡使陳三捧來。
(旦) 你只鬼仔卜死,緊將湯接過來還我洗面。
(生) 那待阮捧。
(貼) 阮愛笑人。
(生) 著乞你笑。
(貼) 好衰。
(生) 乜通衰?
(旦洗面介生看) 益春,我只處洗面,陳三許處立乜事?
(貼) 阮啞娘卜洗面,甲你行開去。
(生) 恁啞娘卜洗面,都是獨自,簡兒只處聽候。
(旦) 賊奴,人卜洗面,誰卜你聽候?走。
(生下介又上看介旦白) 益春,我只處洗面,誰許處看?
(貼) 是陳三。
(旦) 賊奴,我只處洗面,伊敢許處看。益春,將只水假意不知對面潑(發)乞伊走。
(貼) 啞娘,只盆水拙滿,潑伊人都不畏了冷伊人。
(旦) 隨你去禮約。
(貼) 簡不敢潑,伊了罵簡。
(旦) 賊婢,不彼減到二個(个)。
(貼) 啞娘拙痛伊,莫得潑伊。
(旦貼同潑)(生) 是誰是誰,力我一身潑得障濕(溫)?
(貼) 誰人知你在許處坐?
(生) 小妹好無分曉。
(貼) 誰人甲你許處看人。
【紅衲襖】
(生) 仔細思量只一事,陳三曉得了。都是恁二人做出來。
(貼) 水彼是阮錯手潑著,恁帶利阮啞娘乜事?啞娘卜知,剃你鬢水。
(生) 恁啞娘未是待詔。
(貼) 你夭句呾。
(生) 心頭暗切有誰知,誰料陳三做(佐)奴乞人使。
(貼) 使你也是輕工課,未是重工程。
(生) 雖是輕工課,小妹你肯乞人使?
(貼) 做(佐)簡都著乞人使。
(生) 受盡人磨怠(抬),好怯我也知。
(貼) 既然(見然)知阮心意,阮卜入去。
(生) 小妹啞,阮共你話說都未了離(理),便卜入去?
(貼) 阮只心內意,恁都知了,阮卜入去。
(生) 潑(發)今潑(發)了,我也不敢怪你。
(貼) 你那怪阮便是呆。
(生) 雖然水潑我身,陳三終會出人前。
(旦內叫介) 益春啞(亞),我只內卜使你,你在許外乜事?
(貼) 是簡一盆水錯手潑(發)著陳三,陳三只外力簡乜都罵除。
(旦) 我想陳三也未敢罵你。
(貼) 夭敢連啞娘乜都罵除。
(旦) 夭都連我乜都罵,待我來。陳三,水便是益春錯手潑著你,罵阮乜事?
(生) 小人做(故)乜敢罵娘仔?
【紅衲襖】
(旦) 死賊奴乜大膽,我只處洗面夭敢看。(介)看伊模樣(誣樣),在我心內不敢呾。
(生) 小人只模樣(誣樣),做乜不敢呾。
(旦) 陳三,我只處呾話,共你乜干?走!
(生介貼白) 簡見陳三都親像有一人年。
(旦) 親像馬上官人都一般。(介)卜認又不敢。
(貼) 既然(見然)障說,恁便(備)來去認伊。
(旦) 認來又畏差(乂)。
(生) 經過娘仔且認,小人也不差(乂)。
(旦介貼白) 阮娘仔乞你說得無意思(意恕)。夭不走許處立!
(生) 恁啞娘都不呾,你罔來共阮做(佐)對頭乜事?
(貼) 陳三,你青青狂狂,誰人卜認(莫說)你?
(旦) 陳三你夭句勞營,莫怪益春捧水潑。
(生) 恨益春捧水潑三哥。
(貼) 啞娘,陳三自稱伊叫三哥。
(旦) 伊是老鼠上天秤(平)。
(貼) 簡有一包繡帔袂記收,待簡去收即來。
(旦介生唱) 衣裳潑濕添煩惱。
(旦) 衣裳潑(發)濕會乾,煩惱乜事?
(生) 水潑人不痛,那是意思(意恕)不好。
(旦) 賊奴,你八一乜意思(意恕)?
(生) 一身為娘辛苦不敢說。
(旦) 你向辛苦便轉去,誰人卜留你?
(生) 只一娘仔即是無人情。
(生) 我來你厝,不成去倒(到)。水珠滿身落,思量★(左人右再)得好?
(生坐介旦罵介) 啞,陳三,我共你無乜搭帶(答帶),敢來共我只處坐。
(生) 四邊無人,正好入頭(八頭)。牽娘裙。
(旦) 呾乜?
(生) 小人不曾呾乜。
(旦) 再後那呾(店),剃你鬢毛。
(生) 娘仔,你未是待詔師父。
(旦) 再呾(店)便知。
(生) 牽娘裙來拭面(七面),想也未有大罪過(告)。
(旦唱) 死賊奴,無道理。
(生) 娘仔你莫罵人,罵人愛無意思(意恕)。
(旦) 急(吉)得我心頭火起。
(生) 火起莫得燒著小人。
(旦) 見我是誰,敢來無尊卑。
(生) 小人做乜敢共娘仔無尊卑。
(旦) 賊奴,你識一乜尊卑?
(生) 賊奴是官人,馬上官人我正是。
(小七上白) 天光白日晝(單),老鼠偷食豆。
(旦) 小七,你卜值去?
(淨) 啞公甲我叫小八去拾柴。
(旦) 睛盲頭(青冥頭),尋小八來我只繡房口尋乜事?
(生下淨白) 我今即聽見小八做聲<佐聲>。
(旦) 死狗小七(善匕),尋度我,尋那無,你著死了。
(淨) 再年樣死?
(旦) 咬舌死。
(淨) 咬舌死痛。
(旦介淨走) 來,小七,我卜使你。
(淨) 卜屎待我去放。
(旦) 我一錢三分銀在只處,一錢共我買絹線,三分乞你買物食了。
(淨) 卜買乜色?
(旦) 買紅綠。
(淨) 那是泥蚽<★(虫圣)>。
(旦) 睛盲頭(青冥頭),紅綠是絹線顏色,乜泥堅,做★(左人右再)(佐再)說?
(淨) 買紅綠絹線,待我叫是泥堅了。
(淨行旦白) 行卜值去?
(淨) 打按後門去。
(旦) 那按前門去。
(淨) 今人專愛打後門。
(淨下生白) 娘仔因乜向無意許處立?
(旦) 走。
(生) 夭走乜事?
(旦) 我叫你走若遠了,夭句許處立,人知了去。
(生) 值人知了?
(旦) 小七知了。
(生) 小七伊顛顛狂狂,目睛盲(青冥),曉得一乜?
(淨) 烏龜雜種<十種>,那你曉事。
(旦) 緊走!
(生走)(旦) 買來未曾(情)?
(淨) 人嫌銀不好。
(旦) 做★(左人右再)(佐★(左人右再))說銀不好?
(淨) 伊叫是樸稍(朴稍),我叫是三罄(傾),共伊箭。
(旦) 我銀是樸稍(朴稍)?
(淨) 伊叫樸稍(朴稍)夭(去)吞除。
(旦) 乜吞了,都不共伊討。
(淨) 我共伊討,叫待伊放屎還恁去。
(旦) 斬頭,快去共伊討,討來乞你去罷了。
(淨下生白) 娘仔向驚惶,乜事了?
(旦) 賊奴,緊走!
(生) 既然(見然)你罵我賊奴。
(旦) 我不叫你奴,甲阮叫你做(佐)官人?
(生) 你既(見)不叫小人做(佐)官人,前日因乜有一物在小人邊?
(旦) 我有乜在恁邊?你知了,莫畏是掃笤好定。
(生) 既然(見然)不信,小人提出來乞娘仔你看。
你力荔枝掞我做(佐)乜?
(貼) 啞娘,啞媽叫。
(旦) 啞媽叫,你都笑。
(貼) 是啞媽叫,簡敢騙啞娘!
(旦) 待我入去。
(旦下生白) 小妹,你好無行止,恁娘仔只處我共伊(我)說話都未了,你力伊叫入去除!
(貼) 啞娘便是阮啞媽叫伊,非是阮叫伊入去。
(淨) 雜種<十種>烏龜小八,共益春二個(个)只處相弄,幹乜事?我拖來去見啞媽。
(生拖介下) 小七放手,來去,我買物(粉)乞你食。
(淨下貼白) 斬頭,你只外罵阮乜事?
(淨) 我罵陳三。
(貼) 你罵陳三,牽連阮乜事?
(淨) 陳三伊不作穡(息),共你只處乜事?
(貼) 伊作伊穡(息),你作你穡(息),共你無干預。
(淨) 不,便共你乜干預?你共小八只外相惜,亦共我相惜一下,莫得大小心。
(貼) 斬頭,你卜,卜乞不死除,卜乜用?
(淨) 我罵你賊。
(貼) 你敢罵!
(淨) 賊賤婢,你……。
(貼) 睛盲頭(青冥頭),賊賤婢是啞公、啞媽罵的(个),不是你罵的(个),我去共啞媽說打你。
(淨) 你共啞媽說打我,我共啞公說,幹你痛痛。
(貼) 小七丁古無道理,人前背後胡說話刺。我是啞娘身邊簡兒,你是啞公粗使奴婢。衣裳又破碎,腳跛目睛盲(青冥)。你卜現某(ㄙ),將無人遲。
(淨) 我那無某(ㄙ),無人卜現你。
(貼) 斬頭,你向愛不?
(淨) 益春死鬼,你莫相欺。阮厝祖公做(佐)皇帝。
(貼) 恁厝祖公做(佐)皇帝,你都乞人飼。
(淨) 天地變亂,尋我不見。
益春,你叫皇帝是乜生的(个)?
(貼) 皇帝也是人生的(个),是乜生的(个)?
(淨) 句是卵孵(★(句毛))的(个)。
(貼) 莫白賊,皇帝有卵,我不信。
(淨) 你向不信,元初咱(賴)啞公去巡田,卻一個(个)卵倒(到)來,啞媽叫去煮請人客,我許內頭聽見,故頭嗑一空射出來,啞公說我定是好物,就討乳母飼我。
即乞啞公雀卻來飼,飼做(佐)親生仔兒。
(貼) 睛盲頭(青冥頭),一只白賊。
(淨) 你是啞娘粗使奴婢。你莫相笑,恁今平平乞人飼。
(貼) 也句可強你睛盲頭(青冥頭),千嘴(口)也不共你鬥得贏(榮)。我那去力飯硿捧藏了,都無飯通食。
(淨) 益春啞姊(★(左女右只)),快莫,我早起都未食,我回你。
(淨拖介丑上◎)
【剔銀燈】
叵耐恁做可不是,敢障做不合人較議。辱薄我門風乜體例,都是恁一夥(火)奴婢。
(合) 從今(全今)改了心性,再後若卜障做,定是討死。
(貼) 告啞婆聽簡說起,小七做人未貴氣。
(淨) 烏賊莫得笑猴染,你也自細乞人飼。
(合前)(入)
一夥(火)奴婢無思量,著打著罵受虧傷。
關門莫管窗(★(目忽))前月,分付梅花再主張。(並下)









第二十三出   求計達情
【風入松】
(生) 一段姻緣不到頭,有話莫說共誰愁。 ★(左人右再)得紅葉到御溝,無媒人不得入頭。千般萬樣計較,不知到底乜尾梢(稍)?
悶如長江水,江水不斷流。一點相思怨,長掛在心頭。伯卿今旦落(洛)盡頭面,望卜(莫)見五娘。誰知到只其段(長),不得入頭,今卜(莫)做★(左人右再)得好?
(生) 算見只一場乜蹺蹊(嶢崎),因貪邪色嬌媚,分明真個(个)是陷人坑。
(貼) 阮娘仔使阮來到只,說只繡廳掃不伶俐。不肯沃花,看你真故意。
(貼介) 阮娘仔使阮來,叫你不沃花、不掃厝。
(生) 厝是我掃,花是我整治<成遲>。恁娘仔可見無行止,當初因乜起只意,到今旦辜恩負義。
(貼) 你★(左人右再)見得阮娘仔無行止?
(生) 我將實話說乞你知。
【蠻牌令】
我為伊,來到只,受盡人苦氣。誰知恁娘仔,障無行止。暗苦切,腸肝如刀剃。煩小妹,你去說就裡。
(貼) 阮娘仔心性硬,你有話使我不敢說些兒(此兒)。
(生) 我看恁娘仔也是賢慧<賢會>的(个)人,因乜今旦辜恩負義?
(貼) 阮娘仔賢可過。
(生) 我來恁厝年久月深,★(左人右再)得好?
(貼) 既(記)為人情,莫論年月,姻緣事結托在尾。
(生) 煩小妹早晚為阮勸回。
(貼) 勸阮娘仔共恁成就了,那畏後去袂(洙)記得小妹。
(生) 伯卿★(左人右再)通學人虧心行短。
小妹有乜計,得共恁娘仔成就?
(貼) 尊兄,今冥月光風靜,待阮引阮娘仔去花園內看花。恁寫一封書掞過牆去,乞伊拾去看,惹動伊心情,定是成就。
(生) 你只計賽過孫吳,許時有乜記號?
(貼) 阮有磚頭掞過牆來為記。
(入白)
無計通情意,憑你說因依。
惹得伊心動,是你運通時。

第二十四出   園內花開
【夜行船】
(旦) 行出屏前,四邊香花味。聽許鳥叫哀怨,★(上毛下火)人心悲,針線無心整理。
(貼唱) 日頭長,★(左手右上毛右下火)人無意,不免輕步慢慢移。
(旦) 宅院清幽日頭長,★(上毛下火)人平坦倚繡床。
(貼) 聽見柳上鶯聲叫,又見鴛鴦在池中。
(旦) 益春,我拙日心頭悶寞,針線停歇幾時,實是傷情畏見。
(貼) 亞娘,既然(見然)無心,同去後花園內賞花解悶(改悶)一番。
(旦) 既是(見是)障說,相共來(你)去。
【駐雲飛】
悶寞(悶慔)心情,恨我命乖運未行。畏看雙飛燕,畏看孤鸞影。
嗏,
鳥雀<鵲>相叫聲,悶來無意聽。
(貼) 鸚鵡(鶧鵡)雖(誰)乖,★(左人右再)曉得阮娘仔心情?
(旦) 手倚欄杆(琅玕),獨自無意聽。倚偏欄杆(琅玕),獨自無意行。
海棠花開滿樹兜,紅杏綠柳總堪眸。
(貼) 諸禽無計留春住,恨殺東風寫樣頭。
(旦) 看許花開,是實巧吝。
(貼) 是亦巧吝。
【梁州序】
(潮腔) 春天景早,花開成朵,園內富貴實是好。
(貼) 啞公創只的景是好。
(旦) 障般景致惡討。
益春,看許一枝花向好,折來與我看。
(貼) 啞娘,請坐,待簡去折(拆)來。
攀折(拆)一枝好花,乞阮娘呵★(腦改為口部),將花比(北)娘面一般好。
(旦) 鬼仔,花做(佐)乜通比(北)人面?
(貼) 這一枝花障香,卜掞除可惜,待簡共啞娘你插。
插放覓只鬢邊香如瑙(腦)。
(旦) 鶯啼鳥叫,★(上毛下火)我心憔怍。
(貼) 移步抽身咱(懶)且到。
(貼) 啞娘,月上了。
(旦) 舉目(★(舉)目)看,舉目(★(舉)目)看,不覺見月上如梭。
(旦) 我昨暮甲你去叫陳三來沃花,可曾去?因乜花都不沃,乞伊謝落障多?
(貼) 許一簡仔(西仔)平坦,都乜年,卜來共恁沃花?
(旦) 你去提二個(个)水來沃。
(貼介生上) 春色惱人眠不得,月移花影上欄杆(琅玕)。
(生介) 原來是娘仔共益春在園內賞花,不免將心腹話說乞伊曉得。
【望吾鄉】
(生) 園內花開香蘭麝,想我在只牆外,礙手惡去折(拆)。一陣風送一陣香,著許花香來割吊(刈吊)人。不見花形影,我強企起來,在只月下行。待許賞花人聽見,即知阮貪花人有心情。
冤家好悶殺人。
(貼) 只牆外都親像乜人做聲<佐聲>,啞娘來去聽。
(旦貼行介) 益春,是都親像人做聲<佐聲>。
(貼) 月皎星稀,正是杜鵑(社鵑)叫月。
(旦) 叫月杜鵑啼苦切,聲聲叫是春歸時節。鳥雀悲春,共恁人心一齊。
(貼) 啞娘,今有乜計力只春來留帶?
(旦) 愛卜共伊人留春,想都無計。
(貼) 許春卜返去了。
(旦) 春今卜轉。
(貼) 看只花開花謝,真個(个)★(上毛下火)人易老。
(旦) 花謝障多,一年不見人賞春,那見人為春啼切。
(旦介生白) 娘仔你耳★(左人右再)年障重(字),人聲都無認,鳥聲都無認。
人聲鳥叫因乜聽無定。我曉得了。伊都是假意叫做鳥聲。
陳三因何只處行?
陳三總是為人情,無因不來只月下行。將我心腹話,暗呾幾聲。
我只話卜不說,娘仔因乜得知?
我叔西川做太守,廣南運使是我親兄。今來恁厝差使著行,
天若可憐(怜)陳三。
借請(情)一陣好風,吹送乞啞娘聽。
(旦) 益春,我初頭叫是鳥聲,今聽都是人聲。
(貼) 待簡耳去聽。
(貼行旦介) 簡今聽分明是人聲。
(旦) 咱(懶)今在只園內賞花,伊在許牆外賞月。
(旦介) 不知是值家人?
(旦) 值處人得桃障更深?
(貼) 伊許處牽連著咱(懶)。
(旦) 伊人共恁一般愛月心,伊許對月思雲鬢。
(貼) 啞娘,你只處賞花,可曾憶著(意著)許馬上官人啞不?
(旦) 我只處賞花,憶著伊人面(而)。
(貼) 都是關情有意,可惜線無針引。
(貼) 啞娘,人說姻緣都是月老注定,近前去祝告月娘,豈不可憐(怜)啞娘你!
(旦) 正是心事不須重祝訴,嫦娥與我是知心。
(餘文) 更深月落靜沉沉,燈殘燭盡爐香冷。風送聽見人聲音,窗外恐畏人說恁。
(生) 我寫有一封書,卜丟(去)過牆去,未知娘仔意中如何?我今不免跳過牆去。正是:惜花愛卜花香味,好色移步近花邊。
(生跳) 千仞之山,尚不足畏;數仞之牆,何足道哉!
(旦介) 益春,看是乜人?
(貼) 啞娘莫驚,待簡去看。
(生) 是誰人?
(貼) 是阮。
(生) 是小妹,待我叫是人偷折花(拆花)。
(貼) 是誰?力來去。
(生) 恁娘仔在值?
(貼) 我共阮娘仔只園內賞花,你跳過來乜事?
(旦) 是誰?
(貼) 是陳三。
(旦) 陳三,我只園內賞花,你青青狂狂跳過來乜事?乞我驚一頓。
(生) 小人聞見鶯聲,忽覺月光成鏡,又兼杜鵑叫月,引動心情。小人不甘去睏<困>,近前巡視花廳。聽見只牆內都有人做聲,陳三疑是外人偷折(拆),娘仔恁花,以此小人即跳過牆來看,故(固)不知是娘仔,恕罪。
(旦) 陳三,你倒(到)爻呾話(旦話),你來正好,我正卜問你。
(生) 問小人做乜?
(旦) 我昨暮日使益春來甲你沃花,你因乜花都不沃,乞伊謝落地障多?
(生) 許花便有開有謝,★(左人右再)得時常帶枝?娘仔愛花時常帶枝,比如(北如)惜人不甘放離。
(旦) 陳三,我呾花,你呾值去?走!
【駐雲飛】
是乜道理不來沃花(渥花)是故意,花謝滿地是,枉你做奴婢。
(生) 嗏,
娘仔是乜意,說著那好啼。當初那是為娘,即來恁厝做奴婢。誰料今旦,暗切那好啼。
(貼) 啞娘,你看,陳三大諂漢許處啼。
(旦) 益春(花春),你將許謝个花,卻一枝來我看。(介)
(貼) 啞娘,只一枝花障好,可惜謝除。
(旦) 只花雖謝了,還亦句好。
(生) 許謝个花有乜好處?
(旦) 陳三你倒<到>薄倖。你袂記得花嬌姿潤色之時(持);今旦那謝了,便提覓除。你厝後那卜有某仔(ㄙ仔),枉屈許處看你。
(生) 必卿今年即十八歲,家後那有某仔(ㄙ仔),天譴責(遺責)必卿促命。
(旦) 誰人力甲恁咒誓(況誓)?好衰。
(生) 娘仔,你叫小人家後有某仔(ㄙ仔)?
(貼) 伊許尾句咒一重重誓。
(旦) 伊泉州人那怙(估)咒誓討食。
(生) 許花嬌姿潤色之時都不惜,等到謝了即來惜。只是空有愛花之名,而無愛花之實。
(旦) 陳三,都值處卻二句書來呾?
(生) 小人在厝專讀書。
(旦) 叫伊在厝專讀書。
(貼) 伊讀書,今是讀成書癲(顛)了,即來乞恁做奴。

