老城厢:江南城市个近代化尝试搭失败

天猛公胡安
2020-01-26 看过

破旧是老城厢把一般人个第一印象

相对于陆家嘴个石屎森林、大杨浦个工人新村或者淮海路个花园洋房,位于老南市地区个【老城厢】对于交关上海人个日常生活而言已经显得有一眼遥远。虽然豫园同城隍庙个名号耳熟能详,如雷贯耳,但倘若不是逢年过节或者带异地朋友过来白相,大部分人也无啥心思对此片区域做更多探索。然而,谈到上海文化,老城厢却是横竖也弗大好绕开个地方,此地所代表的个江南文化,也构成上海城市文化顶重要个底层。本书分若干章节对老城厢个一些地标性建筑及其背后历史进行介绍,在逻辑上比较推板,但倘若当做故事书来看,还算不错,其中一些建筑个过往今夕,也足够勾勒出一幅江南城市近代化个全过程。在此对一些地标建筑做下记录,加深了解:

1、上海老城厢个所在

上海老城厢地图

上海老城厢,呈江南县城常见的圆形,县址自从设立之后,未有变化。大体在吴淞江(苏州河)以南,其设立同港务兴盛有直接关系,很大程度上,是对老早【青龙镇】个传承替代。

2、上海县自古因航运兴盛

繁荣个上海港

作为靠近大海个区域,上海在中古早期地理环境并未有太理想,经常遭受各种自然灾害(洪水、台风等),支撑此地经济发展个,毫无疑问是航运业,宋代,此地就是【市舶司】驻地。上海县城大东门外个码头区域,从元代开始就人声鼎沸,充满各种南来北往个船舶。到近古,此地逐渐成为南北货船中转个重要基地,上海市徽高头个沙船,就是对这一段历史的鲜活记忆,时至今日,上海仍然是东亚地区重要个口岸(虽然在天然港口上不如宁波,但地理重要性胜之)

3、上海城墙为防备倭寇修造

清末上海城墙旧影

上海设立县城辰光,并无任何城垣,明代中叶,倭寇肆虐,嘉靖三十二年上半年,上海就遭受三趟倭寇入侵。为防备强盗,在拉当年修造城墙,很好起到防备倭寇个作用。

上海,故未有城。嘉靖癸丑(1553年),海寇肆虐者数矣,群凶觊觎,攘臂首至,民无固心,受祸尤酷。郡侯方公忧之曰:斯城不筑,是以民委之盗也。乃建议城之。公以忠诚之心,集众思之益,酌以义布,以公发,以果于用。取田赋之裨益者于工,取佣民之受直者于费,不足,附以库钱之羡者...——潘允端·《筑上海县城记》

上海筑城后次岁,大批倭寇顺黄浦江而上,上海军民凭借城墙,击退倭寇交关趟数进攻,之后倭寇有好几趟来进攻上海,弗过全无功而返。

上海城墙个建造,标志:“老城厢”地貌个最终形成,之后,城墙之内个区域,就是城厢哉。

4、上海城个大小

上海城为圆城,周长9里,高2.4丈,同同一时期个嘉定城墙比较来看,就显得邪气低矮。天气年间,浙江平湖人吕浚担任上海知县,主持上海城墙扩建,让城墙高度厚度全有增加。

城袤一千五百七十余丈,高视旧约十之二,广视旧约十之四,则扩而大之,皆吕力也。
——董其昌·《吕侯续修城记》

到清代,上海城墙有6个城门,顺时针从东面开始看,依次有小东门、大东门、小南门、大南门、西门同北门。东南门比西北方向多,也好说明靠近黄浦江个地区比较繁荣,出入个人比较多。

上海诸城门今日位置

上海地处江南水乡,除脱陆地城门之外,为方便城里人用水同出行,有在拉小东门、大东门、西门同小南门分别开设四个【水门】,水门让【方浜】、【肇嘉浜】同护城河连接起来,老百姓可以坐船直接出入老城厢。

5、从衙门到校场——典型江南县城个构成

作为旧书市场而闻名个文庙,对过是老早作为县学个【敬业中学】

江浙地区个县城因为财力较为充裕,且儒教发达,在拉近古时代往往拥有相似度比较高个设置。同松江府、太仓直隶州个交关县城一样,上海老城厢之内也拥有县衙、文庙、城隍庙以及练武用个校场。此类场地,基本代表帝国权利到县城个延伸

