吉卜林同军国主义

天猛公胡安
2019-01-08 看过

关于吉卜林(维多利亚时代有名个小说家,鼓吹白人责任同军国主义思维)。我伲首先要讲到,也是对伊顶公正个一点,是伊立在收复诗歌丢失个疆域过程当中,起到过十分关键个作用。伊弗畏惧蛮横、拘泥文字个唯物主义姿态,经常让伊深入到事物本身个浪漫、有想象力个内容当中,洞察到各式各样词汇、俚语个重要性。吉卜林这类人,好看到事物个神圣起源,晓得“冇火弗生烟”个道理,也晓得明辨何处有顶龌蹉个物事,何处也就有顶纯洁个物事。毕竟,吉卜林迭个人是有言语好讲个,并且对想讨论个事体,也有自家明确个观点。这至少好表明,伊势无畏、有胆量面对一切个。

吉卜林想要传达个信息,是伊卫衣真正专注个事体,伊卉像华兹华斯一样写一些搭僵个诗歌;会像柏拉图一样讲一些戇兮兮个言语;还同格莱斯顿一样,向纯粹政治性个话题歇斯底里,喋喋弗休。但是,明理人侪晓得伊想讲啥。唯一个问题是,伊到底想讲个内容是啥?要想拿个一点清清爽爽讲出来,顶好个方法,也许是从伊自己啊以及反对者一直强调个因素——我是讲——伊对【军国主义】个兴趣——入手。在讨论一个人真正优点个辰光,向伊个反对者求教自然是弗明智个,求教于伊自家,就更戇哉。

吉卜林崇拜【军国主义】,毫无疑问是错误个。但伊个反对者也犯了同样错误:军国主义个罪恶,弗是因为迭个思想代表了“残忍”、”反人类“同”好战“,而是因为反映出一些人骨头当中个胆怯、懦弱同费拉。当一个社会总体个勇气下降,禁卫军、龙骑兵在国家当中个地位就会越来越重要。当老百姓丢失军人个美德之后,军人就相应获得干涉民用个权利。古罗马发生过此类情况,当今欧洲,看起来又要重蹈覆辙。历史浪从来冇一个阶段痛古罗马一样,国家介欢喜打相打,而老百姓又介怯懦。所有时代,所有史诗全欢喜讴歌武器同人,但阿拉已经同时见证人个堕落同武器弗可思议个发展。军国主义只好反应罗马个衰微,同时也反映出普鲁士个衰微。

吉卜林自家可能冇意识到,伊个作品当中,军事绝对弗是顶重要,顶有吸引力个内容。伊对士兵个描绘、弗及伊对铁路工人、桥梁工人乃至记者描写出彩。实际浪,激发吉卜林对【军国主义】真正兴趣个,并弗是“勇气”,而是伊对“纪律”“秩序”个兴趣。回顾中世纪,一个国王冇常规军个时代,老百姓人人全有弓箭,勇敢之人占总人口比例要比当下高出交交关关。所以,常规军,龙骑兵吸引吉卜林个,弗是伊拉个勇气(讲到底,吉卜林对勇气冇啥兴趣),而是伊拉代表个“纪律”。现代军队从来弗曾因为勇气创造奇迹,但确实是利维坦“组织”创造个奇迹,者才是吉卜林真正所想。

吉卜林个主题,弗是战争本身应有个勇敢,而是工程师、水手、骡子同火车头侪拥有个,令伊陶醉个效率。伊会对这些投入大量精力进行描绘。总体来看,伊对和平艺术个颂扬,要比伊对战争个鼓吹有价值太多。

要承认,吉卜林主要个论点有一定价值:一切全取决于服从。从迭个角度看,弗存在纯粹欢喜享受个角落,弗存在存粹弗负责人个场化。伊宣扬个观点远非只是:一名擦拭武器个士兵因为是军人,所以应该受到尊敬;而是:烘烤面包个师傅、同裁剪衣裳个裁缝一样,侪是军人个变体。

因为秉承个能一种“多重责任观”,吉卜林天生就是世界主义者。伊生逢其时,在大英帝国寻到自家希望个例证。弗过,事实浪,立在所有类似个世界性帝国,伊是全好寻到类似个“证据”,证明自家个军国主义个。伊从英国军队中寻到个“优秀品质”,在德国军队身浪更加明显;伊欢喜吹捧个英国警察纪律,在法国警察当中更加盛行。