(旦) 好是定。
(生) 譬如娘仔共人相愛,許人來時全不管睬(采),到伊去了(子),娘仔你即念伊。
(旦) 陳三,阮呾花,你呾值去?
(生) 小人見四邊無人,共娘仔譬論。
(旦) 譬你狗頭論,走!
(生下)
(旦) 陳三今即乞我詛(阻)一頓,都無意思。
(貼) 啞娘,你專卜詛(阻)乞伊,無意思。
(旦) 恁再來去看花。
(介) 益春,看許一枝花向好,折(拆)來我看。
(貼拆花)(旦) 益春,我一陣(★(存))嘴乾(口乾),你入去捧一鍾茶來我食。
(貼下)(旦) 纔自(才自)陳三慌忙走,失落一塊紙。
(介) 我看一看,原來<元來>是一封書。
【醉扶歸】
(旦讀) 人說,人說有緣千里終相見,設計,設計即來到只,誰料僥心無行止(倖止)。我自怨一場無依倚,冥日怨切頭舉(★(舉))不起。(介)冤家,冤家,因乜障苦?死到陰司,冤魂卜來共你相纏。
(貼) 一碗建溪茶,解了娘仔悶。
(旦) 賊婢,你茶都冷了,收入去,不食。
(貼) 簡茶捧來燒燒,那是只處聽啞娘讀書即冷除。
(旦) 鬼仔,我讀乜?
(貼) 簡捧茶來,聽見乜陰司冤魂卜共誰相纏?
(旦) 是都聽見了,聽你井不知?
(貼) 簡那是不知。
(旦) 陳三慌忙走,失落一封書,乞我拾來。
(貼) 書寫度誰?
(旦) 卜(莫)還阿公。
(貼) 伊寫書還阿公乜事?
(旦) 叫伊來恁厝年久月深了,伊卜返去。
(貼) 簡句聽見一句,叫乜冤魂卜共誰相纏?
(旦) 鬼仔,是聽見,你整不知。許陳三是好笑,說伊來恁厝年久月深,長冥夢見伊家後親人冤魂都共伊相纏,甲阿公乞伊返去。
(貼) 許是簡聽錯(掞)了。更深了,返來去。
(旦) 筆盡精神細膩(二),看來端的意味。
(貼) 橋上望東京,地隔有千里。
(生內叫介) 益春小妹。
(旦) 是誰叫?
(貼) 正是許冤魂的(个)。
(旦) 鬼仔,你去共伊說,叫伊為奴才:日則侍奉箕帚,夜則安身寢席。奴不亂主,律有明條。阮暗靜在只花園賞花,伊不合拔戶跳牆,不安為奴本分。那卜(莫)共阮爹媽說,叫伊著死,叫我共伊無乜人情,甲伊轉去。
(生) 小妹,恁娘仔書拾去,有乜話說無?
(貼) 阮娘仔書拾去,連阮都瞞除,不乞我知。
(生) 恁娘仔做★(左人右再)瞞你?
(貼) 叫你書卜度啞公(亞公)。
(生) 那卜障說,說也有些仔意思(恕)。
(貼) 阮啞娘句有話說得怯。
(生) 做★(左人右再)(佐★(左人右再))說?
(貼)(云前介白)(生) 恁娘仔好識律。
(貼) 叫伊共恁無乜干預,甲恁轉去。
(生) 恁啞娘(亞娘)即是無人情。
【剔銀燈】
(生) 陳伯卿專心拜託<拜托>,望小妹做一月下老。
(貼) 做(佐)媒人著老人,小妹做(佐)乜都會做媒人?
(生) 蛇那無頭值處會梭。勸恁娘仔共我匹配(記)不錯(操)。我到只不成去倒(到),思想起來,惹得相思病倒。
【雙鸂鶒】
(貼) 告尊兄聽阮說起,阮娘仔共恁全無半點情意。
(生) 我只望卜共恁娘仔結做(佐)夫妻。
(貼) 說伊是千金身己,★(左人右再)肯匹配恁奴婢。
(生) 恁娘仔都袂記得樓上掞荔枝時。
(貼) 高樓上掞荔枝是錯手(操手),有乜情意?
(生) 好大錯手(挫手),都不掞著別人?
(貼) 伊許心內句疑你,恐畏不是。
(生) 我是官員人仔兒,恁娘仔那卜無荔枝掞乞我,我肯來恁厝做(佐)障般勾當?
(貼) 阮啞娘正不信你只話。
(生) 伊做乜不信?
(貼) 說你富貴讀書詩,不去求官,來伊家做(佐)乜?
(生) 愛求官,都容易,一心貪共恁娘仔結連理。
(貼) 伊正說是,富貴人求親,肯做人厝奴婢?
(生) 我前日託<托>你言語,可曾共恁娘仔說未?
(貼) 阮共阮娘仔說了。
(生) 恁娘仔可做★(左人右再)說?
(貼) 伊罵阮閑言語總不聽,說伊有一點主意。
(生) 伊有乜主意?
(貼) 說伊爹媽收了人聘錢。
(生) 恁娘仔向愛共林厝做夫妻。
(貼) 大人言語惡推辭,伊每日暗切費盡心機,一匏無許三靴的(个)道理。我勸你,我勸你早抽身,枉屈你只處共伊相纏。
(生) 伊掞落荔枝,全怙恁娘仔卜學許當初《青梅記》,即學磨鏡做奴婢。我是官蔭人仔兒,捧盆掃厝望結連理。誰知障般無行止,我不謀伊親醒,肯受障般惡氣?
(貼) 尊兄莫得著切,好事在後來,請出,乞小妹關宅門。
(白) 金鶯出谷(全鶯出谷)上喬林,獨自飛來獨自吟。
空守枕席床機冷,反側(則)不眠淚滿衾。


第二十五出   陳三得病
【掛真兒】
(生) 冥日思量上天台,得見神仙空返來。昨暮去到花園內,致惹一病有誰知。
為伊割吊(刈吊)成相思,一病懨懨藥難醫。茶飯(秫飯)也袂食一嘴(口),風流債滿等值時?昨冥去到花園內,著娘仔★(廾)返來,惹得一病上身,做★(左人右再)(佐★(左人右再))得好?
【華秋兒】
著伊割吊(刈吊)相思病損,頭今又眩做★(左人右再)(佐★(左人右再))當。夢內共伊同枕床,歡喜醒來是夢中。割(刈)得我腸肝做寸斷,想我性命(世命)無久長。
(貼上) 西風冷微微,引惹人心悲。拙晏三哥因乜都不開門,不免叫一聲。
(貼叫生白) 是誰?
(貼) 是小妹。
(生) 我病,袂起未來共你開。
(貼) 共我開,小妹共你說一句好話,你病卜好那。
(生) 小妹,門掩上在許處,你卜入來便搡開(速開)入來。
(貼見) 三哥因乜得病,卜做★(左人右再)得好?
(生) 全望小妹解圍(改為)。
(貼) 甲小妹做★(左人右再)(佐再)解圍(改為)?
【皂羅袍】
暗切心頭萬千般,致惹一病誰人顧看?
(貼) 小妹那是不知,卜知亦來。
(生) 恁娘仔好無行止。
力我一身做障磨,辛苦誰人得知我?
(貼) 阮啞媽甲阮來叫你掃厝。
(生) 厝無心掃,著伊暗割。
(貼) 正是著誰暗割(刈)?
(生) 著恁娘仔割(刈)。
(貼) 尊兄只話再莫說,乞阮啞媽知了不好。莫得著切,你起來,待小妹討些兒茶飯來乞你食。
(生) 飯今袂食,澀過吞沙。
恁娘仔障無行止。
(貼) 是乜無行止?
(生) 伊騙得我來恁厝,即來辜負我。
你做乜不勸恁娘仔?
(貼) 說起★(上毛下火)人心痛,全不信你來學磨鏡,盡叫玉石無真正。誰知正是崑山玉,含糊不說害你性命(世命)。得病沉重做★(左人右再)解釋(改拆),保你姻緣有日成。
【水車歌】
(生) 你障說,解(改)得我病輕。煩小妹,你說拙來因。勸恁娘仔記念前情,到只處話說無盡。
(貼) 勸你寬心莫得性緊,莫枉屈割吊(刈吊)你只相思病深。
(生) 煩你只去話說卜盡,姻緣成就,結草銜環(含環)卜報答恁。
【尾聲】
(貼) 我見你乜傷情,贊(★(左人右再))恁成就只姻親,即會解得(改得)你病輕。
(生) 你做乜不勸恁娘仔?
【醉扶歸】
(貼) 三哥,三哥你聽我說,誰敢力頭毛去試火。
(生) 我前日拜託<拜托>你言語,你做(佐)乜不共恁娘仔說?
(貼) 你只話使我都不敢去說?
(生) 說畏做乜?
(貼) 伊了反面,阮惡收退。
(生) 今卜做★(左人右再)思量?
(貼) 尊兄你可會畫袂?
(生) 琴棋書畫我都會。
(貼) 那會是年。
不如你親手巧畫,放覓伊花樣冊底。待伊刺繡,看見必有話。
(生) 既是(見是)障說,待我畫一個(个)鶯柳,煩小妹共我送去。
(介) 都無紙筆。
(貼) 既是(見是)無紙筆,待小妹去討來。
(生介貼上) 紙筆在只。
【望吾鄉】
(生) 拋心畫柳共題詩,又畫鶯柳比論伊。鶯你飛來宿柳枝,恨東風吹擺無定期。畫鶯比阮,畫柳比伊。
(貼) 只一個(个)鶯,因何不宿只柳枝上?
(生) 小妹,也親像我袂得共恁娘仔成就一樣。
(貼) 值時會得鶯織柳絲?
(生) 不免來題一首詩。
(生介) 鶯柳飛來無所依,盡日思春獨自啼。可惜章臺柳色好,何時借得一枝棲。
(貼) 畫了,借小妹看一看(好)。
(生介貼白) 只鶯柳畫得是好,尊兄,
那畏花採入手,不識花枝。
(生) 我亦不是辜恩負義的(个)人。小妹,我一陣(★(左心右存))嘴乾(口乾),你入內去討一鍾茶我食。
(貼) 徑路被雲收拾(敢拾)去,只憑流水認仙花。
(貼下)
【鎖南枝】
(丑) 來到黃厝尋三爹,虧伊捨身為人情。
因乜不見人出來?
(生) 是乜人做聲?
(丑) 開門,開門。
(生) 是誰?
(丑) 阮是泉州人,卜來探鄉里。
(生) 都親像安童聲說。
(生見丑) 那從(全)分開去,★(上毛下火)簡心肝痛。恁厝富貴得人驚,思量好啼不敢做聲。
(生介) 我見你,乜心悲,做緊起來莫得啼。恐畏內頭人,得知心帶疑。
(丑) 虧得官人。
(生) 是我甘心,恨誰得是。你今言語莫提起。
安童,你值處來?
(丑) 簡在廣南來。
(生) 大人做官,拙時★(左人右再)樣?
(丑) 大人做官清正,使簡轉去泉州,問安太老爹(大老爹)、太夫人。
(生) 大人有書無?
(丑) 有書在只處。
(生) 提來我看,恐有乜牽連我處。
(生看書介) 安童,我寫一封書同封轉去探太老爹。
(丑) 三爹,只處姻緣可成就未?
(生) 那看只早晚成就。
(丑) 三爹啞,既是未成就,何必苦求?不免共安童返去厝。
(貼上聽介生白) 你袂曉得,我姻緣成就,早晚就返去。
(丑) 三爹返來去,恁厝乜樣富貴,豈無千金閨女共你匹配?求伊乜用?
(生) 你返去,說我在任上讀書,莫說我在只潮州,急惱(吉惱)老大人。
(丑) 既是(見是)三爹未返來去(去去),安童帶有銀(艮)三十兩在只,放只處,度三爹你使。
(生) 我只處正卜銀使。
(丑) 安童就起身去。
(生) 我只處也不好留你。
(丑) 一封書信報平安,未知值日得相逢。
(生) 莫說我身在只處,恐畏急惱(吉惱)老大人。
(貼) 三哥請茶。
(生) 起動小妹。
(貼) 三哥,纔自(才自)只外都是恁乜鄉親?
(生) 正是鄉里。
(貼) 莫白賊,那卜是恁鄉里,你送伊出去,夭都目滓流。
(生) 纔自(才自)是送人客出去,風吹目渶(目滓)流。
(貼) 那卜不是你親,伊都跪你,又叫你做(佐)三爹,也有銀度你,我都看見。
(生) 小妹,你既(見)都看見,袂瞞得你,許正是我家人來探我。
(貼) 伊值來?
(生) 我兄見任廣南運使,伊在任上來。
(貼) 向說,你兄都夭做(佐)運使。
(生) 正是。
(貼) 尊兄,你都是好人仔兒,那是為阮啞娘,即會受阮啞娘障般苦痛。
(生) 纔自(才自)我家人提有銀還我,只一塊可小,乞小妹買針線。
(貼) 小妹做乜通收尊兄你銀?
(生) 收去,勿卻我意。
(貼) 向說,待小妹為尊兄你收,卜使來提。
(生) 今只書託小妹共阮送還啞娘。
(貼) 待小妹將實情共阮啞娘說,叫恁也是好人仔兒,不畏姻緣不就。
(生) 小妹,正是障生,共恁啞娘說,叫阮也是好人。
【駐雲飛】
(貼) 人物風流,不使思量便下手。筆下又清秀,真個(个)有思量。嗏。
(生) 煩你力書收,怙你相將就。
(貼) 那畏功德完了,和尚無人管睬(采)。
(生) 有意栽花,等閒去插柳。
(貼) 三哥,你說只話,只書小妹不送去。
(生) 是阮一時言語,小妹莫怪。
(貼) 願乞姻緣,早早得成就。
未知娘仔意,那憑一首詩。
得伊心意動,是你命行時。