1)【上海县衙】——位于宋代上海市舶司旧址,在现在黄浦区【学院路】、【县左街】之间个位置。

2)【上海城隍庙】——明代之后定型,迭个地方邪气有名,至今地址也弗曾变动过。城隍庙供奉个城隍来源众说纷纭,现在一般认为同时供奉秦裕伯同霍光。清代中期,城隍庙更成为城市商业活动个中心区域,形成一种公共性质个空间,其影响持续至今。

上海城隍庙大殿
“庙旧金山神主祠,脱沙霍像古传遗。明初改奉城隍祀,忠孝为神我相宜。”
“连朝庙祝霁风光,镇日喃喃奠酒浆。二百年来香火远,生恩万姓戴城隍。”
——《上海竹枝词》

3)【上海文庙】——宋代始建于现在个【学院路】,1853年小刀会事件后,改到现在个【文庙街】重新修造。

4)【上海校场】——一个在拉城隍庙地区【旧校场路】,另外一个在拉南门外【东江阴街】。校场作为演练军事个场所,主要供上海道台个亲兵使用。

处于豫园商业区个旧校场路

6、园林、邸宅、宫观——世俗同宗教建筑个密集分布

在拉官方建筑之外,上海老城厢之内自然同江南别个地方一样,有修造交关园林同名人府邸。留存至今个大家耳熟能详个明代园林【豫园】、已经近乎荒废个【书隐楼】、以及风貌荡然无存个【徐光启旧居】。士大夫文化在明清时代属于上层文化,其审美对江浙城市居民有决定性影响。

城隍庙-豫园地区,现在还是上海必去个旅游景点

在旧时,密布水网个上海,大户人家直接坐船出行应该是一个常态,伊拉个光宗耀祖牌坊也排列在市肆中心,同文庙、城隍庙一样,彰显了儒教在上海个统治地位。

于此同时,作为劝人向善重要手段而在拉江南大行其道个佛教,以及根深蒂固源远流长个道教(包括民间信仰)也自然要在拉老城厢占据重要个一席之地。 根据记载,老城厢个佛庙、尼庵、道观总共有100多处。个当中,保留至今个就包括康熙年间修造个【沉香阁】,以及晚近修造个【白云观】,此外,类似【大境阁关帝庙】之类个民间信仰,或者福建移民修造个【天后宫】,也是香火鼎盛之地。

地处城隍庙附近个沉香阁,是沪上著名古刹
“沉香佛像祠观音,一朵慈云拥护深。每值旱灾祈必应,杨枝水洒作甘霖。”
“花朝十二赛花神,十九观音佛诞辰。约伴向沉香阁去,桃花肩小杏衫新。”
——《上海竹枝词》

7、清末老城厢变化——吴地士绅个近代化市政建设尝试

1840年上海开埠,但老城厢发展并未收到明显影响,洋人在县城北面划定个租界,老早是一片荒芜个坟场,直至1850年代初也仅有寥寥数百人定居,远不可以同老城厢相提并论。

开埠初期个外滩

1853年爆发个小刀会以及之后个太平天国乱局彻底拿迭个局面改变,租界因为能够提供庇护,成为江浙难民个庇护所,也因此迅速走向繁荣。相比之下,老城厢反因为小刀会盘踞,发展彻底畀打乱,本来设置在老城厢个【江海关】也在战后搬迁到英租界。1860年代开始,老城厢个商业发展开始渐渐被租界赶上乃至超过,本来聚集在大东门-小南门外繁荣个十六铺商船码头,也开始慢慢较朝黄浦江北面转移。【老城厢】也从老早当之无愧个【上海城】,慢慢变成所谓【南市】。

目睹迭个过程个本地精英,在拉心态高头是蛮复杂个,伊拉一方面对租界个崛起无可奈何又十分警惕,另一方面也利用近水楼台个优势,在老城厢开展了一系列变革。在洋务运动辰光,在老城厢南侧修造个【江南制造局】便成为近代工业制造业个重要起点,而在1895年,上海【南市马路工程局】个建立,也标志现代化市政工程个起步。迭个机构完全仿造租界洋人个【工部局】,邀请士绅担当董事,由董事推选出个董事长,负责对老城厢个市政工作进行投资搭统筹。【工程局】设总董五人,为办事机关,议董三十三人,为议事机关。办事机关内分设文牍处、工程处、路政处、会计处、警务处。凡清道、路灯、开筑道路、修建桥梁、浚河填浜、兴办学堂、编设警察,以及地方一切公益事业之事,并禀设裁判所,以便诉讼。伊拉主导马路铺设、路灯搭建以及近代化警务、邮政个设立,让本身同租界差异巨大个【华界】迅速具备近代城市风貌。