但吉卜林个思想当中有一个巨大空白:大致可以称呼成【爱国主义个缺乏】。也就是讲,伊赞美英国,但归根结底弗欢喜英国。赞美一个对象,总是好寻到交关理由,欢喜一个对象,却总是冇理由、冇条件个。伊之所以欢喜赞赏英国,主要是英国当代强大,而弗是因为英国本身。伊自家也承认这一点,比方在一首诗歌当中,伊就写:

假使英国个表面是——软弱、冇效率;假使英国弗是——强大,讲究实际——个么,我伲就快快个拿伊抛弃!还好伊弗是!

也就是讲,伊对英国个忠诚是有条件个,是评价后个结果。所以这种“爱国主义”是完全同其他真正爱国者弗一样个。个也是为啥伊谈论到爱尔兰爱国者辰光,满腔怒火,鄙夷个原因。伊立在语言当中有一种强烈个愤怒,更有一种世界主义者典型个高高在上:

去赞赏,去观摩,观摩介广阔个世界

一个多国公民回首往事辰光总有一丝忧郁、一个有交关风流往事个情种回顾岁月辰光总有一种惆然,吉卜林是此类概念个大师,伊是玩弄国家个作家。男人或许从调情当中夜能了解女性交关方面,但对爱情仍然一无所知;同样,一个人可能像尤利西斯一样了解交关国家,但对爱国主义还是一无所知。

吉卜林在一首讽刺诗当中,曾经质问只了解英国个人,到底了解英国啥内容。个么我伲要问伊,对于只晓得世界个人(比方讲吉卜林),伊拉好了解英国啥?当一个人有归属感辰光,世界就会成为伊个敌人。吉卜林毫无疑问了解世界,伊是世界公民,伊对英国个了解?就仿佛一个英国绅士对威尼斯个了解。伊到过英国交关趟,也停留过蛮久,但伊兵府属于英国或者任何一个国家。伊拿英国看成一个冇特殊意义个地方,就是极好个证明。因为一旦一个人在一个地方扎根,迭个地方个”他者“感就会消失,我伲就类似一棵树一样生长,拥有整个宇宙个力量。

四处奔走个人,真实个社交生活圈子比农民还要小。伊拉总是呼吸弗一样地方个空气,一生生活在一个地方个人虽然冇世界公民们眼界广阔,冇见过任何”世面”,但伊拉考虑个,是拿人类链接在一体个事体:饥饿同婴儿、女性个靓丽、好天气、坏天气个征兆,等等。

吉卜林到处瞎跑,走马观花,冇耐性称为任何地区个一份子。世界主义是伊个弱点,伊在《高贵流浪汉四个诗节》中曾经宣称,伊好忍受一切饥饿同恐惧,就是弗好忍受永远生活在一个地方。个当中当然包含着危险。一个物事越是干枯、缺少活力,冇生气,就越是容易到处游荡,灰尘是个能,蓟花个冠毛是个能,南非个高级专员同样是个能。有繁殖能力个物种一般侪更加沉静,比方讲生长在尼罗河肥沃淤泥当中果实累累个大树。

探险同扩张让世界变小,电报同轮船让世界变小,望远镜让世界变小,唯有显微镜才好让世界变大。在未来,望远镜使用者会同显微镜使用者拿世界劈成两半:前者研究宏观大事物,生活在小世界(地球村,世界是平的),后者研究小失误,生活在大世界。坐汽车飞驰地球一周,感觉阿拉伯半岛是一片沙石,或者中国只是一片稻田,一闪而过,千年个文明,无数兴衰,千千万万人个生活,全被飙车手忽视哉。现代人越拿世界看成一个时刻好环游个圆球,就越是显示出短视同愚蠢。

——摘自《论吉卜林与使世界变小》

1 有用
0 没用
异教徒 异教徒 8.5分

查看更多豆瓣高分好书

评论 0条

添加回应

异教徒的更多书评

推荐异教徒的豆列

了解更多图书信息

豆瓣
免费下载 iOS / Android 版客户端