第二十六出   五娘刺繡
(貼上) 捧卜繡篋出繡房,金刀金剪盡成雙。畫花粉筆盡都有,五色線絨綠間紅。
【銷金帳】
安排繡床閨房東,掛起羅帳瑙(腦)麝香。針線箱、繡篋,益春常捧。內有五色絨線綠間紅,銅箱交剪對金針。伊人琴棋書畫盡都曉通。那是阮娘仔無心去弄。盡日懨懨,不知憶著乜人?別人私情,益春★(左人右再)伊人苦痛。勞堪逢著一好清秀郎君,共伊人合歡,恰親像十五冥月光光降。
陳三有一紙字,甲阮共伊送。今卜下只繡篋內,阮娘仔來看見,那歡喜便好;一卜著急,★(左人右再)得好?便做著急乜事。不免下只繡篋內,請啞娘刺繡。
(貼下)(旦上)
【長生道引】
早起梳妝正了時,抹粉畫眉點胭脂。行出珠簾看寶鏡,怨殺孤單空過冥。
獨坐繡房日漸昏,停針無語欲銷魂。山風故意度庭竹,欹耳頻疑(類疑)人扣門。拙時針線停歇,不免繡一光景解悶。
(潮腔)
【望吾鄉】
(旦) 盡日無事整針線,逍遙閑悶心無掛。針穿五色絨共線,繡出鱗毛千萬般。線共針穿,步步相★(上毛下火)。引動人心情,切我守孤單。
(內調) 一更鼓打北風颶,裏打燈另打燈打丁,娘仔思君心不安。裏打燈另打丁,裏打丁打丁,值時共君加成伙伴(火伴),裏打丁另打丁,裏打丁打丁,即便得被燒枕不單。裏打丁另打丁,裏打丁打丁,裏打丁打丁。
【望吾鄉】
(旦) 繡成孤鸞戲牡丹,又繡鸚鵡枝上宿。孤鸞共鸚鵡不是伴,親像我對著許。
丁古林大。
無好頭對,實無奈何。
(內調)(旦) 不免再繡一叢綠竹。
再繡一叢綠竹,須等鳳凰來宿。
(內唱) ★(口良)嗹★(口良)柳嗹,嗹呵柳嗹★(口良)嗹,柳嗹柳嗹★(口良)嗹,柳嗹柳嗹★(口良)嗹。
(旦) 繡成犀牛望月圓,又繡烏雲閒月墘。雲遮月暗,犀牛無意,也親像我,對著丁古林大鼻。雲會消散,月會團圓。
不免再繡一輪光月。
再繡一輪光月,須待唐明皇來遊戲。
(旦) 想起人情,切我魂魄散。心頭憔悴如刀割(刈)。
想許三哥,
伊百般苦痛,都是為我。著伊割吊,冥日心不安。
莫是無緣,
便做無緣隔遠,死去冤魂相★(上毛下火)。
我想來想去,無一人親像伊。
障好清秀郎君,甲人心頭★(左人右再)年肯灰(花)。
(又唱) 且力針線放一邊,心頭怨切愁無意。若會隔斷林大鼻,一座清醮答謝天。但願逢著好兒婿,恰像蓮花開遍滿地。花紅共柳綠,且趁我青春少年時。
再尋二個(个)豔色繡絨來繡一般光景。(介)因何我只繡篋內有一紙字在只內?(介)原來(元來)句是一封書,不免開看。原來(元來)畫有一鶯柳,只尾有一首詩。
詩曰:鶯柳飛來無所依,盡日思春獨自啼。可惜章臺柳色好,何時借得一枝棲?
(旦介) 只鶯柳畫得是好,只必想是陳三畫的(个),甲益春送來。鬼仔即是成精,不免叫出來罵一頓乞伊。
(旦叫) 益春,過來。
(貼上)(旦) 你值去?
(貼) 簡在只處。
死賊婢,你走去值?
(貼) 簡在只聽候啞娘。
(旦) 早使你力繡篋整理。
(貼) 簡都整理便了。
(旦) 我只處有乜人來到只?
(貼) 只繡房內也無人敢來,那是簡來去。
(旦) 飼你拙大,因乜不同人心意?
(貼) 簡自細是啞娘飼,因乜不同心意?
(旦) 你知。
(貼) 簡都不知。
(旦) 只繡篋內因乜有一紙字?
(貼) 簡都不知。
(旦) 你不實說,定著討死。
(旦怒貼跪)(貼) 告啞娘,聽簡說起,許陳三一身受氣。
(旦) 你說不知,又知陳三一身受氣。
(貼) 再三分付,甲簡共娘仔說出即情意。
(旦) 鬼仔,起來,陳三有乜話說無?
(貼) 說娘仔袂記得當元初時。
(旦) 我當元初有乜事?
(貼) 啞娘井都無事?
(旦) 我都無乜事。
(貼) 高樓上食荔枝,掞乞伊,引惹伊人做乜?
(旦) 掞著伊不?
(貼) 啞娘現掞著伊。
(旦) 不愛人白賊。
(貼) 深懊恨,無所見,叫恁姿娘人,話說無定期。
(旦) 無定期整騙伊乜?
(貼) 現(見)騙伊人。
空騙伊人張盡計,費盡機。做恁厝奴婢。
(旦) 只便是伊甘心情願,整誰人力伊來?
(貼) 罵娘仔!
(旦) 想陳三未敢罵我。
(貼) 現罵啞娘。
(旦) 罵我乜?
(貼) 許簡不敢呾。
(旦) 罵便是陳三罵我,整是你罵我?罔說。
(貼) 罵娘仔怯心肝,懊行止,全無半點可憐伊。
(旦) 只賊奴,乜大膽都敢罵我。
(貼) 伊人句乜樣著切。
(旦) 做★(左人右再)切?
(貼) 說伊讀書,有好文章無志氣。
(旦) 鬼仔你即呆,乞伊人罵你,因乜不應伊:你好文章不去求官應舉,卜來阮厝為奴?
(貼) 簡也障去問伊。
(旦) 伊做★(左人右再)應你?
(貼) 叫伊那卜肯求官,官那在荷包內。
(旦) 我夭信?
(貼) 說伊卜求官都容易,那貪共娘仔愛結成連理。
(旦) 好空思想伊。
(貼) 伊即甘心捧盆水,掃廳邊。忍除志氣,受恁一嘴(口)苦氣。
(旦) 我想起來,即是怨陳三。
(貼) 勸娘仔你莫怨伊。伊怨恁辜負(孤負)伊人青春年紀(已)。
(旦) 鬼仔,你罔呾,我不聽。
(貼) 也耽擱(各)恁獨自。
(旦) 我袂曉得飼你即大,不同我心,專共(★(左人右再)別人送書。手伸來,我捶(搥)除。
(貼) 啞娘,莫捶(搥),簡手留卜捧湯乞啞娘你洗面。
(旦) 不用你捧,伸來,我捶(搥)除。
(貼) 今是不用簡,今有人了,既是卜捶(搥)簡手,待簡去叫陳三來,一齊乞啞娘捶(搥)。
(旦) 我捶(搥)陳三手乜事?
(貼) 送書人手都著捶(搥),寫書人手句著捶(搥)。
(旦) 你只賊婢成精了,讓你也罷。
(貼) 簡今即知陳三是好人。
(旦) 你因乜知?
(貼) 昨暮日有一家人來尋(★(上毛下火))伊。
(旦) 伊家人值來?
(貼) 說跟伊兄廣南做(佐)運使來。
(旦) 見伊便做★(左人右再)樣?
(貼) 見伊乜樣啼切,再三勸甲伊返去,說伊厝乜樣富貴,豈無玉顏之女共伊匹配,何卜做障般勾當?
(旦) 陳三乜話應伊?
(貼) 陳三都無話應,那目滓流。
(旦) 我句未信。
(貼) 啞娘不信,夭跪伊,夭叫伊三爹,夭討銀乞伊使。
(旦) 我夭信乜?
(貼) 不信,夭句一塊即大乞簡,在只。
(旦) 你共伊人送書,亦值一塊銀喝大。
(介) 我明知陳三是好人仔兒,今有乜思量?
(貼) 啞娘都無思量,甲簡卜乜思量?
(旦) 鬼仔,起爐發火都是你。
(貼) 簡聽見許老人講古,說崔氏鶯鶯共張珙(拱)在西廂下相見,後來姻緣成就,啞娘學伊畏★(左人右再)年?
(旦) 我愛學伊,那畏不親像伊。
(貼) 啞娘那卜學伊,都不可強伊。
只姻緣學卜崔氏鶯鶯共張珙(拱)西廂記。
(旦) 你障說也是理,我共你在只心頭,且莫露機。
(貼) 簡★(左人右再)敢說?
(旦) 是我當初親看見,我一心恐畏只人不是。
(貼) 正是只人。
(旦) 恐畏世上人相親像,又畏人乘機來假意。
(貼) 今卜做★(左人右再)(在)思量?
(旦) 不免再叫來問伊,試探伊人話刺。
(貼) 那卜是年?
(旦) 成就只姻緣也未遲。
陳三今在值?
(貼) 陳三在後花軒內,只拙久頭不梳、飯不食,是乜★(上毛下火)人可憐?
(旦) 去叫來,我罵一頓乞伊。
(貼) 今聽簡勸莫罵伊。
(旦) 亦罷,聽你勸,去叫來我問伊。
(貼) 簡去叫伊過來。陳三,啞娘叫你。
【縷縷金】
(生) 聽見叫,心帶疑,未知五娘仔有乜事志?手舉★(舉)芒掃帚,近前問伊,使我也知(在)伊心意。水潑落地,難收得起。
娘仔有乜鈞旨?
(旦) 陳三,你好弄膽!
(生) 小人做乜敢弄膽?
(旦) 你畫鶯柳使益春提來戲弄我,可是啞不?
(生) 是。
【醉扶歸】
(旦) 陳三,陳三你不是所行,寫詩,寫詩戲弄我,乜大膽。
(生) 小人那畫一鶯柳,便是戲弄娘仔,娘仔你做其事可記得?
(旦) 我都無乜事。
(生) 娘仔你想看年!
(旦) 阮袂想,我亦袂曉得。將只鶯柳提來去度阮爹媽,你便是奴敗主,該乜罪?
(生啼)(旦) 不愛人假切。我曉得了,你驚畏我去報阮爹媽,你著驚啼。
(生) 小人不是著驚啼。
(旦) 不,做乜事?
(生) 那切今旦因乜只處乞人聲聲叫賊奴。
(旦) 叫賊奴句切,句是大敬你,即叫你。
(生) 小人受娘仔指教乜多了。
(旦) 你常說富貴人厝仔,因乜卜學只所行?不去勤讀書詩,不去應舉求名。
(生) 小人卜應舉求官有乜惡?
(旦) 不愛人大話。
(生) 小人不大話。
(旦) 你厝住泉州,因乜來阮潮州城?
【皂羅袍】
(生) 娘仔你且聽說起,因送我哥嫂廣南城市。
(旦) 送你哥嫂廣南去做乜?
(生) 送哥嫂廣南做官。
(旦) 做乜官?
(生) 做運使。
(旦) 你兄那卜做運使,向說你便是叔爹了。
(生) 我便是三爹。
(旦) 惡見一個(个)三爹共人磨鏡。你許白賊話共人說,倒無人信。
(生) 送我兄來到娘仔貴城,幸遇元宵,小人出街看燈。
無端燈下見娘仔。
(旦) 你夭出街看燈,好樂然,你見我不年?
(生) 小人親見娘仔。
(旦) 不愛人白賊。
(生) 小人見娘仔花容玉貌,一見失了精神。
(旦) 好井話。
(生) 送我哥嫂到任,冤家冥日著你割吊。就返來,便是六月。
(旦) 你許白賊話輕聲說,人了聽見。
(生) 一日騎馬上街市。
(旦) 你夭騎馬?
(生) 娘仔你都不見。
(旦) 你那卜有馬通騎,也是租來的(个)。
(生) 娘仔,你可記得樓上食荔枝時?
(旦) 我六月常在樓上食荔枝。
(生) 娘仔你做出一件事,可記得袂?
(旦) 阮記都無乜事。
(生) 夭共益春。
(旦) 阮連益春都袂記得除。
(生) 既是袂記得,待小人共你說。
(旦) 你記得便說。
(生) 你掞落荔枝,乞阮為記。
(旦) 掞著你不?
(生) 現掞著小人,夭箭!
(旦) 不愛人白賊。
(生) 我估(怙)你有真心,即來做恁厝奴婢。
(旦) 陳三,你創景,生入人告罪。
(生) 阮都不創景入別人。
你既然那卜虧心荔枝,我現收在只。
只荔枝是娘仔你的(个)不?
(旦) 只荔枝果必會相見。
六月,六月值處人無荔枝?
(生) 娘仔你無行止說話。
(拾介) 不是,還小人。
(旦) 秋啞,愛搶,搶去不好?
未知只物是不是?
(生)(拾介) 娘仔聲聲句句說不是,看伊做(佐)乜?(拾)
(旦) 荔枝便借人看,向希罕,搶去乜事?
(生) 既(見)不是,看伊乜事?
(旦) 今是了,各借阮看一下。
(生) 在只手袖內,愛看伸手來提去看。
(旦) 我苦,未是藥。
(生) 未是藥便莫看。
(旦) 前日有一人騎馬遊街市。
(生) 娘仔可認得袂?
(旦) 我袂認得。
(生) 娘仔好目頭高。
(旦) 是我錯手掞荔枝。
(生) 好大錯手,有采掞著小人,卜掞著阮簡仔,也剝食了。
(旦) 不是錯手,井故意掞你?
(生) 天,只荔枝不是娘仔親手掞度阮,天就見責阮。
(旦) 值人逆你?向苦咒誓。
(生) 娘仔你棄人。
(旦) 過去事志,誰人卜記?
(生) 娘仔你不記,小人惓惓記在心頭。
(旦) 既然那卜是你,馬今在值(值在)?
(生) 是我,是我有馬袂做得主。
(旦) 因乜有馬袂做得主?
(生) 送乞,送乞磨鏡師父。
(旦) 馬不騎,送乞磨鏡師父乜事?
(生) 學伊手藝來見你。
(旦) 你向苦見卜阮做乜?
(生) 只望卜共娘仔你結成夫婦。
(旦) 結你骨頭夫婦。
(生) 著你辱罵,不敢應一半句。
(旦拖介生白) 跋(拔)著小人,都未見好。
(旦) 跋(拔)你骨頭不碎。
(生拖旦介) 跋(拔)著我,你著死。
(生) 叫未成。
(旦) 食大丈夫漢,厝不掃,假虔啼。
(生) 今天甲我掃厝?
(旦) 不井讓你,只時無閑飯通乞人食。
(生) 娘仔既有尊命,敢不掃。
(旦) 緊掃,不愛人延。
(生) 就掃。
(旦) 一掃帚按向舉那怙應嘴(口)。
(生) 井掃厝也有師父?
(旦接掃介) 無師父,我掃你看,句可好看你。
(生) 向說,我掃乞你看。
(旦) 今免你掃。
(生) 娘仔又無乞我掃。
(旦) 掃了辛苦成病,無人通伏事你。
(生) 感謝娘仔痛疼。你念著荔枝再莫猶豫。
(旦) 陳三你莫弄膽,踏著我腳你著死。
(生) 我那死,你也著死。
(旦) 乞伊人障說,乜話通應伊?
(生) 今問娘仔乞一開處。
(旦) 泉州人識禮,亂亂唱喏。
(生牽介旦) 陳三膽大,放手。
(生) 今夭甘放?
(旦) 不放我叫。
(旦) 叫陳。
(生) 娘仔你叫,小人就跪。
(生跪)(旦) 恁起來,阮不叫。你丈夫人膝下有黃金,向跪阮姿娘人乜事?
(生) 禮下於人,必有所求。
(旦) 放手。
(生) 今著叫一聲三哥即放。
(旦) 放,阮叫。
(生) 你騙我。
(旦) 三哥,今放。
(生) 今著叫小人一聲官人即放。
(旦) 你只一人上心,不是叫你三哥,大且喜了,又卜甲人叫你做官人。
(生) 緊叫官人。
(旦) 害,陳三,人來。
(生走)(生) 娘仔都那是騙小人。
姻緣斷約卜值時,今問娘仔乞一古記。
(旦) 三哥你也莫得見淺。
(生) 君子之求,聽人所願。
(旦) 我看你都那卜打硬。
(生) 小人做乜敢打硬?
(介) 問娘仔乞一金言。
(旦) 我只處心驚腳手痹(庇)。
(生) 娘仔向虛驚做乜?
(旦) 啞媽得知,我★(左人右再)得死。
(生) 娘仔那死,小人就同娘仔你死。
(旦) 阮便是怨切身命死,恁死正為乜?
(生) 我千鄉萬里來到只,望共娘仔結成夫妻,娘仔你那死,卜我命做乜?不如共娘仔同死。
(旦) ★(左人右再)當得障般好嘴(口)。
(旦) 三哥,阮出來久長了,恐阮啞媽尋我不見,阮卜入去。
(生) 娘仔共小人斷約一聲,乞你入去。
(旦) 待阮去即來。
(生) 既障說,乞你過去。
(旦) 不愛人假忠厚。
(生) 娘仔共小人斷約一聲。
(旦) 恁乞阮過去,阮啟(踝)你一深啟(踝)。
(生) 娘仔,你那一處,小人唱你一喏。
(生攔) 乜物向生,急死人!
(生) 障變面,即是袂得過去。
(旦) 阮不變面,恁行開,乞阮過,阮惜惜你。
(生) 娘仔你帶只處,我句惜惜你。
(旦) 值人卜你惜,一人倒<到>不聽人嘴(口)。
(生) 你都不聽阮呾。
(旦) 聽伊人障般言語,甲我★(左人右再)當得起?
三哥,阮一卜力親情放乞恁是年。
那畏恁家後有親,到許時誤阮身無依倚。
(生) 娘仔,你疑小人家後有親,就共娘仔咒誓。
(旦) 只誓惡咒。
(生) 就詛(咀)。
(旦) 你詛。
(生) 天,必卿家後若有親,
(旦) 且慢,父也是親,母也是親,你咒誓著咒乞伊明白。
(生) 必卿家後若有妻小,日後耽誤娘仔,天你譴責必卿早死。
(旦) 三哥請起,一人倒<到>愛咒誓。
(生) 小人受盡娘仔你氣。
【水車歌】
(旦) 你障說我只心肝都痛,阮★(左人右再)甘負恁人情。你★(左人右再)曉得我心頭思想。
(生白) 娘仔你今想到了。
(旦) 為君發業,心悶(無)惆悵。
(生) 娘仔共阮斷約一聲。
(旦) 呾不出嘴(口),八死不少。
(生) 人情意好,畏乜八死?
(旦) 人情初相識,終無怨恨心。
咱今相惜在只心內,何用卜斷約?
(生) 既不共小人斷約,入去罷。
(旦) 你莫掛意,阮有真心,力恁丈夫人心腹句袂著。
(生) 我堅心為你失了千志,你想我是一辜恩負義?
(旦) 君你言語句句卜記。共君斷約。
(生) 斷約值時?
(旦) 須等待今冥三更時。
(生) 值人留門?
(旦) 恁留門。
(生) 娘仔不來是年?
(旦) 三哥,再不負約。
若還不來,頭上是天。
(生) 若負小人年?
(旦) 我亦咒誓你聽。
若還負君,促命早先死。
(生) 感謝娘仔真有人情。
(旦) 阮明知恁假意學磨鏡來阮厝行。
(生) 娘仔卜知,夭罵阮做乜?
(旦) 我罵你是瞞阮媽共爹。君你今障說,我只心肝越痛。
(生) 林厝親情今★(左人右再)樣?
(旦) 懊恨丁古林大,早死無命。
(生) 娘仔★(左人右再)捨得罵伊?
(旦) 每日催親(推親),我幾(己)轉為伊險送性命。
(余文) 我勸你心把定,一世不負君人情,心神把定莫著驚。
(生) 娘仔既(見)你真心,討一件物見阮做表記。
(旦) 三哥既愛表記,阮一時無物,權力只御羅手帕乞恁為記。
(生) 娘仔,只個(个)可輕。
(旦) 三哥你真個好笑,你不見古人說:物輕人意重。恁既愛重物,只桌哥來不好?
(生) 既障說,當人不當物,小人就收去。娘仔,今冥大志不通相耽誤。
(旦) 三哥不必致疑。
(白) 早力荔枝為定期,今將御羅為表記。
在天願為比翼鳥,在地願成連理枝。