到1900年代,在拉清末新政个大背景之下,【马路工程局】改组为【上海城厢内外总工程局】,宣统二年,奉文改组为【上海城自治公所】,按照《全国城镇乡地方自治章程》办理。三年,改革时改组为市政厅。 1907年,上海城厢内外总工程局个总董【李平书】发起救火联合会,并在不久之后捐资铸造一座专门个消防局,1910年,小南门火警楼正式投入使用,消防员可以在拉塔楼高头眺望到整个老城厢同码头区,迭个建筑至今仍然存在,堪称那一段历史个最佳见证。

屹立至今个小南门火警钟楼

现在回顾来看,1901-1911个十年,才是上海真正本地自治个“黄金十年”,效仿工部局管理而建立个市政自治体,在对老城厢地区个改造高头,采取循序渐进个做法,总体上是比较成功个。然而,迭个过程,在拉1911年之后悄然因为时代大局发生转向,老城厢也在拉这一大环境变化中畀最终遗弃。

8、辛亥之后——自治延续个尝试以及市政发展重心转移

辛亥鼎革,租界受到影响较小,但对于老城厢却是划时代意义个变局。利用迭个机会,沪上士绅明显加快对老城厢个改造同近代化工作。

新街道,新国旗,新上海——民国初年个美好愿景

个当中,顶重要个事体之一就是拿老早个城墙在拉1912年-1914年之中拆脱,南城墙改为【中华路】,北城墙改为【民·国路】(1949之后改叫【人民路】)。

【上海县衙】在清末逐渐成为监狱之后,在拉辛亥当中成为陈其美进驻个【沪军都督府】,为此,上海县办公场所搬到现在蓬莱路。1911-1914年,各种新工程持续推进,老城厢个发展似乎并未受到改朝换代个影响,一派欣欣向荣。

但在繁荣背后,明眼人全好看到,作为一个自治体个上海只要难以脱离全CHN大环境个语境,伊个稳定性就相当难长期得到保障。1911-1915年左右个繁荣,与其讲是辛亥带来个“新天地”,倒不如反过来讲,是因为清末个体系尚未完全破坏个回光返照。到1916年,伴随袁大头驾崩以及军阀混战局面个形成,作为一块肥肉个上海,迅速沦为各路草头王争抢个目标,缺乏自保军事实力个本地士绅,难以与南来北往个大型军阀抗衡。而超脱于混战之外个租界,却进一步彰显出自家个稳定优势,逐渐吸引到更多个来沪精英或本地土豪前往定居投资。到一战开始后,为拉拢华人精英,公共租界更逐步放开对华人董事个限制。在此之后,租界进入一阵迅速繁荣期,老城厢则愈发后劲不足。

大上海计划选定个【新市区】在拉租界东北方向,而地处租界南面个【南市】惨遭抛弃

到1920年代,老城厢在上海个地位已经更加边缘化。北伐之后,“大上海计划”粉墨登场,新一代中山装,民族复兴大梦个华人精英,拿伊拉个目光投向苏州河以北个广袤地区。没有“靠近港口”,“利于规划”优势个老城厢进一步沉寂下来,1920年代末,上海特别市建立,治所设立在拉车轮选定个江湾地区。老城厢再次降格为一个普通县城。1933年,上海县个治所也从老城厢搬到了现在闵行个北桥镇(闵行在后来交关年数当中一直扮演新“上海县”角色),而这片曾经承载江南文化同近代化尝试个区域,仿佛辰光停止一般,保留下当年个街区肌理、遗留下廿世纪初交关建筑、当然也同时经受长期个杂院化同精英阶层个长期缺席。到廿世纪中叶,此地已经以苏州河以南个“下只角”而著称哉。

老城厢破落个居住环境,充斥大量廉价石库门房子,规划同体验度全比租界地区要推板交关


老城厢也算去过蛮多趟,之前虽然划到保护风貌区域之内,但近年来拆迁速度明显加快,无论是老西门还是乔家栅,全进入到最后个解体阶段。相比十里洋场花园洋房个成功转型,受限于建筑密度同本身居住者层次个老城厢显得相形失色,在未来几年中,此地大部分很难避免走上消失个命运。倘若对此地有兴趣,现在不妨多去一下,再晚,恐怕只好在拉各种游记当中看到哉。

7 有用
0 没用
老上海城厢掌故 老上海城厢掌故 评价人数不足

查看更多豆瓣高分好书

评论 0条

添加回应

老上海城厢掌故的更多书评

推荐老上海城厢掌故的豆列

了解更多图书信息

豆瓣
免费下载 iOS / Android 版客户端