萧伯纳同超人哲学

天猛公胡安
2019-01-09 看过

萧伯纳,20世纪上半期英国有名白左,为s同时代左棍奉若神明,1933年曾来华,同多位“民国大师”有交往或过节

萧伯纳个优点是老明显个:伊个观点从来始终如一,伊个标准从来弗曾改变。意志薄弱个粉红同意志薄弱个保守分子真正延边(吓怕)伊,就是因为个一点:伊个天平虽然质量一般般,但始终好保持平衡,伊个法则虽然可信度一般般,但总好公正实施。假使伊讲自家弗欢喜无法无天,个么伊就会同样对个人主义者个无法无天同搜修斯塔个无法无天同样厌恶,假使伊表态弗欢喜爱国主义个狂热,就会对英国人个爱国主义同爱尔兰人个爱国主义同样抨击。

萧伯纳表面浪比较放荡、充斥三俗个幽默,看上去是个善变个人,但我好讲,我完全好预测三十年之后伊会讲啥内容,伊会重复自家老早讲过个概念。有辰光,我想象在拉三十年之后碰到萧伯纳,对伊讲“当然,我伲永远弗好对女性进行言语攻击。”,伊必定会举起伊干枯个老手,拿我击倒在地。同伊相比,朝三暮四,信口雌黄,看上去虔诚,一肚子坏了个内阁大臣们、政客们,才当真弗好相信同预测,伊拉道貌岸然个背后,是更加冇啥原则个。

同萧伯纳发生冲突个人会认为萧伯纳由十张面孔,事实浪,这并非伊神通广大,而是因为伊能够有的放矢,命中对手个要害。

客观、合理去看待萧伯纳,我伲好发现,伊身浪有一眼品质邪气出跳。但萧伯纳个缺点更不好忽视,这种缺点是决定性个毛病。

我伲反对萧伯纳吹嘘个哲学,原因老简单:迭个哲学表面浪赋予人自由,教唆社会:倷拥有一切自由!却从来弗允许伊拉有立法个自由,个能又有啥意义哉?构成一个自由民族个标志,就是立法个自由。同样,萧伯纳哲学告诉人有一切自由,唯独冇归纳个自由,又有啥意义哉?人之所以为人,就是能够进行概括归纳。

归根结底,萧伯纳是弗希望人类有严格个道德理想个,伊估计希望人永远停留在巨婴阶段,弗去思考。

近年来,萧伯纳个思维更具有“轰动性”哉,伊突然提出,要搞“超人宗教”。萧伯纳,一个醪糟对各种宗教信仰冷嘲热讽个文人,在拉虚空当中发现一个新神;萧伯纳,一个对理想批驳谩骂个老头子,突然凭空炮制出一种飘渺个理想——一种对新生物个理想。

对萧伯纳有一眼了解个读者,想必也好猜到伊迟早会走到今朝个状态。萧伯纳从来弗曾,也弗希望看到事物个真相。相反,伊总要包藏祸心,拿人类同非人类个妖怪进行对比,同火星浪个怪物、斯多葛学派宣扬个无欲智者、费边主义吹捧个“经济人“、裘利斯·凯撒、齐格飞、超人等来比较。个方面,伊同伊欢喜吹捧个”精神导师“尼采是一球之火,即认为一个人越高大强壮,就越应该延边别个事物。

迭个观点当然是危险又有害个。事实浪,所有真正个欣赏侪建立在谦卑同无知带来个一种神秘当中。“弗抱希望个人有福哉,因为伊从来弗会失望。”,这种想法看上去有眼道理,仔细想来却是昏暗,沮丧,甚至包含错误。事实是,“弗抱希望个人有福哉,因为伊有机会喜出望外。” 弗抱期望,会让阿拉看到真正美丽个事物辰光,感受到更大个喜乐。只有看到过黑暗,才会感受到光线个明亮同神圣。弗曾体会虚无,就会低估天主个大能,对伊一切个胜利毫无意识。只有一无所知,才能有所知。

微小个物事好让伟大人物欢喜,观察萧伯纳就好笑的,伊显然弗好归入此类,个是我伲对伊自吹自擂“伟大”个唯一答复。正因为对谦卑个缺失,让伊同交关现代人产生对尼采式“超人”个怪异期待。哀其不幸、怒其不争交关年数之后,萧伯纳用伊特有个见识发现,再去期望当今人类按照伊期待个方向“进步”,本身就值得怀疑,大多数人老容易满足,弗会时刻按照进步文人个规划,一个又一个取得胜利。萧伯纳对迭个事实弗大满意,所以决定拿人类扔脱,投身到自我设定个“为进步而进步”当中。

萧伯纳就类似一个优生学乳母,在尝试喂小人几年老难吃个食品,结果发现弗搭调之后,伊弗是扔脱食物,而是反过来,怪罪小巨头“冇本事”,拿伊扔出窗外,又去寻一个新小人。萧伯纳弗会明白,这种弗切实际,凭空个“超人”追求,是人类交关痛苦个来源,所有建立在对“超人”幻想浪个乌托邦,侪会迅速死脱。只有伊延边,鄙夷,当作“边角料”个失败作品浪,才能繁衍出真正个文明。

当耶稣基督创立教会,冇选择才华横溢个圣保禄、冇选择神秘主义个圣若翰,而是选择一个做事体马马虎虎、势利眼、胆子小个人(此处指圣伯多禄),用个能一个普通人,作为磐石,在磐石上建立伊个教会。所有王朝帝国最终侪会没落,是因为伊拉侪是萧伯纳欢喜个“强人”建立,建立在强人哲学浪。但基督教会,建立在拉胆小人基础浪,反倒是坚弗可摧个。弗论多少牢靠个绳索,也会因为定薄弱个环节断裂,从迭个意义浪讲,我伲可以发现,绳索弗管哪能扎劲,也赢弗过伊顶薄弱个环节。

——摘自《萧伯纳先生》

4 有用
0 没用
异教徒 异教徒 8.5分

查看更多豆瓣高分好书

评论 0条

添加回应

异教徒的更多书评

推荐异教徒的豆列

了解更多图书信息

豆瓣
免费下载 iOS / Android 版客户端