第二十七出   益春退約
【掛真兒】
(旦) 共伊斷約是冥昏,躡腳行來心驚惶。
(貼) 常說等人易久長。莫猶豫,恐畏天光。
(旦) 燕雀為巢鳩(鳴)占居,無狀林大枉尋思。
(貼) 前世姻緣今世結,管乜狂風飛柳絮。
(旦) 益春你入內去看啞公啞媽睏<困>未?
(貼下旦白) 今冥斷約卜共三哥相見,一卜去,又畏後去丈夫人不敬重恁;一卜不去,又是恁失信。不免使益春去辭伊,叫今冥阮啞媽不若好,伏事啞媽,看伊心中如何?
(貼) 關上堂門出外廳,轉過屏風輕步行。啞娘,啞媽啞公都睏<困>了,放早來去。
(旦云前白)
【孝順歌】
我心神被情牽絆,進退不得,有千般艱難。算見伊,為阮萬樣苦痛。又畏伊後去負心,莫到許時乞人傳說阮。
【鎖南枝】
(貼) 今到只,莫推辭(時),人情既許莫負伊。看恁只姻緣,通比青梅記。青春少女逢著風流子弟,且去人情做些兒。
(旦) 益春,你緊去緊來。
(貼) 共伊斷約為荔枝,桑中濮上(棋上)不負伊。
(旦) 只怕伊心常反側,明夜到處不負期。






第二十八出   再約佳期
【醉扶歸】
(潮腔) 相思病怨切身命,只苦痛不敢做聲。聽見城樓上鼓角慘,三四更聲。紗窗外,月光都成鏡。卜睏<因>又不成。強企起來閒行。看見牆外花弄影,莫是乜人在只月下行。輕輕仔細(子細)去聽。望面見,心著驚,共是為人情。我共伊斷約,更深受盡驚惶。恐畏伊人負心了不來,話呾無定。誤我今冥,只處有意討無情。
娘仔因乜不來?正是有約不來過夜半,閑敲棋子落燈花。且力只門掩上。
(貼上) 閑來閑去,為伊二人通消息。別人私情,累阮生受。管取今旦會成就,正是窈窕淑子,君子好逑。
三哥門都關。
(生) 幾番思量卜起,聽見門鳴又畏不是。一冥聽候不敢去睏<困>,又畏伊來相耽置。
(貼) 開門,開門!
(生) 聽見人叫門,我心帶疑。
是誰?
(貼) 是益春小妹。
(生) 待來。
(生見) 是小妹,請入內。
(貼) 到只處著入去。
(生) 門開見是你,偷心歡喜,即知小妹有阮心意。
恁啞娘在值?
(貼) 阮啞娘來在許外。
(生) 你去請來。
(貼) 那你去請。
(生) 小妹同我去請。
(貼) 你井是請鬼,阮那是騙你,啞娘不來。
(生) 伊共我斷約,★(左人右再)通不來?
(貼) 礙阮啞媽身上不若好,卜聽候啞媽,不得來。
(生) 好見無緣,可有乜話寄你來說?
(貼) 有話卜說。
(生) 共阮呾。
(貼) 言語寄探你,十分惡推辭。礙恁人情,知你是假意來阮厝行。
(生) 伊那知也好。
(貼) 見你受苦,伊心頭痛。
(生) 伊卜痛我,做乜不來?
(貼) 愛來見你,又畏伊媽爹。使阮答你,不甘斷情。
(生) 啞娘歡喜,愛來也不?
(貼) 伊偷心愛來共恁結做夫妻,合歡是定。
(生) 幾割(刈)小妹你有心。
感謝小妹相照顧,今旦無恩通相補。
(貼) 值人卜共你討恩?
(生) 幾返謔你上落腳酸,同阮只床上坐。
(貼) 小妹一身襤襤褸褸(喃喃玫玻),做乜好共尊兄許處坐?
(生) 你莫嫌阮枕席粗,勞堪我小妹,好緣相鬥湊。
(貼) 阮又識一乜好緣!
(生) 你拙大都不識好緣?
看許鸞求鳳友鴛鴦配偶。
(貼) 鴛鴦便(被)成雙,值處有三個(个)。
(生) 三個(个)未是多。
正是惜花人起早先沾雨露。
(貼) 三哥莫起只心意。
(生) 只也是愛小妹你。
(貼) 恁向愛?
既讀詩書,不識禮義。阮是啞娘身邊簡兒。
(生) 那叫你在啞娘身邊即惜你。
(貼) 誰卜你惜?
況又未諳風流事志。
(生) 小妹你不識,阮教你。
(貼) 誰卜你教?
願恁雙雙二好,許時愛阮容易。益春雖是野花嫩草,★(左人右再)肯隨風倒地?
(生) 幾番累你成相謔,今旦相謔成相惜。
(貼) 三哥是乜形?
(生) 三人二好,一人著謔。幾番為阮,功勞不少。
(貼) 只一句話呾得是,你那知有功勞,是金是銀,提來謝阮,莫得做一形狀驚人。
(生) 千金不足補報,那憑真心共你相惜。
(貼) 陳三色膽大如天。
(生) 只一簡仔都通叫我名!
(貼) 不是你無正經。
(生) 障青面。
(貼) 罵你也敢。
瓜田李下也畏人疑。
(生) 只處誰人疑(宜)?
(貼) 值見隔牆花,強攀做連理(里)?
(生) 隔牆花攀來即巧。
(貼) 那畏恁無許命。
(生) 阮★(左人右再)年不好命?
(貼) 那畏你命怯,福無雙至。
阮啞娘那卜知,你只樣所行不正,
伊嫌你貪花亂酒,許時反悔不遲。阮娘仔伊是千金閨女,都不強過阮奴婢。
(生) 近水樓臺先得月,小妹你共我只處得桃一下。
(貼) 你障執執力力,我那共阮啞娘呾,你一場功德做草內去。
(生) 人那是共伊滾,伊估叫是真實。
(貼) 說滾,頭向動,你是都來。
(生) 是阮一時不著,小妹莫切。
(貼) 行開,乞阮過去。
(生) 拙變面,你著笑,即乞你過去。
(貼) 阮今笑了,乜形向生?
(生) 大下即笑。
(貼) 許一□是攔了。
(貼走) 小妹(禮)八死人。
(生) 共恁娘仔說,甲伊放早來。
(生) 看恁一點有真心。
(貼) 想你膝下無黃金。
(生) 一心為娘千般苦。
(貼) 獨自歸去獨自眠。







第二十九出   鸞鳳和同
【掛真兒】
(生) 天色漸昏月又光,娘仔斷約是冥昏。有緣今冥來相見,無緣那就今冥斷。
伯卿今冥共娘仔斷約相見,更深了,因何不見來?乜見苦!正是等人易老。想娘仔那卜有心也不畏,不免力只門來掩上。
(生介)
【大河蟹】
(旦) 暗靜開門躡(踗)腳行,姮娥知阮為人情。心神迷亂都不定,思量低頭(底頭)獨自驚。爹媽得知都無命,未知緣分成不成?
今冥共三哥斷約相見,阮今來到只處,因何都關門?不免試躂(達)一下,原來<元來>都掩上在只處,不免搡入來去。原來<元來>三哥力火點光光只處睏<困>。你每時發業斷約,今冥相見,割捨得只處睏<困>,想見前世共伊無緣,也罷,返來去。(介)阮一卜返去,伊醒都不說伊睏<困>不知,那叫阮姿娘人話說無憑。不免力只頭上金釵拔一隻放下伊身邊,待伊醒來見釵,也叫阮孜娘人有信。
你因乜障貪眠?你因乜障貪眠?
(旦避在貼上唱)
【勝葫蘆】
更深後,因乜人做聲?輕步敧耳(欺耳)聽。不是隔牆花弄影,莫畏是蟋蟀鬧秋聲。
(旦見貼介) 啞娘,三更半夜來只處做乜?
(旦) 我見月光風靜,來只處賞月。
(貼) 都不叫益春伴啞娘賞月。
(旦) 畏你聽候啞媽,不得來。
(貼) 你因乜不肯說分明,簡知啞娘你是為人情。
(旦) 益春我今力拙話說乞你聽,看伊真個無人情。誤我一身,險送性命。說起前日心都痛,益春,邀你輕步躡腳(踗腳)行。
三哥睏<困>不知醒,阮頭(來)上拔一枝金釵下伊身邊,待伊醒起來,見釵定叫人不失信。
(貼) 娘仔,你都不畏了壞伊人性命?
(旦) 做乜會壞伊人性命?
(貼) 啞娘都不見古人說:當初郭華共花嬌女約定許冥相見,花嬌女來時,郭華貪酒,睏<困>不知醒。花嬌女見伊睏<困>不知,將弓鞋脫覓伊身邊為記。郭華醒來,不見花嬌女,將弓鞋吞而死。啞娘,你都不畏許時了那成故殺,啞娘你著去賠伊人性命。
(旦) 既然障說,你入去將許釵提出來。
(貼) 簡入去可生分。
(旦) 鬼仔,你入去無事。
(貼) 啞娘入去可熟,簡共啞娘同入去提。
(旦) 你先行。
(貼) 啞娘先行。
(貼生)(旦避貼下)(生) 我看都是娘仔共益春聲說,醒來因乜不見?我曉得:娘仔來,見我睏<困>,著急返去除。罷罷,是我不合睏<困>去,不知醒除,既然娘仔著急去除,我當初為你受盡苦痛,即來到只,伊都不念著我,我不免辭除九郎公返去,免得只處割吊(刈吊)。
(貼) 三哥且帶著阮勸。
(生) 恁娘仔來在值處,叫伊來。
(貼) 三哥因乜障貪眠,姮娥偷出廣寒宮,今冥贊(在)恁成就只姻親。
(貼下旦生介) 娘仔卜入來便入來,呾只前後驚人乜事?
(旦) 乞恁睏<困>,即莫得叫恁,攪恁眠。
(生旦唱內介)
【八聲甘州】
鸞鳳和同,幸然魚水相逢。千般計較,枕上恩愛不甘放。虧我門外千萬等,辜負只處守空房。今恰是玉邀金,一般相襯。
【皂羅袍】
(貼上) 門樓鼓返五更,心內半驚半歡喜,又畏阮娘仔睏<困>不知醒。
只二人是大膽,門樓鼓返五更,雞聲報曉,睏<困>拙晏不見起來,不免驚一頓。
(貼上叫門) 是誰?是益春。
(旦) 入來便入來,乞阮驚一頭冷汗都滴。
(貼) 許是啞娘風流汗未乾,簡卜驚陳三,敢驚阮娘?
(旦) 今莫叫伊做陳三,叫伊做官人。
(貼) 娘仔說話好笑,許陳三共簡一樣人,甲簡叫伊做官人?
(旦) 今阮都叫伊做官人了。
(貼) 既是障說,人情做乞啞娘,今請官人出來相見。
(旦) 三哥出來,是益春。
(生) 聽見門鳴驚半死。
你卜入來便入來,呾前呾後,不成出不成入,驚人。
(貼) 官人、娘仔請坐。
慶賀娘郎,青春年紀。
(生) 感謝恩深無比。
(生介旦白) 官人袂做人,共簡仔乜禮?
(生) 那論功勞,不論貴賤。
(旦) 你尚且(常且)在我面前執執力力,我不見面句★(左人右再)樣?
(貼) 官人是不做人。
(旦) 乜事?
(貼) 昨暮啞娘使簡去,官人執執力力簡。
(旦) 啞媽醒未?
(貼) 啞媽未醒,天卜光了,返來去。
(生) 小妹,今卜共阮斷約值時?
(貼) 只事著問阮啞娘,問阮做乜事?
(生) 恁啞娘說無定,小妹你說可實。
(貼) 既然障說,阮共你去問啞娘,你今共官人句卜斷約值時?
(旦) 今你共伊斷約,阮不曉得。
(貼) 只便是啞娘的(个)事。甲益春斷約乜事?
(旦) 鬼仔,起也是你,煞尾(殺尾)也是你,今共伊斷約十五冥。
(貼) 再共恁斷約明旦三更時。
(生) 小妹你卜去。
(貼) 來□人情做歸一乞恁,天色句未光,恁雙人再去說話,阮去聽候啞媽。
(貼下旦問) 益春去了,阮也卜去,畏啞媽醒了尋阮,阮只心內驚驚。
(生) 娘仔今不畏,驚過了,天色句未光,再共娘仔說話。
【皂羅婆】
(生) 見說洛陽花似錦,果然娘仔有只真心。
(旦) 江水雖深,無恁人情深。
(合) 雙人做卜如花似錦,思想起來,悶割人心。
(旦) 爹媽若卜得知了,為君喪(送)身。勸君千萬莫得忘情,阮今生死那卜為恁。
(生) 娘仔你莫得心悶,阮不比王魁負心。天地責罰,定都如神。
(旦) 君你有意,阮今惜恁如金。穿線入石,也卜共恁一樣心。
【尾聲】
有緣千里相見面,那憑荔枝結姻親,記得今冥恩愛深。
野外看花滿地開,林中連理共枝栽。
百年夫婦今宵會,一段姻緣天上來。(並下)

第三十出    林大催親
【賞宮花】
(淨) 林郎風騷,打扮不輕可。近日卜★(上毛下火)某(ㄙ),好得桃。滿廳諸親來慶賀,我只仔婿無處討。
小子姓林,叫做大鼻。貪花亂酒無時離,有金有銀有田地,那是可惜婚頭遲。阮媽共阮說,擇只九月重陽卜娶某(ㄙ)度我,甲我先去共媒人說,甲阮丈人九郎公辦嫁妝。今不免來去共李婆說一聲,行長街過短巷,只處便是媒姨門兜,不免叫一聲。
(叫介)(丑內應介) 是誰?
(淨) 是林大爹。
(丑) 請坐,待來。
姻緣該哉(載),都是命推排。那畏五娘仔皺雙眉。林厝官人外頭請,定是卜討姻緣事。
(丑見淨唱)
【婁婁金】
仗媒姨,我說乞你聽,約定只九月卜★(上毛下火)娘仔,免得我冥日費心情。
(丑) 九月可緊,恐畏嫁妝未便,再擇別月啞。
(淨) 別月不是娶某(ㄙ)月,煩你只去說卜分明。
(丑) 做媒人,有主張,姻緣好事志莫比如常。安排好禮聘,在人手上。金花表裡共豬羊,好仔婿打扮也卜風流。
(淨) 我只仔婿誰會可強?安排好大轎七八人扛。
(丑) 轎(簥)那是四人扛,林大爹好茹魯(如魯),七八人扛是★(左人右再)年?
(淨) 你真村人,阮公許時送喪三十二人扛。
(丑) 只娶某(ㄙ)是吉事,許便是凶事。
(淨) 今那用四人扛。
安排好大轎三四人扛。
大銅淳愛鼓排都成行,展起青春仔婿郎。
(丑) 你卜乜謝我?
(淨) 謝你金花表裡,插卜銀瓶花捲。
擇定九月卜娶親(取親),煩你只去說來因。
只去若能(煩)說得佳,銷金帳內囉哩嗹。


第三十一出   李婆催親
【菊花新】
(外) 著仔割吊(刈吊)心憔懆,算得來做★(左人右再)得好?仔兒不願嫁林厝,那畏姻緣不朝羅。
金井梧桐葉落枝,返頭不覺又一年。一年一歲人易老,更無二度再後生。那因仔兒不願嫁林厝,冥日苦切,做★(左人右再)得好?只事且覓一邊。不免叫陳三收拾租數,共我上庄討租。叫得陳三過來。
(生) 落在屋簷下,曾敢不低頭?九郎叫做乜事?
(外) 你力西軒內租簿收拾,共我去赤水庄討租。
(生) 陳三就去。
(生下丑上) 著意栽花花不發,等閑插柳柳成陰。
(丑) 九郎萬福。
(外) 媒姨請坐,媒姨來貴幹?
(丑) 婆仔無事不登三寶殿。因林官人擇只九月卜娶千金親情,婆仔直來說知,乞九郎放早辦嫁妝。
(外) 男大當婚,女大當嫁。那是我仔心中不願,做★(左人右再)得好?
【四邊靜】
(外) 親情既(記)許不推辭,仔兒無所見。不願嫁林厝,冥日苦切啼。不肖仔兒無所見,姻緣天注定,算來無差移。
(丑) 婆仔上覆(福)黃九郎,須著辦嫁妝。姻緣好事志,莫得說短長。男婚女嫁,年紀相當。古禮迎書燭,擇日卜來上門。
擇卜九月來娶親,迎書送禮著冰人。
五百年前天注定,百年偕老(諧老)枕上眠。(並下)



