>
采花贼迈克 采花贼迈克 2034成员

20170925 克社會 執葉律師疑雲

phoxtail 2017-09-25

有人恨做藍波,有人恨做藍保,戲路縱使南轅北轍,只要按部就班畀心機朝願望邁進,前者在文壇洛陽紙貴,後者於戰場大殺四方,文有文韜武有武略,我們都應該衷心恭喜,講聲有志者事竟成。然而字都唔識多個,除褲搞基又耍手擰頭,卻偏偏蓄意向法國詩人看齊,則未免流於拉牛上樹,夾硬抄幾行斷句當係自己心血,徒然令人肉緊;同樣道理,一嚿腹肌突圍而出,擺出指天篤地姿勢毫無史泰龍man到爆風範,反而似《周末狂熱》海報上身材走樣的尊特伏達,好心就咪學人周街狂灑第一滴血啦,笑你乸型嫌影衰同志,讚你勇敢又太口不對心。至於口口聲聲話自己信耶穌基督,屋企居然大搖大擺供奉觀音像,眼尖的圍觀者還找到疑似養鬼仔證據,滿天神佛各師各法,雖曰拜得神多自有神庇佑,叫三飛食糊機會較高,咁嚟實踐大愛同盟,好似真係的確有啲唔係幾好囉。
充大頭鬼不錯能夠自我陶醉,自欺卻未必可以順手欺人,呢嗱,實事求是的業餘福爾摩斯係咁意寫兩封電郵向有關當局諮詢,謊言就瀕臨穿煲,講完「殺無赦」就話強詞奪理否認啫,白紙黑字我問你點抵賴?繼英國及威爾斯,獅城律師會也找不到此人執業資料,網民估計「最大可能性是他有註冊而沒有執業資格,或用了一個一般人估不到的名字在新加坡登記」,想像力豐富的camp精立即...

有人恨做藍波,有人恨做藍保,戲路縱使南轅北轍,只要按部就班畀心機朝願望邁進,前者在文壇洛陽紙貴,後者於戰場大殺四方,文有文韜武有武略,我們都應該衷心恭喜,講聲有志者事竟成。然而字都唔識多個,除褲搞基又耍手擰頭,卻偏偏蓄意向法國詩人看齊,則未免流於拉牛上樹,夾硬抄幾行斷句當係自己心血,徒然令人肉緊;同樣道理,一嚿腹肌突圍而出,擺出指天篤地姿勢毫無史泰龍man到爆風範,反而似《周末狂熱》海報上身材走樣的尊特伏達,好心就咪學人周街狂灑第一滴血啦,笑你乸型嫌影衰同志,讚你勇敢又太口不對心。至於口口聲聲話自己信耶穌基督,屋企居然大搖大擺供奉觀音像,眼尖的圍觀者還找到疑似養鬼仔證據,滿天神佛各師各法,雖曰拜得神多自有神庇佑,叫三飛食糊機會較高,咁嚟實踐大愛同盟,好似真係的確有啲唔係幾好囉。
充大頭鬼不錯能夠自我陶醉,自欺卻未必可以順手欺人,呢嗱,實事求是的業餘福爾摩斯係咁意寫兩封電郵向有關當局諮詢,謊言就瀕臨穿煲,講完「殺無赦」就話強詞奪理否認啫,白紙黑字我問你點抵賴?繼英國及威爾斯,獅城律師會也找不到此人執業資料,網民估計「最大可能性是他有註冊而沒有執業資格,或用了一個一般人估不到的名字在新加坡登記」,想像力豐富的camp精立即懷疑,條友沉迷打基之餘仲熱衷玩同音字,會唔會用咗「棍妖」去註冊啊?執葉律師疑雲,令我想起小時候親戚問「畢咗業未」,謙虛的家長總笑笑口代答:「畢咩業吖,用泥鏟去潷葉就有佢份。」
0
显示全文

查看更多有趣的豆瓣小组

回应

还没人回应,我来添加

推荐小组

值得一读

    豆瓣
    我们的精神角落
    免费下载 iOS / Android 版客户端
    App 内打开