重友者自有缘

总算系自某间广州嘅铺头入面睇到本书之后，可以再睇到呢本书了，唔同嘅系，今次可以罗哩慢慢睇。
讲饮讲食讲玩，蔡澜样样都精，偏偏我就中意睇呢本讲朋友嘅先，搜索紧系乜野原因。
唔通系因为中意睇讲倪匡先生果段，可能自己自细就系卫斯理嘅fans吧，而本书又好大篇幅讲同倪生嘅点滴。
又或者觉得，野食又好，玩嘅地方又好，毕竟呢d野可以有千万种感受，而且只有亲身感受方可领略，唔同嘅人会有唔同嘅喜好，而且主要系。。。书有得睇无得食。。。。
林哩林去，最大原因归结为，食又好，玩又好，无同好之人同行，无好友一齐分享，就始终系差d野，就好似一砖清蒸豆腐，火候功夫酱油乜都完美了，就系差果几条葱花，就无左果种升华到极致嘅感觉了。
能够相识满天下，除左要自己有甘嘅能耐，更加不可少的，还是那份珍惜朋友的心。
讲完，呢d算系睇完《蔡澜谈友》嘅心得吧。
友，人间最超脱于血缘与欲望的情也。

附一则笑话：今晚睇蔡澜叹名菜嘅节目到睇到嘅。
曾志伟话同蔡生去埃及拍戏，去到一个地方，发现蔡生一个下午已经将成条街行匀，正系度索紧水烟，而d水烟嘴系好多人吸过，志伟好奇问之，蔡生，呢支野甘多人吸过，唔会唔干净咩。
蔡生答：女仔够好多人锡过啦，甘米一样甘多人锡。
精句！忍唔住立刻拍手叫好。