第三十二出   赤水收租
【步步嬌】
(外) 出只郊外天漸光,蕭蕭(消消)西風返。赤水路頭長,馬轎相倚去上莊。田租收卜全,明旦因勢返。
只處正是赤水庄。
(生) 好說九郎公得知,面前有一陣人來,想是佃客來,九郎請坐。
(丑上)(淨唱) 我是赤水庄田甲頭,等得日都晝(罩),九郎今即到。頭牲有幾個(个),白米三五斗,醬瓜共春筍,聽候接使頭。
(生外見介) 九郎來了,都不知等接。
(外) 來,值個(个)是甲首?
(淨) 老的(个)是甲頭。
(丑) 翁仔是柴頭。
(外) 為何是甲頭?為何是柴頭?
(淨) 老的(个)甲頭,趕谷上倉。
(丑) 翁仔柴頭,趕柴入灶。
(外) 正是障生。來啞,甲頭,我先有批來,甲恁來扛轎(簥),做乜都不來?
(丑淨白介) 人都無工,上厝大的(个)去鋤草,下厝第二的(个)去落田,上山福仔不在厝,下厝糞父去撈水溝。
(外) 來,眾佃戶人,舊租(田租)都赦除,新租限三日都卜完。
(淨丑白介) 九郎公啞,今年無收新租,舊租都赦除。翁仔那收三斗谷,食去二十八升,另剩二升卜做種。
(生) 今年大收,做★(左人右再)說無收?甲頭,你去共眾佃戶人說,今年新租都卜完上倉,我自有裁處。
(淨) 只後生,九郎帶你出入乜用?都不去趕谷,那使嘴(口)使老人。
(生) 老禽獸莫無理,走!
(淨) 只後生好青真,阮新婦也未敢罵我老禽獸。
(丑看淨白) 親家你罵不著人了,你知?
(淨) 許後生是誰?
(丑) 你去看,看是誰?
(淨看介白) 親家,佚了,佚了,人諂泉州三爹。
(淨) 正是泉州三機宜,伊來只處卜做乜?
(丑) 我曉得了,親家伊來無別事,定是卜共九郎公買田,共伊來認佃。
(淨) 親家,我有思量,哄九郎公去看倉厝,恁便來問三爹。
(丑) 親家說是。
(淨) 好說九郎公得知,拙年雨多,倉厝盡熳爛,袂底得谷,請九郎公去看,合該從理。
(外) 只話說得是,我去看一看。
(淨) 治仔,討門鉤(釣)來開倉門。
(外下丑淨白介) 三爹拜參,佃戶大膽,恕罪,三爹只來正是卜共九郎公買田,來只處看田?
(生) 眾佃戶,都請起,九郎公正是我義爹。
(外上看介) 陳三,你入內去記簿數。
(生下外白) 恁眾佃戶人做乜識伊?
(丑淨白介) 九郎公你好不識人,只是泉州朋山嶺後陳運使親小弟,伊兄現任廣南運使,伊叔四川知州。伊也有一大庄田在赤水。
(外) 伊有若田在只處,可有若田客(有)?
(淨) 伊有五百田客,九郎公那有五十名田客,那教伊做袂借也好。
(丑) 阮只處值人不作伊田?值人不住伊厝?值人不食伊飯?值人不牽伊牛?值人不看伊羊?
(外上白) 陳三也句是好人仔,返去必須周旋伊內頭,叫得陳三出來分付伊。
(外叫生介) 陳三你是好人仔,來我厝,因何不說乞我知?
(生) 好說九郎得知,陳三厝住泉州,也是好人仔兒,因為官府逃離出來,暫時落泊。
(外) 你去提簿出來,叫眾佃戶都報新名,納有若谷?
(生報淨白) 老的(个)小名叫尾仔,表字叫常說。
(丑) 翁仔小名叫糞掃,表記叫門後。
(生) 都記名完了。
(外) 眾佃戶,聽我分付。
【梨花兒】
(外) 今年雨水滿洋落,十分有收也叫無。遞年納谷五百名,
嗏,
有收無收問你討。
(生) 佃戶近前聽我說,便叫田客來省會。每年納谷五百石,
嗏,
有收無收你著賠。
(丑淨) 三爹說話,佃戶一一著聽,便叫佃客來報名。遞年納谷五百石,
嗏,
破襦破被緊緊著扶行。
(生) 好說九郎得知,陳三早起得一病,躲(頭)敢都不躲(頭)得,愛卜返去調治。若略好,便來莊上尋九郎。
(外) 我正卜用你記數,你又病,返去調治。待我叫幾個(个)田客扛你去,好,來尋我。
(生下淨白) 今旦飯卜送來莊上食,那卜就佃戶厝食?
(外) 那就你厝食也好,免得擔來生受。
(淨分走介) 治仔,快去叫恁母討飯,向便叫使頭卜來食,起動使頭到翁仔厝。
(入) 赤水收田在溪邊,雨水平落感謝天。
五谷豐登人樂業,新年願卜強舊年。

第三十三出   計議歸寧
【西地錦】
(生) 更深寂靜(什靜)斷人行,心悶懨懨為著人情。
(旦) 那為二邊好恩愛,果然色膽不驚。
恁今相惜如惜金。
(生) 恩愛做卜海樣深。
(旦) 今冥還恁鴛鴦債。
(生) 風流做鬼也甘心。
(旦) 三哥,你共阮爹赤水收租(庄),因乜先返來?
(生) 娘仔聽說,我去赤水莊上(庄上),五百田客等接,當你爹面盡叫我做三爹。我見不好立起,即假病辭你爹返來。
(旦) 三哥,人說:河狹水緊,人急計生。
(生) 娘仔因何說只二(三)句?
(旦) 林厝擇只九月卜娶親(青),卜做★(左人右再)好?今有乜思量?
(生) 既然障說,我有思量。趁你爹在莊上未返,你共阮走去泉州。待林厝卜娶親,惹起告狀,你爹定賠伊聘禮。待許時事志完了,即返來。娘仔你心中是★(左人右再)樣?
(旦) 古人說:話說卜斷,路行卜遠。你只處都只樣,到恁厝三言二語,到許時即見苦。
(生) 娘仔啞,想陳三也不是三心二意(幸)的(个)人。
(旦) 既然障說,待阮叫益春出來商量。
(旦叫貼上) 聽見娘仔叫,輕步躡腳(踗腳)行。啞娘叫簡乜事?
(旦) 來,益春,因林厝擇九月卜娶親,做★(左人右再)得好!三哥甲我共伊走去泉州,我心中愛得共你相伴去,你心中★(左人右再)樣?
(貼) 啞娘,你都不見古人說:共君睏<困>破九領席,知君心腹乜落著?共人好不通好到盡,伊泉州怯。啞娘,你乞伊騙值處去賣除即好。
(旦) 想三哥不是許一等樣人。益春,你莫疑可過,你共阮到泉州,天大事也莫煩惱,自有人耽帶(擔帶)。
(貼) 你那卜去,做★(左人右再)捨得啞公啞媽?
(旦) 阮起頭割捨得,到只其段是無奈何。
(貼) 既然障說,待簡共啞娘去。
(旦) 你共我入繡房內去收拾行李、盤纏,因時起身。
(貼旦上說)
【西地錦】
三哥你聽我說起,只姻緣不是咱(賴)今世。
(生) 只是咱(恁)前世夫妻結託,今即來到只。
(旦) 自恨我生在別鄉里,天差你共阮相見。
(生) 今願學青梅崔氏。
(旦) 看古人,有只例。
(旦) 翻來覆去,未有定期。阮今一身,全怙我君主意。
(生) 我今共你走返圓。
(旦) 路上去,也畏人相盤問。
(生) 去路上我自有主意。
(旦) 恐畏林大告官來力。
(生) 任伊林大富貴有錢,伊敢共我打乜官司?叫益春收拾行李(里),就今冥走離只鄉里。
(旦) 君你百般那為阮,受盡辛苦受盡磨。生死不甘割捨,共君出外乞人做罵名,阮無奈何。但願當天燒香下咒<紙>,路上去畏乜林大。
(貼) 七月十四三更時,三人同走出只鄉里。
(旦) 君恁有心阮也有意。月光風靜,是好天時。
(貼) 打併錢銀卜簡身邊,路上去做盤纏。
(生) 捻起只衣裳,打扮卜齊整。咱(懶)今三人因勢卜行程。
(生) 娘仔你頭上釵插卜端正。十四冥月光,照見咱(懶)三人形影,恁今三人惡割捨。
(貼) 有心到泉州,畏乜山共嶺?打緊走來去,又畏人趕力。




第三十四出   走到花園
【四邊靜】
走到花園心都碎。
(生) 娘仔著切做乜?
(旦) 也曾共君園內相隨,共君相惜,心夭未飽醉。
(生) 娘仔強企行上幾步。
(旦) 隨趁君走,心頭即開。
三哥,我譬論你聽。
(生) 譬論乜人?
(旦) 當初好烈女,★(廾)死身為誰?捨身到只處,准做恁厝鬼。若還不中恁厝爹媽乜解圍(改為)?許時節(是節),各選別頭對。舉目無親,甲阮看誰?
(生) 娘仔莫想東共西,去到泉卅好怯即知。
(旦) 放覓爹媽共君走,情重如山,恩深似海。上高落下。
(生) 娘仔捍定。
(旦) 路細險隘。
值處鼓鳴?
(生) 正是城塿上鼓發擂。
(旦) 又聽見城樓上,喝噉返更牌,驚得我腳酸,步行不進前。
(生) 益春,共恁啞娘,力腳帛(白)解除行。
(貼) 伊當初為你辛苦萬千般,咱(懶)今旦為伊腳痛也著行。
(旦) 為君你辛苦不敢呾,目滓流落不敢做聲。憶著我厝爹媽心頭痛,寸步惡起受盡驚惶。
(合) 值時得到泉州城?
(貼) 益春說乞官人聽,阮厝娘仔不曾八出來行。行來腳又痛,山嶺崎如壁。
(生) 感謝你好意,扶持恁娘仔,逃(頭)得身走離,我心即歡喜。
(旦) 為君辛苦無奈何,目滓愛流就腹內花。
(生) 感謝娘仔,一路為阮人情。
(合) 返頭聽見雞啼犬吠聲,打緊來去,畏人來力。(並下)


第三十五出   閨房尋女
【大迓鼓】
(丑) 日上東廊照西廊,不見五娘起梳妝。不見陳三起掃厝,不見益春點茶湯。早起樹鳥叫,★(上毛下火)人心酸。
陳三昨暮日在莊頭返來,說伊身得病。早起拙晏,睏<困>都不見起來,也不見五娘起梳妝,也不見益春煎茶湯。早起樹鳥頭上吼,必定有蹺蹊,厝內叫得小七出來。
(淨) 七早八早,叫人乜事?
(丑) 你去看陳三好啞未?甲伊起來掃厝。
(淨) 陳三都不見在許房內睏<困>。
(丑) 不,值去?
(淨) 莫畏是上東司(尸)掉落(加留)廁內?
(丑) 你去尋益春,甲伊叫啞娘起來梳頭。
(淨) 益春也都不見。
(丑) 莫畏起來在啞娘繡房內去了?你去啞娘繡房內去尋伊來。
(淨) 連啞娘都不在繡房內。
(丑) 死狗,待我去尋。
(介) 害了,天日啞,陳三、五娘、益春都不見,必想只三人相★(上毛下火)走了,卜乜煞!小七,你去莊頭報乞啞公知,莫說五娘、陳三、益春走了,恐畏眾佃戶知了。那叫是只厝人尋伊,甲伊放緊緊倒(到)來。
(淨) 我當原初共啞公說,叫許泉州人怯,不是物。啞公貪伊生得清水,卜打伊獅。
(丑) 睛盲頭(青冥頭),莫茹呾,緊去緊來。
(淨) 我腳痛,句袂得向行緊。
(丑) 許後馬房牽驢母放騎去。
(丑) 不見仔兒皺雙眉。
(淨) 思量那是只奴才。
(丑) 樹鳥客鳥同枝宿,好怯全然未得知。


第三十六出   途遇小七
【地錦出】
(外上) 我今收租都完備,因時收拾轉鄉里。正是回馬不用鞭,一里過了又一里。
(淨) 心忙行來緊,腳痛手(束)又酸(胲)。
(外) 小七,你慌忙趕來有乜事?
(淨) 咱(懶)厝有凶事。
(外) 禽獸,凶事做★(左人右再)說?
(淨) 昨冥小八力啞娘、益春都★(上毛下火)走除。
(外) 小八力啞娘、益春都★(上毛下火)走除?
(淨) 正是。
(外) 是虛啞是實?
(淨) 是實實。
(外) 天日啞,做★(左人右再)好?
是我一時都不疑,莊上假病托故返院。今旦惹出只事志,思量反悔也可遲。
(淨) 叵耐小八可無理,力啞娘益春★(上毛下火)走不見。思量起,乜心悲,憶著益春那好啼。
(外) 今到咱(懶)厝了。小七,叫啞媽出來。
(淨叫丑上) 關門厝內坐,禍從天上來。
(見介丑白) 老的(个)返來了,不肖子昨冥共人走除。
(外) 你只老虔,飼仔繡房內,無半目去巡視,卜你乜用?
(丑) 莫說你簷頭插紙,引鬼入宅。當初親情是你做的(个),嫌女婿醜貌不中仔意,即會障生。
(外) 你幹乜事!
【繡停針】
惜仔如惜金,誰知伊心去同別人心?叵耐陳三可僥倖,力仔★(上毛下火)走不見蹤,死賊奴你虧人至甚。
(外) 是我當初無所見,全不覺悟通說乜。假學磨鏡都不疑。
罷罷,都是我錯了,一來不合收陳三只厝內,弄出醜事。
(丑) 今緊緊甲人去拿。
(外) 陳三也是官蔭人仔,我共伊去莊上,田客個個(个个)叫伊做三爹,說伊兄現(見)任廣南運使,伊叔任四川知州,家後乜樣富貴。赤水莊有恁十倍田,共恁仔是前世姻緣,乞伊走得到厝也好。
(丑) 林厝卜討新婦,甲阮共伊去?
(外) 林厝任伊去告,那是賠伊財禮便罷。
父母惜仔如惜金,誰知仔兒□□□。
是我當初無所見,弄出一禍這樣深。


第三十七出   登門逼婚
【風檢才】
(淨) 我是潮州林大爹,打扮是消勞。頭上戴(帶)帽,腳下穿靴,今旦日來見某爹(ㄙ爹)。
只處正是阮親家厝,因乜都無人在只廳上?不免叫一聲。
(外) 無事關門厝內坐,悶在心中誰得知?
(淨) 親家唱喏。
(外) 賢郎莫怪。
(淨) 我不是家神,袂怪人。
(外) 失禮。小七,討椅來坐。
(淨) 親家拙久都好?
(外) 暫時過日。
(淨) 親家高姓?
(外) 老拙姓黃。
(淨) 大肚黃,也是三畫王?
(外) 正是大肚黃。未知賢郎來只貴幹?
(淨) 今日卜來見我娘仔。
(外) 那卜見娘仔,也著媒人來。
(淨) 阮媽見人說娘仔、益春乞陳三★(上毛下火)走了,阮媽甲我來看是不是。甲娘仔出來,乞我見一下。
(外) 只禽獸好無狀,只話是誰說?那卜無乞你見是?
(淨) 無乞我見,定要告你。
(外) 告我乜事?
(淨) 告你討某(ㄙ)。
(外) 誰欠你某(ㄙ)?
(淨) 你欠我某(ㄙ)。
(外) 你一形狀,不親像猴,不親像鬼,誰人卜嫁乞你?
(淨) 你無某(ㄙ)還我,定告你官司。
(外) 我看你一形,向生,識乜官司?
【四邊靜】
(淨) 我告你收我聘禮。
(外) 誰人收你聘禮?
(淨) 騙我金銀去可多。
(外) 誰人收你金銀?
(淨) 縱容奴婢共五娘走,看你幹一乜藝?告到官司,乜話通改。許時不存你老大,打你加川,某(ㄙ)了也著還。
(外) 看你本事我未見,那會中飯屎肚滿。是我仔共你無緣,怨你呆痴。
(淨) 只樣仔婿不中你,世界討無。若還討無某(ㄙ)還我,定要告你。
(外) 看你不識道理,識乜官司。任你去告,便卜★(左人右再)年。那是賠你禮聘,不驚些兒,定卜贏你林大鼻。
小七,舉(捧)槌仔(追仔)來,力林大鼻打一頓乞伊去。
(淨) 黃中志,你甲小七打我,我不走不是丈夫仔。
(淨下外白) 畜生只樣無狀,罷罷,是我不著。伊今必定去告我,我不免去當官去共伊明白。重賠聘禮,別無大事。
(入) 正是人無遠慮,果然必有近憂。




第三十八出   詞告知州
(丑) 一字入公門,九牛拖不出。小人是本州堂上牌頭。說都未了,老爹來到。唱畏畏。
【西地錦】
(末上) 做官清正有名,恰是光月照東京。民人樂業,天下自然見太平。
國正天心順,官清民自安。下官姓趙,名得一,任知州,百姓人盡都歡喜。今旦是告狀日期,左右掛起放告牌,乞人告狀,不許阻當。
(丑分付介淨上) 告狀老爹。
(末) 告甚麼狀?
(淨) 告討老婆事。
(末) 討老婆是姦情的事。
(淨) 不是,老爹,是拐老婆。
(末) 左右,接上來看。
(丑接讀介) 告狀人林大鼻,年三十四歲,係在坊民籍。狀告縱奴姦家長女事。先年憑媒李大嫂用銀二百兩,送到坊民黃中志家,收准為聘禮,對伊女黃五娘為婚,未完娶。不期中志養得泉州客人陳三在家為奴,縱容伊女與陳三通姦情(厚)。本月十五夜,叫同使女益春,跟同陳三私奔走去泉州。至次早,大鼻聞知,前去娶婦,致被中志怪恨,辱伊門風(明風),欺凌良善,歹行不認前,強將大鼻亂打。無奈走回,備情乞告提獲黃中志到臺鞫審。庶免用財娶婦,被其拐走無歸;庶免風俗有乖,受虧罔屈。具告。
(末) 有這等情無?
(淨) 有啞,老爹。
(末) 是實情不是?
(淨) 果有這情,小的不敢誣告。
(末) 叫刑房吏過來。
(末) 將此一張狀替我上案,就出牌差捕,甲皁隸星火去拿。林大原告,召保明候。
(入) 叵耐陳三無思量,敢來拐走黃五娘。
此去若還力得著,一場官府受虧傷。(下)





第三十九出   渡過溪洲
【金錢花】
(淨丑扮舡) 新做渡船(舡)走如風<蜂>,紙船(舡)須用鐵艄公(鐵稍工),紙船(舡)須用鐵艄公(鐵稍工)。兄弟過船(舡)不放空,莫說我,只船(舡)是浪蕩,一日有千萬人。
(生旦貼上) 三人走到赤水溪邊,三人走到赤水溪邊,未知過溪著若錢?未知過溪著若錢?一隻小船(舡)在岸邊,來載阮,不論錢。過了只溪即歡喜。
(淨丑?唱) 船仔(舡仔)駛在溪中遊,船仔(舡仔)駛在溪中遊,問你三人去值州?問你三人去值州?有乜話共阮說,乜利市,乞阮收,載你三人過溪州。
(生旦貼唱) 待阮等到日都晝(罩),待阮等到日都晝(罩)。坐人不知立人苦痛,坐人不知立人苦痛。金釵乞恁准花紅,千萬莫說阮三人,莫得牽山那匏動。
(淨丑唱) 聽恁障說阮便知,聽恁障說阮便知,有乜金釵便提來,有乜金釵便提來。娘仔寬心莫煩惱,阮嘴(口)密成米篩。有人問我叫不知。
(生旦貼) 待阮說乞恁聽,阮三人都是親情。伊是小妹,阮是兄,只是簡,相共行,卜去泉州探親情。
(入白) 渡船(舡)拋泊在溪州,一任江山□任遊。
水鴨鴛鴦拍櫓動,飛入蘆花不知收。(並下)


第四十出    公人過渡
【卒地當】
(丑外) 批文緊急力私情,連冥透暗也著行。走到只處腳又痛,陳三、五娘不見影。
兄弟啞,只是赤水溪,溪水緊,惡得過。
(外) 都有一隻渡船仔(渡舡仔)在許上過來。
(丑外叫介) 船(舡)載阮過赤水。
(末白介) 兄弟莫了踏破阮船(舡)。
(丑) 快快載我過去。
(淨) 兄弟啞,搭舡須用錢,有錢也無?
(丑) 阮有錢。早起有丈夫共一孜娘,又有一孜娘簡仔過去啞無?
(末) 有,三人過去了,伊分付甲阮莫得說。
(丑) 去有若久?
(末) 恁問伊卜做乜?
(丑) 伊三人是相★(上毛下火)走,阮是官司差卜去力伊。
(末) 向說,即在只前頭去。
(介) 只船(舡)載恁過溪邊,阮也不收恁船(舡)錢。
(外) 恁乜事不收錢?
(末) 恁是公差人,收恁錢討自吊。
(外) 阮今憑你說下落,若卜不見,你著纏。
(並下)



第四十一出   旅館敘情
【秋夜月】
做緊,做緊,且趁日頭未,那恨襪小弓鞋短。為著人情到只處,又畏爹媽趕來尋。定是惹出一場禍,彩雲(采雲)易散琉璃脆。
(旦白) 官人啞,阮腳痛,都袂行了。
(生) 娘仔做緊行上幾步,前去便是客店。
(旦) 我今寸步難行。
【拈地風】
腳酸手軟行不起,依倚步步啼。腹內又驚又飢,卜力著做?得變★(左人右再)恁今強企行一里,前去店內歇一冥。
益春,叫店主出來。
(貼叫淨上) 行船坐舖,不離寸步。
(見介) 恁卜歇店,請入內來。
(生旦貼介) 店婆,阮行來辛苦,恁有好酒啞無?
(淨) 婆仔十分有好酒。
(生) 既是有好酒,打一壺來。
(淨) 釀成春夏秋冬酒,醉倒東西南北人。酒在此。
(淨下)
【江兒水】
(生) 一更鼓打月朦朧,照見恁三人。勸食一杯酒,且解心頭鬆(雙),人情相惜不甘放。
(旦) 二更鼓打月在天邊,勸君食些兒。半醉又半醒,半驚半歡喜。憶著恩情畏雞啼。
(貼) 三更鼓打月正光,三人說起乜心酸。覓除爹媽在後頭,思量起來目滓流。
(旦) 四更鼓打月斜西,共君說盡今宵事。你莫學負心蔡伯喈,王魁賊乞丐,誤了桂英不瞅睬。
(貼) 五更鼓打天漸光,雞啼聲鬧亂。娘仔起梳妝,菱花鏡抱來瞈,照見啞娘面青黃。
(生白) 天色句未光,未有人行路,不免辭除店主早行幾步。
(生旦貼走介)
【四邊靜】
(生) 見說洛陽花似錦,果然娘仔有只真心。江海雖(須)深,無恁人情深。雙人做卜如花似錦。
(貼) 五更月落花園頭,五娘牽君目滓流。為著君人情,割捨共君走。又畏天光,那畏人來力,人情似水,刀劍破不開。穿線入石,也卜共君相隨。
(旦) 共君斷約柳樹兜,風吹柳葉絆郎頭。泉州路遠,泉州路遠,甲阮值時行得到,那礙爹媽在後頭。值曾八出路,受只艱辛?今旦為君,識只路程。玉露濕透胭粉面,輕風吹送柳搖金。英臺山伯冤魂結深,是阮前世湊合恁。今旦為君,論乜山嶺萬重?
(生) 綠水青山是畫圖,星光水現正好行路。一輪光月照見柳搖金,輕風吹送蓮花舞。感謝娘仔,煩動我小妹,今旦為恁碧雲煙。三人行到藍橋路。神仙景行入帝王都。但願只去平安,心內即不見憂苦。
(入)(白) 憶著爹媽淚哀哀,娘仔寬心莫皺眉。
樹鳥客鳥同枝宿,好怯全然未得知。(並下)


第四十二出   靈山說誓
【粉蝶兒】
(末判淨鬼) 親領娘娘敕旨,不敢違遲。神通變化無比,威風顯聖無偏,金爐內香煙不離。
小神不是別神,便是靈山廟娘娘殿前著法判官便是。娘娘出去赴會未返,恐畏遠近弟子來廟燒香下咒<紙>,須著速扮威儀。
(淨) 正是展起神通光一點,免得迷人暗處行。
(生旦貼上)
【婁婁金】
行來到靈山廟口,判官小鬼把在門兜。廟前生草,無人行到。君恁先行阮隨後,三人入廟內,燒香告投,燒香告投。
(生) 請娘仔燒香。
(旦) 官人燒香便是。
(生) 弟子是泉州人民,在此潮州經過。恐畏前去路途不平,善願投娘娘保庇。
(生旦貼拜)
【蠻牌令】
一齊告神祇,燒香獻紙錢。保庇阮三人走卜身離。乞靈聖暗相扶持,到泉州心即歡喜。許時來謝神祇,娘娘爾聖廟,阮來全新各起。
(生) 燒香了,做緊起身。
(旦) 官人,
姻緣說卜盡,恁丈夫人口說無憑,莫待去到你厝虧心。
益春,
到只處誰人是親。
(貼) 官人,阮娘仔來到只處,即憶著厝。
(生) 娘仔到只其段即猶豫,娘仔既不信,待小人就娘娘面前咒誓。
(旦) 你咒。
(生) 有神明在阮做證明,到我厝若虧心,娘娘你報應譴責伯卿。
【尾聲】
(旦) 君恁有心阮有情,到其段說無盡,三人一齊行做緊。
全望娘娘相推排,夫妻一對早和諧。
(下)(末判淨鬼) 好生叵耐,三人空嘴(口)哺舌(步舌)來下咒<紙>,只一丈夫便是泉州人氏,只諸娘是潮州人,二人是前世夫妻。今走來咱(懶)只廟內下咒<紙>,後去句有一大難,即會夫妻團圓。咱(恁)今迷乞伊走不離,乞人力著。
(下白) 差遣陰兵去迷伊,乞人力去到官司。
路遇伊兄都堂返,判斷雙人得團圓。






第四十三出   途中遇捉
【金錢花】
(生旦貼上) 乜人喝噉聲起?乜人喝噉聲起?腳酸手軟提不起。
(淨末上力) 恁只三人走去值?
(合) 告將軍,可憐見,卜錢銀無半釐。饒阮性命返鄉里。
(淨末) 阮不是賊,阮是知州差來力恁三人。
(生) 官差跪伊做乜!
(起白) 刀劍雖利,不斬無罪之人。你是乜人卜力阮?
(淨) 只一後生句可惡。阮公差,林大告你拐走伊某(ㄙ),現有牌面在只,你看一看。
(生) 誰卜看你牌面?干礙我乜事!
(淨) 你夭箭,你是陳三。
(生) 誰是陳三?
(淨) 你是五娘。
(旦) 誰是五娘?
(淨) 你是益春。
(貼) 誰是益春?
(淨) 都箭去。
(末) 第二個(个)伊是謔你。
(淨) 來,後生的(个),我今年四十歲,當有四、五十年皁隸了,莫謔我。
(生) 障說,便是積年。
(淨) 閑話人說,誤力無誤放,力來去,乞你會不是,我著回你。
(旦) 官人卜做★(左人右再)得好?
【皂羅袍】
(生) 首領哥哥,聽阮告說。無奈何,千萬乞一面皮。犯姦八十有乜大罪。做一些仔人情,免阮受災禍。
(淨) 你都不聽見人說:快活霎時久,煩惱一厝間。來去,我袂管得。
(生旦) 送銀十兩為阮回去。
(淨) 天光間眾了一百兩,亦不敢放恁去,賣放罪,無人坐。
(生旦) 由伊卜監卜禁,由伊卜斬卜砍,乞阮三人做一處。
(淨) 你只人舊性不改,那因三人做一處,即會惹禍,又卜三人做一處。
(旦) 今到只處,乜見受苦。犯姦八十有乜大故,★(左人右再)得冤家離別路。
(生) 首領尊兄,將阮娘仔只頭上金首飾都乞你,并銀十兩,千萬做些兒方便,放乞阮走。
(淨末) 不准。
不合貪心圖謀,林大告你偷★(上毛下火)伊某(ㄙ)。現有牌票不差誤,有金不惡開走路。
好好,共我來去,免得我縛你。
(入) 歡喜未來煩惱到,一場恩愛水中流。
力只三人押返去,句有好事在後頭。(並下)



第四十四出   知州判詞
【菊花新】
(末上) 叵耐陳三可貪心,拐誘五娘情意真。牌差捕甲(鋪甲)去趕力,當臺審問實共虛。
懼法朝朝樂,欺公日日憂。前日牌差、捕甲曾經前去提獲陳三一起姦情,因乜不見回報?不免叫承行吏寫票,力原差多少是好。
(丑上) 人心似鐵,果然官法如爐。
(見官) 稟老爹,陳三一起姦情到了。
(末) 放過來。
(生旦貼上) 離除龍,沖著虎。心中受辛苦,匍匐府廳告訴。
(末) 陳三,過來,你是人養的奴婢,姦拐家長子女,不安為奴本分,甚麼道理?
(生) 告稟老爹,容小的分訴。小的因送大哥嫂廣南赴任,返來潮州經過,黃中志招小的進贅。後來輕遠就近,悔了這親,將五娘許與林大,是小的怪恨,要同五娘回家,不曾稟知。而今被林大誣告,望老爹詳情察理,斧斷冤屈,筆下超生。
(末) 黃中志是糧長之家,肯招你奴才進贅,這話胡說。
(介) 黃五娘上來,問你,你是良家子女,這等不才,怎麼和奴才走?這情從實說來,免我刑罰你。
(旦) 告稟老爹,容奴婢分訴:因父親先招陳三進贅,後來父親輕遠就近,悔了這親。是奴婢要同陳三回去拜望爹媽,不曾稟明,望老爹察情。
(末) 一片胡說,押在一邊伺候。(介)益春你是人家養的丫頭。你娘仔和陳三走,你應當與家長知,怎麼也同他一起走?想起來,只因由都是你這ㄚ頭做出這樣勾當。你好好說來。
(貼) 告稟老爹,益春做人奴婢,從小跟著娘仔,怎麼敢私情?因陳三同娘仔要往泉州望親,別甚麼事,奴婢不曉得是實。
(末) 這丫頭也不肯招認。左右來,上來挾起。
【漿水冷】
(貼) 告相公乞聽說起,因林大不中阮娘仔意,即共陳三結相知。荔枝為媒,益春證見。
(末) 賊婢仔胡說亂說七三八四。
左右,敲起來。
添上刑罰,收禁凌遲。
(旦唱) 打死益春,五娘替死。莫力三哥,胡相帶累(利)。阮三人,阮三人是鳥著答、虎落網,不得身離。
(貼) 小奴婢受不得刑罰(法),望老爹赦小的放生。
(末) 你從實說來,我一下不打;你不肯認定,要敲死你只丫頭。
(貼) 老爹,是年六月時節,娘仔和奴婢在樓上食荔枝。陳三騎馬(倚馬)樓下過,是我娘仔不合將荔枝、手帕包丟陳三。後來陳三不知何因,來五娘家磨鏡,將鏡打破,寫身為奴。後來是陳三同娘仔、小奴婢,要往泉州望親,別無甚事,奴婢不知因。
(末) 這是實情了。左右,放了益春,供明無罪放回。
(貼下旦白) 益春,你那府口聽候等我。
(末) 陳三,你好好俱認,免我刑罰你。
(生) 告相公乞聽說起,念陳三官蔭仔兒。我兄廣南做運使,西川知州阮叔便是。
(末) 貪心賊奴不知死,有乜官蔭你厝出世。你兄廣?南馬屎,你叔西川洗廁池。可無理,可無理。發去崖州(涯州)安置。
(生唱) 受虧苦,★(左人右再)得雲開見月時。
(末) 來,陳三,你是奴姦家長女,依律供來。
(生) 小的打破他鏡,將身為當他邊,怎麼作奴姦家長女?供狀虧了小的,老爹。
(末) 既是(見是)不供認(言),刑罰來!
(旦) 三哥你供去,免受刑罰。
(生) 罷罷,我供去。看只尾梢做★(左人右再)樣!
(供介) 供狀人陳三,年二十歲,係泉州府晉江縣朋山嶺後官籍。因送哥嫂廣南運使, 伯延是我親兄。歇在潮州驛內,因去賞燈閒行,遇見黃厝五娘,兩邊相看有情。一日騎馬樓下過,五娘掞落荔枝為定。思量無路得見,設計伊厝磨鏡,故意力鏡打破,賣身伊厝掃廳。後因言來語去,兩邊相愛有情,思見終不落當,相共走去泉城。林大得知來告,差人力到公廳。萬望老爹明鏡,依律斷問分明。並無捏詞情意,伯卿是我正名。情願所供是實,畫號簽名(僉名)。
(末) 左右,既是認了,與他畫招。
(丑) 犯人畫招。
(末) 畫招了,叫里老就簽長解發去遞運所,起解崖州(涯州)為民。且收監。
(生下末白) 林大過來,你要老婆,要銀子?
(淨) 小的不要銀,只要老婆。
(末) 你去寫領來,把婦人領去。
(淨) 小人就寫領來領去。
(旦) 老爹聽告,因對林大親,奴婢不願,才會弄出這事,急惱老爹。今把奴婢判還林大,奴情願老爹臺下死。望老爹替小的方便,筆下超生,萬代陰德老爹。
(末) 林大告你背夫逃走,理合從夫嫁賣。
(旦) 還未娶過門。
(末) 還未過門?這個(个)也是,替你開交也罷。
(生◎) 拿黃中志過來。
(外上末白) 黃中志,我本當要問你治家不正罪名,可憐你年紀老,七十以上,罪不加刑。當初林大送有幾多財禮上你門來?
(外) 送銀五十兩。
(淨) 老爹,送有一百兩。
(末) 黃中志,我依律問女家悔了親,財禮加倍還他,你討一百兩銀子,賠林大去自娶一個(个)好好小的老婆。這女子,中志你寫領子來領去,隨你嫁與別人去。
(外) 小的依老爹判斷,就去討銀子還他。
(淨) 娘仔共我來去,我不曉得,我不管伊乜事!
(淨拖介旦白) 死丁古,你向好命。
(末) 這蠻子好膽<打>,既賠你財禮,你又扯他,皁隸,帶出去。
(丑帶下末白) 拐誘發配去崖城,一宗文卷甚分明。
說著勢頭來押我,恐怕路上死你身。(並下)

















第四十五出   收監送飯
【水底魚兒】
(淨) 我是都牢頭,做人愛歐留。有人落(洛)牢門,定是落我鬮。騙得錢銀,諸般都齊到。返去還我都牢娘,叫我實是爻,叫我實是爻。
我做都牢有名聲,因人見我盡著驚。面前叫我都牢叔,背後叫我充軍兄。小人不是別人,便是潮州府司獄司內一都牢便是。莫說我牢內艱計(干計)冥日,無時得閑,那卜失誤走失一名,便著食賣放的罪。昨暮日有起人新收,說是姦拐事情,卜發配崖城。我不免喚出來,騙伊零錢薄鈔(泊鈔),多少是好。
(淨叫) 禁子(于),叫新收陳三出來。
(生上) 犯法身無主,生死由別人。
(淨) 恁是值處?
(生) 小人是泉州。
(淨) 跪落參見一下。
(生介哭跪)(淨) 雜種<干種>,到只處,腳骨句硬。你識讀書不?入公門,鞠躬如也。待我看只枷上硃語做★(左人右再)說。枷號:奴姦家長子女犯人一名陳三。不小可事。陳三,你可曉得我牢內這法度不?
(生) 小人曉得。
(淨) 既是曉得,親收錢提來乞我。
(生) 都未有便,待明旦家人來,就送都牢你惡。
(淨) 好驚人,我一時都袂等得,等明旦?古人見善化不得,新化有餘。未有入門棍度你,你句不畏。人叫著打騙,打著即有錢。
(生) 都牢叔,且諒(讓)小人,霎久(客久)有人到。
(淨) 烏龜雜種<十種>,且將就你,帶著你好漢,且入許輚內去坐,唱曲得桃。
(生) 乞阮那只外坐。
(淨) 莫莫,帶著你,許內乞你坐,不帶你,力去北監內,虎落山合你。
(生唱淨坐)
【銷金帳】
(生) 一更鼓,★(上毛下火)人心悶損,二更鼓催★(上毛下火)人心越酸。三更鼓又盡,無人通借問。四更過了,腳手冷成霜。五更人發擂,聽見人刑罰,實惡當。未知娘仔,伊今在值方?
(旦貼)
【金錢花】
叵耐林大無道理,叵耐林大無道理,力阮三哥送官司,力阮三哥送官司。姻緣事志實受氣。
(貼) 送碗飯去乞伊,送碗飯去乞伊,未知尾梢是★(左人右再)年?
(旦) 清早沿路來到只,清早沿路來到只,憶著三哥那好啼,憶著三哥那好啼。虧得伊身受凌遲。
(貼) 鴛鴦伴,拆兩邊,拆兩邊,未知尾梢是★(左人右再)年?未知尾梢是★(左人右再)年?
(旦) 人說相惜成相謔。
(貼) 果然恩深怨也深。啞娘且在只處立,等待簡進去叫門。
(貼叫) 開門!開門!
(淨介) 七早八晏,是乜人只外叫門?不免打出來去看。
(淨看) 是誰人?
(貼) 阮是後溝黃九郎舍,卜送飯乞阮官人食。
(淨) 行開去,莫只處鬧動。老爹卜升堂了,看見力去打你腳川(加川)。
(貼) 都牢叔,無奈何共阮開門。
(淨) 都是姿娘簡仔聲說,我不免只門縫裡看一看,好耍利,啞姊仔。
(貼) 共阮開。
(淨) 啞姊,你卜送飯度誰人食?
(貼) 阮送卜乞陳三官人食。
(淨) 那卜送度陳三食,我共你開,你肯叫我一聲翁不?
(貼) 好氣人,共阮開,不愛人白席。
(淨) 你不叫我翁,我句不共你開。
(貼) 死丁古,好惱殺人,一卜不叫伊,伊不共阮開;無奈何叫伊一聲司命翁。
(貼) 司命翁,共阮開門。
(淨) 只啞姊,你普請司命翁,愛割敲啞不起上。
(貼) 都牢吏,千萬共阮開。
(淨開笑介) 姊子,只即久都不來探恁大姊一下。
(貼) 恁大姊值時死,都失探。
(淨) 恁大姊在近即死。姨仔你可曉得俗人說?
(貼) 俗人說乜?阮不識。
(淨) 人說桃枝接李枝,姊夫接小姨。你大姊今死了,姨仔你來嫁乞我罷。
(貼) 不愛人茹啖。
(貼叫) 啞娘,入只內來。
(旦介)(淨) 只一位正是誰人?
(貼) 是阮啞娘。
(淨) 正是恁啞娘,來卜探誰人?
(貼) 正卜探阮陳三官人。
(淨) 伊監在北監內,袂得見伊。
(旦) 都牢,無奈★(上毛下火)阮去見伊。
(淨) 娘仔可曉得不?人說管山食山,管海食海。管東司(尸)食屎。你都那卜乾乾擂(雷),★(左人右再)會使得?
(貼) 啞娘,都牢伊愛恁銀。
(旦) 只一包三錢銀提乞伊。
(貼) 都牢,阮送三錢銀乞你買酒食,千萬★(上毛下火)阮去見阮官人。
(淨) 只個(个)卜度我買酒食,阮都牢娘討乜食,不著★(上毛下火)去寄和尚?
(貼) 那有即個(个),收去各處趁補。
(淨笑) 三返補成破襦,將就共你收,帶著恁姊。
(貼) 你都認親,見著銀都提。
(淨) 君子篤於親。恁丈那卜打不趁錢,甲恁姊食風放屁!
(貼) 人說千般好語不如錢,今★(上毛下火)阮來去見伊。
(淨) 不通許內去。
(旦) 做乜不通去?是★(左人右再)年?
(淨) 恁姿娘人不通入去,獄官看見愛力去幹人。
(旦) 望都牢做主。
(淨) 我有思量。
(旦) 卜做★(左人右再)(在)思量?
(淨) 你且只處立聽候,待我入去叫出來。
(淨) 陳三,人卜探你,出來討油火錢度我。
(生上)(生旦貼相看啼)(旦) 官人啞,你一身著阮帶累,受只勞冷。
(生) 娘仔啞,只是我身做身擔當(耽當),做乜是你累我?
(淨) 莫得啼哭,畏老爹知。
(旦) 都牢,恁且行開去,乞我說話。
(淨) 有話快說,畏老爹卜召你起解。天上人間,方便第一。
(下)(旦)
【玉交枝】
值處切起,所望共你結托卜一世。誰知今旦那只年,鴛鴦拆散分離。
(合) 咱(懶)今恰似船(舡)到江中補漏遲。一擔挑雞二頭啼。
(生) 你莫啼切,我只官司將會伶俐。那恨叵耐林大鼻,力我共你拆分離。
(合前)(旦) 官人,你乞我障累。
(生) 只是自做自當,做乜通恨你!
(淨上) 話說卜了未?簡切唱一二句。
(旦) 都牢,贈阮官人開一手扣,乞阮飼些兒飯。
(淨) 老爹有封頭,我做乜敢開。
(旦) 無奈何共(★(左人右再))阮開。
(生) 既不開,罷。
(旦) 有水一盆乞阮。
(淨) 水有。
(旦) 三哥,你只處坐。(唱介)
【香羅帶】
我君受只虧,著阮障累。頭毛又茹擘不開,削骨落肉得人畏。苦,那虧我君身無所歸。思量只處行看,恰是惡食黃連,甲我做★(左人右再)開嘴(口)。今卜離分開,雙人相看啼喃★(左口右雷)。
益春,討茶洗嘴(口)。
(貼) 茶在只。
(旦) 飯捧來。
(貼) 飯在只。
【香柳娘】
(旦) 勸我君食嘴(口)飯,勸我君食嘴(口)飯。莫苦心酸。寒冷腸飢做★(左人右再)當。
(生) 娘仔,我不食。
(旦) 我便朝送一碗飯乞你食,你卜不食,甲我卜做★(左人右再)過心!
你那卜不食,你那卜不食,越割我心腸。目滓流千行,官人一去一遠,官人一去一遠。虧我無可瞈,想我性命無久長。
(生) 娘仔莫苦啼切。
(丑) 禁仔,召(吊)陳三一起起解。
(淨) 陳三,長解召你起解。
(生) 娘仔啞,你返去,我卜起身。
(旦) 官人啞,★(左人右再)割捨得分離?
(生) 娘仔,無奈何。
(旦) 我送官人行上幾里。
(丑) 查某(ㄙ)莫得相纏,人卜起身。
(旦) 都牢,且寬一下。
(丑) 快行。
(下)


第四十六出   敘別發配
【駐雲飛】
(生) 今旦起程,值時得到崖州城?
(丑) 快行,免得發業。
(旦) 首領,我說乞恁聽。帶著阮人情。
嗏。
(丑) 須著趕路程。
(生) 乞阮說幾聲。
(丑) 你有好錢好銀,便(備)提來送我。
你有錢銀先提來乞我。
放緊行。
(旦) 拜覆<復>首領,待伊慢慢行。
(丑) 緊行。
【玉交枝】
(旦) 都牢聽說起,恁也曾做過後生,誰無私情事志?人情通做些兒,面皮莫放變。金釵一雙,送你做茶錢。
(丑) 只是金,也是銅?
(旦) 是阮頭上帶的,做乜是銅?
(生) 是多是少,收去莫向見。
(旦) 帶著我共恁同鄉里。
(淨) 向說,放緊說話,我店內去點心就來。
(淨下)
【生地獄】
(旦) 阮人情深都如海,膠漆不如阮堅佃。今旦障受苦,你今為阮受磨怠。我今千嘴(口)說不來,我今千嘴(口)說不來。
(生唱) 分開去,淚哀哀,未得知值日得返來?
(旦) 風颶天做寒,君你衣裳薄成紙,脫落衣裳共君幔。
(生白) 衣裳娘仔你穿,寒除娘仔。
(旦) 我那為君凍死,也卜乞人傳說我。
(又唱) 想起來好啼好哭,解落手帕共君包。崖州路遠卜值時到?我只處苦痛值處投?雙人相看目滓流,雙人相看目滓流。
【一江風】
(旦) 曾記得當初高樓上,荔枝掞你時。共你情深我歡喜,曾記得共你銷金帳內恩義。不料你共我拆散分離。
(旦指介) 冤家那怨林大鼻。
(生) 想起來我心頭悲,誤了你青春年紀。
(旦) 虧得我只處孤單獨自。咱(懶)今那拜天,咱(懶)今那拜天。咱(恁)夫妻值時會團圓?咱(恁)夫妻值時會團圓?
(余文) 娘仔你憶著我言語,千萬記得莫放除。
(旦) 夫妻今旦分開去,心頭★(左人右再)會不尋思。
(生旦哭介) 官人只去,千萬路上保惜身己(巳)。
(生) 那是一路在天邊,落遞去受苦,做★(左人右再)得好?那恨貪贓知州,虧人至甚。若見我兄,定不甘休。
(白) 今旦二人且分開,未知值日得相隨?但願只去見兄面,夫妻依舊成一對。
(丑) 快去,快去。
(生丑下)(旦啼貼上) 官人去遠了,啞娘且捍定。
【虞美人】
(旦) 我心頭苦切值時滿,恨狂風力我鴛鴦拆散。想三哥有乜快活,一身隔斷千鄉萬里外。一無親二無伙伴(火伴),伊怙誰早晚相叫候(孝),割吊我頭眩目暗,憂憂悶悶,心如刀割。一腹恨氣值時會花?
(貼) 啞娘莫切,官人說伊兄在廣南做官,只去定是會返。待簡去安排一杯酒,共啞娘解悶。
(旦) 便做羊羔美酒,★(左人右再)解得我?
(貼白) 不,待簡去討二個(个)飯,乞啞娘你食。
(旦) 龍肝鳳髓,食袂肥大(夭)。
(貼) 啞娘,便做官人去,那不返來了,畏無一人親像伊年?
(旦) 鬼仔說話,即來急我。
金馬玉堂,人心都不掛。
(貼) 是簡說一句話,可急惱啞娘。不,彼待簡抱檢妝來,乞啞娘梳頭。
(旦) 妝臺無心去看。
(貼) 不,待簡去收拾繡房,啞娘去睏<困>一睏<困>。
(旦) 金枕玉床,我無心去倚。值時見得三哥一面,即解得我心頭恨花?
(貼) 恁相惜如花似錦,常說恩深怨也深。啞娘,強企起來莫沉吟,整花冠梳起雲鬢。伊人有恁,恁即有心,姻緣到底會結親。莫苦切面青目腫,乜罪過收來未盡。
(旦唱) 眠床未透,枕頭生塵。
三哥,
值見有叫討無應?
(貼) 啞娘莫切,官人終會返來團圓。
(旦) 忽然滿面團圓,解<改>我心頭即輕。
狂風打散鳳共鸞,趙璧安知不復還?
(貼) 勸娘解除心頭悶,免得霜雪擁藍關。







第四十七出   敕陞都堂
【掛真兒】
(外) 一任廣南有名聲,忠心正直清如鏡。且喜今旦三年滿,百姓盡說太平。
下官陳伯延(必延)便是。蒙朝廷恩寵,除授廣南運使,一任清廉,百姓歡喜。今旦且喜任滿了,不免收拾行李起身。
(淨) 有事不敢說無,無事不敢說有。朝廷使命送詔書來了。
(外) 左右,扛龍亭接詔。
(末) 一封天子詔,四海盡知聞。詔書到,跪聽宣讀:切見建官推賢,古之道也。今廣南運使陳必賢,治事清廉,文武兼備,六藝精通。朕實嘉勉。轉升都御史,敕賜廣南,便宜行事。但文武官三品以下,貪贓枉法,聽從拿問,免待奏請。聖旨了也。
(外) 感謝聖恩。
(末揖) 恭喜,恭喜。
(外) 有勞遠來,請下館驛待飲。
(末) 正是相逢不下馬。
(外) 果然各自歷(力)行程。
左右,請得夫人出來。











第四十八出   憶情自歎
【齊雲陣】
(旦) 恩愛果然生煩惱,好物從來不條勞。人去崖州值日到,恰是風箏斷除索。悶來憶著心焦躁<憔燥>,切得我相思病倒。
空房寂靜恨夜長,花向窗前豔色妝。不是妒嫌花粉少,那因憶著有情郎。自三哥分開去後,夜日掛懷,不知伊路上★(左人右再)樣?書信不通,攃人乜計心悶。
【四朝元】
憶著情郎,相思病損。幾番思量,腸肝寸斷。空房障青荒,秋月分外光。又逢障般光景,怨殺冥昏。鴛鴦枕上,目滓千行,長冥不得到天光。起來細尋思,君配崖州,路頭又長。聽見孤雁聲憔悴,引惹人心酸。坐來越心悲,拙時瘦怯,平坦梳妝。
(內唱) 嗹柳★(口良),★(口良)柳嗹,嗹啞柳嗹★(口良)柳嗹啞柳,柳★(口良)嗹。
【傷春令】
(旦) 春天萬紫千紅,妝成富貴新氣。看許開的、含的、畢目的、謝的,都是東君擺布生意。黃鶯飛來在只綠柳嫩枝,調舌弄出好聲音,黃蜂尾蝶,雙雙對對。飛來在只花前,採花遊戲。記得去年共君行遍只滿園,收拾盡春光景致。手摘海棠花一枝,輕輕倒插君鬢邊。君伊半醉又半醒,相扶相挨,去到太湖石邊。見許牡丹花含笑,見許牡丹花含笑,羅列在只前前後後,親像我共君相★(左手右上ㄊ右下廾)不相離。今旦日雖有障般光景,空落得我賞春人獨自。恨東君可見薄情,伊知我傷悲,故意做出障般天時。又使得杜鵑、燕仔,一個(个)聲聲許處啼。怨一時雙雙飛
【生地獄】
(內唱)
城樓鼓打初更,自君出去,眠房清冷。是我前世欠君債,今旦收來孤過冥。殘燈挑盡,且力羅帳放下,障般煩惱,切人成病。二更三點鐘碼(鍾嗎),繡出牡丹,無心去整。且力針線收拾去宿,看見孤床枕不端正。仔細思量,腸肝寸痛。更深寂靜,月落西斜。三更月,暗西廂。後花園內露滴芭蕉,分明聽見我君叫。心頭恍惚,好親像,開窗看不見。正是風吹葉搖擺柳梢(稍),凄慘心焦。拔破紅羅帳,聽見四更鼓陳,夢見我君入到眠房,牽著君手不甘放。翻身一轉,力君來攬。鴛鴦枕上,一般情重。驚惶(惺)醒來,是我狂夢。五更靈雞又啼,七夕欹斜,珠星又起。西風一陣,★(上毛下火)(攃)人疑。孤單帳內,那我獨自,仔細思量那好啼。君你莫做虧心行止,莫乞外人較(教)議。
(內唱旦介) 嗹柳★(口良),★(口良)柳嗹,嗹啞柳嗹★(口良)柳嗹啞柳,柳★(口良)嗹,柳柳★(口良)嗹。
(旦)
【越獲引】
紗窗外,月正光。我今思君心越酸。記得當元初時,共伊同枕同床。到今旦分開去障遠。伊是鐵打心腸。料想伊未學王魁負除桂英,一去不返。待我只處目瞈成穿。長冥清冷,無人通借問。咱(懶)身起倒,冥日枵(夭)飢失頓,無意起梳妝。為君割吊,顏色瘦青黃。
(又唱) 三更鼓,翻身(番身)一返。鴛鴦枕上,目滓流千行。誰思疑(宜)到只其段。一枝燭火暗又光,更深寂靜(什靜),冥頭又長。聽見孤雁長冥飛,不見我君寄書返。記得當原初時,恩義停當。共伊人相惜,如蜜調糖。恨著丁古林大,力阮情人阻隔在別方。值人放得三哥返,千兩黃金答謝伊不算。投告天地,保庇乞阮兒婿返來,共伊同入花園。
【尾聲】
舊債鴛鴦必須還,鐵球(毬)落井終到底,有緣分相見願即還。
今旦無計會,★(左人右再)得阮心開。不免叫益春出來,共伊思量,寫一封書,討些兒衣裳,叫小七送去路上尋伊,也表得阮姿娘人有一點真心。
(旦叫貼上)
【勝葫蘆】
娘仔拙時都無意,坐繡房畏八死,且喜官人無事志。聽見叫,因勢行到廳邊。
(見介)(旦) 來啞,益春,我只處正悶(問),你說官人無事志,故意來謔我。
(貼) 簡做乜敢謔啞娘?官人只去必見伊兄,返來共娘仔依原相見。
(旦) 賊婢,是誰障說?我今卜共你思量,使小七送些兒銀共衣裳,趕去路上還伊,通去不?
(貼) 啞娘只話說是。
(旦) 你去共我叫得小七收拾,便帶筆硯來,我卜寫書寄去。
(貼下旦介)
【一封書】
(旦) 薄緣妾黃五娘,一封書信專拜上。自別後,減顏容,朝思暮想倍淒涼。恩情總在不言中,海枯石爛情意無窮,生不相從死亦從。
益春,書寫了,共我叫小七出來,我分付伊。
(貼) 小七,啞娘叫你。
(淨上旦白) 小七,你收拾完了,因勢起身。明旦倒來,我卜甲阿公現一某(ㄙ)乞你。我只內銀五兩,衣裳一套,書一封,你連冥趕去。官人伊是落遞其人,你為我透冥趕(計赴)去定見,須著見官人面,暗靜還伊。長解知了騙伊的(个)。
(淨) 小七因勢起身。
【四邊靜】
拜辭啞娘(呵娘)便起里(理),一路恰是風送箭。
(旦) 得見恁官人,共伊說就裡。
(合) 崖州一路,遠如天邊。願(頭)得早返來,燒香投告天。
(旦) 你去路上著細膩,用心尋卜伊見。上覆(福)恁官人,千萬惜身己。
(合前) 書信衣裳親手封,薄幸佳人致意濃。
情到不堪回首(手)處,一齊分付與東風。




第四十九出   途遇佳音
【四朝元】
(潮腔) 腳酸袂行,首領莫做聲。為著私情,拆散千里斷形影。伊許處被雲遮,我只處隔山嶺,我只處隔山嶺,樹林烏暗★(上毛下火)人驚。猿啼共鳥叫,哀怨做野聲。越添我心頭痛。嗏,那為五娘仔乞人屈斷,配送崖州城。腹飢飯又袂食,無處通可歇,怨切身命,怨切身命,目滓流落,無時休歇。
【皂羅袍】
(生) 自恨一身遭貶,家鄉隔斷路八千。到只其段,誰解倒懸,紅粉佳人總無緣。
(丑) 只一嶺正是秦嶺,四時雪擁藍關地,方信文公馬不前。
(生) 原來秦嶺正是只處。當初韓文公遭貶到只處,被霜雪凍。後來得伊孫湘子,力雪掃過此嶺去。
雲橫秦嶺,惡遇韓仙。腳痛袂行,心危倒顛,正是雪擁藍關馬不前。
【望吾鄉】
(丑) 你莫閑聲共閑氣,我一身著你障累,過盡(監)千山共萬水,某仔(ㄙ仔)後頭受腹飢。
(生白) 望首領,莫急氣,帶著阮你相偎隨。
(丑) 兄弟,我實辛苦,有酒買一瓶食。
(生) 首領兄,你且歇睏<困>,待阮買一瓶酒共你食。
(丑) 好,恁大家都歇一下。我也是好人,莫怪我。
(生) 你是官差,做乜怪你?
(淨)(上)
【望吾鄉】
收拾因時便起里(理),天塘舖近在赤麻山邊。鳳嶺先登,桃山里過了便是白塘舖司,靈山驛潮陽市。緊行上趕過去,龍井溪店歇下冥。
走得好辛苦,一舖又一舖。做緊走來去,恐畏日無晡。
(淨看介) 前頭一位官人,好親像官人,不免趕過認一認。
(淨見) 正是阮官人。
(生) 小七你慌慌忙忙(荒荒忙忙)趕來,乜事?
(淨) 直來報消息。
(生) 報乜事?你啞娘可好不?
(淨) 通說無,啞娘那從(全)共官人分開,乞阮啞公冥日罵切,去吊死除!
(生) 天亞,虧娘仔為我送除性命。
(淨笑) 句未死。
(生) 小七,你做乜通騙我!
(淨) 我試看官人,你痛阮啞娘不?
(生) 我做乜不痛伊?
(淨) 阮啞娘為你頭不梳、面不洗,苦切成一乜樣。
(生) 啞娘可會食袂?
(淨) 袂苦,食一頓食二碗,添一碗。啞娘直使小七送一封書、一套衣裳來,卜還官人替換。
(淨背旦白) 阮啞娘句有二十兩銀,卜還官人只路上使用,甲你莫乞長解知,許烏龜了騙你的(个)。
(生) 感謝恁啞娘。
(淨介生讀前一封書) 小七,我今寫一封書,還你帶返去探恁啞娘。
【一封書】
陳伯卿,書拜稟,上覆五娘有情妻。一路來受艱辛,遇著我簡兒,報說我兄升都堂御史,查勘軍民。想我只去定相認。如書到日,以代親陳,返來琴絃須再整。
小七,書寫便了。
(末上)
【望吾鄉】
跟隨大人廣南市,不覺又三年。今旦使我返去報喜,心忙(望)走如箭。一里過了又一里,人說回馬不用鞭。
許(詩)一人好親像阮三爹,那卜是,因乜障般行來?好可疑,不免近前看一看。原來<元來>都是三爹。
(末生臨白) 管義,你值來?
(末) 簡在廣南返來。
(生) 起來。
(末) 三爹因乜做障行來?
(生) 我在潮州為姦情,知州力阮發配崖城。
(末) 乜人管解?
(生) 有長解在只。
(末) 只正是(王是)長解賊種,好膽<打>。
(生) 伊是官差,莫打伊。
(丑) 無你勸,都乾(干)乞伊打。
(末) 只一位是乜人?
(生) 是五娘仔簡仔,送衣裳來度我。
(末) 阿兄,煩動你來。
(淨) 莫動手。官人,只一人正是誰?
(生) 只正是跟阮大人做官的(个)。
(淨) 我見即驚人。
(生) 大人做官,拙時都好?
(末) 恁大人官升都御史,敕賜劍印隨身,欽差各府查勘官吏。比三品以下官員,不公不法者,聽從拿問,不待奏請。今先使我先返去,報乞老大人得知。大人隨後起馬,諒(量)也卜到。
(生) 且喜共我哥相見有日。
(介) 你先返,報乞大人得知。
(末) 啞!
(生) 小七,只一封書送返去度恁啞娘,甲伊莫煩惱,我兄又升都堂了。
(淨) 許阮啞娘又好得桃。
(生) 小七,即零碎銀乞你路上去買物食。
(淨) 啞娘有銀乞小七,不使。
(生) 既有也罷。
(入白) 封書寄與黃五娘,虧伊許處受虧傷。
只去定是見伊面,便得一身早落場。(並下)




第五十出    小七遞簡
【臨江仙】
(旦) 憶著情人★(左人右再)奈何,鴛鴦拆散討無伴。
(貼上) 障般苦,冥日割,橫在心頭★(左人右再)得花。
(旦) 憶著情人隔值方?四壁蟲蛙(★(左虫右道))畏聽聞。小七只去未見返,枉屈冥日割心腸。
(貼) 啞娘莫苦發業。官人常說,廣南運使是伊親兄,四川知州是伊叔,想去也無事。簡在街上去,人盡說乜運使升上都堂御史,官府盡差人等接,必定畏是。
(旦) 益春,許那卜是,豈不(起不)歡喜!
(貼) 啞娘,那卜是,許是啞娘有慧眼<橫眼>。
(旦) 雖是障說,目前句★(上毛下火)(攃)人煩惱。
【雙鳳飛】
(旦) 忽然聽見小七叫聲,卜是我君有書信返,連忙趕去看。有一孤雁飛過一影。伊是無伴,即叫慘聲。憶著伊人,腸肝寸痛。早知相見障惡,不如共伊去行程。
(淨末) 盤山過嶺,路途阻涉(粗涉)實惡行。今旦且喜官人只去遇伊兄。封書寄返,再三上覆阮娘仔。小七返來,雙腳變做四腳行,雙腳變作<做>四腳行。
【尾聲】
一路恰是風送箭,正是回馬不用鞭,二人趕到那霎時。
(小七白) 啞兄,只是阮舍了,你只外等待,我入去共阮啞娘說了,即請你入去。
(入見介旦介白) 小七,你返來了,曾見官人啞不?
(淨) 通說,那撞見長解,說官人一路受苦袂當得。又著一白賊仔騙伊說,呵娘乞啞公罵,去吊死除,伊切去咬舌無命。
(旦) 天啞,卜做★(左人右再)得好?
(淨) 啞娘未死,我那是騙你。
(旦) 斬頭,我怙你如怙天,你做乜通騙我?
(淨) 小七試看啞娘句痛官人不?
(貼) 睛盲頭(青冥頭),啞娘使你,你做乜通騙啞娘?
(淨) 我看你句痛我也不?
(貼) 我痛袂得你死!
(旦) 閒話且莫說,官人★(左人右再)樣了?
(淨) 今官人且喜,伊兄家人在任來撞著恁官人,說伊兄升都堂了,即共小七一齊來,也帶有書來探啞娘。
(旦) 今伊家人在值處?請伊入來。
(淨) 啞兄,啞娘卜請你入去。
(末拜旦白) 免拜,起來,路上辛苦。你路上撞著你三爹,可有乜話說無?
(末) 阮三爹再三分付,甲娘仔莫煩惱。伊今只去見阮老爹,不使七、八日便返來,句有一封書在只處探娘仔。
(旦) 小七,去討湯洗腳,討飯食,伴伊得桃。
(末白) 管義下去泉州報喜,緊緊,恐畏大人隨後就到,不敢遲慢。
(旦) 既然障說,明旦早乞你去。
(末下旦讀前一封書) 謝天謝地,且喜共伊相見。
(貼) 啞娘,今且喜。
(旦) 益春,當初說伊兄做官,恁句不信,今旦果然是。
(貼) 簡見啞娘你結交的(个)也無怯人。
(旦) 鬼仔整話?
(白) 夢裡憶著有情郎,接著封書心不酸。
返來琴弦須再整,鴛鴦雙雙同一床。




第五十一出   驛遞遇兄
【風儉才】
(淨) 十品驛官是驚人,遞官接使不胡忙。錢銀無通乞我趁,誰人知我障艱難。
小官便是北山驛丞,今旦馬上牌來報,泉州陳運使今升廣南都堂。今旦只處經過,必須備辦夫馬聽候。
(丑淨生上) 三爹,只處正是北山驛,必須著進去交遞。
(丑) 稟老爹,潮州府一起犯人交遞。
(淨) 叫過來見。
(生) 立在屋簷下,怎敢不低頭。
(生跪淨問) 有大批,接上來看。
(丑) 有大批在此。
(淨) 接上來。
(淨讀末報) 稟老爹,陳都堂起馬來得甚緊。
(淨) 犯人且收在遞運使。
(生丑下末上白) 有福樣人人伏事,無福樣人伏事人。小人不是別人,便是陳大人手下,今旦大人卜返去。說都未了,大人來到。
【婁婁金】
(外) 今旦身富貴,衣錦返鄉里。欽委諸州縣查勘官吏,豪霸刁民不饒伊。人盡說,我是太白金星。
只處是值驛正,都無一人等接?
(末) 只正是北山驛。
(淨上跪介) 驛丞接爺爺。
(見介三合) 你是北上驛驛丞?
(淨) 是,老爹。
(外) 起動你遠接。
(淨) 不敢。
(外) 你只鄉村驛所,不比州城所在。今旦我趕路來辛苦,夜間不許人打攪我。
(淨) 喏,聽爺爺法度。
(外睏生唱)
【銷金帳】
一更鼓轉,惹人心悶損。二更鼓打,思量心頭酸。三更鼓催,腸肝做寸斷。四更鼓盡,無人通借問。五更卜發擂,刑罰實惡當,未知娘仔在值方?
(外介白) 左右開了門,叫驛丞進來。
(末叫淨上)(外) 這老狗好膽<打>。
(淨叩頭) 驛丞不敢。
(外) 我昨晚分付,叫你不要與閒人打攪我,我睡到三更時節,是甚麼人則管哀哀哭哭,一夜到光?
(淨叩頭介) 無有,爺爺。
(外) 采下打這老狗。
(末)(打介)(外) 我曉得你這驛丞都有欹媿,但有上驛解有犯人到驛,你愛騙他銀子,不肯起解。將他百般鎖打,整夜(井夜)哀哭。
(淨) 告稟爺爺,昨晚有一起犯人,是不曾起解,敢在遞運使裡(里)。
(外) 哀哭定有冤屈。叫來,我問伊(他)。
(淨叫生上)(外) 左右把大門關上。
(生) 哥哥,救伯卿。
(外) 伯卿,你為乜事,做只樣行來?
(生) 小弟那自送哥嫂到任,返來到潮州,因共黃五娘姦情,被林大誣告。知州貪贓,不聽人分訴,力小弟問發去崖州。今望哥哥救小弟。
(外)
【剔銀燈】
急得我心頭火起,不長進(掌進)做障行誼(儀)。我做官,爹媽怙你奉侍,誰知你交三惹四。全不顧家後事志,看你一身卜做★(左人右再)得辯<變>?
(生唱) 告哥哥聽說起理,那因去到潮州市。因五娘惹出事志,恨知州全不帶著些兒。望哥哥,救小弟殘生。
(外) 不長進畜生,隨你去,我再不理你。
(生) 哥哥,救伯卿性命。
(外) 左右,請夫人出來起身。
(貼上) 見相公著急是因乜,小心近前,來問因依。
(生叫介) 嫂嫂救伯卿。
(貼) 是誰?原來<元來>是三叔。因乜做障行來?
(生云前白貼白) 三叔,你哥哥心性如火。三叔且退,待我勸伊,伊定回心轉意。
(貼見外白) 相公莫得性緊,想姦情也是小可事。
(外) 夫人,只樣不長進小叔,你莫管伊,隨伊去擔當。
(貼) 告相公,聽妾說起,須念同胞兄弟。便做姦情,小可事志。叵耐知州,不帶著你些面兒。
相公既是讀書,都不識楚昭王渡江故事。
(外) 我不識。
(貼) 當初楚昭王,棄妻子憐兄弟。
(外) 許是古時人,我不學得伊(仞)。
(貼) 王祥、王覽相爭替死,打虎須著親兄弟。共(★(左人右再))伊解圍(改為),莫乞外人議論恁兄弟不是。
(外) 夫人啞,比我也是障問,朝廷法度,誰敢挪移(勞移)。我不認伊。
(貼) 相公,今卜返去厝見恁爹媽,說三叔送恁到任所,今值去了?卜做★(左人右再)應爹媽?相公聽阮勸,認伊也罷。
(外) 夫人請坐,我自有主意。叫得伯卿過來。
(貼) 三叔,近前來見你哥。
(生見外白) 伯卿,你許時都不提起我名字。
(生) 小弟也說,知州受財,全然不睬(采)。
(外) 叵耐知州好無道理,都不存我面皮些兒。到許時,做★(左人右再)得辯<變>?
(貼) 相公,今有乜主意?
(外) 夫人,只知州無禮,我著人就去提來拷問發落伊。
(入白) 紅旗照日氣蒼蒼,那見鑼鼓鬧玎璫。
只去罷了知州職,顯得陳三兄有功。(並下)




第五十二出   問革知州
【掛真兒】
(外) 身受朝廷大褒恩,職位務要著清勤。查勘各府州縣官吏,名聲傳說滿乾坤。
都堂御史有名聲,懲除奸惡鬼神驚。斷決刑名無私意,今日巡撫到潮城。
左右,恐有乜官進院參見,不許阻擋,須著通報。
(知州上丑稟) 知州進院。
(知州 . . ) 潮州知州趙德參拜老爹。
(外) 你是知州趙德?
(末) 是。
(外) 趙德上來。
(末) 啞。
(外) 陳三犯姦拐事情,不行伸詳,擅自問他發配崖州,是何道理?
(末) 容小的說:陳三是黃中志家雇工人,不合姦拐家長子女,被林大告發,是知州從重問擬。
(外) 陳三是官家子弟,憑那裡問他為奴?我曉得了,你受林大買囑,故入人罪。
(末) 沒有這情。
(外) 左右,去了知州冠帶。
(末) 實沒這情。
(外) 林大上來,我問你,多少銀子送與知州?從實供來。
(淨) 老爹,一些沒有。
(外) 左右,把林大挾起來。
(丑) 啞。
(外) 不從實供來,活打死你。有啞沒有?
(淨) 有,有。
(外) 多少送他?
(淨) 不多,百兩。
(外) 放了挾煞(殺)。
(丑) 啞。
(外) 趙德,你不合受財,故入人罪。官吏貪贓(聞贓),罷問革為民,贓銀入官,發落府監,候奏聽(請)定奪。
(末) 老爹開生路,與小的走。
【剔銀燈】
(外) 叵耐你做可不是,力姦做為盜問擬。貪贓官吏卜做乜?你性命合該凌遲。
(合) 得□□□□名字,卜貪贓今旦便見。
(末) 是知州做可不是,全不知三爹是機宜。今旦有嘴(口)通說乜?望大人乞救殘生。
(合前)(淨) 恨我命乖通說乜?送錢禮現某(ㄙ)不識某味(ㄙ味)。今旦落泊受凌遲,望相公乞救殘生。
(合前)(外) 左右,把知州發本府監候。
(末下外白) 林大上來,你不合用銀打點衙門,又不合誣告人,死罪律反罪,坐罪減等,發去邊遠充軍。
(淨) 望老爹赦小的。
(外) 采下打四十板,就發本府起解。
(淨哭下介) 吾愛人說為之生,我今為之死,為之充軍,為之罰米。
(末扮使臣) 一封天子詔,四海盡知聞。詔書到,跪聽宣讀:切見都堂御史陳伯延,申奏親弟陳伯卿,桑林花下,不告而娶,該杖(仗)八十。離異發回寧家。幸蒙龍顏大喜,見得伯延先冶其國,後治其家,赦免伯卿前罪,夫婦團圓完娶。另(仍)賜冠帶榮身。知州趙德貪贓,合問為民。林大用銀打點,發去充軍。聖旨了也。
(外) 謝聖恩。
(末) 正是相逢不落馬。
(外) 各自辦行程。
(末下外白) 叫得巡捕過來。
(丑)(上跪)(外) 你替辦羊酒、表裡、花紅,送去九郎家。對他講,明日要與三爹完親。
(丑) 啞,小的就辦,不敢違誤。
(外) 知州貪贓問為民,林大打點誤了身。(並下)

















第五十三出   再續姻親
【慢】
(丑上) 仔兒今旦得成雙,銀臺蠟燭(臘燭)滿廳紅。有緣千里終相見,無緣對面不相逢。
昨暮日(莫日)海陽(海洋)知縣送聘禮來,說今旦伯姆同仔婿卜來★(上毛下火)我仔共伊返去。不免分付益春,安排筵席等接。
(貼) 水濁未知鰱共鯉,水清方見二般魚。
(丑) 益春,筵席安排便未?
(貼) 安排便了。
(貼上)(慢) 今旦再續只姻親,畫錦堂開孔雀屏。
(丑) 姆姆請入。
(貼) 只正是親姆。
(生) 正是。
(見介)(丑) 勞煩遠來,有失迎接。
(貼) 親姆失禮。
(丑) 益春,請恁啞娘。
(旦) 得見我君心歡喜,樂昌鏡破再團圓。
(見介)(丑) 小七,討酒來把盞。
【撲燈蛾】
(旦) 殷勤致意拜姆姆,准做親仔整治<成遲>。念阮出世荊布寒微。
(貼) 只姻親都是前世。
(丑) 感恩德重如天。
(貼) 結草銜環(含環),報恁恩義。
(合) 花謝再開,月缺再圓。
(生) 天生咱(懶)一對夫妻,願卜百年。
(丑) 寒親卑微,淡泊荊布裙衣,閑言語萬勿提起。
(余文) 恁今一門都親誼,錦被那遮勿輕棄。
(生) 富貴雙全真無比。
(貼) 一家轉去再團圓。
(入) 錦堂銀燭豔色鮮,洞房春意自無邊。
今日花開昔日蕊,新姻緣是舊姻緣。





第五十四出   衣錦回鄉
(末) 富貴必從勤苦得,男兒須讀五車書。今旦大人合家返來厝。說都未了,大人到。
【步步嬌】
(末生旦貼) 恁今返去本州城,乞人傳名共說聲。恰是光業鏡,十分光彩十分明。轎(簥)馬相趕力,遠處官員等接迎。
【江兒水】
享福不勞彰(那章)。嘴(口)食俸祿,雙馬符驗返家鄉。合家富貴不如常,腰頭金帶綠公裳。今旦相共轉家鄉,拜見爹媽,歡喜一場。
【五供養】
五鋪一驛,水路站船馬共車,官員軍民遠接迎。祖宗積德好名聲,乞人傳說滿州城。恁今同姒(事)卜相痛,賽過姊妹弟共兄。
【尾聲】
富貴若不返故里,恰是衣錦冥時行。大家慶賀太平,大家慶賀太平。
(入) 等接軍民沿路排,百官迎送滿城知。
今旦返去宣恩德,明日遊馬賽蓬萊。






第五十五出   合家團圓
【菊花新】
今旦仔兒返鄉里,夫妻二人心歡喜。一家富貴是無比,算來都是前生前世。
銀臺蠟燭滿廳中,今旦仔兒返家門。府縣差官去等接,恁舍富貴是十全。
(末) 老的(个),昨暮日本縣差官來報說,恁仔又升都堂了。又說乞恩伯卿,冠帶(官帶)榮身,早晚定是到。
【四句慢】
(外生旦) 今旦返來心歡喜,得共爹媽相見。夫妻相隨返鄉里,恰是光月再團圓。
(見拜)(介白) 謝天謝地,一家骨肉團圓。
(丑) 只一位新婦,值處的★(上毛下火)來的(个)?好親淺,乞我斟一下。
(外) 正是仔在潮州王長者厝,共伯卿娶來的(个)。
(丑) 好仔,今旦一家團圓。
【排歌】
祖宗富貴是無比,一家都團圓。算來都是天注定,一分無由人排比。
(合) 花再開月再圓,滿廳彩色乜標致。相慶賀,笑微微,一家安樂拜謝天。
(末丑)
【撲燈蛾】
筵席安排起,大家醉微微。酒淋衫袖濕,花插帽簷欹。合家團圓修(收)陰騭,留傳後世。一家大小都在只,兄弟和順值萬錢。
【尾聲】
悲歡離合有四字,頭著分開尾團圓。乞人編做一場戲,合家安樂拜謝天。
(末) 一家富貴感上天。
(丑) 衣錦回鄉再團圓。
(外) 林大發配崖州去。
(貼) 知州貪贓罷職還。
(生) 寶鏡重圓今日會。
(旦) 荔枝為記兩意傳。
(淨) 潮陽隔別千山外。
(合) 閩泉會合舊姻緣。

0
显示全文

查看更多有趣的豆瓣小组

回应 (1条) 只看楼主

  • HUAIHAI
    http://cls.hs.yzu.edu.tw/lm/langu/Syn_next.asp

    荔镜记,字词解释。
添加回应

推荐小组

值得一读

    豆瓣
    我们的精神角落
    免费下载 iOS / Android 版客户端
    App 内打开